سالار محەمەد دۆسكی:

3-8

فەریق جەمال ئێمینكی، ئەو ژی گۆت: پشتی لەشكرێ‌ ئیراقێ‌ چوویە دكوێتێ‌ دا و ئەمریكا ل گەل وەلاتێن هەوپەیمانان شیان لەشكرێ‌ ئیراقێ‌ دەربێخن ژ كوێتێ‌ و لەشكرێ‌ ئیراقێ‌ تووشی خوسارەتیەكا مەزن بوو ژلایێ‌ كوشتی و ئێخسیر و بریندار و مورالا لەشكری هاتە خوار و ل باشور و ناڤەراستا ئیراقێ‌، ئەو بوو رێكەفتی 5/3/1991 ل باژێرێن كوردستانێ‌ دەست ب سەرهلدانێ‌ كرن و هەمی باژێر ژلایێ‌ پێشمەرگەی ڤە هاتنە كونترۆلكرن و برایەكێ‌ من بناڤێ‌(موسی) ژ دیك بوویێ‌ سالا 1965 بوو ژمن بووكتر بوو ل رۆژا 15/2/1991 ل شەرەكی دا ل گرێ‌ میری ل دەڤەرا (فایدە) شەهید بوو.
فەریق جەمال ئێمینكی زێدەتر گۆت: دەمی سەرهلدان و خەلك رابوو ل هەمی باژێرێن ئیراقێ‌ و دهۆك ژی ئێك ژ باژێران بوویە و جندیەك كورد هەبوو و خەلكێ‌ مویسل بوو و دوجاران من هنارت بۆ دیفچوونا رێكێ‌ كا یاڤەكریە و دهات هەتا دومیز و نەدشیا دەربازبیت و گۆت: پێشمەرگە هاتیە دەڤەرێ‌ و دەستیردان هاتین بوو 1/4/ هاتمە دەستیردانێ‌ وی دەمی رەمەزان بوو هاتمە دەستیردانێ‌ و هەتا من پرسیار ژی وی دەمی مرۆڤەكێ‌ مە ل مویسل بوو چوومە دەف و دووڤدا مە پرسیاركر كو هێزێن چەتا و لەشكری گەهشتینە شێلادزێ‌ وی دەمی ترۆبێلەكا لەشكری ل گەل من بوو، كەسەكێ‌ دی ل گەل من هات هەر خەلكێ‌ دهۆكێ‌ بوو بناڤێ‌ (جەلال ئێتیتی) و (هەڤال پێداوی)و من ئەو ژی ل ترۆمبێلا لەشكری ل گەل خوە سوار كر و ئەم بەرەف شێلادزێ‌ چووین چونكە جلكێن لەشكری ل بەرمەبوون و كەسەكێ‌ پرسیار ژ مەنەكر و هێزێن ئیراقێ‌ وی دەمی دلاواز بوون هێزاوان
ژناف چووبوون و نە گەلەكا رێكخستی بوو بەلكو گەلەك یا بێ‌ سەروو بەر بوو و ئەو سالەك بوو پلا من یا لەش هاتی، پشتی ئەم گەهشتینە دەڤەرێ‌ مرۆڤەكا مە ل وێرێ‌ بوو و من پرسیارا مالا مە كر گۆت یێن چوویمە چەم جی و ل دەڤەرێ‌ مە جلكێن مەدەنی سەر جلكێن لەشكری دا كرنە بەر خوە و مە ترەكتورەك دیت و ەم گەهاندینە (چەمێ‌ جی) و ئەم ب دو رۆژا هەتا گەهشتینە چەمێ‌ جی چونكە گەلەك قەربالغا خەلكی دڕێكێ‌ دا بوو
جەمال ئێمینكی، ئەو ژی گۆت: برایێ‌ من ل سەرهلدانێ‌ شەهید ب بوو و هەتا گەهشتیمە چەم جی من شنی زانی كو برایێ‌ من (موسا) شەهید بوویە و برایێ‌ من ل (گرێ‌ میری) شەهید ب بوو و هەڤالەكی پێشتر ب رێكێ‌ ڤە ئاماژە كرە وێ‌ چەندێ‌ و گۆت برایەكێ‌ تە شەهید بوویە؟ گەلەك مامە پێڤە وی زانی من ئاگەه ژێ‌ نینە ئەڤجا نووچێ‌ شەهید بوونا وی ل بەر من بەرزەكر .
هێشتا گۆت: دووڤ دا رێكخراوێن بیانی هاتنە ناڤ باژێری حوكمەتا ئیراقێ‌ دەست ب ڤەكێشانێ‌ كر و هێزێن پێشمەرگەی هاتنە ناڤ باژێری وی دەمی بەرەی كوردستانی بوو و ئەم چووینە زاویتە مە پەیوەندی ب هێزێن پێشمەرگەی كر وی دەمی خودێ‌ ژێ‌ رازی (سەید سالح) بەرپرسێ‌ نڤێسینگەها لەشكر بوو و ئەم نێزیكی (15) ئەفسەرێن ئەكادیمی بووین مە پەیوەندی ب رێزێن پێشمەرگەی كری و مە پێزانین خوە دانێ‌ و جار جار ئەم چووینە وێرێ‌ وی دەمی و (سەید نایف) بەرپرسێ‌ نڤێسینگەهێ‌ بوو و كاك (فەیسەل روستینكی) ل گەل بوو ل وێرێ‌ بوو و دووڤ دا بەرێز (بابكەر زێباری) هات بۆ بەرپرسێ‌ نڤێسینگەها لەشكری وی ماوەی دا مە هندەك هزردانێ‌ كو هندەك فەوجێن رێكخستی دروست بكەین سالا 1992 فەوجەك مە ل دهۆكێ‌ دروستكر لەشكری شۆرەشگێری كوردستان و فەوجا دوو ل زاخۆ دروستكر و سریەك ژی ل سێمێلێ‌ و ئەم هەمی ئەفسەرێن ئەكادیمی بووین و ئەو لەشكرێ‌ مە قەبوولكری ژی هەمی گەنج بوون دناڤبەرا 18 سال هەتا 20 سالیێ‌ بوون و پشكەكا وا ئەو كورد بووینە ئەوێن دناڤ لەشكرێ‌ ئیراقێ‌ دا و پەیوەندی ب مەكرین و ئەم بەردەوام بووین ل فەرماندەیا دەڤەرێ‌ ل گەل فەوجێ‌ دا تاكو سالا 1993 دووڤ دا بوومە، ف/1 (بابەكر زێباری) بۆ فەرماندێ‌ بەرەی كوردستانی بوو و لیوایێن هاوبەش هاتنە دروستكرن، پشتی شەۆێ‌ ناڤخوە دروست بووی دەست ب دروستكرنا فەوجا كر و ئەز هاتمە ڤەگوهاستن و بوومە هاریكارێ‌ فەوجا هەشت ل دەف (ئەبو عەلو بانی) ل هەمان سالا 1993 دا.

سالار محەمەد دۆسكی:

2-8

فەریق جەمال ئێمینكی، بەحسێ‌ قوناغێن ناڤنجی و ئامادەیی كر گۆت: ل دەسپێكێ‌ بتنێ‌ قوناغا ناڤنجی وەك زمانێ‌ كوردی ل برایەتی دهاتە خواندن، دووڤد قوناغا ئامادەیی ژی هاتەڤەكرن و بتنێ‌ خواندنا كوردی ل ئەوێ‌ قوتابخانێ‌ دهاتە خواندن ل باژێرێ‌ دهۆكێ‌ و من هەر دو قوناغ ل وێ‌ خواندنگەهێ‌ ب سەرڤەرازی دەربازكرن.
سەرۆك ئەركانێ‌ بەرێ‌ یێ‌ پێشمەرگەی گۆتژی: قوتابخانا برایەتی وێ‌ قوناغێ‌ دهاتەدیتن وەك قوتابخانەكا كوردایەتی چونكە زمانێ‌ كوردی دهاتە خواندن و پێشتر ژی ل قوناغا سەرەتایی هەر ل قوناغا ئێكێ‌ من خواندنا كوردی خواند بوو و ئەو بوو 11 ئادارێ‌ ژی هات هەر كوردی بوو هەتا قوناغا دووماهیێ‌ مە كوردی دخاند و ل دەسپێكێ‌ ناڤنجی یا مە ئاشتی بوو دووڤ دا ئاشتی كرە عەرەبی و ناڤنجی یا برایەتی ڤەكر و ئەم چووینە برایەتی چونكە خواندنا مە وەك من ئاماژە پێكری پێشتر هەر مە ب كوردی خواند بوو و قوتابخانا برایەتی وەك پێشتر مە دیاركری قوتابخانەكا كودایەتی بوو و حوكمەتا بەعس ب چاڤەكێ‌ دی سەحكرێ‌ و بەردەوام ئەگەر تە سەحكربا دەردورێن ئامادەیا برایەتی سیخورێن ئەمنێ‌ و مرۆڤێن خراب ل دورا بوون و ئانكو بەردەوام برایەتی ل بەر دیفچوونێن دژوار بوو و هەمان دەم ل سەیرانێن قوتابخانێ‌ گەلەك ب دەرفەت دهاتە دیتن ژلایێ‌ قوتابیان ڤە وەك هەستەكێ‌ نەتەوەیی و هەمی ب جلكێن كوردی و سترانێن كوردی و دەواتا كوردی بوو و هەر قوتابیەكی ب دەربرینەكێ‌ هەست و ڤیانا خوە بۆ دوزا مللەتێ‌ خوە یا رەوا دەردبری و هەمی سترانێن شورشگێری بوون، بیرا من ناهێت چ مێژوو بوو بەلێ‌ 1980 یان 1981 بوو دواناوەندی یا برایەتی بەرهەڤی ژی كرن بۆ ئەنجامدانا خوپیشاندانەكێ‌ بەلێ‌ گەلەك دورپێچ هاتنەكرن و نەشیان ئەڤی كاری ئەنجام بدەن و ئانكو بگشتی چاڤدێریەكا گەلەك توند ژلایێ‌ ئەمنێ‌ ڤە ل سەر برایەتی هەبوو، ل سالا 1982 پشتی قوناغا شەشێ‌ من ب دووماهی ئینای من پێشكێشی كولیژا لەشكری كر ل بەغدا و دایك و بابێن من گۆتن ب دلێ‌ مە نینە بچیە كولیژا لەشكری بەلێ‌ تو ب كەیفا خوەیی وی دەمی تێكرا نمرێن من 70% بوو پشكا زانستی و كولیژا كارگێری و ئابووری ل زانكۆیا مویسل ناڤێ‌ من دەركەفت بوو و هەمان دەم من پێشكێشی كولیژا لەشكری ژی كر و من گۆت ئەگەر چ بوو باشە و ئەگەر چ نەبوو من كولیژا خوە هەیە و دێ‌ بەرەوامیێ‌ دەمە خواندنا خوە وڤیانا من بۆ كولیژا لەشكری حەزا من بوو وی دەمی ئەفسەرێن كورد گەلەك دكێم بوون ئەوێن دهۆكێ‌ هەین ژی مە نەنیاسین، لیوا (سەعدی كەمەكی)دەچوویێ‌ برایەتی بوو بەری من ب خولەكێ‌ چوو بو كولیژا لەشكری و من هندەك پرسیار ژ وی دكرن ل سەر كولیژا لەشكری، جهێ‌ ئاماژەكرنێ‌ یە بەری شەرێ‌ ئیراق و ئیرانێ‌ رەنگە كولیژا لەشكری قوتابیێن كورد گەلەك بزحمەت وەرگرتبانە ژبەركو شەرێ‌ ئیراق و ئیرانێ‌ پێدڤی ب ئەفسەران بوو لەوما وی ماوەیی دا ئەم هاتینە وەرگرتن و خولا بەری مە نێزیكی هەشت قوتابیێن كورد هەبوون كو خەلكێ‌ دهۆك و زاخو و خولا مەژی ب هەمان شێوە زێدەباری كوردێن باژێری مویسل ژی چەند قوتابی ل گەل مە داهەبوون و خولا مە ژمارا وان نێزیكی 1960 قوتابی بوون ل كولیژا لەشكری ل سەرانسەری ئیراقێ‌ هاتینە وەرگرتن و بتنێ‌ یەك كولیژا سەربازی ل ئیراقێ‌ هەمیێ‌ بوو و كولیژەكا دی هەبوو یا یەدەك بوو و دەرچوویێن كولیژێن مەدەنی وەرگرتن و شەش هەیڤان چوونە خولەكێ‌ و پشتی دەرچوونێ‌ ئەوژی دبوونە ئەفسەرێن یەدەك، ل سالا 1984 هەیڤا تەموزێ‌ ل كولیژا لەشكری ل بەغدا دەرچووین،
وی دەمی مالا مە ل گوندی بوو و جارەكێ‌ دو جاران هاتمە مال بەلێ‌ ب دلێ‌ بابێ‌ من وا نەبوو و هەمان دەم مە مالەك ل باژێری ژی هەبوو وی دەمی پێشمەرگە دهاتە گوندی و بابێ‌ من گۆت ترسین رۆژێن بهێـت حوكمەت دیفچوونێ‌ ل سەر تە بكەت و باشترە نهێیە گوندی و پشتی ئەم دەرچووین هەیڤا 11 هەمان سال مە پەیووەندی د ب فەوجا مغاویرا كر ل چوارتە ل پارێزگەها سلێمانیێ‌ وی دەمی شەرێ‌ ئیراق و ئیرانێ‌ وێ‌ دەرڤەێ‌ بوو و ژ 1984 هەتا 1988 یێ‌ پشكداربووم وی شەری دا، پشتی ب دووماهی هاتنا شەری دووبارە رێكخستنا هێزا هاتەكرن و 2/8/1990 هێزێن ئیراقێ‌ چوونە كوێتێ‌ دا و دووبارە رێكخستنا هەیكەل و میلاكێ‌ یەكا مە ڤە هاتەكرن و ئەم هاتینە ڤەگوهاستن بۆ (مەندەلی) وی دەمی پلا من (نەقیب) بوو، راستە ئەم چووبووینە كولیژا لەشكری و ئەم ئەفسەر بووین بەلێ‌ هەر هزر و بیرێن كوردینیێ‌ سەرێ‌ مە دابوون و ئەم ب ژڤان بووین رۆژەكێ‌ بهێنە ناڤ رێزێن لەشكرێ‌ وەلاتێ‌ خوە كوردستانێ‌ دا.
فەریقی گۆتژی: ل سالا 1984 هەر وێ‌ سالێ‌ برایێ‌ منێ‌ شەهید (موسا) پەیوندی ب شۆرشا گولانێ‌ كربوو و هەر من هزر كر دێ‌ رۆژەكێ‌ دیفچوون و پرسیارا ل سەر بابەتی و چوونا برایێ‌ من بو ناڤ پێشمەرگەی ژ من هێـتەكرن بەلێ‌ دەربازبوو و چ پرسیار ژ من نەكرن و هەمان دەم موختارێ‌ گوندی ژی هەر مرۆڤێن مەبوو ئەوژی ناڤ نەدانە حوكمەتێ‌ ئەڤێ‌ چەندێ‌ ژی كارتێكرن ل سەر دیفچوون و پرسیاركرنێ‌ ل سەر من هەبوو وی دەمی ل گوندان بتنێ‌ پرسیار ژ موختاری دهاتەكرن و نەوەكی ناڤ باژێری بوو و موختار ژی خوش مروڤ بوو و مرۆڤێ‌ مەبوو.

سالار محەمەد دۆسكی:

1-8

فەرماندە جەمال محەمەد عومەر یێ‌ بەرنیاس ب فەریق (جەمال ئێمینكی)، ل سالا 1962 ل گوندێ‌ ئێمینكێ‌ ل دەڤەرا مزیری یا ژ دایك بوویە، خواندنا خوە یا سەرەتایی و ناڤنجی و ئامادەیی ل باژێرێ‌ دهۆك ب دووماهی ئینایە و دووڤدا ل كولیژا سەربازی ل بەغدا هاتیە وەگرتن.
فەریق جەمال ئێمینكی، د دیدارەكێ‌ دا ل گەل رۆژنامەیا ئەڤرۆ بەحسێ‌ بیرهاتنەكا خوە یا نەخۆش ل قۆناغا سەرەتایی دكەت كو ژ مرنێ‌ قورتال ب بوون ل گەل پسمامەكێ‌ خوە ل هەمان قوتابخانە گۆت: ل گوندێ‌ مە قوتابخانە نەبوو و هەر دو قوناغێن ئێكێ‌ و دووێ‌ مالا مە ل دهۆك بوو و دەمێ‌ چوویمە قوناغا سیێ‌ مالا مە چوو گوندی و قوتابخانە ل گوندی نەبوو نەچاربووم ل مالا خالێ خوە ل دهۆكێ‌ بخوینم و ئاكنجی ببم و بتنێ‌ رۆژێن پێنچ شەمبی و ئەینی بهێمە مال و ئەم بپیا ژ دهۆكێ‌ دهاتینە ئێمینكێ‌، رێك ب پیابوو و رێكا گەلیێ‌ بێسرێ‌ یا نوكە ل سالا 1977 هاتیەدروستكرن.
فەریق جەمال بەردەوامی دا ئاخفتنێن خوە و گۆت: وەرزێ‌ زڤستانێ‌ ژبەر ئاڤا رویبارێ‌ گەلیێ‌ بێسرێ‌ ئەم نەچاربووین درێكا گەلیێ‌ ئێتیتێ‌ بچینە گوندێ‌ خوە، ل سالا1973 ئەز و كور مامێ‌ خوە (عزەت یوسف) مە هەر دوكان ل مالێن خالێن خوە دخاند ل باژێرێ‌ دهۆكێ‌ و دووماهی تاقیكرنا نیڤا سالێ‌ ل هەیڤا دوازدە بوو و ئەم گەلەك خەریب ب بووین ژ گوندی و دایك و باب و خویشك و برایێن خوە و مەنەدڤیا ئێك رۆژ ژ ئەوا 15 رۆژێن بهێنڤەدانا نیڤا سالێ‌ ژ مە بچیت و مە بریاردا هەر پشتی رۆژا دووماهیێ‌ ژ تاقیكرنێ‌ و بێی ئاگەهداركرنا مالێن خالێن خوە و ب پیا بچینە گوندێ خوە و هەتا ئەم گەهشتینە گەلیێ‌ بێسرێ‌ و گەهشتینە ناف گەلی دا و بەرفرێ‌ لێكر وی دەمی هەژاری بووی و جلك و پێلاڤێن مە دبێ‌ سەرووبەر بوون و ماوەكێ‌ كێم دا بوهستەكێ‌ بەفرێ‌ لێكر و ئەم بەر مالەكێ‌ را ل گوندێ‌ بێسرێ‌ را دەربازبووین ئەوا هزر كر ئەم خەلكێ‌ گوندی نە و پرسیارا مە نەكر دێ‌ كیڤە چین و هەتا ئەم گەهشتینە رویباری بەفر نێزیكی چوكەكی لێكر و كەفت و دهۆكێ‌ بەفر نەبوو دەمێ‌ ئەم هاتین وەختێ‌ هاتین و رەنگە سپێدێ‌ بیت بەفر وی جهی هات بیت و ئەم چووینە رویباری دا پێن مە ڵال ب بوون و روح تێدا نەمابوو و زڤساتن ژی بوو و ئاف رابوو و هاتن و چوون نەبوو و هەر مە هزردكر گورگ دێ‌ مە ب رێڤە خوت و هەمان دەم مژەكا دژوار چێ‌ ب بوو وەختەكی من سەحكرێ‌ كتەكا پێلاڤا من دپێ‌ من نینە و زڤریم من پێلاڤا خوە ئینا و یا دی ژی من دەستێ خوە گرت و هەر دەم بۆ دەمی ئەم یێ‌ پێن خوە دكەینە ئاڤێ‌ دا و ترسیم و چاڤێ‌ مە ل چیایی یە كا دەنگێ‌ گورگا دهێت یان نە و ئەم گەهشتینە بەتنا گوندی و مامەكێ‌ مە تەرشو كەوالێ‌ خوە دەرتێخست و ئالفی دایێ‌ و گۆت خیرە من گۆتێ‌ عزەت ب رێكێ‌ ڤەیە هەرنێ‌ و جلكێن مە ژ بەرمەكرن و ئەم بەتەنیا پێچاین و داناینە بەر سوپێ‌ و ئەم بۆ خوشیێ‌ چووبووینە گوندی بەلێ‌ ئەم ژ مرنێ‌ قورتال بووین و رۆژەكێ‌ دویان ئەم نەشیاین دەركەڤین و شنی روح هاتە پێن مە و هەمان دەم هندەك قوتابیێن گوندێ‌ پێدەی ژی دیف مە را هاتبوون كو بچنە گوندی و گەهشتنە ئێمینكێ‌ بۆ شەڤ و ماینە ل گوندی و رۆژا دی زڤرینە باژێری ڤە و نەشیاین دەربازبین ژ بەر بەفرەكا زوور كەفت بوو.
جەمال ئێمینكی، گۆت: ل سالا خواندنێ‌ 1974- 1975 ئەم سالەكێ‌ ژ خواندنێ‌ هاتینە گیروكرن و ئەم وێ‌ سالێ‌ بكەفتی هاتینە هژمارتن و كاودان گەلەك تێكچوون و دەڤەرێن مە ئەو دەڤەر بووینە ئەوێن دەستێن پێشمەرگەی دا و ئارامی تێدا هەی و سالا خواندنێ‌ 1974 – 1975 دووبارە مە دەست ب خواندنێ‌ كر ل قوناغا شەشێ‌ سەرەتایی و ئەم شیاین وێ‌ سالێ‌ خواندنا خوە تەمام بكەین وی دەمی ئەم گەلەك قوتابی بووین و ناڤێ‌ (عائدون) حوكمەتێ‌ دانا سەر قوتابیێن ژ ناڤ شورەشێ‌ ڤەگەریاین.
هەمان فەرماندەیێ‌ پێشمەرگەی ئەو ژی گۆت: بابێ‌ من پێشمەرگەیێ‌ شۆرشا ئیلونا مەزن بوو و هەمان دەم ب كارێ‌ جوتیاریێ‌ ڤە ژی ل ناڤ گوندی یێ‌ مژوول بوو گوندێ‌ ئێمینكێ‌ بەردەوام ل گەل شۆرشێ‌ دا و چەندین پێشمەرگێن هەرە قارەمان خەلكێ‌ گوندی بوون.