هەولێر، قائید میرۆ:
پەیڤدارێ وەزارەتا كارەبێ ئاشكرا كر، ڤێ حەفتیێ دێ بڕیارا لێخۆشبوونا قەرێ كارەبێ چیتە د بیاڤێ بجهئینانێ دا، ل هەرێما كوردستانێ ملیۆن و 900 هزار پشكدارێن كارەبێ هەنە و دبێژیت: بڕیارا لێخۆشبوونا قەرێ كارەبێ دێ كاریگەری ل سەر وەلاتیان هەبیت.
ئومێد ئەحمەد، پەیڤدارێ وەزارەتا كارەبێ بۆ رۆژناما ئەڤرۆ دیار كر، سەرۆكێ حوكمەتا هەرێما كوردستانێ بڕیارا لێخۆشبوونا 20%ێ یا قەرێ كارەبێ دەركریە، بەلێ ژ بەر بێهنڤەدانێن جەژنێ ڤێ حەفتیێ دێ بڕیارا لێخۆشبوونا قەرێ كارەبێ چیتە د بیاڤێ بجهئینانێ دا و گۆت: «خەلكەكێ زۆر ژ بڕیارا سەرۆكێ حوكمەتا هەرێما كوردستانێ دێ مفادار بیت، چونكی ل گورەی بڕیارێ، هەر وەلاتیەكێ قەرێ كارەبێ ڤەگەڕینیت دێ 20%ێ بۆ هێتە كێمكرن، ئەڤە ژی هاریكاریەكا باشە بۆ وەلاتیێن قەردارێ كریا كارەبێ».
ئومێد ئەحمەد گۆتژی: «ل سەرانسەری هەرێما كوردستانێ نێزیكی یەك ملیۆن و 900 هزار پشكدارێن كارەبێ هەنە و یەك ترلیۆن و 300 ملیار دینارێن قەرێ كارەبێ ژ ئالیێ پشكدارێن كارەبێ نەهاتینەدان، ئانكو قەرەكێ زۆرێ كریا كارەبێ نەهاتیە ڤەگەڕاندن، ژبلی وەلاتیان جهێن بازرگانی و گشتی ژی قەرێن كارەبێ ڤەنەگەڕاندینە».
نيشاندان