قەیس وەیس:

‌چاڤەڕێی دهێتە كرن ئەڤرۆ دەست ب وەرزێ‌ نوو یێ‌ خولا پلا ئێكا كوردستانێ‌ یا فوتبۆلێ‌ بۆ 2025-2026ێ‌ ب پشكدارییا 17 یانەیێن وەرزشی ل هەرێمێ‌ ژ وانا پێنچ یانەیێن پارێزگەها دهۆكێ‌ دێ‌ هەڤڕكیێ بۆ دەستڤەئینانا دو پلێتێن ئێكسەر بۆ پلا نایاب ئەوا دێ‌ یاریێن وان ب شێوەیێ‌ خول ئێك قۆناغ ب سەرپەرشتییا فدراسیۆنا فوتبۆلا كوردستانێ‌ هێنە بڕێڤەبرن.
یاریێن گەڕا ئێكێ‌ ئەڤرۆ
دهۆك- كفری، یاریگەها سێیێ‌ .
بابان- شەقلاوە، یاریگەها زانكۆ.
خاك- چەمچەمال، یاریگەها خاك.
سێمێل- سۆران، یاریگەها سێمێل.
سوبەهی چارشەمبی
تەناهی- شێخان، یاریگەها زانكۆیا دهۆك.
بەردەرەش-شۆرجە، یاریگەها بەردەڕەش.
بازیان- زانكۆیا جیهان، یاریگەها بازیان.
یانەیا ئارارات دڤێ‌ گەڕێ‌ دا دێ‌ یا چاڤەڕێ‌ كری بیت، بۆ زانین هەموو یاری دێ‌ ل دەمژمێر دویێ‌ پشتی نیڤرۆ هێنە كرن.
هەژی گۆتنێ‌ یە خولا پلا ئێك ل دووڤ وەرزێ‌ ئەڤ سالە خول دێ‌ ب شێوەیێ‌ ئێك قووناغ بڕێڤە چیت، هەردو یانەیێن ڕێزبەندییا ئێكێ‌ و دویێ‌ دهێن دێ‌ پلێتا ئێكسەر بۆ وەرزێ‌ بهێت یا خولا نایابا كوردستانێ‌ وەرگرن، ئەو یانەیا ل ڕێزا سێیێ‌ دهێت دێ‌ دو یاریێن ڤەبڕ دگەل یانەیا خودانا ڕێزا 10ێ‌ یا نایابا كوردستانێ‌ كەت ژبۆ مسۆگەركرنا پلێتا سێیێ‌ یا نایابێ‌، هەروەسان ئەو چار یانەیێن ل ڕێزێن 14ێ‌ هەتا 17ێ‌ د خولا پلا ئێك دا دێ‌ پاشڤە چنە پلا دویێ‌.
بۆچوونێن جودا یێن یانەیێن پارێزگەهێ‌
لدۆر بەرهەڤیێن دهۆكێ‌ هەرمان سالح ڕاهێنەرێ‌ تیمێ‌ بۆ رۆژنامەیا ئەڤرۆ دیاركر بەرهەڤیێن مە بۆ وەرزێ‌ ئەڤ سالە هەڤڕكییە بۆ پلێتا دەربازبوونێ‌ بەر ب نایابێ‌، ژبۆ بهێزكرنا ڕێزێن تیما خوە مە دو پیشەكار یێن ئەفریقی و ئیرانی دگەل كۆمەكا یاریزانێن باش ئیناینە، ب ئێگكرتن و پشتەڤانییا بەردەوام یا كارگێریێ‌ گەشبینن دێ‌ گەهینە ئارمانجا خوە سەرباری ئەركێ‌ مە ب سانەهی نابیت، من باوەری ب یاریزانان هەیە ب هیڤییا وێ‌ یەكێ‌ ل دووڤ پلانێن خوە بگەهینە یا مە بڤێت.
ژلایێ‌ خوەڤە پەروەر حسێن سەرپەرشتێ‌ تیما سێمێلێ‌ گۆت: وەكو هەر تیمەكا پشكدار بۆ هەڤڕكیێ‌ مە بەرهەڤی كرینە ب ئینانا كادرێ‌ ڕاهێنانێ‌ و یاریزانێن باش، هەڤڕكی بۆ پلێتا دەربازبوونێ‌ نە بتنێ‌ داخوازیا كارگێریێ‌ یە بەلكو یا جەماوەری ژی كە، ئەڤە زێدەتر 12 سالە دووركەڤتینە ژ پلا نایاب ژبەر كاودانێن دارایی و ئەگەرێن جودا، بۆ وەرزێ‌ ئەڤ سالە ب شێوەیەكێ‌ باش و جوانتر مە خوە بەرهەڤكریە ب هیڤییا وێ‌ یەكێ‌ ب گەهینە ئارمانجا خوە.
ژلایێ‌ خوەڤە فازل فاخر سەرۆكێ‌ یانەیا شێخان گۆت: تیما مە ژی بەرهەڤیێن كرین و ئینانا ڕاهێنەر و یاریزانێن بەرنیاس دگەل كۆمەكا كوڕێن باژێرێ‌ شێخان، هیڤییا مە ژی وەكو هەر یانەیەكا پشكدار ئەوە پلێتەكا دەربازبوونێ‌ ب دەستڤە بینن، ڕاستە ئەركێ‌ مە ب سانەهی نابیت ژبەركو خولا پلا ئێك هێزترە ژ پلا نایاب، چنكو هەموو یانە دێ‌ هەڤڕكیێ بۆ دو پلێتێن دەربازبوونێ‌ كەن، بەرهەڤیێن مە د باشن و ب هیڤینە بگەهینە یا مە بڤێت.
ئۆمێد ئەحمەد ڕاهێنەرێ‌ یانەیا تەناهی گۆت: ژبەر نەبوونا یاریگەهێ‌ بەرهەڤیێن مە گیرووبوون لەوما ژی تا ڕادەیەكی بەرهەڤی هاتینە كرن لێ‌ ئەڤە ڕامانا وی نا دەتە كو ئەم د بەرهەڤ نینن بەرۆڤاژی دێ‌ تیمەكا بهێز و هەڤڕك بین و مە پلان دانایە تیمەكا ڕێكخست و هەڤڕك بیت، لێ‌ ژبەر كاودانێن داریی یێن نە جێگیر بتنێ‌ دشێم سۆزا ددەم تیمەكا باش كو یارییەكا جوان و سەردەما نە بكەت، من بخوە باوەری ب یاریزانێن خوە هەیە، هەر چەوابیت ئەم نە بتنێ‌ تیمەكا پشكداربین بەلكو دێ‌ هەڤڕكبین بۆ هەر سەركەڤتنەكێ‌.
خالد موسا كاپتنێ‌ تیما یانەیا بەردەڕەش گۆت: ئەڤە بۆ ماوەیێ‌ دو مەهە بەرهەڤییان دكەین كو هوسا هزر دكەم بەری هەموو یانەیێن پشكدار مە كرینە، هەر چەوا ل وەرزێ‌ بۆری ب هیڤی و ئارمانجێن مەزن كو ژ پلا دو هاتینە پلا ئێك، ئەڤ سالە ژی مە هەمان هیڤی و ئارمانج هەنە ژ پلا ئێك دەربازبنە پلا نایاب، ب پشتەڤاتییا كارگێرییا یانەیێ‌ ئەوا هەموو بزاڤان دكەت تیما مە بێ‌ كێماسی بیت و بەرهەڤبوونا جەماوەرێ‌ مە و پشتەڤانییا وان گەشبینین دێ‌ گەهینە ئارمانجا خوە.
هەموو یاریێن دقووناغا ئێكێ‌ یێن یانەیێن پارێزگەهێ‌ پشتی گەڕا ئێكێ‌ بڤی شێوەیی دێ‌ هێنە كرن.
گەڕا دویێ‌: ئارارات- دهۆك، زانكۆیا جیهان- تەناهی، چەمچەمال- سێمێل، شێخان- بەردەرەش.
گەڕا سێیێ‌: دهۆك چاڤەڕێ‌ یە، سێمێل- شۆرجە، بەردەرەش- زانكۆیا جیهان، تەناهی- شەقلاوە، خاك- شێخان.
گەڕا چارێ‌: دهۆك- بابان، شێخان- سێمێل، كفری- تەناهی، شەقلاوە- بەردەرەش.
گەڕا پێنجێ‌: سێمێل- زانكۆیا جیهان، بەردەرەش- كفری، تەناهی ئارارات، كۆیە- شێخان، بازیان- دهۆك.
گەڕا شەشێ‌: دهۆك- تەناهی، ئارارات- بەردەڕەش، شەقلاوە- سێمێل، شێخان- هەولێر.
گەڕا حەفتێ‌: بەردەڕەش- دهۆك، سێمێل- كفری، تەناهی بابان، سۆران- شێخان.
گەڕا هەشتێ‌: دهۆك- خاك، ئارارات- سێمێل، بازیان- تەناهی، بابان- بەردەڕەش، شێخان چەمچەمال.
گەڕا نەهێ‌: سێمێل- دهۆك، بەردەڕەش- بازیان، شۆرجە- شێخان، تەناهی چاڤەڕێ‌ یە.
گەڕا 10ێ‌: تەناهی- بەردەڕەش، بابان- سێمێل، دهۆك- كۆیە، شێخان چاڤەڕێ‌ یە.
گەڕا 11: شێخان- زانكۆیا جیهان، سێمێل- بازیان، هەولێر- دهۆك، خاك- تەناهی، بەردەڕەش چاڤەڕێ‌ یە.
گەڕا 12ێ‌: تەناهی- سێمێل، دهۆك- سۆران، شەقلاوە- شێخان، بەردەڕەش- خاك.
گەڕا 13ێ‌: سێمێل- بەردەڕەش، شێخان- كفری، چەمچەمال- دهۆك، كۆیە- تەناهی.
گەڕا 14ێ‌: دهۆك- شورجە، تەناهی- هەولێر، ئارارات- شێخان، بەردەڕەش- كۆیە.
گەڕا 15ێ‌: شێخان- دهۆك، سۆران- تەناهی، هەولێر- بەردەڕەش، سێمێل چاڤەڕێ‌ یە.
گەڕا 16ێ‌: سێمێل- كۆیە، دهۆك- زانكۆیا جیهان، بابان- شێخان، بەردەڕەش- سۆران، تەناهی- چەمچەمال.
گەڕا 17ێ‌: شێخان- بازیان، شەقلاوە- دهۆك، هەولێر- سێمێل، چەمەچەمال بەردەڕەش، شۆرجە- تەناهی.

ل دووڤ بەرنامەیێ سالانە یێ ڕێڤەبەرییا چالاکیێن وەرزشی و دیدەڤانی ل پارێزگەها دهۆکێ سێ قارەمانێن پەروەردەیێن قەزایان ل پارێزگەها دهۆکێ بۆ یاریێن جودا ل سەر ئاستێ و کوڕان و کچان یێن ئامادەیی هاتبوونە ڕێکخستن ئەوا ب چاڤدێرییا ڕێڤەبەرییا گشتی یا پەروەردەیا پارێزگەها دهۆکێ هاتبوو ئەنجامدان.
ئەنجامێن دووماهیێ یێن یارییان بڤی شێوەیی بوون.
یارییا تێنسا مێزێ لسەر ئاستێ کوڕان، پەروەردا دهۆک رۆژهەلات ڕێزا ئێکێ هات، ئامێدیێ ڕێزا دویێ، دهۆک رۆژئاڤا ڕێزا سێیێ.
لسەر ئاستێ کچان، پەروەردا دهۆک رۆژئاڤا بوونە قارەمان، دهۆک رۆژهەلات رێزا دویێ وشێخان یێن سێیێ هاتن.
یارییا فوتسالێ، پەروەردەیا بەردەڕش بوونە قارەمان، شێخان یا دویێ و ئامێدیێ یێن سێیێ.
بۆ یارییا ڤۆلی بۆلێ ل سەر ئاستێ کوڕان پەروەردا شنگال ناسناڤێ قارەمانیێ بدەستڤە بینت، بەردەرەش ڕێزا دویێ و شێخان یا سێیێ هاتن.
لدۆر ڤێ قارەمانیێ ئێحسان حەسەن ڕێڤەبەرێ چالاکیێن وەرزش و دیدەڤانی ل پارێزگەها دهۆکێ بۆ رۆژنامەیا ئەڤرۆ گۆت: پشتی بدووماهی هاتنا قارەمانییا فوتسالێ و تێنسا مێزێ ل سەر ئاستێن کوڕان و کچان بۆ پەروەردەیێن قەزایان، ب خوەشحالیڤە قارەمانییا ڤۆلی بۆلێ ژی ب دووماهی هات ئەوا دناڤبەرا پەروەردەیا شنگال و بەردەرش هاتینە کرن، یا دلخوەشکەر ئەڤ جارە قارەمانەکا نوو دەرکەڤت ئەوژی شنگال بوو، ل وەرزێ بۆری بەردەڕەش ببو قارەمان، ئەڤە ژی بەلگەیە ل سەر هەبوونا کارەکێ باش ژبۆ پێشئێخستنا وەرزشا ڤێ یاریێ ل دەڤەرێ و خوەماندیکرنا پشکداران بۆ هەڤڕکییا ناسناڤی، ئەڤچەندە دێ بیتە ئەگەر تیمێن دی ژی زێدەتر خوەماندی بکەن بۆ دەستکەڤتەکێ.
هەروەسان ناڤهاتی گۆت: ژ ئاستێ قارەمانیێ دڕازینە و بەرنامەیێ قارەمانییا بۆ پەروەردەیان بەردەوامە، پشتی ب دووماهی هاتنا وەرزێ ئێکێ یێ خواندنێ دێ قارەمانییا فوتسالێ ل سەر ئاستێ کوڕان یێن ئامادەیی هێتە کرن، هەکە دەلیڤە هەبوو دێ قارەمانییا شەترەنجێ ل سەر ئاستێ سەرەتایی هێتە کرن کو دبیتە جارا ئێکێ بهێتە ڕێکخستن.
ژلایەکێ دووڤە ئێحسان حەسەن گۆت: پێنەڤێت سەرۆکانییا وەرزشێ ل قوتابخانەیان دەستپێدکەت و باشترین پیڤەرە بۆ هەلسانگاندنا وەرزشا هەر وەلاتەکی وەرزشا قوتابخانایە،هەکە وەرزشا قوتابخانەیان پێشکەڤتی بیت ڕامانا وێ ئەوە وەرزشا وی وەلاتی یا پێشکەڤتی بیت، دیارە ژی ل کوردستانێ پووتەدان یا بوو وەرزشێ هەیی لێ دبیت نە ل ئاستێ هیڤیخوازیا مە بیت، ژبەرکو هێشتا هیڤیێن مە پترن، ژبەرکو مە گەلەک یاری هەنە و ژبەر ڕەوشا دارایی د شیان دانینە قارەمانی بۆ هەموو یاری یان پترییا یارییان بهێتە ڕێکخستن، لێ وەکو بەرنامەیێ سالانە یێ ڕێڤەبەرییا مە ژبلی قارەمانییان مە فەستڤالێن سالانە هەنە، خیڤەتگەهێن دیدەڤانی هەنە ب هیڤییا وێ یەکێ بۆ وەرزێ ئەڤ سالە دێ وان ژی ئەنجامدەین.

ستێرا پارێزگەهێ‌ وتیما ڤۆلی بۆلا یانەیا سەنحاریب دۆرین ڕۆمێل دیار كر بۆ جارا ئێكێ‌ یە د دیرۆكا یانەیێ‌ دا تیما وان یا ڤۆلی بۆلێ‌ پشكداریێ‌ د قارەمانییەكا دەرڤە دا بكەت و گەشبینن بۆ ب دەستڤە ئینانا دەستكەڤتەكێ‌ دیرۆكی و باشترین نوونەرێن كوردستانێ‌ و ئیراقێ‌ بن د قارەمانییا رۆژئاڤا ئاسیا دان ئەوا بڕیارە هەڤركیێن وێ‌ سوبەهی وەلاتێ‌ كوێتێ‌ مێڤاندارییا وێ‌ بكەت.
زێدەتر ناڤهاتی بۆ رۆژنامەیا ئەڤرۆ گۆت: وەكو یانەیا سەنحاریب ئەم دێ‌ هەموو بزاڤان كەین پشكدارییەكا سەركەڤتی بیت د قارەمانییا رۆژئاڤا ئاسیا دا سەرباری دبیتە جارا ئێكێ‌ و تاقیكرنەكا نوو یا تیما مە د قارەمانییەكا دەرڤە دا و مە چو پێزانین ل سەر یانەیێن پشكدار نینن لێ‌ گەشبینن باشترین شێوە هەڤڕكییان بكەین تایبەت بۆ ڕێزێن پێشیێ‌ و دەستكەڤتەكێ‌ دیرۆكی، ئەڤە ژی ب كارەكێ‌ كۆم و پلانێن ڕێكخستی بۆ سەركەڤتنان.
دورین رۆمێلێ‌ گۆت: پێنەڤێت هەر تیمەكا پشكداری بیت د ڤێ‌ قارەمانیێ‌ دا ئەو قارەمانا وەلاتێ‌ خوەیە و شیایە ببیتە یا ئێكێ‌ لەوما ژی هەموو تیم ب هێزن و دێ‌ هەموو بزاڤان كەن ناسناڤی ب دەستڤە بینن ئەڤە ژی دێ‌ بیتە قارەمانییەكا پری هەڤڕكی، لێ‌ وەكو یانەیا سەنحاریب مە ژی هیڤی و ئارمانج هەنە و نە بتنێ‌ بۆ پشكداریێ‌ ئەم دێ‌ دناڤا قارەمانیێ‌ دا بین بەلكو هەڤڕك و هژمارەیەكا بزەحمەت بین، دبیت جوداهییا یاریزانێن پیشەكار دناڤبەرا تیما مە و یێن پشكدار هەبن وەكو كوالێت و ئاست و شیان، ژبەركو ئەو یانە خودان شیانێن دارایی نە و دبیت یێن وان باشتربن لێ‌ هیچ شێوەیەكێ‌ ئەم خوە كێمتر نادانین.
ل دووماهیێ‌ ناڤهاتی پشتگەرمییا تیمێ‌ ب ئێگكرتن دا زانین و گۆت: تیما مە ب سەرپەرشتییا د. هەكار بەرقی ڕاهێنەرێ‌ و ب پشتەڤانییا كارگێریێ‌ و ئێك دلی و مۆرالا بلند یا یاریزانان ئەگەرەكێ‌ سەرەكی یە بۆ گەشبینییا سەركەڤتنان، ئەم سۆپاسییا پارێزگارێ‌ دهۆكێ‌ د. عەلی تەتەر دكەین كو بێ‌ جوداهی پشتەڤانییا یانەیان دكەت و پشتەڤانییا یانەیا مە كرییە ژبۆ پشكدارییەكا سەرفەراز و سۆزێ‌ ددەین یا د شیان دا بیت بۆ سەركەڤتنا تیمێ‌ بكەین و دەستكەڤتەكی بۆ كوردستانێ‌ بینن.
بۆ زانین تیما ڤۆلی بۆلا یانەیا سەنحاریب د كۆما سێیێ‌ دا هاتیە و پێكهاتینە ژ یانەیێن نەسر یا ئوردنی، قودس یا فلەستینی و فەیحا یاسعودی، یانەیێن پشكدار ژ وەلاتێن ئوردن، فلەستین، یەمەن، لوبنان، سعودیە، قەتەر، ئیمارات و ئیراق، ئەركێ‌ مە ب سانەهی نابیت لێ‌ ئەم بۆ هەر یارییەكێ‌ بتنێ‌ سەركەڤتن ئارمانجا مەیە.

یێ‌ فرەنسی كیلیان مباپی ستێرا یانەیا ریال مەدرید یا ئسپانی ڕیكوردەكا جوان تۆماركرییە پشتی وەكهەڤییا تیما وان بەرانبەر جێرونا ب گۆلەكێ‌ ژ چارچووڤەیێ‌ خولا ئسپانیا و شیایی گۆلا وەكهەڤیێ‌ ب لێدانا پەنەلتیێ‌ د خولەكا 67 دا تۆماربكەت.یێ‌ فرەنسی كیلیان مباپی ستێرا یانەیا ریال مەدرید یا ئسپانی ڕیكوردەكا جوان تۆماركرییە پشتی وەكهەڤییا تیما وان بەرانبەر جێرونا ب گۆلەكێ‌ ژ چارچووڤەیێ‌ خولا ئسپانیا و شیایی گۆلا وەكهەڤیێ‌ ب لێدانا پەنەلتیێ‌ د خولەكا 67 دا تۆماربكەت.ل دووڤ تۆڕا ئۆبتا یا نێڤدەولەتی بۆ ئەرشیفكرنا ڕیكۆردێن جیهانی كو مباپی شیاییە د وەرزێ‌ ئەڤ سالە دا د قارەمانیێن جودا دا حەفت گۆلان بینت كو دهێتە هژمارتن بلندترین ڕێژەیا گۆلان د هەرپێنچ خولێن مەزنە ئۆرۆپان دا و ڕیكۆردەكا نوو تۆماربكەت بەری ب دووماهی هاتنا وەرزێ‌ زڤستانێ‌.