تەکنۆلۆژیا بوویە بەشەك ژ ژیانا مرۆڤان د ڤێ سەردەمی دا، تەکنۆلۆژیایێ شێوازێ ژیانامه و شێوازی کارکرنا مه و شێوازی پەیوەندیکرنێ گوھۆڕینێن مەزن پەیدا کریە، یا بوویە ئیك ژ گرنگترین پێدڤیاتییێن ژیانێ کو ئەم نەشێن دەستا ژێ بەردەین، پێشکەفتن و پێشڤەچونا تەکنۆلۆژیایێ د سەردەمێ ژیانا مرۆڤا د جیهانا نوکە دا ب له زاتیەکا مەزن گەشێ دکەت کو ژیانا رۆژانه یا مرۆڤان د گوھۆرینێ دایە بێ کو ھزر بکەن، ئەڤە چەندە زیانەکا مەزنە بۆ جڤاکی.

تەکنۆلۆژیا چەندین لایەنێن ئەرینی و نەرینی ب خۆ ڤە دگریت:
دەستپێکێ دێ ژ لایێ ئەرینی دەمە دیارکرن:

1- د بۆارێ پەروەردێ دا:
ئەگەرێ ھاتنا تەکنۆلۆژیایێ خواندەڤان دشێن ب ڕێکێن ساناھیتر ژ بۆ پەیداکرنا زانیارییێن ژ دەرڤە و ل هەر جھەکێ جیهانێ بدەست خۆ ڤە بینیت.

2- د بۆارێ ساخله‌میێ دا:
تەکنۆلۆژیا پشکدارە د پێشکەفتنا پزیشکی دا ب رێکا ئامیرەیێن پێشکەفتی و دەست نیشانکرنا چارەسەرییێن باش و درست.

3- د وارێ کارکرنێ دا:
د ژینگەھا کاری دا تەکنۆلۆژیایێ گەلەک باش جھێ خۆ یێ گرتی ژ بۆ له زاتیا کاری و هەروەسا بازرگانییا ئەلکترونی،….ھتد.

4- د ژیانا ڕۆژانە دا:
ئەپلیکه‌یشنا مۆبایلێ و ڤەگوهاستنا زیرەک و پەیوەندیکرنێ ب رێکا ئەنتیرنێتێ ژیانا رۆژانە دا ساناھیکرییە.

ژ لایێ نەرینی ڤە دەمە دیارکرن:

1- ئاریشەیێن جڤاکی :
هەر چەندە تەکنۆلۆژیایێ دووراتی یا نێزیك کری بەلی یا بوویه ئەگەرێ جوداھیا پەیوەندیا ڕاست و دروست ب گوهۆرینا ڤالاھییا ب تنێ.

2. ئاریشەیێن ساخله‌می:
زێده بکارئینانا ئامیرەیێن ئەلکترونی دبنه ئەگەرێ کێم بوونا چاڤان، ئیشانا ملان،….ھتد.

3- کارێگەریێن دەروونی:
گەلەك بکارئینانا تەکنۆلۆژیایێ دبیته ئەگەرێ دودلیێ و خەمگینیێ و ب تایبەت بۆ وان کەسێن تۆڕێن جڤاکی و یاریێن ڤیدیۆ گێما بکاردئینین.

4- کارێگەرییا ژ دەست دانا دەرفەتا کاری :
پشت بەستنەکا زێده ب رۆبۆتێن ئۆتۆماتیکی د بەشێ پێشەسازی دا دبیته ئەگەرێ ژ‌ دەست دانا دەرفەتێن کارێن چاڤلێکری، پێدڤیە د ناڤ جڤاکی دا ھزرێن نوو پەیدا ببن دا کو هەڤسەنگی پەیدا ببیت.

5- ب دەست ڤە ئینانا پێزانینێن ب ساناهی و ب شێوازێ ئونلاین:
ئەگەر بەحس ل خرابییا شیانێن بیرەوەری و شیانێن بیرئینانێ بکەین، کەسێن هێشتا پشتا خۆ ب فورمێن زێدەکرنا ئامیرەیێن دیجیتالی ڤە گرێددەن بۆ ھەلگرتنا زانیارییان گەلەك یا باش نینه، چونکو ئەو کەسێن ب رێکا هزرکرنی د هەر بابەتەکێ دا بکەن ئەگەر ھەڤبەر بکەین ب شێوازێ زیرەکییا دەستکرد گەله‌ك گوھۆرینێن مەزن پەیدابوونه، ئەو ئامیرەیێن ب رێیا زیرەکییا دەستکرد کار دکەن گەلەك ژ مێشکێ مرۆڤان ب ساناهیتر کار دکەن ژ بەر ڤێ چەندێ ژی دێ کارتێکرنەکا زێده ل سەر هزرو بیرێن مرۆڤان کەت.

تەکنولوژیا

ب دووماهی هاتنا شەحنا پاتریێ ئێک ژ ئارێشێن هەرە بەلاڤ و جهێ نەرحەتیێ یە ل دەف بکارئینەرێن ئامیرێن ئەلکترۆنی، وەک موبایلێن زیرەک، کۆمپیوتەرێن گەڕۆک (لاپتۆپ) و دەمژمێرێن زیرەک. تەڤی کو پتریا پاتریان هاتینە دیزاینکرن دا کو بۆ دەمەکێ درێژ کار بکەن، لێ پتریا جاران هێدی هێدی شیانێن خۆ ژ دەست ددەن د گەل بۆرینا دەمی، ئەڤ چەندە دبیتە ئەگەرێ پەیدابوونا ئارێشێن جودا.
د گەل بۆرینا دەمی، پاتریێن لیپیۆمێ (Lithium) شیانێن خۆ یێن پاراستنا وزەیێ (هێزێ) هێدی هێدی ژ دەست ددەن. ئەڤە وێ رامانێ دگەهینیت کو ل شوینا پاتری بۆ دەمژمێران یان ژی رۆژان بمینیت ب ئێک جار شەحنکرنێ، رەنگە بکارئینەر تووشی کێمبوونەکا مەزن د دەمێ بکارئینانێ دا ببن، دێ بینن کو شەحنا ئامیرێن وان گەلەک زووتر ژ جاران خلاس دبیت. رەنگە ئەڤ چەندە ببیتە ئەگەرێ بێهیڤیبوونێ ب تایبەت د وان رەوشان دا یێن کو ب سناهی شەحنکەر ب دەست نەکەڤیت، وەک د دەمێ گەشتەکێ یان رۆژەکا کارێ یا درێژ دا.
د ڤێ چارچۆڤێ دا، پرسیارەکا هەڤبەش (یان خەمەک) ل دەف بکارئینەران پەیدا دبیت: پاترییا موبایلێ دێ چەند دەمی مینیت هەکە ب دروستی های ژێ هه‌بیت؟
بەرسڤا ڤێ پرسیارێ ل سەر چەند هوکاران دمینیت، لێ ب شێوەیەکێ گشتی، موبایل دشێت بۆ ماوێ ٤ هەتا ٦ سالان بەردەوام بیت هەکە ب دروستی های ژێ بهێتە کرن. ل دووڤ سەنتەرێ هاریکاریا Apple، “ژیێ پاتریێ گرێدایە ب (ژیێ کیمیایی) ڤە، کو ئەو ژی چەمکەکە نە تەنێ گرێدای بۆرینا دەمی یە. دڤێت چەند هوکار ل بەرچاڤ بهێنە وەرگرتن، وەک هەژمارا جارێن شەحنکرنێ و شێوازێ هایداریکرنێ ژ ئامیری.”
بۆ نموونە، یا گرنگە ژ لایێ جەستەیی (فیزیکی) ڤە های ژ ئامیری بهێتە کرن. بکارئینانا بەرگەکێ (کاڤەرەکێ) قایم و جامەکا پارێزەر (Screen protector) دشێت پاتریێ و لەشێ موبایلا تە ژ کەفتنێن نەچاڤەرێکری بپارێزیت، ژ بەر کو شکەستنا شاشەیان ئێک ژ ئەگەرێن هەرە بەلاڤن بۆ ژ کارکەفتنا موبایلان بەری وەختێ وان.
زێدەباری ڤێ یەکێ، خۆپاراستن ژ خلاسکرنا پاتریێ ب تەمامی (تا کو دبیتە سفر) و نەهێلانا ئامیری ب شەحنکەرێ ڤە بۆ تەڤایا شەڤێ، باشترین رەفتارن بۆ درێژکرنا ژیێ پێکهاتێن وێ یێن ناڤخۆیی. پاتریێن نوو یێن سەردەم ب گشتی خودان ژیەکێ گریمانەیی نە کو دگەهیتە نێزیکی ٥٠٠ دەورەیێن شەحنکرنێ (Cycles).
مالپەرێ Ecoport til ئاماژێ ب وێ دکەت کو “ژیێ پاترییا موبایلێ د سالا ئێکێ یا بکارئینانێ دا دەست ب کێمبوونێ دکەت، ئانکو پشتی شەحنکرنا وێ د ناڤبەرا ٣٠٠ هەتا ٥٠٠ جاران. لەورا، هەکە ژیێ موبایلێ نێزیکی دو سالان بیت، گەلەک یا رەنگە تە هەست ب کێمبوونا ژیێ پاتریێ کربیت، سەرەرای وێ چەندێ کو تۆ هەر ب هەمان شێوە بکار دئینی”.
ژ لایەکێ دیڤە، بەرچاڤکرنا ئامیری بۆ پلەیێن گەرمێ یێن گەلەک بلند یان گەلەک نزم دشێت کارتێکرنەکا نەرێنی ل سەر ئەدایێ کارکرنێ و پاتریێ بکەت. پاراستنا ئامیری د ناڤ پلەیەکا گەرمێ یا گونجای دا کارەکێ پێدڤیە بۆ مسۆگەرکرنا ژیەکێ درێژ.
سەرەرای وێ چەندێ کو رەنگە موبایلا زیرەک ژ لایێ فیزیکی ڤە د رەوشەکا باش دا بیت، لێ پرۆگرام (Software) ژی رۆلەکێ یەکلاکەر دگێریت د درێژیا ژیێ وێ دا. نووکرنێن بەردەوام یێن سیستەمێ کارپێکرنێ هاریکارن بۆ باشترکرنا ئێمناهیێ (سیکیۆریتی)، چارەسەرکرنا کێشەیان و باشترکرنا ئەدایێ گشتی. د گەل ڤێ یەکێ، د گەل مەزنبوونا ژیێ موبایلێ، پتریا جاران کۆمپانیێن بەرهەمهێنەر راوەستیانا هنارتنا نووکرنان (Updates) بۆ مۆدێلێن کەڤن رادگەهینن.
ل دوماهیێ، داخوران و کێمبوونا پاتریێ جهێ دلگرانیەکا مەزنە بۆ بکارئینەرێن ئامیرێن ئەلکترۆنی، کو کارتێکرنێن وێ ژ تەنێ ژدەستدانا شەحنێ دەرباز دبن. ئەو کارتێکرنێ ل ئەدایێ کارکرنێ، تێچوویێن چاککرنێ و بهایێ فرۆتنا وێ دکەت و رەنگە ببیتە سەدەمێ نەرحەتیێ د دەمێ بکارئینانێ دا. سەرەرای باشبوونا ئەدایێ پاتریان د گەل بۆرینا دەمی، لێ یا گرنگە بکارئینەر رەفتارێن باش بکاربینن بۆ رێگری کرن ژ ژکارکەفتنا بەری وەخت و درێژکرنا ژیێ ئامیرێن خۆ.