NO IORG
Authors Posts by naci bedel

naci bedel

15011 POSTS 0 COMMENTS

به‌ری چه‌ند رۆژێن كێم، واتسئاپی دوگمه‌كا نوو زێده‌ كر، ئه‌ڤه‌ د ده‌مه‌كی دایه‌ كو رۆژانه‌ ئه‌م تایبه‌تمه‌ندیه‌كا كۆمپانیا مێتا ل سه‌ر ئێك ژ تۆڕێن وێ‌ دبینن و دكه‌ڤیته‌ به‌ر ده‌ستێ‌ كه‌سێن ب ره‌نگێ‌ تێست ب كار دئینن.

دووماهیی خزمه‌تا كۆمپانیا ناڤبری بۆ ئه‌پلیكه‌یشنێ‌ خوه‌ یێ‌ ناڤدار واتسئاپی زێده‌ كری، زێده‌كرنا دوگما كامیرێ‌ یه‌ ب ره‌خ لیگه‌ری ڤه‌ ل سه‌ر سیسته‌مێ‌ ئه‌ندرۆید، به‌لێ‌ هێشتا ب دروستی ژی نه‌هاتیه‌ زانین كا وه‌كو تایبه‌تمه‌ندی ئه‌ڤ كاره‌ ئه‌نجام دایه‌ یان ژی ژ ئه‌گه‌رێ‌ خه‌له‌تیێ‌ بوویه‌.

واتسئاپی د دانه‌یا خوه‌ یا نووكری یا نوو دا ب ژماره‌ 2.22.19.7 كامیره‌كا نوو ل نێزیك لێگه‌ری ل سه‌رێ‌ واتسئاپی ل سه‌ر وی دیوارێ‌ كه‌سك دانایه‌ و جارێ‌ ب تنێ‌ بۆ هنده‌ك كه‌سێن تایبه‌ت به‌رده‌سته‌.

23

ئه‌ڤرۆ،

د دیداره‌كێ‌ دا راهێنه‌رێ‌ تیما ته‌پا پێی یا یانا دهۆك دیاركر ده‌ستكه‌فتێ‌ تیما وان و ڤه‌گه‌ڕیان بۆ خولا پلا نایابا ئیراقێ‌ ب ئێگكرتنا كۆم بوو، پشتی شیاین د یاریا ڤه‌بڕیا قۆناغا پله‌ی ئۆڤ دا ده‌ربازبووین بۆ پلا نایاب ب سه‌ركه‌فتین ل سه‌ر هه‌ردو یانێن ناسریه‌ و ئه‌مانه‌ت به‌غدا بینن د یاریێن وان دا ئه‌وا ل باژێرێ‌ به‌غدا هاتیه‌ كرن.

زێده‌تر سلێمان ره‌مه‌زان بۆ رۆژناما ئه‌ڤرۆ گۆت: پێخوشحالین پشتی ڤه‌قه‌تیانه‌كا درێژ دۆباره‌ یانا مه‌ ڤه‌گه‌ڕیا پلا نایابا ئیراقێ‌ ب سه‌رفه‌رازی ئه‌ڤچه‌نده‌ ژی بۆ ئێكگرتنا كۆم یا كارگێریا یانێ‌، كادرێ‌ راهێنانێ‌ و هه‌موو یاریزانان ئه‌وێن ئامۆژگاریێن مه‌ وه‌رگرتین و پشته‌ڤانیا جه‌ماوه‌رێ‌ یانێ‌ چو ئه‌وێن هاتینه‌ به‌غدا وه‌فاداریا خوه‌ دیاركری و به‌رده‌وام پشته‌ڤانی كرین هه‌تا دووماهی چڕكه‌ یان ئه‌وێن ل دهۆكێ‌ و پاركا نه‌وروز پشته‌ڤان بووین، پێنه‌ڤێت خه‌مخوریا كارگێریا یانێ‌ كو هه‌ر ژ رۆژا ئێكێ‌ بۆ دابینكرنا هه‌ر تشته‌كێ‌ پێدڤی پێخه‌مه‌ت سه‌ركه‌فتنا كاروانێ‌ تیمێ‌ و گه‌هشتن بۆ ئارمانجا خوه‌ ژ گرنترین خالێن ده‌ربازبوونا تیمێ‌ بوون به‌ر ب نایابا ئیراقێ‌.

هه‌روه‌سان ناڤهاتی دیاركر وه‌كو راهێنه‌رێ‌ پارێزگه‌هێ‌ و خودان سه‌ربۆر و شاره‌زاهی دێ‌ ب هه‌موو شیانێن خوه‌ ل گه‌ل پشته‌ڤانیا كارگێریا یانێ‌ بۆ وه‌رزێ‌ بهێت یێ‌ خولا ئیراقێ‌ زلهێزیا دهۆكێ‌ د هه‌ڤڕكیێن خولێ‌ دا ڤه‌گه‌ڕینن و گۆت: ئه‌م رژدین به‌رده‌وامیێ‌ بده‌ینه‌ ئه‌نجام و ده‌ستكه‌فتێن خوه‌ و دلێ‌ جه‌ماوه‌رێ‌ یانێ‌ خۆشكه‌ین.

27

ئه‌ڤرۆ،

دهێته‌ چاڤه‌ڕێ‌ كرن ئه‌ڤرۆ یاریزانێ‌ هه‌لبژارتیێ‌ ئیراقێ‌ و كوڕێ‌ پارێزگه‌ها دهۆكێ‌ كوڤان حه‌سه‌ن پشكداری قاره‌مانیا نێڤده‌وله‌تی یا یاریێن مه‌یدانێ‌ بۆ خودانێن پێدڤیێن تایبه‌ت بكه‌ت، ئه‌وا دێ‌ هه‌ڤڕكیێن وێ‌ ل وه‌لاتێ‌ مه‌غرب هێته‌ ئه‌نجامدان.

لدۆر به‌رهه‌ڤیێن ستێرا پارێزگه‌هێ‌ و قاره‌مانێ‌ جیهانێ‌ ناڤهاتی تایبه‌ت بۆ رۆژناما ئه‌ڤرۆ گوت: بۆ ماوێ‌ زێده‌تری هه‌یڤه‌ك بوو راهێنانێن خوه‌ دكرن پێخه‌مه‌ت پشكداریه‌كا سه‌رفه‌راز ل گه‌ل هه‌لبژارتیێ‌ ئیراقێ‌ د قاره‌مانیا نێڤده‌وله‌تی دا كو دێ‌ بۆ سێ‌ یاریێن مه‌یدانێ‌ هه‌ڤڕكیێ‌ كه‌ت ئه‌و ژی هاڤێتنا رومی، تلپێ‌ و هاڤێتنا پارسه‌نگی، ئارمانجێن من د مه‌زنن له‌ورا لدووڤ پلان و به‌رنامه‌كێ‌ تایبه‌ت راهێنانێن خوه‌ دكه‌م و ئه‌ڤرۆ دێ‌ ده‌ست ب پێنگاڤا خوه‌ یا ئێكێ‌ بۆ میدالیا زێری هاڤێژم، سه‌رباری ژڤانێ‌ هه‌ردو قاره‌مانیێن دی دووره‌ لێ‌ پێدڤی ب پشته‌ڤانیا دارایی مه‌ پێخه‌مه‌ت بشێم پشكداریه‌كا سه‌ركه‌فتی د قاره‌مانیێن نێڤده‌وله‌تی دا بكه‌م.

ژلایه‌كێ‌ دووڤه‌ كۆڤان حه‌سه‌ن خۆشحالیا خوه‌ دیاركر دوباره‌ ڤه‌گه‌ریا یه‌ قاره‌مانیان و ده‌ستڤه‌ ئینانا ناسناڤان پشتی دووركه‌فتنێ‌ و گۆت: ژبه‌ر چه‌نده‌ ئه‌گه‌رێن تایبه‌ت بۆ ماوه‌كی دووركه‌فتبووم، لێ‌ من سۆز دابوو ئه‌ز بهێز ڤه‌گه‌ڕیێم و شیام پشتی ڤه‌گه‌ڕیانێ‌ دو میدالیێن زێری و برۆنزی د قاره‌مانیا رۆژئاڤا ئاسیا ده‌ستخوه‌ڤه‌ بینم، ئه‌ز ب هێز ڤه‌گه‌ڕیایمه‌ و به‌رهه‌ڤم بۆ قاره‌مانیێن مه‌زن و پشتی پشكداریا من ل مه‌غرب دێ‌ پشكداری قاره‌مانیێن نێڤده‌وله‌تی ل چینێ‌ و فره‌نسا بم له‌ورا هیڤییا من ئه‌وه‌ پارێزگارێ‌ دهۆكێ‌ پشته‌ڤانیا من وه‌كو جاران بكه‌ت.

بۆ زانین یاریزانێ‌ ناڤهاتی كوردێ‌ ئێكانیه‌ د ناڤ پێكهاتیێ‌ هه‌لبژارتیێ‌ ئیراقێ‌ یێ‌ گۆره‌پانێ‌ دا و شیایه‌ زێده‌تر120 میدالیێن ره‌نگین د قاره‌مانیێن نێڤده‌وله‌تی، ئه‌ره‌بی و جیهانی بده‌ستڤه‌ بینت ژوانا ده‌ستكه‌فتا ئۆلۆمپیادا ریۆ دی جانیرۆ یا 2016ێ‌ ل به‌رازیل میدالیا زێری بۆ هاڤێتنا رۆمی كو ژدووراتیا 41م و 82سم تۆماربكه‌ت و میدالیێن

81

ره‌مه‌زان زه‌كه‌ریا

د داخویانیه‌كێدا سه‌رپه‌رشتێ‌ تیما ته‌پا پێی یا یانا ئاكرێ دیاركر  به‌رهه‌ڤیێن وان بۆ خولا نایابا كوردستانێ به‌رده‌وامن ب ئارمانجا هه‌ڤركیێ‌ و بۆ ڤێ مه‌ره‌مێ ده‌ست ب گرێبه‌ستا  ل گه‌ل هژماره‌كا یاریزانان كرینه‌.

زێده‌تر هوزه‌ڤان زاهد بۆ ئه‌ڤرۆ گوت:  شه‌ش یاریزانێن باژێرێ ئاكرێ كو یاری بۆ تیمێن ده‌رڤه‌یی باژێری كربوون ڤه‌گه‌ڕیاینه‌ د ناڤ رێزێن تیما مه‌ دا ل ڤان نزیكا دێ هژماره‌كا گرێبه‌ستێن باشتر هه‌بن ، به‌رهه‌ڤی بۆ خولانایابا كوردستانێ به‌رده‌وامن ئه‌م یێ كار ل سه‌ر وێ چه‌ندێ دكه‌ین كو ببینه‌ تیمه‌كا ب زه‌حمه‌ت بۆ  هه‌ڤڕكێن مه‌.

هه‌روه‌سان ناڤهاتی دیاركر ل ڤان نزیكا دێ‌ ده‌ست ب كه‌مپا خوه‌ یا راهێنانێ‌ ل باژێره‌كێ‌ كوردستانێ‌ كه‌ین لێ‌ هه‌تا نوكه‌ دیارنینه‌ دێ‌ ل كیش باژێرو یاریگه‌هـ بیت و گوت : مه‌ په‌یوه‌ندی ب یاریزانه‌كێ‌ به‌رازیلی و ئێكێ‌ جه‌زائیری كریه‌ كو گرێبه‌ستێ‌ ل گه‌ل  ئیمزابكه‌ین بۆ خولا نایابا كوردستانێ‌، مه‌ دڤێت ئه‌ڤساله‌ یانه‌كا ب زه‌حمه‌ت بین د خولێ‌ دا و گه‌شبینین دێ‌ هه‌ڤڕكیێ‌ ل سه‌ر ناسناڤی.

17

ئه‌ڤرۆ،زاخۆ، عه‌لی حاجی

فۆتۆ: ئازاد زووم

د داخویانیه‌كێ‌ دا سه‌رپه‌رشتێ‌ تیما باسكێت بۆلا یانا زاخۆ بۆ رۆژناما ئه‌ڤرۆ دیاركر به‌رهه‌ڤیێن تیما وان به‌رده‌وامن و دێ‌ چه‌ند یاریێن هه‌ڤالینی ئه‌نجامبده‌ت ژبۆ باشترین به‌رهه‌ڤی بۆ وه‌رزێ‌ نوو یێ‌ خولا پلا نایابا ئیراقێ‌.

زێده‌تر عه‌بدولستار عه‌لی دیاركر ئه‌وان داخوازا كه‌مپێ‌ راهێنانێ‌ ژ كارگێریا یانێ‌ كربوو لێ‌ ئێدی ده‌م د به‌رژوه‌ندیا وان دا نینه‌ و دێ‌ پشتبه‌ستنێ‌ ل سه‌ر ئه‌نجامێن یاریێن هه‌ڤالینی كه‌ن و گۆت:د نوكه‌ دا چو كیماسی دناڤ رێزێن تیمێ‌ دا نینه‌ تایبه‌ت پشتی هاتنا دو یاریزانێن پیشه‌ركار و ئێكێ‌ ئیراقی و دێ‌ بشێوه‌كێ‌ باش به‌رهه‌ڤیا كه‌ین هه‌تا20ێ‌ ڤێ‌ هه‌یڤێ‌ كو ژڤانێ‌ ده‌ستپێكرنا خولا ئیراقێ‌ یه‌ و یا دشیان دا بۆ تیمێ‌ دهێته‌ كرن، هه‌روه‌سان یا گرنگ پرانیا یاریزانێن مه‌ ده‌مه‌كێ‌ درێژه‌ ل گه‌ل ئێك یاریێ‌ دكه‌ن و دزانن دێ‌ چه‌وا ئاست و شیانێن خوه‌ نیشان بده‌ن بتنێ‌ یاریزانێن پیشه‌كار ئه‌وژی راهێنه‌ر كار ل سه‌ر دكه‌ت ل گه‌ل یێن یاریزانێن دی هه‌ماهنگی هه‌بیت كو بۆ وه‌رزێ‌ نوو تیم ب هێزتر بیت.

ناڤهاتی ئه‌وچه‌نده‌ ژی دیاركر پرانیا تیمێن پشكدار د خولێ‌ دا ل پارێزگه‌ها دهۆكێ‌ هاتینه‌ كه‌مپێ‌ راهێنانێ‌ كو دێ‌ بیته‌ رێیه‌كا باش بۆ مه‌ ئه‌م چه‌ند یاریێن هه‌ڤالینی ئه‌نجامبده‌ین و كار ل سه‌ر چاره‌سه‌ركرنا هه‌ر كێماسیه‌كێ‌ بكه‌ین.

17

ئه‌ڤرۆ، قه‌یس وه‌یس

راهێنه‌رێ‌ هه‌لبژارتیێ‌ ئیراقێ‌ یێ‌ نشتیمانی رازی شنێشل كوڕێ‌ پارێزگه‌ها دهۆكێ‌ و گۆلپارێزێ‌ یانا ته‌له‌به‌ یا به‌غدایی دلۆڤان مه‌هدی بۆ كه‌مپێ‌ راهێنانێ‌ یێ‌ هه‌لبژارتیێ‌ تیما خوه‌ داخوازكریه‌ ئه‌وا دێ‌ ل چارشه‌مبیا بهێت ل به‌غدا ده‌ستپێكه‌ت.

ل دووڤ نڤێسارا فه‌رمی یا ئێكه‌تیا ته‌پا پێی یا ئیراقێ‌ كو دلۆڤان مه‌هدی بۆ ناڤ رێزێن هه‌لبژارتیێ‌ ئیراقێ‌ هاتیه‌ ژێگرتن ل سه‌ر داخوازیا كادرێ‌ راهێنانێ‌ بوویه‌ پشتی ئه‌و شیانێن وی یێن وه‌رزێ‌ بوری د خولا پلا نایابا ئیراقێ‌ ل گه‌ل یانا خوه‌ ته‌له‌به‌ نیشان دایی و د ماوێ‌ بوری دا ژ چارچووڤێ‌ به‌رهه‌ڤیێن تیما وان به‌رده‌وامی دایه‌ ئاستێ‌ خوه‌ له‌ورا هاتیه‌ ژێگرتن خوه‌ به‌رهه‌ڤكرن بۆ قاره‌مانیا نێڤده‌وله‌تی یا ئۆردنێ‌ چارقۆلی ئه‌وا دێ‌ ل 23ێ‌ ڤێ‌ ده‌ستپێكه‌ت.

10

ئه‌ڤرۆ،

ستێرێ‌ یانا مانچسته‌ر یۆنایتد یا ئنگلته‌رایێ‌ ئه‌نتۆنی مارسیال بڕێیا رۆژنامێن بریتانیا ده‌رگه‌هێ‌ دژاتیێ‌ هه‌مبه‌ری جوزێ‌ مورینیۆ و جۆنار سۆلسكایری ڤه‌كرن هه‌ردو راهێنه‌رێن به‌رێ‌ یێن مان یۆنایتدێ‌.

ئه‌نتۆنی بۆ the sun گۆت: ل گه‌ل سۆلسكایری ب شێوه‌كێ‌ هنگافتی من یاری كر ژبه‌ركو راهێنه‌ری داخواز ژ من دكر، سه‌رباری هنگاڤتنێ‌ جه‌ماوه‌رێ‌ وه‌رزشی ره‌خنه‌یا دژوار لمن دكرن و راهێنه‌ری چو رۆهنكرن نه‌ دان و ئه‌ز كربوومه‌ ئامرازه‌ك بۆ خوساره‌تیێن خوه‌ ل دووماهیێ‌ ئه‌ز بوومه‌ ئێك ژ ئه‌گه‌ران و هاتمه‌ دوورخستن ئه‌ڤچه‌نده‌ خیانه‌ته‌ ل من كری.

ل دۆر مۆرینیوی گۆت: بابه‌ت ژ هژمارا درێسی ده‌ستپێكر كو مورینیۆی نامه‌ك بۆ من فرێكر ئه‌ز هژمارا نه‌ه بۆ هژمارا 11 ب گهۆڕم، من داخوازیا وی ڕه‌دكر چنكو حه‌ز ژ هژمارا خوه‌ دكه‌م، لێ‌ پشتی هاتیمه‌ یانێ‌ ژ نشكه‌كێ‌ ڤه‌ هژمارا من بۆ ئیبراهیمۆڤیچی به‌رهه‌ڤكربوو و چو رێز ل من نه‌گرت، له‌ورا دبێژم هه‌ردوكا خیانه‌ت و رێز ل من نه‌گرتن.

12

ئه‌ڤرۆ،

ستێرێ‌ ئه‌لمانی و یانا بایرن میۆنخ گازنده‌ ژ ئاستێ‌ یاریزانان و ئه‌نجامێ‌ یاریا بوری د خولا ئه‌لمانیا دا كر، پشتی ل گه‌ل یانا شتۆتگارت ب دو گۆلان وه‌كهه‌ڤبووین و دیاركر ب ڤی ئاستی تیما وان هه‌مبه‌ری به‌رشه‌لۆنا د مه‌ترسیا خوساره‌تیێ‌ دایه‌ و دێ‌ هێزا خوه‌ ژ ده‌ست ده‌ت.

تۆماس مۆله‌ر بۆ تۆرا سكایی یا ئه‌لمانی گۆت: بۆ جارا ئێكێ‌ یه‌ گه‌له‌ك تۆره‌ دبم ژ خوه‌ و هه‌موو یاریزانا، ئاستێ‌ تیمێ‌ یێ‌ لاواز بوو راسته‌ د خوله‌كا 90ێ‌ دا گۆلا وه‌كهه‌ڤیێ‌ ب په‌نه‌لتیێ‌ هاته‌ تۆماركرن، لێ‌ ئه‌م دناڤ ئه‌ردێ‌ خوه‌ دا و ئاستێ‌ لاواز جهێ‌ مه‌ترسیێ‌ یه‌ هه‌كه‌ بۆ یاریا سوبه‌هی ژ چامپیۆنزێ‌ هه‌مبه‌ری به‌رشه‌لۆنا ب ڤی ره‌نگی بین دێ‌ خوساره‌ت بین، د ناڤ ژوورا خوه‌ گوهۆڕینێ‌ دا ل گه‌ل هه‌موو یاریزانان تۆره‌بووم، بایرن دڤێت زلهێزا خوه‌ ژ ده‌ست نه‌ده‌ت و مه‌ یاریه‌كا بهێز یا هه‌یی هه‌مبه‌ری به‌رشه‌لۆنا و دێ‌ شیانێن مه‌ یێن دروست دیاركه‌ت.

49

سدقی هرۆری

ئه‌ز تێناگه‌هم كا چما ده‌مێ مرۆڤ به‌حسێ خوه‌ وه‌ك تاكه‌كه‌س و فه‌رد دكت ئه‌ز و منێ ب كار نائینت و خوه‌ وه‌ك كۆم ب ناڤ دكت.‌

ئه‌ڤ ده‌مه‌كێ درێژه‌‌ بالا من بێهتر د مه‌دیایا باشوورێ وه‌لاتی دا كه‌تیه‌ سه‌ر وێ چه‌ندێ، ژ بۆ نموونه‌ ده‌مێ كو نڤیسكاره‌ك نڤیسه‌كا خوه‌ د ڕۆژنامه‌ یان كۆڤاره‌كێ دا به‌لاڤ دكت و به‌حسێ وێ چه‌ندێ دكت‌، دبێژت‌ نڤیسه‌كا (مه‌) ل فلان ده‌رێ هاتیه‌ به‌لاڤكرن. ئه‌و ب خوه‌ نڤیس یا وی ب خوه‌، ب ته‌نێ یه‌، یا تا‌كه‌كی یه‌، نه‌ یا گه‌له‌ك كه‌سانه‌، لێ ئه‌و خوه‌ د وێ ڕه‌وشێ دا وه‌ك كۆم ب ناڤ دكت.

نه‌ به‌س ئه‌ڤ، لێ دێ ژ بۆ نموونه‌ بینی كه‌سه‌ك ب ته‌نا سه‌رێ خوه‌ چوویه‌ سه‌ره‌دانا كه‌سه‌كی یان كه‌سه‌ك هاتیه‌ سه‌ره‌دانا وی یان وێ و دێ ل وێ ده‌رێ ژی بینی ئه‌و خوه‌ وه‌ك (ئه‌م) دیار دكت‌ و دبێژت‌ (ئه‌م) چوون سه‌ره‌دانا فلان كه‌سی یان فلان كه‌س هات سه‌ره‌دانا (مه‌).

ئه‌رێ چ ئارێشه‌ د وێ دا هه‌یه‌ كو مرۆڤ ڕاستیێ ببێژت و ژ ئه‌زا خوه‌ شه‌رم نه‌كت و وێ، وه‌ك هه‌یی ب ئه‌ز ب ناڤ بكت. بۆ چ مرۆڤ بسته‌هـ ناكت‌ و باوه‌ریێ ب خوه‌ نائینت‌ و ببێژت ئه‌ز چووم سه‌ره‌دانا فلانه‌ كه‌سی یان نڤیسه‌كا من د فلانه‌ جهی دا هات به‌لاڤ كرن. ئه‌رێ گه‌لۆ د ڤێ دا پرسگرێكه‌كا مه‌ یا ده‌روونی هه‌یه‌ كو ئه‌م خوه‌ ب ئه‌مكرن و مه‌كرنێ هێژاتر، بلندتر و مه‌زنتر ژ ئه‌زێ دبینن!

ما وه‌ختێ هنده‌ك كه‌سێن به‌رپرسیار و ده‌ستهلاتدار ژ خوه‌ نه‌گرن د به‌حسكرنا خوه‌ دا، وه‌ك كه‌س، ئه‌زێ ب لێڤ بكم، ب وی ڕه‌نگی هه‌ول ددن یێ به‌رانبه‌ر نه‌چار بكن، ب زمانێ كۆمێ ل وان ڤه‌گێرت، چما ئه‌م دێ بدن دوو وان و دێ زمانێ خوه‌ خوه‌ خوه‌هر بكن و ئه‌زێ ژێ بمه‌حینن!

ئه‌م هه‌می دزانن كو جڤاك ژ تاكه‌كه‌سان، ژ فه‌ردان پێك دهێت و فه‌ردێن ئازاد و باوه‌ری ب خوه‌ هه‌یی جڤاكه‌كا ئازاد و باوه‌ری ب خوه‌ بوویی چێدكن. گه‌لۆ ما نه‌ دورستتره‌ كو تشت و حاله‌ت وه‌ك خوه‌ و وه‌ك هه‌یی بهێن ب ناڤ كرن. ئه‌ز ب خوه‌ دبینم كو پێدڤی یه‌ ئه‌م ئه‌زا خوه‌ ئازاد بكن و وێ د كۆمێ دا نه‌خه‌ندقینن و بسته‌هـ بكن وه‌ك باب و كالان ببێژن (ئه‌ز) و (من) و ڕێ نه‌دن ئه‌و د كۆمێ دا وه‌ندا ببت. تاك تاكه‌ و كۆم كۆمه‌ و جهناڤێن كه‌سی ژی د كورمانجیێ دا زه‌لال و دیارن.

19

خه‌یالێن ئاڤـــز
نسرین یوسف
ده‌ما جنیقێن ده‌می
پێلا دناڤ
كۆپیتكا هێزێ ڤه‌دده‌ن
ئارمویش ژ ڕكوییا من دوه‌رهت
كـــــــه‌له‌ژانا ڕوژێ
جپكێن سار
دكت خوناڤ و ب هه‌ستێن
منڤه‌ پالوسه‌ دكه‌ت
خه‌یالێن ئاڤز بێده‌را ڤاله‌
مشتاخێن ژڤانا هه‌مێز دكه‌ت!
…..
په‌لاتیــــــنك
تو دزانی
هزرێن تـه‌
یێن بووین
په‌لاتینكه‌كا شویم و
سواری هێزا من بووی
و تو
خه‌ونه‌كا دره‌وینی
نه‌ ب داوی دهێی
نه‌ دهــێیـــه‌ دی.
….

وه‌غه‌ر

هه‌می بێ پێژنیا شه‌ڤی
یادناڤ سنوورێن چاڤێن من دا
غه‌واره‌ بووی
ڕۆژ یا چوویه‌ وه‌غه‌رێ
هه‌می شۆره‌شێن بێ سه‌ركرد
یێن دلناڤ
قولاچه‌كا دلێ من د ا
د مژ و مورانێ وه‌ر بووین.

website security
WP Facebook Auto Publish Powered By : XYZScripts.com