دهۆك، لهزگین جوقی
گوندێ كۆچۆ ل قهزا شنگال دێ بیته موزهخانا جینوسایدێ و ل بهره گۆندهكێ نوی ب رهخ گۆندێ كۆچۆ ڤه بهێته ئاڤاكرن. خهلكێ كۆچۆ ل رۆژا 15/8/2014 ژلایێ تیرۆرستێن داعش ڤه تووشی كۆمهلكوژی بووینه، ژ سهرجهمێ 200 خێزانان هێشتا چو نهچووینه كۆچۆ.
كچێ عهمو سلۆ، ئێك ژ قورتالبوویێن گۆرێن بكۆم ل گۆندێ كۆچۆ راگههاند : “ئهڤه ههشت سال ب سهر كۆمكوژیا گۆندێ كۆچۆ ڤه بۆرین، ههتا نوكه ژی گهلهك ژ خهلكێ گۆندی كۆچۆ بێ سهروشینكرینه و چارهنڤیسێ وان دیار نینه كو پتر ژ 200 خێزانان ل گوندێ ههبوون، بهری سالا 2014ێ پشتی خهلكێ گۆندی تووشی كۆمكوژیێ بووین ههتا ئهڤرۆ 15/8/2014ێ هێشتا ئێك خێزان ژی نه ڤهگهریایه كۆچۆ، چونكو یێ خراببوویه”.
ئاماژه دا وێ چهندێ ژی: “گۆندێ كۆچۆ یێ پێكهاتی بوو ژ دوو هزار كهسان، دهمێ تیرۆرستێن داعش هێرش كریه سهر شنگال ل سالا 2014ێ، 500 ههتا 600 كهسان ژ خهلكێ گۆندێ كۆچۆ شیان خۆ رزگاربكهن و یێن دیتر مانه د گۆندی دا و گۆت: كۆچۆ دووماهی گوندێ كوردایه ل شنگال و یێ ههڤسنوره دگهل گوندێن عهرهبان و دهمێ تیرۆرستان شنگال داگیركری ههر ژ رۆژا 3/8 ههتا رۆژا 15/8/2014ێ خهلكێ گۆندێ كۆچۆ مانه دوورپێچكری و نهشیان خۆ رزگار بكهن”.
كچی عمو سلۆ ئاشكرا كر :”ل رۆژا 15/8/2014ێ تیرۆرستێن داعش هێزهكا مهزن ئینا ناڤ گوندێ كۆچۆ و سهركردهیهكێ داعش هاته دهڤ موختارێ گۆندی و داخاز كر ههموو خهلكێ گۆندی بهێنه دناڤ قوتابخانا گوندی دا، ههر كهسێ دهربازی ناڤ قوتابخانێ بوو تیرۆرستان موبایل و پاره و زێر ژێ وهردگرن و پتر ژ هزار و 250 كهسێن خهلكێ گۆندێ كۆچۆ دناڤ قوتابخانێ دا كۆمكرن، ژ وانا ژی پتر ژ 800 كچ و ژن و زارۆ بوون د ناڤ قوتابخانێ دا زۆلم ل خهلكێ گۆندێ كرن”.
تهكهست كر :”بریار بوو گوندهكێ نوی ب رهخ گوندێ كۆچۆ ڤه بهێته ئاڤاكرن و گوندێ كهڤن كۆچۆ بمینیت و ببیته موزهخانا شنگال، لێ ههتا نوكه ب تنێ حۆكمهتا عیراقێ بهحس دكهت، هێشتا تشتهك نهكریه و ههتا نوكه پتر ژ 100 ناسنامێن رۆفاتێن قوربانیێن گوندێ كۆچۆ ئاشكرابووینه و هێشتا گهلهك رۆفات ل نوژداریا داد ل بهغدا ماینه و هێشتا ناسنامهیێن وان دیار نینن”.
نيشاندان