ئامێدیێ، محمود نهێلی:
ژ بۆ چارەسەركرنا جهێ سەرژێكرنا گیانەوەران ژ لایێ گۆشتفرۆشێن دێرەلۆكێ ڤە، جهەكێ تایبەت بۆ هاتیە چێكرن و ژ ئەڤرۆ وێڤە نابیت گۆشتفرۆش ل بەر دەرگەهێ گۆشتفرۆشێن خوە پەزی سەر ژێ بكەن.
رێبەر سادق، رێڤەبەرێ ناوچەداریا دێرەلۆكێ بۆ رۆژناما ئەڤرۆ دیار كر، ژ بو چارەسەركرنا ئاریشا گۆشت فرۆشێن دێرەلۆك و بۆ خوە پاراستن ژ نەخوەشیا تایا خوینبەربوونێ، ژ لایێ باژێرڤانیا دێرەلۆكێ ڤە جهەكێ تایبەت هاتیە چێكرن و دەستنیشانكرن بۆ سەر ژێكرنا ئاژەلی و گۆت: «هەر ژ ئەڤرۆ رۆژا دو شەبی و وێڤە دڤێت ئاژەل ل ڤی جهی بهێنە سەر ژێكرن، دیسا دڤێت قوربانێن جەژنێ ژی هەر ل ڤی جهی بهێنە سەر ژێكرن».
گۆتژی: «ل ڤی جهی هەموو مەرجێن ساخلەمیێ و ڤێتێرنەری تێدا هەنە، ژ ئەڤرۆ وێڤە هەر كەسەك، ب تایبەتی ژی گۆشتفرۆش ژبلی ڤی جهی، ل جهەكێ دیتر ئاژەلی سەر ژێكەن دێ ل دووڤ رێنمایان و یاسایێ سەرەدەری د گەل دا هێتە كرن».
نيشاندان