دیدار، له‌زگین جوقی:
عه‌بدولسه‌لام شه‌عبان، به‌ربژێرێ هه‌ژماره 27 ل سه‌ر لیستا پارتی دیموكراتی كوردستان بازنێ دو ل نه‌ینه‌وا بۆ جڤاتا نوونه‌رێن عیراقێ دیاركر دێ ل جڤاتا نوونه‌رێن عیراقێ كار كه‌ین بۆ بجه ئینانا هه‌موو مادده و برگێن دستوورێ عیراقی دا كو عیراق ببیته عیراقا هه‌موویان و دێ ل جڤاتا نوونه‌رێن عیراقی ل سه‌ر تایبه‌تمه‌ندیا كوردێن ئێزدی و مه‌سیحیان كار كه‌ین.
ئه‌ڤرۆ: مه‌ره‌ما ته ژ چوونا به‌غدا چیه؟
عه‌بدولسه‌لام شه‌عبان: به‌رنامه‌كێ باش مه دانایه بۆ خزمه‌تكرنا وه‌لاتیان و به‌ره‌ڤانیكرنێ ژ مافێن گه‌لی كوردستانێ ل جڤاتا نوونه‌رێن عیراقێ، ئێك ژ به‌رنامه‌یێن مه ئه‌وه هه‌كه چووینه جڤاتا نوونه‌رێن عیراقی دێ بۆ ڤه‌گه‌ریانا ئاواران كار كه‌ین چونكو هێشتا گه‌له‌ك ژ خه‌لكێ ده‌شتا نه‌ینه‌وا ئاواره‌نه نه‌شیاینه ڤه‌گه‌رنه سه‌ر جهێن خوه ب تایبه‌تی ژی كوردێن ئێزدی و مه‌سیحی دێ كار كه‌ین هه‌موو ئاواره بزڤرنه سه‌ر جهێن خوه و ماددێ 140 یێ دستووری بجه بهێت دا كو خه‌لكێ مه ب مافێن خوه شاد بن”.
به‌رنامێ ته چیه بۆ ئێكلایكرنا ده‌ڤه‌رین ماددێ 140؟
عه‌بدولسه‌لام شه‌عبان: پارتی دیموكراتی كوردستانێ خودانا زۆرترین ده‌ستكه‌فت و شانازیی یایه خه‌باتێ دكه‌ت بۆ بجه ئینانا هه‌موو مادده و برگێن دستوورێ عیراقێ دا كو عیراق ببیته عیراقا هه‌موویان و دێ ل جڤاتا نوونه‌رێن عیراقێ كار كه‌ین بۆ ڤه‌گه‌راندنا ده‌ڤه‌رێن كێشه ل سه‌ر هه‌یی ئه‌ڤ كاره دێ ب رێیا بجه ئینانا ماددێ 140 یێ دستووری هێته كرن دێ هه‌موو كارا كه‌ین ژبۆ ب دووماهی ئینانا ره‌وشا ئالوز ل ده‌شتا نه‌ینه‌وا و ڤه‌گه‌ریانا ئاواران بۆ سه‌ر جهێن وان.
ئه‌ڤرۆ: بۆ ئاڤاكرنا ژێرخانه‌یا ئابۆری ل ده‌شتا نه‌ینه‌وا دێ چ كار كه‌یی؟ع
عه‌بدولسه‌لام شه‌عبان: د وارێ وه‌به‌رهێنانێ دا دێ ل جڤاتا نوونه‌رێن عیراقێ كار كه‌ین ل وانكێ و تلكیفێ و باشیك و به‌حزانێ ببنه خودان پرۆژێن وه‌به‌رهێنانێ دا ده‌لیڤێن كاركرنێ بۆ خه‌لكی په‌یدا بن دێ كار كه‌ین قانوونه‌ك بهێته ده‌رخستن وه‌به‌رهێنان ژ باژێران بهێته ڤه‌گوهاستن بۆ قه‌زا و ناحیان دا ره‌وشا خه‌لكێ مه باش بیت مه زۆر به‌رنامه هه‌نه دێ جڤاتا نوونه‌رێن عیراقی ل سه‌ر كاركه‌ین وه‌كو گرنگیدان ب كه‌رتی ساخله‌میێ و گرنگیدان ب پرۆژێن خزمه‌تگوزاری وه‌كو ئاڤ و كاره‌ب دا ژێرخانا ئابۆری بهێته ئاڤاكرن ل هه‌موو ده‌ڤه‌ران.
پشته‌ڤانیا به‌ربژێرێن پارتی ل وانكێ و تلكێفێ و باشیك چاوایه؟
عه‌بدولسه‌لام شه‌عبان: دێ ل جڤاتا نوونه‌رێن عیراقێ ل سه‌ر تایبه‌تمه‌ندیا كوردێن ئێزدی و مه‌سیحیان كار كه‌ین كو پارتی دیموكراتی كوردستان هه‌رده‌م گرنگی ب پێكڤه‌ژیانێ و لێبۆرینا ئایینێ دایه، دێ ئه‌زموونا هه‌رێما كوردستانێ ڤه‌گوهێزینه هه‌موو پارێزگه‌هێن عیراقێ دێ ل جڤاتا نوونه‌رێن عیراقی بۆ ده‌ستڤه‌ئینانا مافێن نه‌ته‌وه‌یی و نشتیمانی كاركه‌ین كو عیراق ببیته وه‌لاتیه‌ك بۆ هه‌موویان دێ به‌ره‌ڤانیێ ژ مافێن هه‌موو ئایین ونه‌ته‌وه‌یان كه‌ین بێ جۆداهی نوكه هه‌موو ئاین و نه‌ته‌وه پیشته‌ڤانیا پارتی و به‌ربژارێن پارتی دكه‌ن چونكو پارتی پارتیا هه‌موویانه.
ئه‌ڤرۆ: بۆ ئه‌نجامدانا سه‌رژمێریا گشتی ته چ به‌رنامه هه‌یه؟
عه‌بدولسه‌لام شه‌عبان: پێدڤیه سه‌رژمێریا گشتی ل عیراقی بهێته ئه‌نجامدان ئه‌گه‌ر چووینه جڤاتا نوونه‌رێن عیراقی دێ ل سه‌ر ئه‌نجامدانا سه‌رژمێریا گشتی كاركه‌ین ئه‌ڤه به‌رنامێ پارتی دێ رژدی كار ل سه‌ر هێته كرن دا كو مافێن گه‌لی كوردستانێ دابین بكه‌ین.
نيشاندان