دهۆك، دلۆڤان ئاكرەیی:
رێڤەبەرێ كاروبارێن شوونوارێن هەرێما كوردستانێ دیاركر، ژ بەر سەقامگیریا ئەمنی و هەبوونا زێدەتر ژ شەش هزار پێگەهێن دیرۆكی، دهێتە چاڤەرێكرن ئەڤ سالە زۆرترین تیمێن بیانی د بیاڤێ شوونواری دا بهێنە هەرێما كوردستانێ.
مەحەمەد لەشكری، رێڤەبەرێ كاروبارێن شوونوارێن هەرێما كوردستانێ بۆ رۆژنامەیا ئەڤرۆ گۆت: «ئەگەرێ هاتنا تیمێن شوونواری یێن بیانی بۆ هەرێمێ، بۆ دو خالان دزڤڕیت، ئێك: ئەو ئاسایشا بلندا ل هەرێمێ هەی، دو: هەبوونا شەش هزار و 500 پێگەهێن شوونواری، كو دیرۆكا وان ژ چاخێ بەردین هەتا سالا 1900ێ دەستپێ دكەت، ل سالا بۆری 47 تیمێن بیانی ل هەرێمێ كار كریە، بۆ ئەڤ سالە پێشبینی دكەین هەژمارە زۆرتر لێ بهێت و نوكە دو تیم د دەستپێكا كارێن خۆ دانە و چەندین تیمێن دی یێن ئورۆپی و ئەمریكی، ژ وان ژی تیمەكا زانكۆیا بەرشەلۆنا، بەرنامێ كارێن خۆ پێشكێش كریە بۆ ڤەكولینێ ل دەڤەرێن سۆران و دارەتوو و جهێن دی».
رێڤەبەرێ شوونواران دووپاتكر، ئارمانجا وان ب تنێ ڤەدیتن نینە، بەلكو كار دكەن بۆ ڤەكۆلین و رێكخستنا وان پێگەهان، دا كو ببنە ژێدەرەكێ گرنگ یێ گەشتیاریا شوونواری و هەرێما كوردستانێ مفایێ ئابووری و زانستی ژێ وەربگریت.
نيشاندان