محەمەد مەتینەر ئەندامێ بەرێ یێ پەرلەمانێ تورکیا سەر ب ئاکپارتیێ دیار کر، حوکمەتا شامێ دبێژیت ژ بەر کۆنفرانسێ ڤێ دووماهیێ ل حەسەکێ ئەو پشکداریێ د دانوستاندنێن ل پاریسێ دا ناکەن، لێ هەکە ئەم بەرێ خوە بدەینە ئەنجامێ کۆنفرانسێ حەسەکێ چو تشتەک ل دژی ئێکەتیا سووریێ نینە، د کۆنفرانسی دا ژ بلی کوردان، عەرەب، تورکمان و ئاشووری ژی هەنە و هەموویان دڤێت د سیستەمەک نوو دا ل سووریێ پێکڤە بژین، ژ بەر ڤێ یەکێ ژی دڤێت تورکیا ل دژی کوردێن سووریێ نەبیت و پشتەڤانیێ ل مافێن کوردان و پێکهاتەیێن دی یێن ل باکور و رۆژئاڤایێ سووریێ بکەت.
ناڤهاتی ئەو یەک ژی دیار کر، تورکیا دشێت پەیوەندیێن گەلەک باش ل گەل رێڤەبەریا خوەسەر و هەسەدێ دروست بکەت، چونکی رێڤەبەریا خوەسەر و هەسەدێ دخوازن پەیوەندیێن باش ل گەل تورکیا دروست بکەن، گرنگە تورکیا ژی پێداچوونێ د سیاسەتا خوە دا بکەت، چونکی باشبوونا پەیوەندیێن تورکیا و کوردێن سووریێ دێ بیتە ئەگەرێ بهێزبوونا پێگەهێ تورکیا ل سووریێ.
پێدڤیە تورکـیا دژبەریا رۆژئاڤـایێ کـوردسـتانێ نەکـەت
نيشاندان