چاڤدێره‌كێ سیاسى – 70% ژ خه‌لكێ سلێمانیێ ل گه‌ل ریفراندۆمێ نه
ئه‌ڤرۆ نیۆز،عه‌زیز ره‌سوڵ هه‌ورامانی
چاڤدێره‌كێ سیاسى ل پارێزگه‌ها سلێمانیێ دیاركر كو ئێدى نابیت ده‌م بهێته كوشتن و بو هه‌مووان یا روونه كو پێدڤى یه ریفراندۆم بهێته ئه‌نجامدان و سلێمانى ئه‌و باژێره نینه كو گره‌وێن جاشاتیێ لسه‌ر بهێنه‌كرن.
سۆران سێوه‌كانه‌یی چاڤدێرێ سیاسى ل سلێمانیێ دیاركر كو هه‌ر چه‌نده به‌لێ یا خه‌لكێ سلێمانیێ یا خه‌مباره به‌لێ گرنگ هه‌ر به‌لێ یه و بۆ ئه‌ڤرۆ نیوز گۆت: ( گروپێ به‌ره‌یێ نه‌خێر بو هه‌مووان سه‌لماند كو خه‌لكێ سلێمانیێ جاش و خوه فرۆش نینن و بو هه‌موو وان كه‌سان گوت كو سلێمانى ئه‌و باژێر نینه گره‌وێن جاشاتیێ لسه‌ر بهێنه‌كرن ، سه‌ره‌راى كو هه‌ول و بزاڤێن زور هاتینه‌كرن بو خرڤه‌كرن و به‌شداریپێكرنا خه‌لكى د كه‌رنه‌ڤالا نه‌خێر دا به‌لێ ب هه‌موو شێوه‌یان ڤه شكه‌ستن ئینا ، ئێدى نابیت ده‌م بهێته كوشتن و بو هه‌مووان یا روونه كو پێدڤى یه ریفراندۆم بهێته ئه‌نجامدان و سلێمانى ئه‌و باژێره نینه كو گره‌وێن جاشاتیێ لسه‌ر بهێنه‌كرن)
زێده‌تر گۆت: (سلێمانیێ سه‌لماند ژى كو هه‌ر كه‌سێ دوو په‌یڤ بو وان گوتن نابیت ب دوڤ بكه‌ڤن ، ب هزرا من ب رێژه‌یا 70% ژ وه‌لاتیێن سلێمانیێ دێ ب به‌لێ ده‌نگى بو ریفراندۆمێ ده‌ن ، ئه‌و حزبێن كو هه‌تا نها خوه ئێكلانه‌كرى ، جه‌ماوه‌رێ وان دێ ب به‌لێ ده‌نگى بو ریفراندۆمێ ده‌ت و محاله كه‌سه‌كێ كورد هه‌بیت بچیته سه‌ر سندوقا ده‌نگدانێ و مانه‌ڤا ل گه‌ل عیراقێ هه‌لبژێریت و بێژیت من ده‌وله‌تا كوردستانێ نه‌ڤێت)