رەمەزان زەكەریا:
ب هەلكەفتا 16ی تەباخێ و 79 سالیا ژ دایكبوونا سەرۆك بارزانی و دامەزراندنا پارتی دیموكراتی كوردستان، رێڤەبەریا ساخلەمیا ئاكرێ ب هەڤكاری ل گەل رێكخراوا دلژین یا خوینبەخشینێ و ل ژێرچاڤدێریا دكتۆر دلاوەر بۆزۆ، دەڤەردارێ ئاكرێ هەوەكا خوینبەخشێنێ ل بانكا نەخۆشخانەیا گولان یا گشتی ئەنجام دا.
د ڤێ هەوێ دا هەژمارەكا زۆرا بەرپرس و فەرمانبەرێن رێڤەبەریێن جودا پشكداربوون و خوین بۆ نەخۆشێن تالاسیمیایێ و نەشتەرگەریێن بلەز یێن هەردو نەخۆشخانەیێن ئاكرێ هاتە بەخشین.
هەولێر، قائید میرۆ:
پەیڤدارێ دەستەیا گشتیا گەشتوگوزارێ راگەهاند، ل سەر فەرمانا مەسرور بارزانی، سەرۆكێ حوكمەتا هەرێما كوردستانێ بڕیارە هەژمارەكا پۆلیسێن گەشتیاری ب مەرەما چاڤدێریكرنا جهێن گەشتیاری بهێنە دامەزراندن.
ئیبراهیم عەبدولمەجید، پەیڤدارێ دەستەیا گەشتوگوزارێ بۆ رۆژناما ئەڤرۆ دیاركر، ل سەر فەرمانا مەسرور بارزانی بڕیار هاتیەدان 165 پۆلیس بۆ جهێن گەشتیاری ل هەرێما كوردستانێ بهێنە دامەزراندن، ل سەر میلاكێ وەزارەتا ناڤخۆ، بەلێ دێ ئەركێ وان سەر ب دەستەیا گەشتوگوزارێ بیت و گۆت: «مەرجێ وان كەسان یێن دبنە پۆلیسێن گەشتیاری، دڤێت دەرچوویێن پشكێن گەشتیاری بن، هەتا بشێن سەرەدەریەكا دروست ل گەل گەشتیاران بكەن و شارەزایی د كەرتێ گەشتوگوزارێ دا هەبیت».
ئیبراهیم عەبدولمەجید گۆتژی: «ل زۆربەیا وەلاتێن پێشكەفتی پۆلیسێن گەشتیاری هەنە و ل جهێن گشتیاری كار دكەن، مە ل بەرە ل هەرێما كوردستانێ كەسانەك هەبن، فەرمی بن و شارەزابن ل كەرتێ گەشتوگوزارێ، ئەز باوەرم دامەزراندنا وان پۆلیسان دێ كاریگەری ل سەر جهێن گەشتیاری و راگرتنا ئارامیا جهێن گەشتیاری هەبیت».
دهۆك، دلۆڤان ئاكرەیی:
ڕێڤەبەرێ گشتیێ چاندنێ ل دهۆكێ دیاركر، ئینانا پتاتان بۆ پارێزگەها دهۆكێ و باژێڕێن ئاكرێ و بەردەڕەشێ ب درێژاهیا سالێ هاتیە قەدەغەكرن و دبێژیت: ئەڤە پێنگاڤەكە بۆ پاراستن و پشتەڤانیكرنا بەرهەمێ ناڤخۆیی یێ جۆتیارێن دەڤەرێ.
ئەحمەد جەمیل، ڕێڤەبەرێ گشتیێ چاندنێ ل پارێزگەها دهۆكێ بۆ رۆژنامەیا ئەڤرۆ دیاركر، پێشبینی دهێتە كرن، ئەڤ سالە ل سنۆرێ پارێزگەها دهۆكێ نێزیكی 600 هزار تەنێن پتاتان بهێنە بەرهەمئینان، ئەڤە د دەمەكی دایە، كو پێدڤیا سالانە یا هەرێما كوردستانێ ب 100 هزار تەنان دهێتە تخمینكرن، ئانكو بەرهەم ژ پێدڤیا بازاڕێ ناڤخۆ گەلەك زێدەترە، لەو بڕیارە هاتیەدان ب درێژاهیا سالێ ئینانا پتاتان بۆ پارێزگەها دهۆكێ هاتیە قەدەغەكرن».
گۆتژی: «بۆ چارەسەركرنا كێشەیا زێدەهییا بەرهەمی، پشكەكا بەرچاڤ یا پتاتێن دهۆكێ بۆ باژێڕێن ناڤەراست و باشوورێ ئیراقێ دهێتە هنارتن و ئەوێ دمینن، د عمبارێن ساركەر دا دهێنە هەلگرتن، داكو د وەرزێن دی یێن سالێ دا بكەڤنە د بازاڕی دا، ئەم بەردەوام پشتەڤانیێ ل بەرهەمێ ناڤخۆیی یێ جۆتیاران دكەین».
رەمەزان زەكەریا:
دەمەكە كاركرن د پڕۆژەیێ جۆتسایدێ د ناڤ سەنتەرێ ناوچەداریا رۆڤیا دا ژ بەر قەیرانا دارایی هاتبوو راوەستاندن، بەلێ ل حەفتیا بهێت دوبارە كاركرن د وی پڕۆژەی دا دێ دەست پێكەتە ڤە.
زەید سەلیم محەمەد، سەرۆكێ باژێرڤانیا رۆڤیا بۆ ئەڤرۆ گۆت: «چێكرنا رێكا جۆتسایدێ د ناڤ سەنتەرێ ناوچەداریا رۆڤیا ب گوژمێ چار ملیار و 800 ملیۆن دیناران و ب درێژاهیا دو كێلۆمەتر و 850 مەتران دهێتە بجهئینان».
ناڤبری گۆتژی: «ژ بەر قەیرانا دارایی دەمەكێ كورت كاركرن تێدا هاتبوو ڕاوەستاندن، بەلێ بڕیارە حەفتیا بهێت بەلێندەر سلفا پارەی وەربگریت و دوبارە دەست ب كاری بهێتە كرن».
دهۆك، لەزگین جوقی:
راوێژكارێ سەرۆكێ حكومەتا ئیراقێ بۆ كاروبارێن ئێزدیان راگەهاند، ل سەر رووبەرێ 65 دۆنەمێن ئەردی گوندەكێ نوو بۆ خەلكێ كۆچۆ دێ هێتە ئاڤاكرن.
ماجد شنگالی، راوێژكارێ سەرۆكێ حكومەتا ئیراقێ بۆ كاروبارێن ئێزدیان بۆ رۆژناما ئەڤرۆ دیار كر، بڕیارە 135 خانی بۆ خەلكێ گوندێ كۆچۆ بهێنە ئاڤاكرن و هەمی خزمەتگوزاری د ناڤ گوندێ نوو دا دێ هێنە چێكرن، وەكو: پڕۆژەیێن ئاڤ و كارەب و ساخلەمی و قوتابخانە.
پتر ژ هزار و 200 كەسێن ئێزدی د ناڤ گوندێ كۆچۆ دا دژیان، ل رۆژا 15/8/2014 تیرۆرستێن داعشێ هەمی گرتن و رەڤاندن، پتر ژ 400 كەس هاتنە كوشتن و هەتا نوكە چارەنڤیسێ گەلەك كەسان دیار نینە و پتر ژ 700 كەس ژ دەستێن داعشێ هاتینە ڕزگاركرن».
بەرپرسەکێ حوکمەتا سووریێ دیار دکەت، ئەمریکا ل دژی ڤێ یەکێ یە شەڕ د ناڤبەرا شامێ و هەسەدێ دا روو بدەت و نها بزاڤەکا مەزن یا هەی ب رێیا دانوستاندنان هەموو پرسێن هەی ل گەل رێڤەبەریا خوەسەر بهێنە چارەسەرکرن و ئەمریکا ژی ل سەر خەتە.
بەرپرسەکێ وەزارەتا ناڤخوە یا سووریێ کو ناڤی وی نەهاتیە ئاشکرا کرن بۆ ئاژانسا رویترز یا نووچەیان دیار کریە، راستە بەری چەند رۆژان پەیوەندیێن شامێ و هەسەدێ گەلەک ئالۆز بوون، لێ چو بەرهەڤی بۆ شەڕەکێ ل دژی هەسەدێ نینن، چونکی ئەمریکا ژی رێ نادەت تشتەک وەسا روو بدەت، هەروەسا د ئاستێ وەزارەتا دەرڤە و بەرگریێ یا ئەمریکا دا فشارێن گەلەک مەزن ل سەر شامێ ژی هەنە کو نابیت ئێرشی هەسەدێ بکەت، ئەو یەک دێ ئەنجامێن خوە یێن گەلەک خراب بۆ هەموو سووریێ هەبیت و ژ بەر ڤێ یەکێ ژی نها ئەمریکا و فرەنسا گەلەک بزاڤان دکەن دا شام و هەسەدە پرسێن هەی دوور ژ شەڕی چارەسەر بکەن.
هەمان بەرپرسی ئەو یەک ژی دیار کریە، بەری نها رێککەفتنەک د ناڤبەرا ئەحمەد شەرع و فەرماندارێ هەسەدێ دا هاتیە ئیمزا کرن و ل گۆر وێ رێککەفتنێ ژی دڤێت هەسەدە ببیتە پشکەک ژ وەزارەتا بەرگریێ، لێ ل سەر ئالیەتا چاوانیا پێکڤە کارکرنێ ئاریشە هەنە و ژ بۆ ڤێ یەکێ ژی نها دانوستاندنێن باش دەستپێکرینە و بەرپرسێن رێڤەبەریا خوەسەر ژی دخوازن ل گەل شامێ بگەهنە رێککەفتنەکا باش.
هەر سەبارەت دانوستاندنێن ل گەل شامێ، ئیلهام ئەحمەد بەرپرسا پەیوەندیێن دەرڤە یا رێڤەبەریا خوەسەر ژی دیار کر، پێدڤیا سووریێ ب سیستەمەک نە ناڤەندی هەیە کو هەموو گەلێن سووریێ بشێن پێڤکە وەکو برا بژین، ب شەڕی چو پرسەک ناهێتە چارەسەرکرن و دڤێت د دستوورێ سووریێ دا مافێن گەلێ کورد و پێکهاتەیێن دی یێن سووریێ بهێنە گەرەنتیکرن، ژ بۆ ڤێ یەکێ ژی دانوستاندنێن وان ل گەل شامێ بەردەوام دکەن، لێ هەتا نها چو پێشڤەچوونێن دلخوەشکەر روو نەداینە و دانوستاندن ژی بەردەوام دکەن.
سەبارەت ب گەفێن تورکیا ژی ئیلهام ئەحمەد دیار کر، وەکو رێڤەبەریا خوەسەر مە پەیوەندی ل گەل تورکیا هەنە و مە دڤێت تورکیا ببیتە ئالیێ چارەسەریێ، نابیت تورکیا ل دژی مافێن رەوا یێن گەلێ کورد بیت ل سووریێ، وەکو رێڤەبەریا خوەسەر وان دڤێت پەیوەندیێن باش ل گەل تورکیا دروست بکەن، گرنگە بەرپرسێن تورکیا ژی ب جهێ گەفکرنێ بزاڤا ڤێ یەکێ بکەن پەیوەندیێن خوە ل گەل کوردێن سووریێ باش بکەن، ئەو یەک ژ بۆ ئارامیا سووریێ و رۆژهەلاتا ناڤین ژی گەلەک یا گرنگە، چونکی کوردان دڤێت د سووریایەک نوو دا ل گەل هەموو پێکهاتەیێن دی وەکو برا پێکڤە بژین.
پەیڤدارێ وەزارەتا دەرڤە یا ئیرانێ دیار کر، ئیرانێ دڤێت ب رێیا دانوستاندنان پرسا بەرنامێ ئەتۆمی چارەسەر بکەت، لێ ژ بۆ ڤێ یەکێ ژی دڤێت بەری هەر تشتەکێ ئەمریکا گەرەنتیێ بدەت کو د دەمێ دانوستاندنان دا ئێرشی ئیرانێ نەهێتە کرن و هەروەسا دڤێت وەکو نیەت پاکی ژی پشکەک ژ سزایێن ئابووری یێن ل سەر ئیرانێ بهێنە راکرن، هەکە ئەمریکا تشتەک وەسا بکەت ل هەمبەر دا ئیران ژی دێ سەبارەت ب بەرنامێ ئەتۆمی داخوازیێن ئاژانسا جیهانی بەرچاڤ وەربگریت.
ئیسماعیل بەقایی ئەو یەک ژی دیار کر، بەری نها ژی ئیرانێ دخواست ب رێیا دانوستاندنان هەموو پرسێن هەی ل گەل ئەمریکا و وەلاتێن رۆژئاڤایی چارەسەر بکەت، لێ ئسرائیلێ ئێرشی ئیرانێ کر و هەموو دانوستاندنێن ل گەل ئەمریکا ژی هاتنە راگرتن و نها ژی هەکە ئەمریکا گەرەنتیێ بدەت ئیران یا بەرهەڤە ژ بۆ چارەسەرکرنا پرسێن هەی ل گەل ئەمریکا دەست ب گەرەکا دی یا دانوستاندنان بکەت.
ئەڤرۆ دێ کۆمسیۆنا ئاشتیێ کۆمبیت و بریارە دایکێن هندەک ژ سەربازێن تورکیا یێن کو د شەڕێ پەکەکێ دا جانێ خوە ژ دەست داینە ژی د کۆمبوونێ دا ئامادە بن و ل ئالیێ دی وەلاتیێن کورد ل باکورێ کوردستانێ ژی دیار دکەن دڤێت ئەندامێن کۆمسیۆنێ گوهداریا دایکێن کوردان ژی بکەن و هەروەسا دڤێت کۆمسیۆن دووڤچوونا رەوشا دەڤەرێن کوردی ژی بکەت کو ژ بەر شەڕێ چەندین سالان وێران بووینە و دڤێت کار بۆ خزمەتگوزاریان ل وان دەڤەران بهێتە کرن.
چاڤدێرێن سیاسی ل تورکیا و باکورێ کوردستانێ پێکئینانا کۆمسیۆنا ئاشتیێ بۆ بەردەوامیا قووناغا ئاشتیێ گرنگ دبینن و د هەمان دەمی دا داخواز دکەن کۆمسیۆن گرنگیەکا زێدەتر بدەتە داخوازیێن کوردان ل تورکیا، چونکی ژ بەر شەڕی ب هزاران گوندێن کوردان وێران بووینە و دڤێت ئێک ژ کارێن سەرەکی یێن پشتی ئاشتیێ ژی ئاڤەدانیا گوند و دەڤەرێن کوردی یێن باکورێ کوردستانێ بیت.
پەروین سەلاح
واتسئاپ ئەپڵیکەیشنەکێ بێ بەرامبەرە بۆ نامە گۆهڕینێ رێ ددەتە بکارئینەران کو پەیوەندیێن دەنگی و ڤیدیۆیێ ئەنجام بدەن، نامەیێن نڤیسینێ،وێنە و ڤیدیۆیان بهنێرن ئەڤ ئەپلیکەیشنە بەرنامەیەکە بۆ هنارتنا نامە و وێنە و ڤیدیویان ب لەز و ب ساناهی د ناڤبەرا دو کەسان دگەهینن ئێك ئەپلیکەیشنا واتسئاپی ئێك ژ ناڤدارترینئەپلیکەیشنانە کو خەلك پێڤە هاتیه گرێدان بۆ پەیوەندیێ د گەل خێزان و هەڤالێن خۆ یان ژی د کاری دا.
مفایێن واتسئاپی ئەڤە نە:
ـ رێیا پەیوەندیێ یا سڤک و ب لەز د ناڤبەرا هەڤال و خێزانێ دا، چ یێن نێزیک بن یان یێن دوور.
– واتسئاپ ئەپلیکەیشنەکا بێ بەرامبەرە کو پارەیێ ل سەر نامەیێن کورت و نامەیێن درێژ میدیا دهێتە مەزاختن و دپارێزیت چونکو رێ ددەتنامەیێن بێ بەرامبەر بۆ هەموو جیهانێ بهێنە هنارتن بێی چ رسومات بهێنە دان، لەوا ل دەڤ پتریا خەلکی بەردەستە. وەك شیانێن هنارتنا وێنە و ڤیدیۆ و تۆمارێن دەنگی.
– چ گوتارێن بازرگانی ل سەر نینن.
– پەیوەندیێن دەنگی و ڤیدیۆیی بێ بەرامبەر دابین دکەت.
– ب ساناهی دکەت گوهۆرینا بیر و زانیاریان.
– شیانێن ژێبرنا پەیامێن هنارتی د دەمژمێرا ئێکێ دا پشتی هنارتنێ.
– شیانێن هنارتنا پەیامێ بۆ پتر ژ کەسەکی ژ جهێن پەیوەندیێ د هەمان دەم دا ب رێیا پەیامێن پرۆدکاست (Broadcastmessages).
– شیانێن بەلاڤکرنا جهێ نوکە (Location) د گەل کەسێن دی.
هەرچەندە ئەپلیکەیشنا واتسئاپێ گەلەک مفایێن هەیی،بهلێ وەک هەر ئامرازەکێ دی یێ پەیوەندیێن جڤاکی یێن نوو، گەلەک زیانێن ژی هەنە کو
گرنگترین ژ وان ئەڤێن ل خوارێ نە:
– بەرزەکرنادەمی و هەندەک جاران نەگرتنا بەرپرسیاریێ، نەئەنجامدانا کارێن رۆژانە ب رێیا بکارئینانا خهلهت یا ئەپلیکەیشنی.
– پێشێلکرنا تایبەتمەندیا کەسی؛
ب رێیا شیانێن خواندنا پەیامان ژ لایێ هەر کەسەکێ کو تەلەفۆنێبکاربینیت.
– هەندەکجاران دبیتە ئەگەرێ بێزارکرنێ ژ بەر زۆربوونا پەیامان.
– پێدڤیەخزمەتا ئنترنێتێ ل سەر تەلەفۆنێ هەبیت بۆ بکارئینانا ئەپلیکەیشنی.
هەر چەندە ئەپلیکەیشنا واتسئاپی گەلەک مفایێن هەیی،لێ وەکو هەر ئامرازەکێ دی یێ پەیوەندیێن جڤاکی یێن نوو، گەلەک زیانێن دی ژی هەنە کو گرنگترین ژ وان ئەڤێن ل خوارێ نە:
ئەپلیکەیشنێ واتسئاپێ ب تنێ ل سەر مۆبایلێن زیرەک
– (سمارتفۆن) بەردەستە، لەوا گەلەك کەس هەنە هەتا نها واتسئاپێ بکارنائینن.
– پێدڤیە کەسەک ژمارا خوە د گەل کەسێن دی بەلاڤ بکەت یێن کو دڤێت وان زێدە بکەت و د گەل وان پەیوەندیێ بکەت. رەنگە هەڤژین یان هەڤژیناوی یان وێ، هەڤال یان هەڤالا وی/وێ نامەیان بخوینن. رەنگە هندەک جاران ئەڤە ببیته ئەگەرێ بێزارکرنێ ژبەر نامەیێن گەلەک یێن دهێن.
– پێدڤیە خزمەتا ئنترنێتێ بەردەست بیت ژبۆهنارتن و وەرگرتنا نامەیان بێ بەرامبەر. وێنەیێ پرۆفایلا کەسی بۆ هەر کەسەکی دیارە یێ کو ژمارا پەیوەندیا وی/وێ هەیی و تایبەتمەندیا ڤەشارتنا وێنەیێ کەسی یێ واتسئاپێژی بەردەستە ببیته ئەگەرێ ئالودەبوونێ؛ چونکو دەمێ کەسەک ئالودەی بکارئینانا واتسئاپێ دبیت، زەحمەتە بشێت ب سەر ڤێ ئاریشێ دا بێت.
لێ واتسئاب بگشتی ئەپلیکەیشنەکا ئارام دهێتەهژمارتن دناڤا تەکنەلۆژیایێ دا خەلك ب کارئیناناوێ گەلەك ئارامن ژ لایەنەکێ دی ڤە گەلەك کەسان ئاریشا وێ چەندێ هەیە دبێژن مە دڤێت نامەیێن مه یێن واتسئابی یێن هاتینە ژێبرن دێ ب چ رێ زڤرینین رێیادەسپێکێ دێ چیه واتسئابی ڤەکەیی دێ چیە بەشێ (Setting) پاشی دێ چیە د ناڤا بەشێ (chats)دووڤ دا دێ چیە بەشێ (chat Backup) دووڤدا دێ چیە بەشێ (Auto Backup)کلیك کەیی، دێ چار هەلبژارتن بو تە دڤێ بەشی دا ڤهبن تێدا (Daily, weekly, monthly, off) دێ کلیکێ ل سەر هەلبژارتنا (Daily) دەیی دووڤ دا دێ چیە بەشێ(include videos)دێ ڤی بەشی هێلیە ڤەکری و دووڤ دا دێ (Backing up) بۆ تە هێت دێ خوه گری هەتا (Backin g up) نمراوێ دبیتە سەد ژسەدێ دووڤ دا دێ هەموو نامەیێن تە یێن هاتینە ژێبرن ل واتسئابی بۆ تە زڤرنە ڤە.
دێ پێکڤە چینە د ناڤ ئێک ژ بابەتێن هەرە سەرنجڕاکێش و حەزپێکری.
پرسیارەکا سادە… بەلێ یا کوور:
ئەز کیمە؟ و تو کی؟
ئەرێ ئەم بتنێ ناڤ و کارێن خۆ نە؟ یان تشتەکێ کوورتر و ڤەشارتی هەیە، کو ئەو ناسناما مە چێدکەت و ڕەفتارا مە دیار دکەت؟
وەرن بلا ژ بنەمای دەست پێ بکەین…
– کەسایەتی چیە؟
کەسایەتی پەنجەمۆرا تە یا دەروونی یا ئێکانە یە.
ئەو کۆمەکا تایبەتمەندیێن دەروونی، سۆزداری، و ڕەفتاری یە کو تە ژ کەسێن دی جودا دکەت
ئەو شێوازێ تەیە د بیرکرنێ دا
هەستکرنێ دا
سەرەدەریێ دگەل خەلکی… و حەتا دگەل خۆ ژی
ب ڕامانەکا دی:
ئەو شێوازێ هەتا ڕادەیەکی جێگیرە یێ تۆ ژیانا خۆ یا ڕۆژانە پێ دژی.
چاوا کەسایەتی چێدبیت؟
کەسایەتی ژ نشکەکێ ڤە چێنابیت، بەلکو پلهپله دهێتە ئاڤاکرن ژ ئەنجامێ کارلێکەکا ئالۆز د ناڤبەرا سێ ستوونێن سەرەکی دا:
فاکتەرێن بۆماوەیی (قنێتی)
وەک تەبعێ زکماکی، حەزا لسەر ئارامیێ یان تۆڕەیی (عەسەبیەتێ).
شارەزاییێن کەسی
ئەو تشتێن ئەم د زارۆکینیێ دا دژین، ئەم چاوا هاتینە پەروەردەکرن، جۆرێ پەیوەندیا مە دگەل دایک و بابێن مە.
ژینگەها دەوروبەر
کەلتور، جڤاک، هەڤال، قوتابخانە، و حەتا قەیران ژی.
– نموونەیەکا سادە بۆ شرۆڤەکرنێ:
هزر بکە دو کەسان د هەمان ڕۆژ دا کارێ خۆ ژ دەست دا:
یێ ئێکێ دەستپێکر ئێکسەر ب لێگەریان ل دەلیڤەکا نوی بوپەیدابوونا کاری.
یێ دوێ تووشی خەمۆکیێ بوو و خۆ ژ هەموویان ڤەدەر کر.
جوداهی د ناڤبەرا وان دا؟ نە بتنێ ڕوودانە… بەلکو شێوازێ بەرسڤدانا وانە بۆ وێ ڕوودانێ.
و ئەو بەرسڤدانە ژ کەسایەتیا وان دەردکەڤیت. و ئەرێ کەسایەتی دشێت بهێتە گوهۆرین؟
پرسیارەکە گەلەک کەس دکەن:
ئەرێ کەسایەتیا من یا جێگیرە؟ یان ئەز دشێم خۆ بگوهۆرم؟
بەرسڤ:
بەلێ… ئەم دشێین خۆ ڕێک بێخین و پێبگەهین و ژ لایێ دەروونی ڤە گەشە بکەین، لێ دو پشک هەنە:
پشکا جێگیر :
وەکی پەنجەمۆرا دەروونی، گەلەک ناهێتە گوهۆرین.
پشکا نەرم (گونجای):
دشێت بهێتە پێشئێخستن و باشترکرن دگەل دەمی و چارەسەریێ و شارەزاییان.
د داویێ دا
خواندەڤانێ هێژا، خواندەڤانا هێژا…
کەسایەتیا تە چیرۆکا تەیە، و کلیلا تەیە بۆ تێگەهشتنا ژ خۆ و ژ کەسێن دی.
دەما تۆ د خۆ تێدگەهی، ململانێیێن تە کێم دبن، و تو پتر دبەیە لێبۆرین، پتر هشیار، و پتر ئازاد.
ل بیرا تە بیت :
چ “کەسایەتیەکا نموونەیی نینە، چونکی هەر شێوازەکێ تایبەتمەندی و ئاستەنگێن خۆ هەنە.
لێ هەرتم دەلیڤە هەیە بۆ:
گەشەکرنێ
گوهۆرینێ
باشتربوونێ
و تێگەهشتن و گوهۆرینا نەفسا خۆ بەریا ئەم هەولا گوهۆرینا کەسێن دەوروبەرێن خۆ بدەین.
نيشاندان