د. عامر عبدالله محێ، تایبەتمەندێ تاقیگەهێ و شلوڤەکرنا نەخۆشیان دیارکر بۆ جارا ئێکێ د مێژوویا عیراقێ دا، ئامیرێ NextSeq 2000 ل دهۆکێ هاتەدانان و گۆت: ئەڤ ئامیرە ل سەر ئاستێ عیراقێ و ئوردنێ ژی ئێکەمینە د جورێ خۆ دا و دێ خزمەتەکا مەزن پێشکێشی نەخۆشان کەت.
دیارکر، ئەڤ پێنگاڤه دێ پراکتیکا پزیشکی ل عیراقێ د بوارێ نەخۆشیێن جینی و نەخۆشیێن گرێکا و پەنجەشێرێ بەرەڤ ئاستەکێ گەلەک پێشکەفتی بەت.
د بەرسڤا پرسیارەکێ دا، ئەڤ ئامیرە دێ چ گوهۆڕین پەیداکەت؟ گۆت: ب هەبوونا ڤی ئامیرەی، بۆ جارا ئێکێ ل عیراقێ پشکنینێن جینی یێن گشتگیر و پێشکەفتی ل سەر ئامیرێن illumina دێ هێنە ئەنجامدان و ئامیرێن illumina تاکە ئامیرن کو ل تاقیگەهێن جیهانی یێن باوەرپێکری دهێنە بکارهینان.
دیارکر ژی، مەرەم ژ پشکنینێن جینی یێن گشتگیر ئەڤەنە؛ “ Whole Exome، Sequencing، Whole Genome Sequencing ب ۆ نەخۆشیێن جینی و Comprehensive، Genomic Profile
بۆ گرێک و پەنجەشێران و گۆتژی؛ بەری نوکە، ئەڤ جورە پشکنینە پتریا جاران دهاتنە رەوانەکرن بۆ دەرڤەی وەلاتی، یان بۆ تاقیگەهێن جیهانی یێن ب ناڤودەنگ یانژی تاقیگەهێن هەرێمی یێن نە بەرنیاس.ئەگەر ل ناڤ عیراقێ ژی هاتبانە کرن، ب ئامیرێن د ئاستێ ئامیرێن “إلومينا” یێن جیهانی دا نەبوون.
دیارکر، ئەڤ پێنگاڤە دێ بیتە وەرچەرخانەکا مەزن د ئاستێ خزمەتگوزاریێن پزیشکی دا د بوارێ نەخۆشیێن جینی دا. دێ هەمی وەلاتی، دەزگەهـ، تاقیگەهـ و نەخۆشخانێن کەرتێ تایبەت و حکۆمی مفا لێ بینن، د چارچۆڤێ هەماهەنگیەکێ دا کو خزمەتا وەلاتی بکەت.
ل دهـۆکێ جـورەکـێ نوی یێ پشکـنینێن پەنجـەشێرێ و جێنیتیک دهێنەکـرن
نيشاندان