وه‌زاره‌تا به‌رگرییا ئیراقێ داخویانییه‌كا مالكی ب توندی ره‌ت كر
ئه‌ڤرۆ نیوز:
فه‌رماندارییا ئۆپه‌راسیۆنێن هه‌ڤشك یا وه‌زاره‌تا به‌رگرییا ئیراقێ، داخویانییا نۆری مالكی جێگرێ سه‌رۆكێ ئیراقێ، ل دۆر رێككه‌فتنا رێكخستنا داعش یا تیرۆرستی و به‌غدا بۆ خوه‌ڤه‌كێشانا چه‌كدارێن وێ رێكخستنێ ژ تله‌عفه‌رێ، ب توندی ره‌ت كر.
د به‌یانه‌كێ دا فه‌رماندارییا ئۆپه‌راسیۆنێن هه‌ڤشك گۆت: ئه‌م ب هه‌می ره‌نگه‌كی داخویانییا هنده‌ك ئالییان ره‌ت دكه‌ین كو ب مخابنی ڤه خۆیا كربوو، قاره‌مانێن ئیراقێ شه‌ر نه‌كرییه و دگۆت رێككه‌فتنه‌ك هه‌یه، مه‌ره‌م ژ وێ داخویانیێ چێكرنا به‌هانه‌یان بوو ژبۆ رێككه‌فتنا لبنان و حكومه‌تا سووریێ د گه‌ل داعشێ دا.”
سه‌رۆكوه‌زیرێن ئیراقێ دوهی رزگاركرنا تله‌عفه‌رێ راگه‌هاند، ژ ئالیێ خوه ڤه مالكی د به‌یانه‌كێ دا پشته‌ڤانییا رێكه‌فتنا سووریێ و لبنانێ يا ڤه‌گۆهاستنا داعشێ بۆ سه‌ر سنۆرێ ئیراقێ كربوو و گۆتبوو: هه‌می دزانن كو تله‌عفه‌ر ب شه‌ری رزگار نه‌بوویه، به‌لكو ب رێككه‌فتن د گه‌ل داعشێ دا بوویه.”
