سولین سلێمان
ژبەركۆ هەرێما كوردستانێ جهەكێ گەشتیارییە، كەرتێ گەشتیاری ژی بەردەوام د نوو بوون و پێشكەفتناندایە، حوكمەتا هەرێما كوردستانێ گرنگیەكا زۆر دایە كەرتێ گەشتیاری، ئەو ژی بوویە ئەگەرێ وێ چەندێ د ڤێ جەژنێدا پتریا گەشتیاران سەرەدانا ناوچەیێن جیاوازێن دەڤەرێن كوردستانێ كریە، ل دۆر ئامارێن دەستەیا گەشتەگوزارا گەرێما كوردستانێ پتری ٣٠٠ هزار گەشتیاران سەرەدانا كوردستانێ ل رۆژانێن جەژنێدا كرینە.
ئیبراهیم عەبدولمەجید پەیڤدارێ دەستەیا گەشتوگوزاریا هەرێما كوردستانێ بۆ رۆژناما ئەڤرۆ گۆت ”هاتنا گەشتیاران ژ بۆ هەرێما كوردستانێ دووبارە بازار لڤاندیە و كارتێكرنەكا زۆر ل سەر ئابووریا هەرێما كوردستانێ هەیە و گۆت: هاتنا گەشتیاران مفایێن زۆر هەنە، چونكۆ ئەو پارێن گەشتیار گەل خۆ دئینن پشكەك ژ وێ ب رێكا باجێ كۆ هاتیە دانان بۆ حوكمەتا هەرێما كوردستانێیە، وەكی ئەم دبینین ژی پێشكەفتنێن كەرتێ گەشتیاری ل كوردستانێ د بەردەوامن.
محەمەد عەزاوی گەشتیارەكە ل بەغداڤە هاتیە سەرەدانا هەولێرێ كریە بۆ رۆژناما ئەڤرۆ گۆت ”رۆژەكی بەری جەژنێ ئەز هاتیمە هەولێرێ و نێزیكی ١٠ رۆژان مامە ل هەولێرێ، د پلانا خۆ دا من دانایە سەرەدانا پترین جهێن كوردستانێ بكەم، چونكی كوردستان گەلەك جهەكێ خۆش جوانە و سروشتەكێ جوان ژی هەیە.
گۆت ژی ”ژبەركۆ ئەڤ جەژنە یا جیاواز بوو، چونكو نەوروز ژی بوو و پشتی وێ جەژن بوو، ل گەل وێ ژی ئەم د مەها رەمەزانێدا بووین، پتریا جهان دگرتی بوون، ئاشكرا ژی كر ” ئەز گەلەك سەرەدانا كوردستانێ دكەم، چونكو خزمەتگوزاریێن وێ ژی ژ ئیراقێ باشترن و خەلەكەكێ باش هەیە.
نيشاندان