په‌نابه‌ره‌كێ رۆژئاڤایێ كوردستانێ ناڤه‌كێ ئه‌نتیكه ل زارۆكێ خوه كر
ئه‌ڤرۆ نیوز:
دایكوبابێن زارۆكه‌كێ ژ رۆژئاڤایێ كوردستانێ ناڤێ زارۆكا خوه یا ساڤا كو ل ئه‌لمانیا ژدایكبوویه، كره ئه‌نگێلا مێركل و دگه‌ل ناڤێ خێزانی دا ناڤێ سێیانی دبیته ئه‌نگێلا مێركل محه‌مه‌د.
ئاسیا فارای كو د گه‌ل هه‌ڤژینێ خوه خالدی و زارۆكێن خوه په‌نابه‌ری ئه‌لمانیا بوویه، وه‌ك نیشاندانا سوپاسییا خوه بۆ شیره‌تكارا ئه‌لمانیا ئه‌نگێلا مێركلێ ژبۆ ڤه‌حه‌واندنا وان، ل گۆری رێزبه‌رندا ناڤێن وه‌لاتێن رۆژئاڤا، ناڤێ ئێكێ یێ زارۆكا خوه كره ئه‌نگێلا و ناڤێ ناڤنجی كره مێركل و ناڤێ خێزانی ژی محه‌مه‌ده، ب ڤی ره‌نگی ناڤێ وێ یێ سێیانی دبیته: ئه‌نگێلا مێركل محه‌مه‌د.
نه ئێكه‌م جاره په‌نابه‌رێن ل ئه‌لمانیا زارۆكێن خوه ب ڤی ناڤی ناڤدكه‌ن، ژبه‌ر ڤیانا وان بۆ مێركلێ كو ل سالا 2015 ده‌رگه‌هێ وه‌لاتێ خوه بۆ پتری ملیۆن په‌نابه‌ران ڤه‌كربوو.
