ب وێنه – پیروزترین دار ل ده‌ڤه‌را بارزان دهێته پاراستن
فوتو و زانیارى ، نه‌وزاد هلورى:
دارا دازا كو ب ئێك ژ پیروزترین دارێن ده‌ڤه‌را بارزان دهێته نیاسین و ل سه‌رده‌ما شوره‌شێن بارزان ئێك بوویه ژ بنگه‌هێن شوره‌شێ د نهادا به‌ر ب نه‌مان و دانعه‌مربوونێ ڤه دچیت ، وه‌لاته‌كێ ژى لسه‌ر كیسێ خوه ئه‌ركێ درۆستكرنا دیوارێن پالپشت و په‌رژانان بو دارێ ب ستویێ خوڤه گرت.
فه‌تاح محه‌مه‌د وه‌لاته‌كێ كومه‌لگه‌ها وه‌لاتژێرى یا سه‌ر ب ده‌ڤه‌را بارزانه بو ئه‌ڤرۆ نیوز گۆت: ( دارا دازا ئێكه ژ دارێن هه‌رى گرنگ و پیروز ل ده‌ڤه‌را بارزان و ل سه‌رده‌ما شێخ ئه‌حمه‌د بارزانى و شێخ عه‌بدولسه‌لام بارزانى ئێك بوویه ژ بنگه‌هێن شوره‌شێ و چه‌ندان جاران ئه‌وان ل بن دارا دازان بێهنا خوه دایه و پلانێن به‌ر ب پێشڤه‌برنا شوره‌شێ داینه)
زێده‌تر گۆت: ( ژبه‌ركو ژیێ دارا دازان گه‌له‌ك بوریه ، هنده‌ك ژ تایێن وێ كه‌ڤنار بوینه و شكه‌ستینه ، داكو رێك ل به‌ر زێده‌تر یا ژ ناڤچوونا وێ بهێته‌گرتن و وه‌كو كه‌لتوره‌ك بمینیته‌ڤه دنهادا وه‌لاته‌كێ خێرخواز لسه‌ر كیسێ خوه دیوارێن پالپشت و به‌رژانێ سیمه‌یى بو درۆستكریه)
