زنار توڤی:
دەرهێنەر سەهیم عومەر خەلیفە، بۆ رۆژناما ئەڤرۆ دیار كر: هەتا نوكە د پرانیا فلمە فیستەڤالێن دهۆكێ دا من پشكداری تێدا كریە، هەروەسا من ب كورتە فلمێ وەلاتێ قەهرەمانا، فلمێ مێسی بەغدا، فلمێ نێچیرڤانێ خراب، فلمێ زاگرۆس كو فلمێ ئۆپنینگێ بوو ل هەمان فیستەڤال ل گەرێن بوری من پشكداری تێدا كریە، دیسان ئەڤ سالە ژی ل گەرا دەهێ یا فلمە فیستەڤالا دهۆك یا نێڤدەولەتی فلمێ من “ مێسی بەغدا” فلمێ ئۆپنینگێ بوو، ئەڤ چەندە جهێ دلخۆشیا من بوو، هەروەسا هەبوونا ڤێ فلمە فیستەڤالێ شانازییەكا مەزنە بۆ من، ئەڤە گرنگترین و مەزنترین فلمە فیستەڤالە ل سەر ئاستێ هەر چار پارچێن كوردستانێ و بۆ كوردێن دەرڤەیی وەلاتی ژی دهێتە گێران، دیسان ل رۆژهەلاتا ناڤین و باكورێ ئەفریقیا ژی فلمە فیستەڤالا دهۆكێ گەلەك ناڤودەنگێ خۆ هەیە.
ناڤهاتی زێدەتر گۆت: ئەز گەلەك یێ كەیف خۆشم، كو ئەڤ سالە ژی فلمێ من بوویە فلمێ ئۆپنینگێ، كو ئەو فلمە من ل دهۆكێ و هەولێرێ وێنەكریە، هندەك دیمەنێن وی فلمی رۆژەكێ مە ل پارێزگەها نەینەوا ژی چێكرینە، بۆ دەمێ دو هەیڤان مە دیمەنێن وی فلمی وێنەكرینە، د وی فلمی دا مە گەلەك گرنگی ب كوردستانێ دایە، هەر چەندە فلم ب زمانێ عەرەبی هاتیە چێكرن، بەلێ نڤێسەر و ئەكتەر و دەرهێنەرێن وی فلمی هەمی كوردن، ل هەیڤا ئێك ل سالا بهێت دێ ل سینەمایێن كوردستانێ و عێراقێ هێتە نیشادان، هەروەسا هەر ئەڤ سالە فلمێ دكیۆمێنتاری جوانیا عێراقێ یا ڤەشارتی، كو د پشكا پێشپركا فلمێن كوردی دایە ل فلمە فەستیڤالا دهۆكێ، د هەمان دەمدا، رێڤەبەرییا گشتی یا رەوشەنبیری و هونەری ل پارێزگەها هۆكێ گەلەك هاریكارییا من كرییە د چێكرنا فلمان دا.
نيشاندان