خانما سترانبێژ ناتالیا سەران، ل وەلاتێ ئەرمەنستانێ ژ دایكبوویە و نوكە ل بەرلین ل ئەلمانیا دژیت، د دیدارەكێ دا بۆ رۆژناما ئەڤرۆ دیار كر: ئەو دناڤا مالباتەكا هونەری دا مەزن بوویە، كو دایكا وێ مەیرەما حەمید و خالێن وی سترانبێژ بووینە و چەندین ستران ل رادیۆیا ئێریڤانێ بەلاڤ كرینە، و ل سالا 2005 وێ ب رەنگەكێ فەرمی ستران ل سەر دەپێ شانۆیێ ستران گۆتینە، هەرەسا دایكا وێ گەلەك پشتەڤانی ل وێ كریە كو ئەو سترانان بێژیت، هەر چەندە ئەو پارێزەرە ل گەل هندێ كارێ هونەری ژی دكەت، هەروەسا وێ نووترین بەرهەمێ خوە ب شێوەیێ دویت ل گەل هونەرمەند ئاراسی ب شێوەیێ ڤیدیۆ كلیپ بەلاڤكریە و سترانا وی ژی ب ناڤێ (ئای ناز ) ە یە و تێكست و ئاوازا وێ سترانێ یا فۆلكلۆری كوردییە و كارێ مۆزیك و میكس و ماسترینگێ ژ لایێ رێناس میرانی ڤە بۆ هاتییەكرن و هەروەسا د وێ ڤیدیۆ كلیپێ دا گرۆپێ زۆزان ل بەرلینێ ل ئەلمانیا پشكداری د وێ كلیپێ دا كریە.
ناتالیا سەران زێدەتر دبێژیت، ئەڤە جارا ئێكێ یە بەرهەمەكی ب شێوەزارێ كرمانجیا خوارێ چێدكەت، ئەو حەز دكەت وێ ب رەنگەكێ باش ئەو سترانە گۆت بیت و ئەو سترانە ژ دەرهێنانا رێناس میرانییە و ل ئەلمانیا هاتیە وێنە كرن و گۆت ژی: هەتا نوكە وێ چەندین سترانێن سینگل و كلیپ بەلاڤكرینە و هەروەسا د نوكە دا ئەو كار ل سەر تۆماركرنا هندەك كارێن دیتر یێن هونەری دكەت و وێ ڤیایە ب رێیا هونەرێ خوە هەردەم خزمەتا ستران و مۆزیكا كوردی یا رەسەن بكەت، ل گەل هندێ وێ دڤێت سەرەدانا هەرێما كوردستانێ بكەت و چەندین كارێن هونەری ژی ل كوردستانێ ئەنجام بدەت و ل ئورۆپا ژی هێشتا هندەك ئاستەنگ ل پێشیا وان هەنە دەمێ كارەكێ هونەری ئەنجام ددەنن چونكی موزیكژەنێن كورد ژیك د دوورن و هەتا رادەكی ئەڤ چەندە دبیتە زەحمەتییەك ل بەراهیا كارێ وان، بەلێ هەر ئەو كارێ خوە ئەنجام ددەن.
ناتالیایێ كلیپەكا نوو بەلاڤ كر
نيشاندان