ئافرەتا كورد دشێت رۆلەكی كاریگەر دجیهانا فلمسازیێ دا ب گێڕیت
دلڤین رەشید
ئەكتەرا بەرنیاس (مینا ئەیاد) د دیدارەكێ دا بۆ رۆژنامەیا ئەڤرۆ گۆت: ئەز خەلكا باژێرێ رەوەاندزێ مە، ژ دایكبوویا سالا 1998 مە و نوكە ل باژێرێ هەولێری دژیم، دژیەكێ بچووك دا من حەزا كارێ ئەكتەریێ هەبوو، نە بتنێ دڤیا كارێن سادە بكەم، بەلكو من دڤیا رۆلێ خۆ دبۆاری ئەكشن دا ببینم.
هەروەسا گۆت: دجیهانا سینەمایا هەڤچەرخ دا گوهۆڕینێن مەزن پەیدا بووینە، ئەو ژی دەركەفتنا رێژەیەكا باش ژ ئافرەتێن هونەرمەند و ئەكتەر كو شیاینە رۆلەكی باش و سەركەفتی دڤی بۆاری دا بگێڕن، سنورێن كلاسیك دەرباز بكەن و ب رێكا كامیرێ تیشكێ دئێخنە سەر وان گۆشەیێن تاری ئەوێن دناڤ جڤاك دا هەین و د هەمان دەمی دا هێز وشیانێن ئافرەتا كورد ژی دیار بكەن و ئافرەتا كورد هەر د مێژویێ دا شیایە رۆلەكی باش دبۆارێن جودا جودا بگێڕیت، ل ڤێ دووماهیێ ژی رێژەیا ئافرەتا كورد دهەموو بۆاراندا زێدەبوویە ب تایبەت ژی دناڤ هونەرێ فلمسازیێ دا وەك ئەكتەر شیانێن باش هەنە و ئافرەتا كورد دشێت رۆلەكی كاریگەر دجیهانا فلمسازیێ دا ب گێڕیت.
