زههرا ئیحسان
جهنگی پێدڤی ب جهنگاوهرانه
ب دو شیرا و تیرا نابیت
جهنگی پێدڤی ب ئیرادێ یه
ب دهڤی و گۆتنا نابیت
جهنگی پێدڤی ب جهسورایه
دگهل ترسنۆك و دودلا نابیت
جهنگی پێدڤی ب ئیمانێ یه
دگهل بێ باوهرا و باربارا نابیت
جهنگی پێدڤی ب باوهریێ یه
دگهل درهوین و دهست پیسا نابیت
جهنگی پێدڤی ب عهشقێ یه
دگهل بێ دل و دل بهران نابیت
جهنگی پێدڤی ب سۆزێ یه
دگهل بێ سوز و فێلبازا نابیت
جهنگی پێدڤی ب من و ته یه
ئهڤ جهنگه بێ من و ته بهرپانابیت.
زهنون سلێڤانهی ـ زاخۆ
ههمی وێنه یادگاریێن ته
ما بۆ چنه؟
دناخێ من دا
یێن پیتی بوون
یادگارا بۆكێ بنڤێسم
بكهمه كهڤال
پهرتووكهكێ ژێ چاپ بكهم
سهد ههلبهستا پێ بڤههینم
ههر یا ژ خوهیه
برینێن من
پێ ئاش نابین.
ههر رۆژ نینه
هزار ئاخینكا دراهێلم
ههر ئاخینكهك
دناڤا ناخ و ههستێن من دا
یی دلهیزن
ئاوازهكێ بۆ من لێدهن
برینێن من
پێ دشهون
وێنه یادگاریێن ته
ما بۆ چنه
چهند یێ ل دهڤ من
هلگرتی بن
خهمێن من مهزنتر بن
بۆچی ناڤهگهری
ههمی یادگاران نوی بكهینه ڤه
تو یا من دكوژی.
عزهت یوسف
(ژیان ل سهر دهمێ كۆڕونایێ)، پهرتووكا رهحمهتی (ئیسماعیل تاهر)، ل سهر دهمێ كۆڕونایێ هاتیه نڤێسین، ژ كۆمهكا مژار و بابهتێن جۆراوجۆر ههر وهكی ئهو بخوه دبێژیت ب زمان و شێوازهكێ ئاسایی هاتینه نڤێسین. ئهوی پتر بهحسی دهبارا ژیارا وهلاتیان سهرهدهری و پێگیریا خهلكی ب رێنماییان ل سهردهمێ كۆڕونایێ كریه. ژبهركو نڤیسهر میدیاكارهكێ چهلهنگ و بێ ركابهر بوو پتر مژارێن خوه گههاندینه سهردهریا میدیایێ ل سهردهمێ كۆڕونایێ. مژارێن وی ههمی دلخواز و دلڤهكرن، دهمێ من پهرتووك خاندی من حهز نهدكر خلاس بیت، بێهنا ههستێ نازكێ مرۆڤاتیێ ژێ دفریت، نڤێسینێن پهرتووكێ پڕانی سوحبهتن، سوحبهتێن رۆژانهیێن پهتا كۆڕونا، دهمی مرۆڤ دناڤدا دچیته خوارێ ههروهكی مرۆڤ و ئهو یان كۆمهكا مرۆڤان ل بێلایهكێ یان ل سهر بهربانكهكی پێكڤه درونشتی و یێ چایهكێ ڤهدخوهن و سوحبهتا شاریایه. كۆڕونا ژ نشكهكێ ڤه هات و دهمهكی ژیان كره قهلپیچكێ كهزانێ، سهرێن رییان ل بهر خهلكی بهرزهبوون، خهلك موفتهلا بوو، ههمی دهرگهه هاتن داخستن، دهركهتن قهدهغهیه، قوتابخانه نینن، زانكۆ راوهستیان، دهرێ دێر و مزگهفتان هاتنه داخستن، سازیێن میری هاتنه راوهستاندن، جهژن و نهورۆز و تازی و نڤێژا و ب كۆم و داوهت و شاهی ههمی پێكڤه هاتنه قهدهغهكرن.
كۆڕونایێ ژ رۆژههلات و رۆژئاڤا ههمی جیهان ڤهگرت، باژێركێن كوردستانێ حالهت پهیدا بوون، هێشتا پهتا نهگههشتیه دهوكێ، ئهم ل باژێرێ خوه گوهێن مه مانه بهل و مه ئاههنگا نهبوونا كۆڕونایێ گێرا و چراكێن خوهشیێ ههلكرن، ههتا ب خافلهتی حالهتهك پهیدابووی و خهلك ڤهجنقی پتر خوه د پاشالا خانی قۆتان، باشی ئهڤێ ئێشا كومباخ دڕ وهكی فریزی ههمی در ڤهگرتن.
سهیدایێ ئیسماعیل ئێك ژ خوێندهڤانانێن ههره بهردهوام بوو، ههڤالێ پهرتووكان بوو، ل شهڤێن كهرهنتینێ شهڤانه پتر ژ پێنجی بهرپهڕان دخواندن و سێ چار رۆژان پهرتووكهك دهاڤێته وێرێ، دبهرڕا كارێ نڤێسنێ ژی دكر، ئهڤ پهرتووكه ژی ئێكه ژ بهرههمێن وی یێن سهردهمێ كۆڕونایێ. گهلهك ژ خهلكێ باژێری پشتی ژ نۆچهیێن كۆڕونایێ بێزار بووین و د مال دا شڕ بووین و مابوونه بێ هوگر دهست ب ههڤالینیا پهرتووكا كرن.
ههر سهردهمهك بۆ مفا وهرگرتنێ ژ دهمێن ڤالا تایبهتمهندیێن خوه دخوازیت، دكهڤندا دهمێ بهفرێ گوند دهنین و رێك و رێبار دهاتنه گرتن، باب و باپیرێن مه دگهل زارۆكێن خوه هندهك یاریێن كوردهواری وهكی ئهلهڤهن دوولهڤهن دكرن یان ل شهڤێن درێژ چیرۆك و سهرهاتی دگۆتن و ڤهدگێڕان. لێ نها سهردهمهك دیتره مرۆڤ داكو ژ تڕس و تڤتڤ و پێڤهدانا كۆرونایی خلاس بیت پتر سهودایێ خاندن و نڤێسینێ دبوو.
نڤیسهرێ دهستههل ئاماژه دكهته رولێ میدیایێ كو ئهركێ میدیایێ گههاندنه و پرسیاركرنه و بهرچاڤكرنه. خهلكێ د مالێن خوه ڤه ڤهحهویای پشتبهستن ب زانیاریێن كهنالان و مالپهران دكرن، كهنال پتر جهێ باوهریێ بوون، لێ هندهك جاران ئهوان ژی ههروهكی نڤیسهر دبێژیت: (وهكی شێخێ درهوینا موحهممهد سهعید سهحافی ههر تهڤرهك ل ئهردهكی ددان و كۆمهكا درهوان دكرن).
سهرهاتی و تڕانهیێن كۆڕونایێ ههبوون، دتهنگاڤیان دا سهرهاتی و پێكهنین خوهشترن، هندهك دلخوهشیێ دگهل ئێش و ئازاران چێ دكهن، ههتا د هندهك بههیا دا ژی ته هند دیت ئاخفتنهك هاته گۆتن و ههمیا بهردانه كهنیێ خوه مرۆڤێن رهحمهتی ژی، كهنی جۆرهكێ ئارامكرنا دهروونی یه ددهمێن تهنگاڤ دا. نڤیسهری گهلهك نموونهیێن پێكهنینێ ل سهر كۆڕونایێ ئیناینه و ل دوماهیێ ژی نزا و لاڤا دكهت و دبێژیت یا خۆدێ تۆ ئهڤێ نهخوهشیا گران ب كێمترین زیان ل سهر مه سڤك بكهی.
سهردهمێ كۆڕونایێ سهردهمهكێ ب ترس چارهنڤیس نهدیار بوو، شهڤ و رۆژ ئێك بوون، دهرنهكهڤه، نهچه دهستێ كهسێ، بهردهڤك و دهستگۆركان بكاربینه، فلانه كهس كۆڕونایێ گرت، فلانه دهڤهر چهند حالهتهك لێ دیار بوون، فلان و بێڤان مرن.
ههر مژارهكا نڤیسهری شاراندی ههستێن خوێندهڤانی دئازرینن، ههرچهنده كۆڕونایێ جیهان سنگهپێكربوو و ههمی جیهانا پێشكهفتی بهری یا پاشكهفتی تێكدا ههژاند و راگرتنا هاتن و چوونێ بوو چونكی ئێشا كۆڕونایێ نهخوهشیهكا ڤهگر بوو، لێ هێشتا كهس مشه ههبوون دابێژن هیچ كۆڕونا نینه و ههمی سیاسهت و درهون، یان هندهك هزرێن ئاشۆپی خوه ددزینه دناڤدا وهكی ئهڤه سزایه ژبهر رهفتارێن مه. وهسایه دهمێ ئالوزی و ئێش و پهتا ل ناڤ مرۆڤان سهرهلدهن هزرێن پاشكهفتی و ئهفسانه ژی مشه دبن.
خهما ل سهر خهما، چارهسهری بۆ كۆرونایێ نههاته دیتن، كهسێ تووش دبوو هندهك رێكارێن سهرهكی دناڤبهرا مانێ و نهمانێ دگرتنهبهر، ههتا ل داویێ ڤاكسین دهركهتی و ههناسهكا تهنا كهته جیهانێ، لێ هێشتا تڤتڤا ئێشا كۆرونایێ بنبڕ نهبوویه.
مهسعود بارزانی
پشما پێنجێ
80
ئێڤاریا رۆژا 28ی كانوونا ئێكێ 1986ێ، برووسكهیهكا حاج ئهحمهدێ قهرارگههێ بۆ من هات و ئهڤه دهقێ وێ یه:
بۆ/ جهنابێ كاك مهسعوود بارزانی (پلهبهندی خ/نهێنی)
ژ/ قهرارگهها رهمهزان (ئهولهویهت: بلهز)
ب ناڤێ خودایێ مهزن
هیڤیدارین ساخلهمیا ههوه باش بیت و ههبوونا ههوهیێن رێزدار ل دهڤهرێ و د بهرۆكێن بهرگرییێ دا بووینه جهێ خێر و سهركهفتنێ و سهربلندیێ بۆ گهلێ كوردستانێ. برایێ ههوهیێ بچووك ب خوه و برادهرێن قهرارگههێ، ڤێ سهركهفتنێ ل جهنابێ ههوه و گهلێ كورد پیرۆز دكهن. هیڤیدارم ب ژناڤچوونا كوفرا سهددامی و رزگاربوونا گهلێن ئیراقێ ژ بندهستی و ستمهكاریێ، رێكا ئازادی و سهربهستیێ ڤهكهت.
برایێ ههوه
حاج ئهحمهد
رۆژا 29ی كانوونا ئێكێ 1986ێ، من بهرسڤا حاج ئهحمهدی دا و من سوپاسییا وی كر بۆ برووسكهیا وی.
رۆژا 18ی ئادارا 1987ێ، قهرارگهها رهمهزان ب برووسكهیێ ئهز ئاگههدار كرم كو بریاره ل ڤان نێزیكان حاج ئاغا محهمهدی بهێته نك مه.
سهعهت 2ی پشتی نیڤرۆیا رۆژا 15ی تهباخا 1987ێ، من سهرهدانا ئورمیێ كر بۆ كۆمبوونێ د گهل حاج ئهحمهد. د كۆمبوونێ دا كو مستهفهوی ژی بهرههڤ ببوو، بهحسی پهیوهندیێن دوقۆلی هاته كرن و وان دوپات كر كو كۆمارا ئیسلامییا ئیرانێ خهمخۆرا بهردهوامبوونا پهیوهندییانه د گهل پارتی دا و بزاڤێن پێشڤهبرن و بهێزكرنا پهیوهندییان دكهت و پێشنیاز كر را و بۆچوونێن خوه بۆ بهرچاڤ بكهین پێخهمهت دارێشتنا چارچووڤێ پهیوهندییان.
ل دۆر ئاریشا شهبهكان، سهعهت دههـ و پازده خۆلهك ل سپێدههییا رۆژا 27ی تیرمهها 1987ێ، عهبدولرهسوولی ب تێلهفۆنێ ئهڤ گهفێن كۆمارا ئیسلامییا ئیرانێ گههانده شهوكهت شێخ یهزدین:
1- بابهت و ئاریشا ئهبووئوسامه بههانهیه بۆ تێكدانا هندهك بابهتان.
2- بهرپرسێن كۆمارا ئیسلامییا ئیرانێ ل ناڤهندێ بریار دایه، ئهبووئوسامه دهڤهرێ چوول نهكهت و دێ بهرگریێ ژێ كهن و بهرپرسیایهتییا ههموو روودانان ژی دكهڤیته ستۆیێ ههوه.
3- هوون ب خوه دبێژن هوون ناچنه ژێر بارێ گهف و فشاران، پا بۆچی هوون دخوازن كو كۆمارا ئیسلامییا ئیرانێ بچیته ژێربارێ فشاران.
4- لژنهیهك د گهل هێزێن حاج ئهحمهد بۆ دهستنیشانكرنا ناكۆكی و ئاریشێن ههڤپشك، سهرهدانا دهڤهرێ بكهن.
5- ل گۆرهی دهنگ و باسان د گهل لقا ئێك و دهڤهرا شێخان ههماههنگی هاتبوو كرن بۆ چالاكییان و زانیاریێن ههوه ل دۆر ڤێ یهكێ تهمام نینن.
سهعهت 4ی ئێڤارییا رۆژا 27ی تیرمهها 1987ێ، قهرارگههێ ئهڤ برووسكهیه دابوو كاك شهوكهتی:
ب ناڤێ خودایێ مهزن
بلهز 913 5/5/1366 (27ی تیرمهها 1987)
ژ/ فهرماندارییا سوپایێ پێنج (پازدهمین) قهرارگهها رهمهزان
بۆ/ سهرۆكێ پارتییا دیمۆكراتا كوردستانێ ــ ئیراق
سهرهرای ههموو وێ نیازپاكییا بهرپرسێن كۆمارا ئیسلامییا ئیرانێ ل دۆر ڤێ پارتییێ ههی، ب مخابنی ڤه ل ڤێ دوماهیێ مه سهرهدهری و رهفتارێن نه ژ ههژی و نه د جهـ دا دیتن كو مه و بهرپرسێن مه ل دۆر راستگۆیی و نیازپاكییا پارتییا ههوه دئێخنه گۆمانێ، ب بهرچاڤ وهرگرتنا سۆزێن ههوه ل دۆر رێخۆشكرنێ و دهلیڤا گونجای بۆ بهرههڤبوونا ههموو ئالیێن ئۆپۆزسیۆنا ئیراقی ل دهڤهرێ، ئهم ههوه ئاگههدار دكهین كو ههكه ب زووترین دهم ئاریشا ههبوونا هێزێن لهشكری یێن ئیسلامی ل دهڤهرێ نههێته چارهكرن، بهرپرسایهتییا ههموو روودانان دێ كهڤیته سهر ملێن سهركردایهتییا پارتییا ههوه. ههكه بنپێكارییهك د رێككهفتنا د ناڤبهرا پارتی و كۆمارا ئیسلامی دا روودایه، قهرارگههـ بهرههڤه كۆمبوونهكا ههڤپشك د ناڤبهرا پارتی و لهشكرێ ئیسلامی دا بكهت و دووڤچوونێ بۆ بابهتان بكهت. (64)
فهرماندارییا سوپایێ پازده یێ قهرارگهها رهمهزان
محهمهد باقر زولقهدر
وێنهیهك بۆ/
– فهرماندارییا قهرارگهها تهكتیكی یا نهغهدێ/ بۆ زانێن و دووڤچوون
ل گۆرهی برووسكهیهكا ملازم بابهكر، رهحمان رهزایی، فهرماندارێ تیپا (65) یا هیجرهت، د گهل ههژمارهكا پاسداران ب مهرهما چوونا ناڤ ئاخا ئیراقێ، چووینه ناڤ ئاخا توركیا و سهعهت 8ی سپێدههییا رۆژا پاشتر ژ ئالییێ توركیا ڤه هاتینه دهستهسهركرن و دهست ب سهر چهك و كهلوپهلێن وان دا هاتیه گرتن. دیار بوو ملازم بابهكری گۆتبوویێ كو د وێ رێكێ دا نهچن، لێ ب ئاخفتنا وی نهكربوو. بریار بوو دگهل سهعید خهلیلی سهرهدانا دهڤهرا نێروه بكهن. پشتی چار رۆژان، ل رۆژا 26ی تهباخا 1987ێ ئهو دهستهسهركری ژ ئالییێ توركیا ڤه هاتنه ئازادكرن و ب رێكا زێوه گههشتنه ناڤا ئاخا ئیرانێ.
بۆ كۆمبوونا دگهل قهرارگههێ رۆژا 28ی تهباخا 1987ێ، مه سهرهدانا باژارێ نهغهدێ كر و دكۆمبوونهكێ دا د گهل (حاج مستهفا قادری و حاج ئهحمهد و شهفهق) دا، ب بهرههڤبوونا (نێچیرڤان بارزانی و عهبدولموههیمهن بارزانی)، ب هووركاتی بهحسی ههموو ئاریشه و گیروگرفتان هاته كرن و مه را و بۆچوونێن خوه ل دۆر وان بابهتان بهرچاڤ كرن. بریار هاته دان ب مهرهما بهحسكرنا ئاریشان دگهل مهزنه بهرپرسێن تههرانێ سهرهدانا تههرانێ بكهم.
ههر د وێ كۆمبوونێ دا مه ب تێلهفۆنێ دگهل رهفسهنجانی ئاخفت و گهلهك سۆز دان و داخواز كر نامهیهكێ ل دۆر ئاریشه و گیروگرفتان بۆ بنڤیسم و ههروهسا داخواز كر كو هێزا شهفهق ل دهڤهرێ بمینیت. د پشكهكا دی یا كۆمبوونێ دا شهفهقی بهحسی وێ سهرهدهرییێ كر یا د گهل دا هاتیه كرن و ب سڤكاتی ب ناڤ كر (وهكو نهدانا خوارنێ و دابیننهكرنا جهێ حهویانێ و….. هتد).
سپێدههییا رۆژا 31ی تهباخا 1987ێ، دگهل نێچیرڤان بارزانی و عهبدولموههیمهن بارزانی بهر ب تههرانێ ب رێ كهفتین و سهعهت 7ی ئێڤاری گههشتینه كهرهج و سهعهت 6ی ئێڤارییا رۆژا 1ی ئیلۆنا 1987ێ، مه كۆمبوونا ئێكێ دهستپێكر و ژ ئالییێ ئیرانێ ڤه ئهڤ كهسه بهرههڤبوون: زولقهدر، حاجی ئهحمهد، عهلی رهزایی، رهسوول و بهرزگهر و شاندێ پارتی ژی ئێكهاتی بوو ژ ههڤالان: عهلی عهبدوللا، نێچیرڤان بارزانی، ملازم یوونس رۆژبهیانی، عهبدولموههیمهن بارزانی و ئازاد قهرهداغی.
كۆمبوونهكا ئاسایی بوو، زولقهدری دهست ب ئاخفتنێ كر و داكۆكی ل گرنگییا پهیوهندیێن د ناڤبهرا ههردو ئالییان كر. د پشكهكا دی یا كۆمبوونێ دا من ژی گرنگییا پهیوهندییان دوپات كر و بۆ شیڤخوارنێ ئهم پێكڤه بووین و بریار هاته دان سپێدێ كۆمبوونهكا دی بهێته كرن بۆ ههلسهنگاندن و خواندنا پرۆژێ ههڤكارییا د ناڤبهرا ههردو ئالییان دا. رۆژا 7ی ئیلۆنا 1987ێ، ب بهرههڤبوونا زولقهدر و حهمیدی و عهلیرهزا، كۆمبوونهكا دی ل بارهگههێ قهرارگهها ناڤهندی (بارهگههێ فیرووزه) هاته كرن.
د دهمهكی دا ل تههرانێ دگهل بهرپرسێن ئیرانێ مژویلی دیدار و كۆمبوونان بووم، چهند كهسهكان ژ ناڤ دهستههلاتێ پیلانا تیرۆركرنا من دارێشت بوو و بزاڤا بجهئینانا وێ دكر، لێ دهمێ هاشمی رهفسهنجانی ههست پێ دكهت و بابهتی دزانیت دژایهتییا بابهتی دكهت و ل دژی وێ بریارێ راوهستیا كو نابیت ئهو پیلان بهێته بجهئینان، ژبهركو دێ كارڤهدانهكا مهزن ل دووڤ خوه ئینیت و دێ زیانهكا مهزن ژێ چێبیت. ب ڤی شێوهی ئهو پیلان ههلوهشیا، لێ نزانم رهفسهنجانی چاوا ههست پێ كر و زانی بوو؟! ئهرێ وان بخوه د گهل دا بهحس كربوو دا را و بۆچوونێن وی ل دۆر وێ یهكێ بزانن، یان ب رێكا كهنالێ تایبهتێ خوه زانی بوو.
رۆژا 10ی ئیلۆنا 1987ێ ل مالا كاك ئدریسی د گهل داریووش فروههر كۆمبووین.
رۆژا 12ی ئیلۆنا 1987ێ، مه چاڤ ب باقر حهكیم كهفت و د كۆمبوونێ دا سهرهرای بهحسكرن و ههلسهنگاندنا رهوشا دهڤهرێ و پهیوهندیێن د ناڤبهرا ههردو ئالییان دا، حهكیمی راگههاند كو دهستههلاتێن وان سنۆردارن. د پشكهكا ئاخفتنێن خوهدا داخواز كر، بۆ دروستكرنا زێدهتر پهیوهندییان، ئهم ژی دێ زێدهتر بزاڤا بهێزكرنا پهیوهندییان د گهل ئیرانێ كهین. د ئاخفتنێن وی دا بۆ من دیار بوو گهلهك یێ ژ رهوشێ رازی نینه، لێ نهدشیا ب ئازادی ئاخفتنا دلێ خوه بێژیت. د درێژاهییا چاڤپێكهفتن و دیدارێن مهدا، رۆژا 14ی ئیلۆنا 1987ێ، مستهفا قادری ل مالا كاك ئدریسی ل كهرهج، سهرهدانا مه كر. د دیدارهكا گرنگ دا گرنگییا پێشڤهبرنا پهیوهندییان د ناڤبهرا ههردو ئالییان دا هاته دوپات كرن.
ئهڤرۆ،
د داخویانیهكێ دا ئهندامێ ئێكهتیا تهپا پێی یا كوردستانێ دیاركر بۆ وهرزێ نوو یێ خولا پلا ئێكا كوردستانێ بهرنامه و نهخشهكێ رێكخستی یێ دهستپێكرنا خولێ هاتیه دانان و پێنگاڤێن باش هاتینه هاڤێتن.
زێدهتر ئازاد محهمهد بۆ رۆژناما ئهڤرۆ گۆت: ژبۆ باشترین بهرههڤی بۆ وهرزێ نوو یێ خولا پلا ئێك و پووتهدان ب ههموو لایهنێن وێ ڤه چهند لژنێن تایبهتمهند هاتبوونه دانان و دیسان تاقیكرنێن تیۆری و پراكتیتی ل دووڤ رێنمایا بۆ 22 سهرپهرشتیارێن یاریان ژ ههموو پارێزگهه و ئیدارێن سهربهخۆیا ل كوردستانێ هاتبوونه ئهنجامدان و دیسان تاقیكرن بۆ دادڤانان ژ هاتبوو رێكخستن ژوانا حهفت ژ پارێزگهها دهۆكێ پشكداربوون پێخهمهت باشترین بهرههڤی و ل دووڤ بهرنامێ رێكخستی یێ هاتیه دانان بهری دهستپێكرنا خولێ ئهوا د هێته چاڤهڕێكرن ل 14ێ ڤێ ههیڤێ ب پشكداریا 19 یانهیان.
ژلایهكێ دووڤه ناڤهاتی ئهوچهنده ژی دیاركر د ههر چار گهڕێن بوری یێن خولا پلا نایاب ئاستێ رێكخستنێ، هونهری و رێڤهبرنێ ب شێوهكێ باش ههلسهنگینین ژبهركو چو ئاریشهیێن مهزن نهبووینه بهلكو ههموو یانه ل گهل ئێكهتیا تهپا پێی هاریكار بووینه و گۆت: یا دشیان دابیت ب ههڤكاریی ل گهل ههموو یانهیان وهرزێ ئهڤ ساله ب سهركهفتی بڕێڤهبچن و ههر بۆ ڤێ یهكێ دێ ههماهنگی ههبیت ههردهمێ یانهیێن دهۆك، زاخۆ و ههولێر داخوازا گوهۆڕینا ژڤانێن یاریێن خوه بكهن د دهمێ یاریا تیما وان یا خولا ئیراقێ دا دێ ههڤكاربین.
ئهڤرۆ،
د داخویانیهكێ دا سهرۆكێ ئێكهتیا شمشێربازیا پارێزگهها دهۆكێ دیاركر وهكو پێنگاڤا ئێكێ بۆ ڤهگهڕاندنا زلهێزیا یانهیێن پارێزگههێ د قارهمانیێن ههرێمێ و كوردستانێ دا چالاكیهكا نافخۆ ل سهر ئاستێ چار یانهیێن پارێزگههێ رێكخستیه
زێدهتر نیهاد ئیبراهیم بۆ رۆژناما ئهڤرۆ گۆت: بۆ وهرزێ نوو یێ چالاكیێن یاریا شمشێربازیێ پلانهكا رێكخستی هاتیه دانان پێخهمهت ڤهگهڕاندنا هێزا خوه ل سهر ئاستێ ههلبژارتی و یانهیێن پارێزگههێ و پێنگاڤا ئێكێ مه قارهمانیهك ل سهر ئاستێ یانه یێن دهۆك، گاره، سێمێل و تهناهی ب پشكداریا 22 یاریزانێن كوڕ و شهش یاریزانێن كچ رێكخستیه بۆ سیستهمێ شیرێ شهڕی ب سهرپهرشتیا پ- د، ئهحمهد قاسم سهرۆكێ نوونهراتیا دهۆك یا لژنا ئۆلمپی، ئهڤ قارهمانیه گههشتیه قۆناغێن دووماهیێ ددهمهكێ نێزك دا دێ ب دووماهی هێت ژبۆ ژێگرتنا باشترینان بۆ ههلبژارتیێ پارێزگههێ و دیسان چهند یاریزانان بۆ یانهیێن مه پێخهمهت بهرههڤی بۆ قارهمامیا ئیراقێ و ههرێما كوردستانێ.
ژلایهكێ دووڤه ناڤهاتی ئهوچهنده ژی دیاركر كو ئهوان ئاستهنگێن ههین تایبهتی یێن كهلۆپهلێن یاریان و گۆت: ئهم پێدڤی ب ئامیرێن جودا ههنه ژوانا شیرێ شهری بۆ ههڤڕكیان، ئامیرێن دیاركرنا خالان ئهوێن ب یاریزانان ڤه گرێدایی كوش ێوازێ بلۆتۆسی یه و ههروهسان ئهو چلۆبهرگێن یاریزان ل بهرخوه دكهن، ئهوێن نوكه مه ههیین ل دووڤ سیستهمێ كهڤنن و مفایێ دروست ژێ نا هێته وهرگرتن لهوما هیڤییا مه ئهوه جهێن پهیوهندیدار پشتهڤانیا مه بكهن.
ئهڤرۆ،
یاریزانێ ڕهڤهندا كورد و یانا سلۆڤاكۆ یا چیكی مێرخاس غازی دوسكی ژ ناڤ رێزێن ههلبژارتیێ ئیراقێ یا تهپا پێی هاته دووركرن پشتی یانهیا وی رێ لێ گرتی.
ل دووڤ ژێدهرێن نێزیك ژ ئێكهتیا تهپا پێی یا ئیراقێ كو سهرباری راهێنهرێ ههلبژارتیێ ئیراقێ رژدی ل سهر بهرههڤبوونا یاریزانێ ڕهڤهندا كورد و پارێزگهها دهۆكێ مێرخاس غازی دۆسكی بۆ ناڤ رێزێن تیما وی كربوو بۆ ههردو یاریێن وان یێن ههڤالینی ل گهل ههلبژارتیێ مهكسیك و ئیكۆادۆر ل نهه و 12ێ ههیڤا بهێت هێنه كرن خوه قارهمانیا كهنداڤیا عهرهبی ئهوا دێ ههڤڕكیێن وێ ل شهش ههتا 19ێ كانوونا دویێ یا سالا 2023ێ ل باژێرێ بهسرا هێته كرن، لێ نڤێسارا یانهیا چیكی داخوازنا ئیراقێ ڕهدكر و دیاركر ئهو پێدڤی ب میرخاس دۆسكی نه بۆ خولا چیكێ.
بۆ زانین سێ یاریزانێن دی یێن كوڕد دناڤ رێزێن ههلبژارتیێ ئیراقێ دا ئهو ژی ل هێلا گۆلپارێزیێ دلۆڤان مههدی ژ یانا تهلهبه و ئهحمهد زێرۆ ژ یانا شورته و یاریزانێ ڕهڤهندا كورد هێران ئهحمهد ژ یانا سۆن یا سویسری ئهوێن نوكه د كهمپهكێ راهێنانێ دا ل باژێرێ بهغدا.
ئهڤرۆ،
ژ نشكهكێ ڤه راهێنهرێ گۆلپارێزێن تیما تهپا پێی یا یانهیا سێمێل فوئاد عهبد تیم ب جه هێلا د دهمهكی دا یه بهرههڤیێن یانا سێمێلێ بۆ وهرزێ نوو یێ خولا پلا ئێكا كوردستانێ بهردهوامن و بڕیاره یاریا خوه یا ئێكێ ل 14ێ ڤێ ههیڤێ مێڤانداریا یانا رهواندۆز بكهت.
ل دۆر ڤێ یهكێ و ئهگهڕێن بڕیارا راهێنهری ناڤهاتی د داخویانیهكێ دا پهروهر حسێن جێگرێ سهرۆكێ یانا سێمێل بۆ رۆژناما ئهڤرۆ گۆت: ههرچهنده ل دهستپێكێ مه گرێبهست ل گهل ههبوو و ل سهر ههموو خالان گههشت بووینه ڕێكهفتنێ لێ ڤێ دووماهیێ راهێنهرێ گۆلپارێزان فوئاد عهبد ژ نشكهكێ ڤه ئهم ئاگههداركرین كو ئهوی شیان نینن بهردهوام بیت ل سهر كارێ خوه ژبهر كو فهرمانبهره ل مووسلێ و هاتنووچوونا ڕێكێ كارتیكرنا خوه ل سهر ههبیت لهوما ئهم نهچار بووین لێبۆرینا وی وهربگرین و سۆپاسیا وی ژ هاته كرن ژبهر رۆلێ وی د دهمێ بۆری دا.
ژلایهكێ دووڤه ناڤهاتی دیاركر ئهوان داخوازی ههتا پێنچ راهێنهرێن گۆلپارێزان ل پارێزگهها دهۆكێ كربوون لێ ههر ئێكی ئهگهرهك ههبوو و گۆت: دبیت ههتا ئهڤرۆ راهێنهرهكێ نوو یێ گۆلپارێزان بهێته دهستنیشانكرن ژبهر كو مه دهم نهمایه بۆ یاریا خوه یا ئێكێ و دێ بزاڤێ كهین گۆلپارێزهكی ژی ل سهر تیمێ زێدهكهین ژبهركو ئارمانجا مه یا ئهڤ ساله ئهم ههڤڕكیێ بۆ ئێك ژ پلێتێن دهربازبوویی بۆ خولا پلا نایابا كوردستانێ بكهین سهرباری كاودانێن مه یێن دارایی د باشن نینن.
ئهڤرۆ،
بهری دهستپێكرنا مۆندیالا جیهانی قهتهر 2022ێ ئهوا دهێته چاڤهڕێ كرن ل 20ێ ڤێ ههیڤێ ههتا 18ێ كانوونا ئێكێ یا ئهڤ ساله بهێته ئهنجامدان، ئهڤسانهیێ بهرازیلی بیلێ دهێته هژمارتن بچووكترین یاریزان د ناڤ مۆندیالان دا هاتیه دیتن كو دژ یێ 17 سالی دا پشكداری مۆندیالا 1958ێ كربوو شیا د یاریا دووماهیێ دا گۆلێ ژی تۆماربكهت و ناسناڤێ مۆندیالێ ل گهل ههلبژارتیێ خوه ب دهستڤه بینت، د ههمان قارهمانی دا وهكو بچووكترین یاریزان شیابوو هاتریك سێ گۆلان ل سهر ههلبژارتێ فرهنسا بینت ئهوا ب 5-2 دووماهی هاتی دیسان دو گۆلێن دی ژی بینت و رێژا شهش گۆلان د ژییهكێ بچووك دا تۆماربكهت.
ههر ژ نمرهیێن پیڤایی یێن بیلێ سێ مۆندیالێن جیهانێ ل گهل ههلبژارتیێ خوه ب دهستڤه ئیناینه، ل سوید 1958، ل چێلی 1962، ل مهكسیك 1970ێ، 14 یاری د مۆندیالان دا كریه و12 گۆل تۆماركرینه و باشترین یاریزانێ مۆندیالا سوید و مهكسیك بوویه.
د مۆندیالا قهتهر دا دبیت دهه یاریزانێن بچووك دناڤبهرا 18 و 19 سالی دا و بههرهمهند دیاربن ببنه جهێ سهرنجراكێشێ ئهو ژی، بابلۆ مارتن چاڤی و بێدرێ- – ئسپانیا، لۆكا رۆمێرۆ- ئهرجهنتین، مارسیلۆ فلۆرێس- مهكسیك، یۆنس موسا و ریكاردۆ بیبی – ئهمریكا، فلۆریان فێرتس و جهمال مۆسێلا- ئهلمانیا، فیلیكی ئاڤینیا جیان- غانا، جۆد بیلینگهام- ئنگلترا.
ئهڤرۆ،
ل شهڤا چارشهمبیا بۆری ههشت یاریێن مایی ژ قۆناغا شهشێ و دووماهیێ یا سیستهمێ كومان بۆ یانهیێن ئۆرۆپا قارهمانێن خولا چامپیۆنز لیگ هاتنه ئهنجامدان، یانهیێن رێزا ئێكێ و دویێ دهربازبوونا خوه بۆ قۆناغا 16ێ مسۆگهر كر ئهوا بڕیاره پشككێشانا ڤێ قۆناغێ ل دووشهمبیا بهێت دهستپێ بكهت.
ئهو یانهیێن دهربازبوویی یێن رێزا ئێكێ د كۆمێن خوه دا هاتین ئهو ژی، بایرن میۆنخ- ئهلمانیا، ریال مهدرید- ئسپانیا، ناپۆلی- ئیتالیا، چێلسی و تۆتنهام هۆتسبێر و مانچستهر ستی- ئنگلترا، پۆرتۆ و بهنفیكا- پۆرتۆگال. ههروهسان ئهو یانهیێن رێزا دویێ هاتین ئهو ژی، كلۆپ برۆچ- بهلجیكا، بۆرۆسیا دۆرتمۆند و ئانتراخت فرانكفۆرت و لایبزیك- ئهلمانیا، ئهنتهر میلان و ئهی سی میلان- ئیتالیا، لیڤهرپۆل- ئنگلترا، پاریس سانجێرمان- فرهنسا.
بۆ زانین ئێكهتیا تهپا پێی یا ئۆرۆپا بڕیاردایه یاریێن گهڕا ئێكێ و چوونێ یا قۆناغا16ێ ل 14، 15، و 21، 22 شۆباتا سالا 2023ێ بهێنه كرن، گهڕا دویێ و هاتنێ دێ ل حهفت و ههشت و 14ڤت 15ێ ئادارا سالا بهێت هێنه كرن، ئهو تیمێن رێزێن ئێكێ د كۆمێن خوهدا هاتین دێ یاریا ئێكێ ژ دهرڤهیی یاریگههێن خوه كهت، ل دووڤ تیمێن رێزێن ئێكێ و دویێ دهێته پێشبینیكرن تیمێن ب هێز و بهربژار بۆ ناسناڤی د یاریێن ئاگرین دا ههمبهری ئێك بن د قۆناغا 16ێ دا تایبهت ریال مهدرید و پاریس سانجێرمان یان ژی بایرن میۆنخ لیڤهرپۆل.
نيشاندان