ئهڤرۆ:
رۆژنامهكا ئهمریكی دیار دكهت كو پشتی بزاڤێن پۆتینی یێن بۆ دهستپێكرنا دانوستاندنان د ناڤبهرا توركیا و سووریێ دا ئهمریكا دهست ب بزاڤهكا نوو یا كری و چهندین بنگههێن نوو یێن سهربازی ل باكورێ سووریێ ئاڤا كرینه و دڤێت رێگریێ ل پیلانێن پۆتینی بكهت.
رۆژناما نیویورك تایمز یا ئهمریكی د راپۆرتهكێ دا دیار كریه كو پۆتینی دڤێت پرسا سووریێ ل گۆر بهرژهوهندیێن خوه چارهسهر بكهت و رۆلێ ئهمریكا ل سووریێ ب دووماهی بینیت و ژ بهر هندێ ژی دڤێت توركیا و رژێما بهشاری دهست ب دانوستاندنان بكهن، ئانكۆ د راستی دا پۆتینی دڤێت رهوشا سووریێ ل گۆر بهرژهوهندیێن رۆسیا ئارام بیت دا وهسا بكهت كو ئێدی ئهمریكا نهچار بیت هێزێن خوه ژ سووریێ ڤهكێشیت، ل ههمبهر بزاڤێن پۆتینی ژی ئیدارا ئهمریكا دهست ب سیاسهتهكا نوو ل سووریێ كریه.
رۆژناما ئهمریكی ئهو یهك ژی دیار كر كو پشتی سهرهدانا ئهردۆغانی یا بۆ رۆسیا هێزێن توركیا بهردهوام ب رێیا درۆنان ئێرشی هێزێن سووریا دیموكرات دكرن كو ئهمریكا وان وهكو ههڤپهیمانێ خوه ل سووریێ دبینیت، ئهو یهك ژی ببوو جهێ نهرازیبوونا هێزێن سووریا دیموكرات، لێ دهمهكه ئهمریكا رێگریێ ل ئێرشێن توركیا دكهت و هێزێن ئهمریكا ل باژێرێ قامشلۆ یێ رۆژئاڤایێ كوردستانێ و ههروهسا ل هندهك دهڤهرێن دی یێن سنۆری ل گهل توركیا چهندین بنگههێن نوو یێن سهربازی ئاڤا كرینه و ههری دووماهیێ ژی بهری چهند رۆژان هێزێن سووریا دیموكرات و هێزێن ئهمریكا ل سهر سنۆرێ توركیا پێكڤه دهست ب مانۆرهكا سهربازی كرن، ئانكۆ ب كورتی ئهمریكا ئهڤ پهیامه دا توركیا كو ئهو سووریێ بۆ كهسێ چۆل ناكهن، بزاڤێن ڤێ دووماهیێ یێ ئهمریكا بووینه جهێ دلخوهشیا هێزێن سووریا دیموكرات.
ههمان رۆژنامێ ئهو یهك ژی دیار كریه كو ئهمریكی وهسا دبینن سووریا دێ د پاشهرۆژا دێ بیته ناڤهندهكا نوو یا ناكۆكیێن هێزێن ههرێمی و جیهانی، چونكی ئیران ژی رۆژ ب رۆژێ پتر یێ بزاڤان دكهت پێگههێ خوه ل سووریێ بهێز بكهت و بهری دهمهكێ ژی هێزێن سهر ب ئیرانێ ئێرشی بنگهههكێ سهربازی یێ ئهمریكا كرن، لێ ئهمریكا ههر زوو بهرسڤا ئیرانێ دا، چونكی ئهمریكا ستراتیژیا خوه ل سووریێ گوهۆریه و دڤێت ههم پێگههێ خوه ل سووریێ بهێز بكهت و ههم ژی هاریكاریا ههڤپهیمانێن خوه بكهت و ل ههمبهر ههر مهترسیهكێ وان بپارێزیت، ژ بهر هندێ ژی دهێته چاڤهرێكرن كو ئهمریكا ل دهڤهرێن سنۆری یێن ل گهل توركیا ل رۆژئاڤایێ كوردستانێ هندهك بنگههێن دی یێن سهربازی ئاڤا بكهت و ههروهسا چهكێ گران ژی ل وان دهڤهران بجه بكهت، بێگومان بزاڤێن نوو یێن ئهمریكا ل باكورێ سووریێ بووینه جهێ دلگرانیا توركیا.
نيشاندان