ئه‌ڤرۆ، به‌رپه‌رێ‌ ساخله‌میێ‌:

ساخله‌میا سێكسی د هه‌ر ژیه‌كی دا یا گرنگه‌، حه‌زا مرۆڤی بو به‌رده‌وامیدان ب حه‌زژێكرنێ‌ و دلینیێ‌ ب دووماهی ناهێت، شیانێن سێكسی وه‌كو عه‌مرێ‌ بیست سالیێ‌ نامینن، به‌لێ‌ دشیاندایه‌ جهێ‌ رازیبوونێ‌ بن، لایه‌نێن ساخله‌میا سێكسی ئه‌وێن دگه‌ل مه‌زنبوونا مرۆڤی دیاردبن بزانه‌ و بزانه‌ دێ‌ چاوا تو و هه‌ڤژینا خوه‌ پێكڤه‌ خوشیێ‌ ده‌ربازكه‌ن؟

هه‌ڤبه‌ندی چاره‌یه‌:

بو پاراستنا ساخله‌میا خوه‌ یا سێكسی، دگه‌ل هه‌ڤژینا خوه‌ باخڤه‌، وه‌خته‌كی بو هه‌ستێن خوه‌ یێن سێكسی ته‌رخان بكه‌، هه‌ڤژینا خوه‌ تێبگه‌هینه‌ ته‌ چ داخوازی ژێ‌ هه‌نه‌، دگه‌ل سوزێن خوه‌ یێ‌ راستگو به‌.

ساخله‌میا سێكسی و سێكسێ‌ ئێمن

ژن هه‌تا ژیێ‌ هیڤیبوونێ‌ دشێن دوگیان ببن، دهێته‌ پێناسه‌كرن ب ڤه‌برینا عاده‌یا هه‌یڤانه‌ بو ساله‌كێ‌ ل دووڤ ئێك، هه‌كه‌ تو یا چالاكی ژلایێ‌ سێكسی ڤه‌، باشتره‌ ئالاڤێن زارۆنه‌بوونێ‌ ب كاربینی هه‌تا دگه‌هیه‌ ژیێ‌ هییڤیبوونێ‌، پسیارێ‌ ژ ژ نوشدارێ‌ خوه‌ یێ‌ تایبه‌تمه‌ند بكه‌ هكه‌ تو بزانی تو مفای ژ ئالاڤێن زارۆنه‌بوونێ‌ نابینی، داكو یێن باشتر بوته‌ دیاربكه‌ت، پێدڤیه‌ هه‌موو ئه‌ندامێن خێزانێ‌ د هه‌موو عه‌مران دا زانیاری ل سه‌ر سێكسێ‌ ئێمن هه‌بن، پێدڤیه‌ ده‌مێ‌ كریاره‌كا سێكسی یا نه‌ره‌وا ژده‌رڤه‌ی بازنه‌یێ‌ خێزانێ‌ دهێته‌ ئه‌نجامدان كۆندوم بهێته‌ ب كارئینان، بێژه‌ نوشدارێ‌ خوه‌ باشترین رێكێن خوپاراستنێ‌ ژ نه‌خۆشیێن سێكسی چنه‌،  هه‌كه‌ ته‌ و هه‌ڤژینێ‌ ته‌ چ نه‌خوشی نه‌بن پێدڤی ب نیگه‌رانیێ‌ ناكه‌ت، به‌لێ‌ هه‌تا تو پشت راست دبی وه‌ چ ئاریشه‌ نینن پێدڤیه‌ رێكێن خوپاراستنێ‌ ب كاربینی.

پیراتی و ساخله‌میا سێكسی یا زه‌لامان:

هورمونێ‌ تیستوستیرون روله‌كێ‌ گرنگ د پاراستنا ساخله‌میا سێكسی یا زه‌لامی دا دبینیت، ب گشتی ئاستێ‌ هورمونێ‌ تیستوستیرون ل ده‌ڤ زه‌لامێن دانعه‌مر كێمتره‌ ژ گه‌نجان، ئاستێ‌ هورمونی به‌ره‌ به‌ره‌ دگه‌ل قوناغا پێگه‌هشتنێ‌ كێم دبیت – ب رێژا 1% پشتی ژیێ‌ 30 سالیێ‌.

دگه‌ل مه‌زنبوونا زه‌لامی، زه‌كه‌رێ‌ وی ده‌مه‌كێ‌ درێژتر دڤێت هه‌تا دگه‌هیته‌ قوناغا هه‌لچوونێ‌ و دبیت زوی ژ سێكسی ب دووماهی نه‌هێت، ئاریشێن په‌یتبوونا زه‌كه‌ری پتر لێ‌ دهێن، گه‌له‌ك ده‌رمان یێن هه‌ین هاریكاریا زه‌لامی بكه‌ن بو هندێ‌ بشێت ب دروستی ب كریارا سێكسی راببیت.

پیراتی و ساخله‌میا سێكسی یا ژنان:

ده‌مێ‌ ژن دگه‌هیته‌ عه‌مرێ‌ راوه‌ستیان ژ عاده‌یا هه‌یڤانه‌، ئاستێن ئه‌ستروجینی ل ده‌ڤ وێ‌ كێم دبن، ئه‌ندامێ‌ مێینه‌ یێ‌ ژنێ‌ تێك دچیت و هشك دبیت و زوو هه‌ست ب فیریانێن سێكسی ناكه‌ت، ئه‌ڤ چه‌نده‌ دبیته‌ ئه‌گه‌ر هه‌ستێن دلینیێ‌ كێم ببن و گرنگیێن وێ‌ بو سێكسی بهێنه‌ گوهارتن.

دگه‌ل ڤێ‌ چه‌ندێ‌ ژی هنده‌ك ژن هه‌نه‌ دبیت پتر خوشیێ‌ ژ سێكسی ببینن و ئالوز نه‌بن ژ دوگیانیێ‌، ئه‌و گوهورینێن ب سروشتی د له‌شیدا په‌یدادبن ئه‌و دبنه‌ ئه‌گه‌ر كو ژن هه‌ست بكه‌ت بو زه‌لام حه‌زناكه‌ت وه‌كو به‌رێ‌ سێكسی دگه‌ل بكه‌ت.

ئه‌ڤرۆ، بێوار شكری:

د.عبدارزاق حسن صالح دۆسكی، تایبه‌تمه‌ندێ‌ نه‌خۆشیێن دفن و گوه و گه‌وریێ‌ دیاركر نشته‌رگه‌ریا ڤه‌كرنا بوریا هه‌ناسێ‌ نه‌ ژ نشته‌رگه‌ریێن مه‌زنن، به‌لێ‌ په‌نجا گشتی بو دهێته‌ دانان، د هنده‌ك حاله‌تان دا پێدڤی ب تیمه‌كی نه‌، وه‌ك وه‌ره‌مێن سه‌ر و ملا، و ئه‌ڤ نشته‌رگه‌ریه‌ به‌هراپتر بو وان نه‌خۆشا دهێته‌كرن، ئه‌وێن ل چاڤدێریا چر دهێنه‌ نڤاندن ، ژبه‌ر هه‌ر ئه‌گه‌ره‌كێ‌ هه‌بیت، وه‌ك نه‌خۆشێن جه‌لتا و یێن روودانا، ل چاڤدێریا چر ددانه‌ سه‌ر ئامیرێ‌ هه‌ناسا ده‌ستكرد،  ب رێیا بوریه‌كێ‌ بو ده‌مێ‌ دو تا سێ‌ حه‌فتیا، و گۆت: هه‌كه‌ ره‌وشا نه‌خۆشی هه‌ر نه‌یا باش بو، و نه‌شێن وێ‌ بوریا هه‌ناسێ‌ راكه‌ن، وی ده‌می ب نه‌چاری پێدڤیه‌ ئه‌ف نشته‌رگه‌ریه‌ بو بهێته‌كرن، دا بشێن وی ئامیری راكه‌ن.

د.عبدالرزاق حسن دۆسكی، دیاركر ژی ئه‌ف نشته‌رگه‌ریه‌ بو هنده‌ك نه‌خۆشێن دی ژی دهێته‌كرن، و ل چاڤدێریا چر نینن، وه‌ك نه‌خۆشێن وه‌ره‌مێن سه‌ری و ملا ب تایبه‌ت وه‌ره‌مێن گه‌وریێ‌، وگۆتژی: گه‌له‌ك جارا د روودانێن ده‌ڤی  وسه‌روچاڤا، وه‌ره‌م بو دروست دبن و نه‌شێن بوریا هه‌ناسا ده‌ستكرد بو چێكه‌ن، ده‌مێ‌ ل هه‌ردولا ئاریشه‌ هه‌بیت و نۆشدارێ‌ بێهۆشكرنێ‌ نه‌شێت په‌نج بكه‌ت، ئه‌م ڤێ‌ نشته‌رگه‌ریێ‌ بو دكه‌ین، ب رێیا په‌نجا خوجهی بو چێكه‌ن، هنده‌ك نه‌خۆشا قونێره‌ك ل ئه‌رزنكا وان په‌یدادبیت و مه‌زن دبیت، هنده‌ك ژ وان پێدڤی ب ڤێ‌ نشته‌رگه‌ریێ‌ دبن.

د.عبدارزاق حسن صالح دۆسكی دیاركر ژی ئه‌ف نشته‌رگه‌ریه‌ پتر بو مه‌زنا دهێته‌كرن، بو زارۆیا دكێمن، ماوێ‌ ڤێ‌ نشته‌رگه‌ریێ‌ نیڤ ده‌مژمێره‌، به‌هرا پتریا وان نه‌خۆش یێ‌ ل چاڤدێریا چر، مفایێن نشته‌رگه‌ریێ‌ ئه‌ون، نه‌شێن نه‌خۆشی ل سه‌ر ئامیره‌ی راكه‌ن، و ژمفایێن دی بو نه‌خۆشی ئه‌وه‌، سینگێ‌ وان دهێته‌ پاقژكرن ژ بلغه‌می و ئوكسجینا وان دێ‌ بسانه‌هیتربیت، و گۆت: نه‌خۆش دێ‌ شێت خوارنێ‌ خۆت و هشیاربیت، و د چه‌ند رۆژان دا دێ‌ ژ چاڤدێریا چر ده‌ركه‌ڤیت، ده‌مێ‌ نه‌خۆشه‌كی وه‌ره‌مێن سه‌ر و ملا ب گشتی هه‌بن، و هه‌ناسا وی هاته‌گرتن و ئوكسجینا وان هاته‌خار، هه‌كه‌ ئه‌ڤێ‌ نشته‌رگه‌ریێ‌ نه‌كه‌ن و ئوكسجین نه‌ما دێ‌ ژیانا خوه‌ ژ ده‌ست ده‌ت.

هه‌روه‌سا دیاكر، هه‌كه‌ د دو سێ‌ حه‌فتیان دان نشته‌رگه‌ریێ‌ ئه‌نجامنه‌ده‌ن، تا هه‌یڤه‌كێ‌ ما دێ‌ هه‌ودانێن سینگی بو چێبن، و دڤان حاله‌تان دا رێژا مرنێ‌ پتره‌، و رێژا ئاریشێن سینگی پتره‌، هندی زووتر نشته‌رگه‌ری بو نه‌خۆشی بهێته‌كرن مفایێن وێ‌ پترن.

د.عبدالرزاق حسن صالح دۆسكی، تایبه‌تمه‌ندێ‌ نه‌خۆشیێن دفن و گه‌وری و گوها زێده‌تر گوت: یا گرنگه‌ پشتی ئه‌نجامدانا نشته‌رگه‌ریێ نه‌خۆش چ یێ‌ چاڤدێریا چربیت یان نه‌، ب زڤرنه‌ چاڤدێریا چر، چنه‌بیت بو ماوێ‌ رۆژه‌كێ‌، ل سه‌ر ئامیرێ‌ هه‌ناسا ده‌ستكردبیت، دا رێژا ئوكسجینێ‌ و co2 زێده‌نه‌بیت، چونكو ئه‌و ئامیرێن چاڤدێریا چر ڤان رێكدئێخیت، و نۆشدارێن تایبه‌تمه‌ند ل وێری نه‌، و ره‌وشا وان د رۆژه‌كێ‌ دا ئاسایی دبیت، و ب بریارا نۆشدارێن چاڤدێریا چر دهێنه‌ ره‌وانه‌كرن بو قایشا، د حه‌فتیه‌كێ‌ دا چاڤدێریا برینێن وی دهێته‌كرن، بو زانین به‌ری سالا 2020 ئه‌ف جورێ‌ نشته‌رگه‌ریێ‌ كێم دهاته‌كرن، پشتی كۆرۆنایێ‌ و سه‌ربارك بو نه‌خۆشان چێدبوون، رێژا نشته‌رگه‌ریێ‌ گه‌له‌ك زێده‌ببوو و نوكه‌ كێمتره‌.