ئەڤرۆ
هەولێر، سولین سلێمان
دگەل هاتنا هەیڤا رەمەزانێ پێدڤیێن خارنێ ژی گران بوینە، ب تایبەتی ژی گوشت كو د هەیڤا بوریدا بهایێ گوشتی ژ بۆ سەدێ 50 بلند بوویە، ب جۆرەكی نۆكە بهایێ كیلۆیەكا گوشتی ل هەولێرێ گەهشتیە 23 هزار دیناران.
هوگر عەزیز خودانێ ئێك ژ فروشگەهێن گوشتی بۆ رۆژناما ئەڤرۆ گۆت: ئەگەرێ بلندبوونا بهایێ گۆشتی ژ بەر كێمیا بەرهەمێ ناڤخویە، ئەڤ چەندە ژی بوویە ئەگەر بهایێ گوشتی ب ڤی جۆری بلند ببیت و گۆت: ئەگەرەكێ دیێ گران بوونا گوشتی ئەوە بهایێ ئالیكی ژی زۆر بلند بوویە، چونكی ئێك تەنا ئالیكی بهایێ وێ ب 650 هزارا دینارایە.
ئاماژەكر: گولكێن كوردی كیلۆیا وان حەفت هزار 500 دینارایە و ئاژەلێن دی یێن هاوردەكری ژی كیلۆیا گوشتێ وان ب شەش هزار 500 دینارانە، لێ خەلكی پتر حەزا ل سەر یێن خومالی هەین.
فیراس سدیق رێڤەبەرێ سامانێن ئاژەڵان ل وەزارەتا چاندنا حوكمەتا هەرێما كوردستانێ بۆ رۆژناما ئەڤرۆ گۆت: زێدەتر ژ 48 هزار تەنێن گوشتی ل ناڤخۆ دهێتە دابین كرن و 40 هزار تەنێن دی ژی ژ دەرڤە دهێنە دابین كرن و گۆت: سالانە هەرێما كوردستانێ دێ شێت 250 تەنێن گوشتێ مریشكان بەرهەم ئینیت و پێدڤی ب 147 هزار تەنایە.
ل دۆر ئامارێن وەزارەتا چاندنێ ل هەرێما كوردستانێ چوار ملیون و 597 هزار ئاژەلێن مەزن و بچیك هەنە.
نيشاندان