د دیدارەكێ‌ دا ئەیوب ئۆدیشۆ ڕاهێنەرێ‌ تیما یانەیا زاخۆ كەیفخوەشیا خوە دیار كر ب سێ‌ خالێن گرنگن ژ پایتەختێ‌ ئیراقێ‌ بەغدا ڤەگەڕیان و هیڤی خواست بەردەوامبن ل سەر ئەنجامێن باش.
ئەڤ چەندە هات پشتی ژ چارچووڤەیێ‌ دەستپێكا هەڤڕكیێن گەڕا 26ێ‌ یا خولا ستێرێن ئیراقێ‌ یا فوتبۆلێ‌ شیایی سەركەڤتنێ‌ ل سەر خودانێن ئەردی یانەیا ئەمانەت بەغدا بینن ب دو گۆلان بەرانبەر گۆلەكێ‌، هەردو گۆلێن یانەیا زاخۆ ژلایێ‌ یاریزانان ئاسۆ رۆستەم د خولەكا سێیێ و ماتیۆس لۆكاس د خولەكا 43ێ‌ دا تۆماركربوون.
زێدەتر ڕاهێنەرێ‌ ناڤهاتی گۆت: هەرچەندە مە سەركەڤتنەكا گرنگ ئینا و ئەو ئارمانجا مە بوو، ژبەركو تیما مە تووشی ئاستەنگەكا مەزن بوویە ب دووركەڤتنا هەتا هەشت یاریزانان ژبەر هنگاڤتنێ‌ و كارتێن زەر، ئەڤچەندە كاریگەری و كارتێكرن ل سەر پلانا مە كربوو، لێ‌ یاریزانێن ل جهێ‌ وان شیان ببنە جهێ‌ بەرپرسیارەتیێ‌ و باشترن ئاست نیشان دان تایبەت د نیڤا ئێكێ‌ دا.
هەروەسان ناڤهاتی گۆت: ئەڤ سەركەڤتنە گەلەك یا گرنگە بۆ بەردەوامی دا بەر ب هەڤڕكیێ ل سەر ڕێزێن باشتر و هەروەسان یاریزان پتر باوەری ب خوە هەبیت، ژ ئەڤرۆ وێڤە دێ‌ هزر د یارییا بهێت دا كەین ل رۆژا چارشەمبی بەرانبەر زەورا، هیڤییا مە ئەوە ل سەر ئەنجامێن خوە یێن سەركەڤتی د بەردەوامبین.
ژلایەكێ‌ دووڤە یانەیا ئەمانەت بەغدا سكالایەك دژی یانەیا زاخۆ ل لژنەیا دستپیلینێ‌ ل فدراسیۆنا فوتبۆلا ئیراقێ‌ تۆماركریە ب بوهانا گوهۆڕینا یاریزانەكی ژ یەدەك بۆ یاریزانێ‌ سەرەكی پشتی سەرپەرشتێ‌ یاریێ‌ لیستە ئیمزاكری و بۆرینا 90 خولەكان بەرۆڤاژی ڕێنمایێن لالیگایێ‌ و بەری یاری بێ‌ ئەو بهێنە ئاگەهداركرن، لێ‌ بەرپرسێن تیما زاخۆ ئەڤچەندە ڕەدكریە و دایە زانین كو بەری یاری دەستپێبكەت سەرپەرشتێ‌ یاریێ‌ و فدراسیۆنا فوتبۆلا ئیراقێ‌ ئاگەهداركرینە كو ژبەر چەند ئەگەران ئەو نەچارن یاریزانەكێ‌ خوە ب گوهۆڕن و ڕازەمەندی وەرگرتیە، ئەڤەژی ل دووڤ ڕێنمایانە و یاسا دەستیریێ ددەتە هەر تیمەكێ‌.
هەژی گۆتنێ‌ یە ژبەر هنگاڤتنێ‌ هەر ئێك ژ شێركۆ كەریم، جۆسێب ماوریسیۆ، ئەندرێ‌ چیچك، محەمەد سۆلا، ئیجێتا دیپۆتی، هادی كەریم و ئۆسامە رەشید، هەروەسان كاپتنێ‌ تیمێ‌ ئەمجەد عەتوان پێنچ كارتێن زەر وەرگرتینە.

پشتی ئاستێ‌ مەزن یێ‌ یاریزانێ‌ كوردستانی و كوڕێ‌ هەولێرا پایتەخت ئاكام هاشم دگەل هەلبژارتیێ‌ ئیراقێ‌ د ڤاڤارتنێن مۆندیالا جیهانی 2026ێ‌ تایبەت یارییا ڤەبڕ یا ئیراقێ‌ بەرانبەر بۆلیڤیا، چەند یانەیێن مەزن بزاڤێن ڕازیكرنا ئاكامی كرینە بۆ ئیمزاكرنا گرێبەستێن وان.پشتی ئاستێ‌ مەزن یێ‌ یاریزانێ‌ كوردستانی و كوڕێ‌ هەولێرا پایتەخت ئاكام هاشم دگەل هەلبژارتیێ‌ ئیراقێ‌ د ڤاڤارتنێن مۆندیالا جیهانی 2026ێ‌ تایبەت یارییا ڤەبڕ یا ئیراقێ‌ بەرانبەر بۆلیڤیا، چەند یانەیێن مەزن بزاڤێن ڕازیكرنا ئاكامی كرینە بۆ ئیمزاكرنا گرێبەستێن وان.ل دووڤ ژێدەرێن رۆژنامەڤانی یێن ئیراقێ‌ یانەیەك ژ فرەنسا، هەروەسان هەردو یانەیێن هیلال و ئیتحاد یێن سعۆدی و یانەیا سەد و ئەلغرافە یێن قەتەری ل سەر هێلن ژبۆ ڕازیكرنا یاریزانێ‌ كوردستانی و كوڕێ‌ هەولێرا پایتەخت ئاكام هاشم كو دبیتە جارا دویێ‌ ئەڤ یانە ئۆفەرێن خوە پێشكێشكرینە پشتی ل دەستپێكا ئەڤ سالە ئۆفەرێن خوە پێشكێشكربوون دەرئەنجامێ‌ ئاستێ‌ وی دگەل هەلبژارتیێ‌ ئیراقێ‌ ددەمێ‌ قارەمانییا كۆپا عەرەبی دا.ژلایەكێ‌ دووڤە میدیایێن سعۆدیێ‌ بەلاڤكرییە كو یانەیا هیلال پێنگاڤێن باش هاڤێتینە و ڕژدە بۆ وەرزێ‌ بهێت یاریزان ئاكام هاشم بینیتە دناڤ ڕێزێن خوە دا ب شێوەیێ‌ گرێبەستا ڤەكری و بەرهەڤە هەر داخوازییەكا یاریزانی بڤێت بۆ دابینبكەت، ئەڤچەندە ژی ل سەر داخوازا ڕاهێنەری یە پشتی ئاستێ‌ بلند یێ‌ یاریزانی د ڤاڤارتنێن مۆندیالێ‌ دا و ئێك ژ ئەگەرێن دەربازبوونا ئیراقێ‌ یە بدەستڤە ئینانا پلێتا دەربازبوونێ‌ بۆ مۆندیالێ‌.گرێبەستا یاریزانێ‌ كوردستانی یێ‌ 27سالی هەتا دووماهییا وەرزێ‌ ئەڤ سالە یێ‌ خولا ستێرێن ئیراق دگەل یانەیا زەورایە، ئەوێ‌ دەستپێكا وی دگەل یانەیا هەولێر بوو، دووڤدا بۆ یانەیا شورتە كربوو، د نوكە دا یاریزانێ‌ یانەیا زەورایە.

شاهۆ فەرید:

د داخویانەکێ دا د.عەلی ئەحمەد ئەندامێ فدراسیونا باسکێت بۆلا ئیراقێ بۆ رۆژنامەیا ئەڤرۆ دیارکر بۆ وەرزێ نوو دێ دەست ب چالاکیێن خوە کەین و بزاڤێن کاراکرنا خولێن نایاب و لاوان و کچان دێ هێنە کرن.
زێدەتر ناڤهاتی گۆت: دێ کۆمبوون دگەل یانەیێن پشکدار د خولا ئیراقێ دا هێتە کرن پێخەمەت دانانا میکالێنزمەکێ بۆ بڕێڤەبرنا چالاکیان د وەرزێ ئەڤ سالە دا سەرباری کاودانێن نوکە یێن ئیراق و کوردستان تێدا دەرباز دکەت، د نوکە دا ئەم کار بۆ چاوانییا دەستپێکرنا وەرزێ نوو یا خولا پلا نایاب دکەین کو چاوانییا بڕێڤەبرنا وێ یا ژ هەمیا گرنگتر دێ لسەر ئەنجامدانا خولا نایابا باسکێت بۆلا ئیراقێ بیت و هەر زوو بەرهەڤی بۆ وەرزێ نوو بهێنەکرن، تیمێن پشکدار ژی خوە بەرهەڤبکەن و کەمپێن راهێنانان دانن.
هەروەسان ناڤهاتی گۆت ژی : چەند پێشنیار هەنە مە نەڤێت لسەر یانەیا بکەینە ئەرك، دێ کومبوونێ کەین ل گەل وانا ئەوان خالا گەنگەشەکەین، سەر رێکەڤین کادێ شێوەی خولێ چنشێوازی هێتە کرن، شێوازێ خرڤەبوون ل جهەکێ یان دو جها و چەند یانە دێ پشکداربن ژ ئەوێن ناڤێت وانا هاتینە گازیکرن بۆ کومبوونێ دێ چەند پشکداربن، پشتی بزانین چەند تیم دێ پشکداربن دێ سەر دەمی و شێوازی رێکەڤین، وەکۆ فدراسیون لسەر چ شێوازبیت ئەم و یانە بگەهینە رێکەفتنێ دێ خول وەسا هێتە ئەنجامدان، یاریزانێن پێشەکار دێ پشکداریێ کەن، هەروەسا دێ پێشنیارێن هەمی یانەیان هێنە وەرگرتن پشکدار کومبوونێ دا.

قەیس وەیس:

ب دووماهی هاتنا یاریێن گەڕا 14ێ‌ ژهەڤركیێن خولا پلا ئێكا كوردستانێ‌ یا فوتبۆلێ‌ ئەوا 17 یانەیێن كوردستانی تێدا پشكدارن ژ وانا پێنچ یانەیێن پارێزگەها دهۆكێ‌ نە، چار یانەیێن پێشیێ‌ دێ‌ ئێكسەر دەربازبنە پلا نایاب بۆ وەرزێ‌ بهێت و چار یانەیێن دووماهیێ دێ‌ پاشڤە چنە پلا سێ ئەوا بڕیارە دو گەڕێن بهێت ئەڤ خولە ب دووماهی بهێت.
دهۆك نێزیكی دەربازبوونێ‌ یە
تیما فوتبۆلا یانەیا ئەو د گەڕا بۆری دا سەركەڤتنەكا گرنگ ل سەر شێخان ئینایی ب دو گۆلان بەرانبەر گۆلەكێ‌، شیاییە بهێتە ڕێزا سێیێ‌ ب كۆمكرنا 23 خالان ژ شەش سەركەڤتن و پێنچ وەكهەڤی و سێ‌ خوسارەتیان، ئەڤ ڕێزبەندییە بۆ دهۆكییان گەلەك باشە پێخەمەت ڤەگەڕاندنا هیڤیێن خوە پشتی دووركەڤتنا سێ‌ وەرزە ل دووڤ ئێك ژ خولا نایاب، هەردو یاریێن مایی دێ‌ مێڤاندارییا زانكۆیا جیهان كەت و بیتە مێڤانا یانەیا شەقلاوە.
سێمێل دناڤ هەڤڕكیێ دایە
تیما یانەیا سێمێل هەرچەندە ل رێزا پێنجێ‌ دهێت ب كۆمكرنا 21 خالان ژ پێنچ سەركەڤتن، شەش وەكهەڤی و دو خوسارەتییان لێ‌ هێشتا دەلیڤەیا دەربازبوونێ‌ ل بەر دەست هەیە و هیڤیێن وێ‌ ماینە، ئەوا دێ‌ یارییا بهێت مێڤاندارییا كۆیە كەت و یا دووماهیێ‌ بیتە مێڤانا هەولێرێ‌، بۆ زانین ددوماهی یارییا خوەدا سێمێل دگەل خاك یا پێشكەڤتی بوو ب گۆلەكێ‌ لێ‌ توندوتیژی ژلایێ‌ یانەیا خاك دژی دادڤانێ‌ یاریێ‌ هاتبوو كرن، دووڤدا یاری هاتبوو ڕاوەستاندن، فدراسیۆنا فوتبۆلا كوردستانێ‌ بڕیارا تمامكرنا یاریێ‌ دایە لێ‌ سێمێل ڕازینینە.
بەردەڕەش دناڤبەرا مانێ‌ و پێشڤەچوونێ‌ دا
تیما یانەیا بەردەڕەش جهێ‌ خوە د ناڤ ڕێزبەندییا خولا پلا ئێك دا پاراست ئەوا ل ڕێزا نەهێ‌ دهێت ب كۆمكرنا 18 خالان ژ چار سەركەڤتن، شەش وەكهەڤی و چار خوسارەتی هەنە، یارییا بهێت دێ‌ بەرانبەرسۆران ل یاریگەها خوە كەت، یارییا دووماهیێ‌ دێ‌ بیتە مێڤانا چەمچەمال، ژ هەردو یارییان پێدڤی ب سەركەڤتنەكێ‌ یە ژبۆ مسۆگەركرنا مانا خوە بێ‌ چاڤەڕیچ ئەنجامێن یاریێن دی بیت.
تەناهی و شێخان د مەترسیا داكەڤتنێ‌ دانە
هەردو یانەیێن دی یێن پارێزگەهێ‌ تەناهی و شێخان كەڤتینە ل بن مەترسیا داكەڤتنا خولا پلا ئێك دا، یانەیا تەناهی ئەوا ل ڕێزا 16ێ‌ و بەری دووماهیێ دهێت ب كۆمكرنا 13 خالان ژ سێ‌ سەركەڤتن، چار وەكهەڤی و حەفت خوسارەتیان، یارییا بهێت دێ‌ ل یاریگەها خوە بەرانبەر چەمچەمال یاریێ‌ كەت و یا دووڤدا دێ‌ ل كەركووكێ‌ بیتە مێڤانا شۆرجە د یارییەكا ڤەبر دا.
ژلایەكێ‌ دووڤە یانەیا شێخان ل ڕێزبەندییا 17ێ‌ و دووماهیێ‌ دهێت ب كۆمكرنا 12 خالان ژ دو سەركەڤتن، شەش وەكهەڤی و شەش خوسارەتی هەنە، دێ‌ یارییا حەفتییا بهێت بیتە مێڤانا یانەیا بابان، لێ‌ یارییا دووماهییا خولێ‌ دێ‌ ل یاریگەها خوە یانەیا بازیان مێڤان كەت.
هەلوەستێ‌ گشتی یێ‌ خولێ‌
1- شەقلاوە 33 خال.
2- بابان 28 خال.
3- دهۆك 23 خال.
4- زانكۆیا جیهان 22 خال.
5- سێمێل 21 خال.
6- هەولێر 19 خال.
7- چەمچەمال 18 خال.
8- بازیان 18 خال.
9- بەردەرەش 18 خال.
10- كفری 18 خال.
11- كۆیە 16 خال.
12- ئارارات 16 خال.
13- شۆرجە 15 خال.
14- خاك 15 خال.
15- سۆران 14 خال.
16- تەناهی 13 خال.
17- شێخان 12 خال.
هەژی گۆتنێ‌ یە فدراسیۆنا فوتبۆلا كوردستانێ‌ بڕیار دایە هەموو یاریێن مایی ژ خولێن پلا نایاب و ئێك بێ‌ ئامادەبوونا پشتەڤانان بیت ئەڤچەندە ژی ژبەر بەرژوەندییا پاراستنا گیانێ‌ پشتەڤانان، ژبەر كاودانێن نوكە دەڤەر تێدا دەرباز دكەت.