ئهڤرۆ، ههرهین محهمهد:
فلمه فیستهڤالا دهۆك یا نێڤدهولهتی یا كو ل رۆژا 1/12/2022 ل هۆلا كۆنگران ل زانكۆیا دهۆك نیشادانا فلمێ (بووكا بارانێ) یێ دهرهێنه (حسێن حهسهن) هاتیه ڤهكرن و چهندین فلمێن كوردی و بیانی (كورته فلم، فلمێن درێژ، فلمێن دیكیۆمێنتاری) هاتینه نیشادان، سوبههی رۆژا 8/12/2022 پشتی راگههاندنا ئهنجامان فلمه فیستهڤالا ناڤهاتی دێ ب دووماهی هێت.
ئهڤرۆ، ههرهین محهمهد:
دهرهێنهر رێبهر دۆسكی، وهكو ژووری ئهڤ ساله پشكداری فلمه فیستهڤالا دهۆك یا نێڤدهولهتی بوویه دبێژیت: ههر سال ب خوشیهكێ فیستهڤال دهست پێ دكهت و ئهڤ ساله ژی ب روحهكا دی فیستهڤال دهستپێكریه و دخوازم ههموو بینهر دكهیفخوهش بن بۆ دیتنا فلمان و ئهڤ ساله ژی فلمێن خوهش ههنه ل سهر خوهشی و نهخوهشی و جڤاكێ كوردی و ههموو كهس دشێن پشكداری فلمه فیستهڤالا دهۆك بن بۆ دیتنا فلمان.
دژوار سهلمان، بهرپرسێ هۆلێن سینهمایێ ل دهۆك مۆل گۆت: ل هۆلێن دهۆك مول ههر ژ دهمژمێر 10:00 سپێدێ ههتا 6:00 ئێڤاری فلم دهێنه نیشادان و بتنێ سهرپهرشتیێ دكهین و ناهێلین چ خهلهتی بهێنهكرن ل سهر ههموو گرۆپان و یا گرنگ ئهوه و من دیت خهلك ب ههموو حهزا خوه دهێن بۆ دیتنا فلمان و پتریا وان حهزا وان ل سهر فلمێن كوردی یه و پتر ژ یێن بیانی و خهلكێ مه تێهنیێ فلمێن كوردی یه و دهمێ دبیته دهمێ نیشادانا فلمی قهرهبالغهكا مهزن چێدبیت.
میلا ژووریا فلمێن كوردیه ل فلمه فیستهڤالا دهۆك یا نێڤدهولهتی دبێژیت: بۆ جارا ئێكێ یه پشكداری فلمه فیستهڤالا دهۆك دبم و بۆ من ئهزموونهكا نوو و خوهشه پشكداری فیستهڤالهكا كوردی دبم و شانازیێ ب وێ یهكێ دبهم ژووریا فلمێن كوردی مه، گهلهك یا ب هیڤی مه ل سالێن بهێت ژی پشكداری ههمان فیستهڤال ببم، ههروهسان وورك شۆپان ژی پێشكێش دكهم ل پهیمانگهها گۆتی یا ئهلمانی پرۆگرامێ نوهات.
سهباحهتین شهن، ژووریێ فیبریێسكایه، دهربارهی فلمه فیستهڤالا دهۆك یا نێڤدهولهتی دبێژیت: بۆ جارا ئێكێ یه دهێمه باژێرێ دهۆكێ و ئهڤ فیستهڤاله گهلهك یا گرنگه بۆ دهرهێنهرێن دهۆكێ و ههرێما كوردستانێ و ئهكتهر و دهرهێنهرێن ههر چار پارچێن كوردستانێ خوه د ڤێ فیستهڤالێ دا دبینن و یا دیار بۆ ژی خهلكێ دهۆكێ گهلهك حهز ژ فلمه فیستهڤالێ دكهن، لهورا گێرانا ڤێ فلمه فیستهڤالێ سالانه یا گرنگه.
نيشاندان