یاریزانێ ڕەڤەندا كورد ل ئۆرۆپا و هەلبژارتیێ ئۆلمپیێ ئیراقێ بلند ئازاد گرێبەستا خوە دگەل یانەیا گرافشاپ یا هۆلەندی بۆ دو سالان نوو كر و بەر ب كەمپێ راهێنانێ یێ یانەیا هۆلەندی چوویە ژبۆ پشكداریێ دگەل تیما خوە یا دویێ بۆ وەرزێ نوو یێ خولێ و قارەمانیێن ئۆرۆپا.
ل دووڤ دەنگۆباسێن هاتینە بەلاڤكرن بلند ئازاد یێ 23ێ سالی گرێبەستا خوە هەتا هاڤینا 2025ێ بۆ ماوەیێ دو سالان نووكر ل سەر داخوازیا كادرێ راهێنانێ خوە بەرهەڤكرن بۆ وەرزێ نوو یێ خولا پلا دو یا هۆلەندا ئەڤچەندە هات پشتی شیایی وەكو یاریزانەكێ كاریگەر ئاستەكێ باش نیشان بدەت.
د نووترین داخویانییا خوە دا بلند ئازاد گۆت: پێخوەشحالم دۆبارە من گرێبەستا خوە نووكریەڤە دگەل یانەیا خوە، من ئارمانجێن مەزن هەنە ژ وانا دەستڤەئینانا ناسناڤێ خولا هۆلەندا و دگەل هەڤالێن خوە دێ هەمی بزاڤان كەین ب گەهینە ئەڤێ ئارمانجێ، كەیفخوەشم وەكو كوردەك ل یانەكا مەزن.
بۆ زانین یاریزانێ ڕەڤەندا كورد ل هۆلەندا بلند ئازاد حەسەن ژ دایكبوویێ 2003ێ باژێرێ ئارینهیم ل وەلاتێ هۆلەندا هاتییە سەر دونیایێ، هەردو رەكەزنامەیێن هۆلەندا و ئیراقێ یێن هەین و نوكە ژی یاریزانێ هەلبژارتیێ ئیراقێ یێ ئۆلمپی یە.
بلند ئازاد گرێبەستا خوە دگەل گرافشاپ نوو كر
نيشاندان