دیدار، سالار محەمەد دۆسكی:

عەبدولعزیز گۆتە تاهر زێوەی ل مەیدانكێ‌ یە و من گۆت دێ‌ خوە گەهینمێ‌ و هایداری دەبابا نەبووم و حەمۆ كەمكی هات گۆت دەبابە گەهشتینە سەرسنكێ‌ وی دەمی تاهر زێوەی شەهید بوو، كەفتینە ناڤ دەبابا و من گۆتە هەڤالێن خوە قورتال كەن ئەز خلاس نابم، من ئێكێ‌ لەشكرێ‌ ئیراقێ‌ دیت و دەستێ‌ خوە درێژكر و من هاڤێتێ‌ و ڕەڤی و ئەز ژی لایێ‌ دی رەڤیم و ب هەمی چەكی هاڤێتە من و گەهشتمە گوپكی من عەبدولعزیز تەیب دیت، و مە خودانە بەر بەرەكی و ئەم قولپینە شیف چناركێ‌ و هندەك پێشمەرگێن مە هاتبوونە سەر قەسیسێن جادا صەدام بوو شەڕ و مە گۆت دێ‌ خوە گەهینێ‌ دا پێكڤە قورتال ببین، و تەقە سست بوو و مە هزر كر پێشمەرگە شەهید بووینە، و ئەم ل گڤاندێ‌ ب سەركەفتین 12 جندی هاتنە بەر سینگێ‌ مە و عەبدولعزیز گۆت تەقێ‌ نەكە و بارانەكا بوش لێكر وەك سیلاڤەكێ‌ بوو، و ئەز و عەبدولعزیز چووینە دقونیا ئاڤێ‌ دا پشت سیلافێ‌ و كەوك ژی هاتە وێرێ‌ هەر سەحكرە سیلاڤێ‌ من گۆتە عەبدوعزیز كەس مە نابنیت، چونكە كەو گەلەكێ‌ هشیارە ومەنابیت و جندی ژی هاتنە نێزیك سیلاڤێ‌ روینشتن و ئەم حەفتی سپێدێ‌ ماینە دئاڤێ‌ دا هەتا حەفتی مەغرب، و دونیا تاری بوو دەركەفتین هەتا زوهابووین و بەر ب مەتینی چووین بانكێ‌ سپێدێ‌ گەهشتین، شەڤ بوو مە هندەك مرۆڤ دیتن و مە هزرا پێشمەرگەیی نە دكر، و (عەبدولعزیز) گازیكر هوون كینە (عەلی بەندی) گۆتێ‌ ئەمین ئەو (ئیحسان ئامێدی) و چەندین پێشمەرگە بوون، ئەم بووینە (12) ئەو سێ‌ رۆژ بوو مە خوارن نەخواری و گەلەك مەتینی گەریاین مە چ تشتەك نەدیتن بخوین، و دووڤدا بەرەێڤەبووین مە حەیوەانەكێ‌ كەهی دیت و مە خوار و دەربازبووین، گەلەك شەرێن دی ژی وەك ئەڤان دناڤبەرا من و مرنێ‌ دا چەند چركە ماینە و سوپاس بۆ خودێ‌ قورتال بوویمە.
پێشمەرگەیێ‌ هەر دو شۆڕەشێن ئیلونێ‌ و گۆلانێ‌ گۆت: گەلەك جاران چوویمە دیوانا (شێخ ئەحمەد بارزانی) وی گەلەك بەحسێ‌ ئاینی دكر نڤێژ و روژی و زەكات و خیانەت و حەرامی هندی من دیتی بەحسێ‌ سیاسەتێ‌ نەدكر، بەلكو بەحسێ‌ كوردینیێ‌ دكر، وی دەمی حزبایەتی نەبوو و ئەگەر ئێكی مرۆڤ دیتبا دا بێژی چ كەسی دا بێژی پێشمەرگێ‌ (مەلا مستەفا بارزانی) مە وی دەمی مە بۆ كوردنیێ‌ دكر، و كەسەكێ‌ نەزانی حزبایەتی چیە، ل سالا 1962 ئێك هەبوو دگۆتنێ‌(خالد ئاژگەی) وی رێكخستنێن پارتی دكرن، وی دەمی من ئابوونە ددا (50) فلس بوون، ل سالا 1968 جارا ئێكێ‌ پێشمەرگەی مووچە دانە مە هەیڤانە (5) دینار بوون و گەلەك جاران پێنچ هەیڤان جارەكێ‌ بوون و گەلەك كەیفا مە دهات.
هەمان پێشمەرگە گۆت: رێزگرتن بۆ (مەلا مستەفا بارزانی) بەلێ‌ باشترین سەركردێ‌ كورد (ئدریس بارزانی)بوو، هندەك شیان لنیك ڤی مرۆڤی هەبوون گەلەك جودابوون، سیاسەتمدارەكێ‌ گەلەك بهێز بوو و دشەڕان ژی گەلەكێ‌ شارەزا بوو و هەمان دەم (ئدریس بارزانی) بۆ مرۆڤی دبوو هەڤال و گەلەك هەڤالێ‌ من بوو، دژیانا خوە هەمیێ‌ دا من هەڤال وەك وی نەدیتی نە و نابینم ژی، و دەمێ‌ وەغەركری دژیانا خوە هەمیێ‌ دا وەكی وێ‌ رۆژێ‌ عاجز نەبوویمە و قێرین كەفتە مە چونكە مە زانی ئەو چەند بوو.
پێشمەرگێ‌ هەر دو شۆڕەشێن ئیلۆن و گولانێ‌ گۆت: دەمێ‌ ل ئیرانێ‌ ل سالا 1976ێ‌ مللەت گەلەكێ‌ بێ‌ سەربەربوو و رەنگ هندەكا 10 فلس نەبوون و رۆژەكێ‌ هاتمە دەف (ئدریس بارزانی) و من بەحسێ‌ رەوشا خەلكی بۆ كر و من خواست چارەكێ‌ ل گەل ئیرانێ‌ بكەن هەر چ نەبیت خەلك بخوە كار بكەت و ی دەمی موختارێ‌ وێ‌ دەڤەرێ‌ بووم و ئامارا خەلكێ‌ دەڤەرا لێ‌ دژیام من گەهاندێ‌ و جامێری بۆ هەر وەلاتیەكی دو دینار و نیڤ دانە من وی دەمی ئەو پارە گەلەك بوو و من گۆتێ‌ نابم چونكە دێ‌ خەلك هزر كەن تە پتر داینە و من پارە راكرینە وی گۆت بتنێ‌ من هزركربا دێ‌ دزی من پارە رادەستی تە نەدكرن، من ژ خواست بتنێ‌ كوژمێ‌ پارەی بنفیست بێ‌ ناڤ نڤێسین گۆت بلا كوژمێ‌ پارەی سەر كاغەزەكێ‌ نڤێسی و گەلەك كەیفا من هات و خەلكێ‌ مە ژ تەنگاڤیتێ‌ دابوو رەوشا وان باشتر لێ‌ هات ڤێ‌ جارێ‌ گەلەك كەیفا من هات..دیسا دێ‌ بەحسێ‌ بیرهاتنەكا دی ژی كەم دەمێ‌ برایێ‌ من (سەعدوللا) شەهید ب بوو وی دەمی رێككەفتنا 11ی ئادارێ‌ هاتبووكرن كو هەر شەهیدەكی حكومەتا ئیراقێ‌ (365) دینارێن عیراقی دانێ‌ وی دەمی مە نفوس نەبوو، و گەلەك هاتم و چوون نفوسا مە دروست نەبوو، و رەحمەتی (ئدریس بارزانی ) ژی گەلەك بزاڤكرن و دووماهی جار چوومە نیك و من مە نفوس نینە و دڤێت بچمە بەغدا و ئەز ژی ناچم، گۆت باشە هەكە ئەز قائیمقامێ‌ تەبم و ئاریشا تە چارەسەر بكەم چەوایە، من گۆتێ‌ قوربان ژ من زێدەیە جەنابێ‌ هەوە بیتە قائیمقامێ‌ مە، گۆت هەر شەهیدەكی چەندێ‌ دەنێ‌ من گۆتێ‌(365) دیناران، گۆت (370) دینارا دەمە تە و جانتێ‌ خوە ڤەكر و پارە رادەستی من كرن و (10) دینار بۆ هاتن و چوونا من ژی دانە من، و گۆت ب رێكا حزبێ‌ ژی هەیڤانە دێ‌ (10) دیناران مووچێ‌ شەهیدان ژی دەمە تە، و گەلەك كەیفا من هات و هندی یێ‌ ساخ دامە، ئانكو هندی پارە نەی مە مووچێ‌ وی وەردگریت و هندی ب پارە كەفتین مووچێ‌ شەهیدیێ‌ ژی هاتە برین، وی دەمی لدووف رێككەفتنێ‌ پارچێن عەردی ژی ل سەر شەهیدان دهاتنە بەلاڤەكرن و پارچەكا عەردی ل رەواندز دا من.
عەبدواللا دوسكی گۆت: مەترسی ل سەر مللەتێ‌ كورد نینە چونكە كاودانێن نوكە ناخازن شەر بهێتەكرن و دیسا سیاسەتمدارێن مە دزیرەكن (مەسعود بارزانی) مرۆڤەكێ‌ گەلەك زیرەكە، ب هزرا من باشترین سیاسەتمدار بۆ ڤێ‌ قوناغێ‌(نێچیرڤان بارزانی) یە مرۆڤەكێ‌ گەلەكێ‌ زیرەك و پەیوەندیێن باش هەنە، كاودانێن ناڤخوە ژی گەلەك جاران بووینە رێگر و هەر شۆڕەشەكا كوردی یا نێزیكی سەركەفتنێ‌ بووی كاودانێن ناڤخوە تێكچووینە هەر ژ دەمێ‌ (شێخ سەعیدێ‌ پیران، قازی محەمەد، شێخ محمودێ‌ حەفید، مەلا مستەفا بارزانی) سالا 1975ێ‌ و هەتا ئەڤرۆ ژی.
ل دووماهیێ‌ پێشمەرگێ‌ هەردو شۆڕەشێن ئیلۆن و گولانێ‌ گۆت: داخازێ‌ ژ سەركردایەتی یا كوردستانێ‌ دكەم خەباتا ڤی خەلكی ژبیر نەكەن، چونكە ئەڤ شۆڕەشە ب ساناهی نەهاتیە، هیڤدارم ل خەلكی بزڤرن چونكە خەلكی گلە و گازندە هەنە و هاریكاریا خەلكی بهێتەكرن تایبەت خێزانێن شەهیدان و ئەنفالكریان و زیندانیێن سیاسی نەهێنە ژبیركرن، ئەگەر ب مادی هاریكاری بۆ نەهێتەكرن بلا ب مەعنەوی هاریكاری بۆ بهێتەكرن، و سەردان بۆ خێزان و كەس و كارێن شەهیدان هەبن، چونكە روح ناهێتەكرین و ئەڤە روحا خوە گوری ئاخا كوردستانێ‌ كرینە، مخابنی ڤە سەردانێن مالێن شەهیدان نینە، داخازێ‌ ژ جەنابێ‌ سەرۆك بارزانی و سەرۆكێ‌ هەرێمێ‌ و سەرۆكێ‌ حوكمەتێ‌ دكەم هاریكاریا خەلكی بكەن.