چاڤەڕێ‌ دهێتە كرن ل ناڤەڕاستا ڤێ‌ مەهێ‌ هەردو یانەیێن پارێزگەهێ‌ تیما یانەیا دهۆك و یانەیا پۆلیتەگنیك پشكداری قارەمانییا جیهانێ‌ یا ڤەكری بۆ یارییا كیكبۆكسینگێ‌ بن، ئەوا ژلایێ‌ فیدراسیۆنا نێڤدەولەتی یا كیكبۆكسیگێ‌ WAKO سالانە ل دویڤ بەرنامەیێ‌ رێكخستی ل باژێرێ‌ ئستەنبۆل یا توركیا دهێتە رێكخستن.
ل دور ڤێ‌ یەكێ‌ سالح كەكۆ راهێنەرێ‌ یانەیا دهۆك و هەلبژارتیێ‌ ئیراقێ‌ بۆ رۆژنامەیا ئەڤرۆ گۆت: بڕیارە هەردو یانەیێن دهۆك ب ئێك یاریزان ئەوژی مستەفا فەرسەت بۆ كێشا 86 كگم یا سیستەمێ‌ لۆكێك و یانەیا پۆلیتەنكینك ب سێ‌ یاریزانان ئەو ژی سەركەفت ئەمین بۆكێشا – 91كگم سیستەمێ‌ لایی كۆنتاك، عەبدولقادر عەلی بۆ كێشا 63.5 كگم سیستەمێ‌ لۆكیك و ئەیهەم ئێحسان بۆ كێشا 67 كگم سیستەمێ‌ فۆل كۆنتاك پشكداری قارەمانییا كۆپا جیهانێ‌ یا ڤەكری بن ئەوا دێ‌ ل 17 ڤێ‌ هەیڤێ‌ ئستەنبۆلێ‌ هێتە كرن كو دهێتە چاڤەڕێ‌ كرن نێزیكی 3000 یاریزانێن كوڕ و كچ زێدەتری 50 وەلاتان ل سەر ئاستێ‌ جیهانێ‌ پشكداربن.
ژلایەكێ‌ دیڤە ناڤهاتی دیاركر وەكو راهێنەرێ‌ یانەیا دهۆك دێ‌ دگەل پشكداربیت و هەروەسان كوڕێ‌ باژێرێ‌ دهۆكێ‌ و دادڤانێ‌ نێڤدەولەتی زێرەڤان سالح فەقی دگەل راهێنەرێ‌ پۆلیتەكنیك مەلەڤان كامیران و گۆت: بەرهەڤیێن نوونەرێن پارێزگەهێ‌ بەردەوامن سەرباری ئەركێ‌ مە ب سانەهی نابیت ژبەركو دهێتە پێشبینیكرن باشترین یاریزانێن ل سەر ئاستێ‌ جیهانێ‌ ژی پشكداربن ژبەركو فیدراسیۆنا نێڤدەولەتی ئەڤ قارەمانییە فەرمی دانایە، لێ‌ یا د شیان دا بیت یاریزانێن مە دێ‌ دناڤ دەپێ‌ شەڕی دا بۆ هەڤڕكیێ‌ كەن و گەشبینیم یاریزانێن مە دێ‌ بنە هەڤڕكێن دژوار هەتا دووماهی چركا یاریێ‌.

پشتی ب دووماهی هاتنا یاریێن گەڕا 26 ژ هەڤڕكیێن خولا ستێرێن ئیراقێ‌ یا فوتبۆلێ‌ یانەیا دهۆك بەردەوامە ل سەر ئەنجامێن لاواز بۆ یارییا دویێ‌ ل دووڤ ئێك و یا 10ێ‌ نە شیا سەركەفتنێ‌ بینت، پشتی د گەل مێڤانا خوە یانەیا حدود یا بەغدایی بێ‌ گۆل وەكهەڤ بووین، ئەڤ ئەنجامە كۆمەكا پشتەڤانێن وێ‌ ژ یاریزان و راهێنەری تۆرەبووینە، هەروەسان ژبەر ڤان ئەنجامان تیما پارێزگەهێ‌ چەندین خال ژ دەستداینە و ب 40 خالان رێزا شەشێ‌ ل سەر لیستێ‌ دهێت، د پرێسكۆنفرانسێ‌ پشتی یاریێ‌ دا یاریزان و راهێنەرێ‌ گۆلپارێزێن دهۆكێ‌ ئەگەڕێن پاشڤەچوونا ئاست و ئەنجامان بڤی شێوەیی دیاركریە.
خالد عەتییە راهێنەرێ‌ گۆلپارێزێن دهۆكێ‌ گۆت: پێنەدڤیا بۆ یاریا حدود مە سێ‌ خالێن یاریێ‌ كربوونە ئارمانج لێ‌ مخابن ئەنجام ب وەكهەڤییا بێ‌ گۆل هات، ئاریشەیا مە دووركەفتنا چەند یاریزانێن خودان شیان ژبەر هنگاڤتنێ‌ و هەروەسان گڤاشتنێن گەشتا ژ باژێرەكی بۆ باژێرێ‌ دی پێخەمەت ئەنجامدانا یارییان، مە گەلەك بزاڤ كرن بۆ سەركەفتنێ‌ لێ‌ چەنس مە نەبوو، گەشبینم بۆ یاریێن داهاتی و پشتی ڤەگەڕیانا یاریزانێن هنگاڤتی ڤەگەڕینە سەركەفتنان، داخوازا لێبۆرینێ‌ ژ پشتەڤانێن یانەیێ‌ دكەین بۆ ژ دەستدانا دو خالان.
ژلایێ‌ خوەڤە وەلید سەلمان هێرشبەرێ‌ دهۆكێ‌ گۆت: وەكو دیار بەری یاریێ‌ ب دو رۆژان ژ باژێرێ‌ كوت ڤەگەریابووینە باژێرێ‌ خوە و یاریزان د وەستیایی بوو ژبەر گەشتێ‌، ئەڤە تەپا پێی یە سەركەفتن، وەكهەڤی و خوسارەتی هەنە، یاریزانان یا د شیان دا پێشكێشكر سەرباری نە پشكدارییەكا كۆمەكا باش یا یاریزانان ژبەر هنگاڤتنێ‌ و كارتێن رەنگین، ئەم سۆزێ‌ ددەینە پشتەڤانێن خوە بۆ یاریێن بهێت ئەنجامێن باش ب دەستڤە بینن.

قەیس وەیس:

فیدراسیۆنا فوتبۆلا كوردستانێ‌ باشترین راهێنەر، یاریزان و گۆلپارێزن وەرزێ‌ 2023-2024 یێ‌ خولا پلا نایابا كوردستانێ‌ دەستنیشانكرن، پشتی وەرگرتنا دەنگێن سەرجەم راهێنەر، دەزگەهێن راگەهاندنێ‌ و كاپتنێن تیمێن پشكدار د خولێ‌ دا وەرگرتین، تێدا هەرسێ‌ ناسناڤێن باشترینان یانەیا ئاكرێ‌ كونترۆلا وێ‌ كر.
ل دیڤ راوەرگرتنا دەنگێن هاتینە دان، هەژار سابر راهێنەرێ‌ یانەیا ئاكرێ‌ ژ سەرجەمێ‌ 49 دەنگان 47 دەنگ وەرگرتن و بوو باشترین راهێنەرێ‌ وەرزێ‌ 2023-2024ێ‌ یێ‌ خولا نایابا كوردستانێ‌، راهێنەرێ‌ یانەیا پێشمەرگەیا هەولێرێ‌ سەمیر بابۆ ب تنێ‌ دو دەنگ ب دەستڤە ئینان، ل سەر باشترین یاریزان هێرشبەرێ‌ یانەیا ئاكرێ‌ ئەركان مەنسۆر ب كۆمكرنا 29 دەنگان رێزا ئێكێ‌ هات و بوو باشترین یاریزان، دانا كامیران ژ یانەیا پێشمەرگەیا هەولێرێ‌ ب10 دەنگان رێزا دویێ‌ هات، یادگار ئیبراهیم ژ یانەیا سەید سادق ب پێنج دەنگان رێزا سێیێ‌ و بیلال سالح ژ یانەیا برایەتی ب دو دەنگان رێزا چارێ‌ هات، ژلایێ‌ خوەڤە ژی گۆلپارێزێ‌ یانەیا ئاكرێ‌ ناسناڤێ‌ باشترین گۆلپارێزێ‌ كوردستانێ‌ ب دەستڤە ئینا ب كۆمكرنا 24 دەنگان، یێ‌ دویێ‌ دلێر حاتم ژ یانەیا هندرین ب17 دەنگان، هۆگر عەلی ژ یانەیا زاخۆ ب سێ‌ دەنگان رێزا سێیێ‌ دەستڤەئینا و هەڤال بەهادین ژ یانەیا شێروانە ب سێ‌ دەنگان رێزا چارێ‌ هات.
بۆ زانین تیما یانەیا ئاكرێ‌ بۆ جارا ئێكێ‌ د دیرۆكا خوە ناسناڤێ‌ وەرزێ‌ ئەڤ سالە یێ‌ خولا پلا نایابا كوردستانێ‌ ب دەستڤە ئینا پشتی شیایی ب كۆمكرنا 50 خالان سەرێ‌ لیستا خولێ‌ بهێت و پێشكەڤیت ژ نێزكترین هەڤڕكا خوە پێشمەرگەیا هەولێرێ‌ ئەوا ب 49 خالان رێزا دویێ‌ هاتی، هەروەسان یانەیا دهۆك ب كۆمكرنا 36 خالان رێزا 15ێ‌ و بەری دووماهیێ‌ هاتبوو و پاشڤە چوو پلا ئێكا كوردستانێ‌.

شاهۆ فەرید:

ئەڤرۆ ل دەمژمێر 10ی شەڤ جەماوەرێ وەرزشی چاڤەرێ ئێكەم یانە بن ئەوا دێ‌ شەڕی بۆ ب دەستڤە ئینانا پلێتا دەربازبوونێ‌ بۆ یارییا دوماهییا قارەمانییا یانەیێن ئۆرۆپا قارەمانێن خۆلا چامپیونز لیگ كەن، ژ چارچووڤەیێ‌ یاریا چوونێ و ئێكلاكەر، ئەوا دێ‌ دناڤبەرا خودانێن ئەردی پاریس سانجێرمان یا فرەنسی و بورۆسیا دۆرتمۆند یا ئەلمانی هێتە كرن، بۆ زانین یارییا ئێكێ‌ دا ئەوا ل ئەلمانیا هاتیە كرن و خودانێن ئەردی ب گۆلەكێ‌ سەركەفتن ئینابوو.
یانەیا پاریس سان جێرمان یا فەرەنسی دناڤا یاریگەها خوە پارك دی فرانس دێ مێهڤانداریا یانەیا دۆرتموند یا ئەلمانی كەتن پشتی یاریا چوونێ توشی كەستنێ بووی ب گۆلەكێ بێ‌ بەرانبەر، لەوما یارییا ئەڤرۆ دا دڤێت دو گۆلا و زێدەتر توماربكەتن دا بگەهیتە فینالا چامپیۆنزێ‌ و خەونا جەماوەرێ خوە و كارگێریا یانەیێ هندە سالە بكەنە راستی و ناسناڤێ چامپیونزا ئێكێ د دیرۆكاخوەدا بینن، دگەل ڤێ یاریێ دێ بیتە یاریا هەشتێ دناڤبەرا هەردو یانەیان بۆ هەر یانەكێ دو سەركەفتن و سێ جارا وەكهەڤ بووینە، سەرپەرشتیا راهێنەرێ خوەیی ئسپانی لویس ئێنریكێ ئەوێ ئەڤی وەرزی ئاستەكێ جێواز نیشاندایی و شیایین ژ كوما ئاگرینی دەربازبن، د داخویانیەكا رۆژنامەڤانی دا گۆت: دێ مە بەرسڤەكا باش بۆ دۆرتموند هەبیت ڤێ یاریێ و بەرسڤا دەین ئەنجامەكێ نە چاڤەرێ كری و پشت راستی بگەهینە یاریا دووماهیێ، ئەڤێ یاریێ پاریس دێ بێ پشكدارییا بەرەڤانێ‌ خوە لوكاس هێرناندزی، پێكهاتەیێ پێشبینی كری 3-3-4 بیت گولپارێز، دوناروما، هێلا بەرگیریێ، مێندیش، سكرینار، ماركینیوس، ئەشرەف حەكیمی، هێلا ناڤین، ئێمری، ڤیتینیا، فابیان، روێز، هێلا هیرشبەریێ باركۆلا و مپاپێ دێمبلێ.
ژلایێ‌ خوەڤە یانەیا دورتموند یا ئەلمانی دیاریا بوری دا سەركەفتن ئینابوو د ناڤا یاریگەها خوە دا ئەرگێ ویێ زەحمەتە دناڤا یاریگەها یانەیا پاریس بۆ سەركەفتنێ پلێتا دناڤا دەستێت خوەدا موكومتر لێبكەتن و ئەڤ یاریە بۆ جەماوەرێ دورتموند تایبەتن ژبەر یاریێن چوونا كاپتنێ یانەیێ ماركۆ رویسی، د داخویانیەكیەكا رۆژنامەڤانی دا راهێنەرێ دورتموند یێ ئەلمانی ئێدین تیرزیچ گۆت: یا پێدڤی ئەم وەكهەڤیێ‌ بینن لێ مە سەركەفتن ژی دڤێتن یاریا هاتنێ دا چێدبیت كاریگەریا جەماورێ پاریس لسەر تیما خوە سەركەفتنێ بینن لێ ئەم باشترین كێمەكێ ژوان و چەنس ژی تا رادەكێ گەل مەیە، پێكهاتەیێ پێشبینی كریێ دورتموند شێوازێ 3-3-4 بیت، گولپارێز، كوپێل، بەرگیریی، ماتسین، زولە، رایرسون، شلوتربیك، هێلا ناڤین، ئێمری، چان سابیتزر، براندنت، هێرشبەری، سانچو، فولكروچ، ئادێمی.