ئهڤرۆ،
راهێنهرێ تیما تێنسا ئهردی یا یانا دهۆك دیاركر ئهڤه بۆ ماوهكه تیما وان سهر ژیێن جودا بهرههڤیان بۆ قارهمانیا ئیراقێ یا ڤهگری دكهن ئهوا بڕیاره ل حهفتیا بهێت ب پشكداریا باشترین یاریزانێن یانێن ئیراقێ ل سهر ئهردێ یاریگههێن یانا دهۆك بهێنه كرن.
زێدهتر ئاڤدهل حهسهن بۆ رۆژناما ئهڤرۆ گۆت: بڕیاره ل چارێ ههیڤا بهێت قارهمانیا ڤهگری سهر ئاستێ یاریزانێن ژیێن جودا بۆ 10 ههتا 13 سالی و دیسان یاریزانێن ل سهر 14 سالی دا ل یاریگههێن یانا دهۆك بهێته ئهنجامدان ئهوا دهێته چاڤهڕێ كرن باشترین یاریزانێن ئیراقێ و ههلبژارتیێ نشتیمانی یێ ئیراقێ ژ ههولێر، كهربهلا، حلله، بهغدا و دیالا پشكداریێ تێدا بكهن كو دهێته هژمارتن ئێك ژ ههڤڕكیێن بهێز بۆ یاریزانێن پشكدار.
ههروهسا راهێنهرێ یانا دهۆك و ههڤدهم دا یێ ههلبژارتیێ ئیراقێ گۆت: ژ پارێزگهها دهۆكێ حهفت یاریزان بۆ ژیێ سهر 14 سالی دا ئهوژه لارا ئاڤدهل حهسهن، زهلال سهعید خهلیل، سهلوا فازل، ئاواز تهحسین، ڤینۆس شهعبان و ئاڤێستا شهعبان، دیسان چار یاریزان بۆ ژیێن كێمتر 14 سالی ئهوژی ڤینۆس گۆهدار، هانا ئاڤدهل حهسهن، لانا عابد و شهنگ عهبدولغهنی كو ههموو بهرههڤیان دكهن سهرباری راهێنانێن وان نه راوهستیاینه بۆ ماوهكێ درێژه لێ ئهڤه بۆ ماوێ زێدهتری دو حهفتیانه لدووڤ پلانهكا تایبهت راهێنانێن خوه چڕكرینه، دیسان ههبوونا قارهمانیا پارێزگههێ ئێك ژ تاقیكرنێن بهێزه بۆ یاریزانێن مه بهری بكهڤنه د ههڤڕكیێن قارهمانیا ئیراقێ دا و گهشبینم دێ ئهنجامێن باش و دلخوهشكهر ب دهستخوهڤه ئینن، ژبهركو ههموو یاریزانێن مه لدووڤ بهرنامه و رژدی باوهری ب شیانێن خوه ههیه ب ئاست و ئهنجام دێ شێن پلێن باش دهستخوهڤه ئینن.
نيشاندان