باژێرڤانيا زاخو ل تابلویەکا کورەک تیلیکۆم هاتە دەنگ
ئەڤرو نيوز :
پشتی کو کومپانیا کۆرەک تیلیکوم ریکلامەک ل بەرامبەر پرا دەلال ل زاخۆ دانای ، ئەڤێ یەکێ دەنگڤەدانەکا زۆر ل سەر جاددە و تورێن جڤاکی ب تایبەتی ل زاخو ب دوڤ خوەدا ئینا ، سەرۆکێ باژێرڤانیا زاخۆ ژی بێ ئاگەهداریا خوە ل دانانا ئەوێ تابلویێ دیارکر.
بژار مونیر زاخۆیی سەرۆکێ باژێرڤانیا زاخۆ دیارکر کو ئەو ئاگەهدارێ دانانا تابلویا ریکلاما کومپانا کۆرەک تیلیکوم ئەوا کو ل بەرامبەر پرا دەلال هاتیەدانان نینە و گۆت: (مە وەکو باژێرڤانیا زاخۆ چوو پەیوەندی ب تابلویا کورەک ڤە نینە ، ئەز بخوە نە ل گەل دانانا ئەوێ تابلویێ مە و دڤیابا ل شوونا وێ وێنەیێ سەرۆک بارزانی یان وێنەیێ سومبولەکا کورداتی یان ژی پێشمەرگەی ل وێرێ هاتبایە دانان)
سەرۆکێ باژێرڤانیا زاخۆ لسەر پەیجێ تایبەتیێ خوە ل تورا جڤاکی یا فێسبوک زێدەتر گۆت: ( یا درۆست ئەوە کو رێڤەبەریا شینواران ب رێیا قایمقامێ زاخۆ نڤیسارەکێ بدەتن خودانێ وارگەهێ دەلال ل دور ڤێ یەکێ)