ئهڤرۆ:
ب سهرپهرشتیا د. عهلی تهتهر، پارێزگارێ دهۆكێ و ب بهرههڤبوونا دهڤهردار و رێڤهبهرێن گشتی یێن پهیوهندیدار ل پارێزگهها دهۆكێ كۆمبوونهك ل دۆر پرۆژێ شوقهیێن كێم دهرامهت و كرێداران هاته ئهنجامدان.
پارێزگارێ دهۆكێ د كۆمبوونێ دا باس ل بڕیارا حكومهتا ههرێما كوردستانێ ل دۆر شوقهیێن كێم دهرامهت و كرێداران كر و دهڤهردارێن پارێزگهها دهۆكێ و رێڤهبهریێن پهیوهندیدار راسپاردن جهێ ئاڤاكرنا شوقهیان ل سنوورێ دهڤهرداریێن پارێزگهها دهۆكێ ل نێزیك جهێن خزمهتگوزاری دهستنیشان بكهن.
دیسا ههر بۆ ههمان مهرهم، دوهی 21/8/2022 ب سهرپهرشتیا جههوهر عهلی، دهڤهردارێ دهۆكێ و ب ئامادهبوونا رێڤهبهرێن ناوچهداریێن زاویته و مانگێشكێ و رێڤهبهرێ گشتی یێ باژێرڤانیان و ههژمارهكا رێڤهبهریێن پهیوهندیدار ل كۆچكا دهڤهرداریێ كۆمبوونهك ل دۆر شوقهیێن كێم دهرامهتان هاته ئهنجامدان و تێدا باس ل دهستنیشانكرنا جههكێ گونجای ژ پێخهمهت ئاڤاكرنا شوقهیێن كێم دهرامهت و كرێداران ل سنورێ دهڤهرداریا دهۆكێ هاته كرن.
بۆ زانین بڕیاره حكومهتا ههرێما كوردستانێ 20 هزار یهكهیێن ئاكنجیبوونێ ل سنوورێ پارێزگهه و ئیدارهیێن سهربخوه ل ههرێما كوردستانێ ل دووڤ رێژا ئاكنجیبوونێ دروست بكهت.
نيشاندان