شاكر ئەتروشی:

د. عادل خێركی، بەرپرسێ ناڤەندا زاخۆ یا رەوشەنبیری و راگەهاندنێ، د دیدارەكێ‌ دا بۆ رۆژنامەیا ئەڤرۆ گۆت: ئەڤە سالەك ب سەر دەستبكاربوونا مە وەكو بەرپرسێ ناڤەندا زاخۆ یا رەوشەنبیری و راگەهاندنێ ڕا دەربازبوون، بۆمە سالەكا پری خزمەت و ماندیبوونەكا بەردەوام و بێ ڤەقەتیانا كادر و كارمەندێن رۆژنامەڤان یێن بێژەر، پێشكێشكار، پەیامنێر، تەكنیككار، وێنەگر، هەوالساز، مۆنتێر، شوفێر و هەموو كارمەندێن خۆشتڤی كو ب ئێك تیمی و جدییەت و وەفاداری، جارەكا دی ناڤەندا زاخۆ ب سازیێن وێ یێن ڕاگەهاندنێ ڤە ڕاكرینە سەرپییا، بۆ ماوەیێ دەربازبوویی و داهاتی ژی سوپاسیا خەلكێ ئیدارەیا سەربەخۆیا زاخۆ دكەین كو دگەل مە و هەڤكارێن مەدا د هاریكارن و سوپاسیا پشكا رەوشەنبیری و راگەهاندنا پارتی ب تایبەت بەرێز (د.سالار عوسمان) بەرپرسێ پشكا رەوشەنبیری و راگەهاندنا مەكتەبا سیاسی یا پارتی دكەین كو هەموو دەمان هاریكارو پشتەڤان بوویە بۆ ڤەژەن و پێشڤەبرنا بزاڤا رەوشەنبیری و راگەهاندنێ ل ئیدارەیا سەربەخۆ یا زاخۆ و سوپاسییا لقێ ٨ێ پارتی دیموكراتی كوردستان ژی دكەین ب تایبەت بەرێز(عومەر ئۆرەیی بەرپرسێ لقێ هەشت و هەموو هەڤالێن كارگێر لق و بەرپرسێن ناوچەیێن پارتی، هەروەسا پشتەڤانیا سەرپەرشتێ ئیدارەیا سەربەخۆ یا زاخۆ بەرێز (گوهدار شێخۆ) و بەرێز (سەربەست لەزگین) بەرپرسێ‌ دەستەیا مەكتەبا رێكخستنا پارتی ل دهۆكێ و بەرێز (مشیر محەمەد) قائیمقامێ زاخۆ و هەموو رێڤەبەرێن گشتی و رێڤەبەرێن سازیێن حكۆمی ل ئیدارەیا سەربەخۆیا زاخۆ و هەموو رۆژنامەڤان و رەوشەنبیر و هونەرمەند و زانایێن ئایینی و كەسایەتیێن زاخۆ دكەین بۆ پشتەڤانیا وان بەردەوام ل ناڤەندا زاخۆ، پشتەڤانییا هەوە مەزنترین شانازییە كو ب پشتەڤانییە هەوە سازیێن زمانحالێ پارتی وەرارەكا جوان ب خوەڤە دیت و بۆ دەمێ‌ بهێت ژی دێ‌ مە پرۆژەیێن باشتر بۆ پێشڤەبرنا ئاستێ‌ راگەهاندنا كوردی، ب تایبەت ژی ل سنۆرێ‌ ئیدارەیا سەربەخوەیا زاخۆ هەبن.
هەروەسا گۆت: ئەڤا مە ئەنجامدای و بۆ دەمێ‌ بهێت ژی ئەنجام بدەین، چو خێرا ل گەل كەسێ‌ ناكەین و ڤێ‌ چەندێ‌ ب ئەركێ‌ خوە دبینین، لێ‌ بۆ زانین ب كورتی دێ‌ چەند پرۆژە و خزمەتێن پچووكن كو د ماوەیێ سالەكێ دا ژلایێ ناڤەندا مەڤە هاتینە ئەنجامدان و ب ئانەهیا خۆدێ پرۆژەیێن مەزنتر د پلانێن مەدا هەنە، ژوانا: بۆ جارا ئێكێ‌ ل سەر ئاستێ زاخۆ (ئاژانسا نووچەیێن دەلال میدیا) هاتە دامەزراندن، هەروەسا بۆ جارا ئێكێ‌ ل سەر ئاستێ زاخۆ (كەنالێ دەلال زارۆك) ب پەخشێ ٢٤ دەمژمێری هاتە دامەزراندن، هەروەسا بۆ جارا ئێكێ‌ (پەرتووكخانەیا دەلال یا ئەلیكترۆنی) هاتە راگەهاندن كو ٣٠ هزار پەرتووكێن ئەلیكترۆنی تێدانە، هەروەسا بۆ جارا ئێكێ‌ ل زاخۆ دروستكرنا ستۆدیۆیەكا مۆدرن بۆ ڕادیۆیا زاخۆ، هەروەسا دروستكرنا ستۆدیۆیەكێ بۆ بەرنامەیێن دەلال تیڤی و ئەنجامدانا ئێكەم (دیدارا دەلال) یا میدیایی ب هەلكەفتا سەر سالا دەلال تیڤی و دابینكرنا كۆمپیۆتەرێن باش بۆ بۆ مۆنتاژا بەرنامە و دەنگۆباسان و چارەسەركرنا كێشەیا كارەبێ ب تەمامی ل ناڤەند و سازیێن وێ یێن راگەهاندنێ و ڤەكرنا پێشانگەهەكا مەزن یا پەرتووكان و ڤەكرنا پێنج خۆلێن راگەهاندنێ‌ و ئەنجامدانا ئێكەم دیدارا دەلال و چەند پەنەل و سمینار و دیدار بۆ وێنەگرێن ناڤەندێ‌ و دابینكرنا ٨٠٠٠ سترانێن كوردی بۆ رادیۆیا زاخۆ و قەدەغەكرنا سترانێن بیانی و پێگەهاندنا ڕۆژنامەڤانان دبیاڤێ سەرەدەریكرن دگەل مادەیێن هۆشبەر و پەیرەوكرنا شێوازێ دوو وەرزی یێ بەرنامەیان و زێدەكرنا بەرنامەیێن تەلەفزیۆنا دەلال و رادیۆیا زاخۆ بۆ سەر بیست بەرنامەیان و هاڤێتنا پێناگاڤەكا باش ل گەل زانكۆیا زاخۆ ژبۆ ڤەكرنا كولیژا ڕاگەهاندنێ و ساخكرنا پرۆژەیێ دیكیۆمێنتاریێن پەرتووكێن جەنابێ سەرۆك بارزانی ب دیالیكتا بەهدینی و دیجیتالكرنا ئەرشیڤێ گۆڤارێن (زاخۆ، دەلال، شابانی) و ڤەگۆهاستنا رادیۆیا زاخۆ بۆ سەر چیایێ سپی و خۆرتكرنا پەخشێ رادیۆیێ كو پێشتر ب تەمامی دناڤ سەنتەرێ باژێرێ زاخۆدا كێشە هەبوون و پەخشێ وێ نەبوو، نوكە ل هەر ٤٨ تاخێن سەنتەرێ زاخۆ هەیە و هەروەسا ل قەزایێن باتیفا و ناحیەیێن دەركار و بێگۆڤا و باتێلێ و رزگاری ب تەمامی پەخشێ رادیۆیێ هەیە، ژبلی زاخۆ، ل سەنتەری باژێرێ دهۆك و پارێزگەها مووسل و باژێرێ سلۆپی و جزیرێ ل با كورێ‌ كوردستانێ‌ پەخشی رادیۆیا مە هەیە و دیبەیتەكێ لدۆر (زمانێ كوردی دناڤبەرا هێزا دەستووریبوون و لاوازییا بجهئینانێ دا) و ئەنجامدانا هەوەكا میدیایی ژبۆ پاقژراگرتنا باژێرێ زاخۆ و بۆ ئێكەم جار ناڤەندا زاخۆ رێز ل هەموو كادر و كارمەندێن خوە یێن راگەهاندنێ گرت و ئەنجامدانا دیبەیتەكێ ل دۆر (كوردستان و كاودان ل ژێر سیاسەتا سەرۆك بارزانی) بۆ ماموستایێن زانكۆیا زاخۆ و پێگەهاندنا نێزیكی ٣٠ رۆژنامەڤانێن نوو یێن گەنج بۆ سازیێن مە یێن راگەهاندنێ و ب دەهان پرۆژە و كارێن دی.

سندس سالح سلێڤانەیی:

سترانبێژ (مێڤان سالح) د دیدارەكێ‌ دا بۆ بەرپەرێ‌ هونەری یێ‌ رۆژنامەیا ئەڤرۆ گۆت: ژبەركو ئەز كوڕێ‌ هونەرمەند (سالح ئامێدی) مە، دژیەكێ‌ بچووكدا حەزا سترانگۆتنێ‌ ل دەف من ژی پەیدا بوو، ژبەركو من بەردەوام گوهداریا بابێ‌ خوە دكر ل دەمێ‌ ل مال ستران دگۆتن و ئەو بوو رێخۆشكەر كو ئەز ژی دەست ب سترانگۆتنێ‌ بكەم و ل باژێرێ‌ مووسل من دەستپێكر و ئێكەم سترانا خوە ب ناڤێ‌ (پەشیمانی) ل سالا (1999) من بەلاڤكر، كو ژبەرهەمێ‌ كەنالێ‌ كوردستان تیڤی بوو و وێ‌ سترانێ‌ باش دەنگڤەدا، لەورا هەتا نوكە یێ‌ بەردەوامم و هیڤیا من ئەوە ئەز بشێم ل دووف شیانێن خوە خزمەتا سترانا كوردی بكەم.
هەروەسا گۆت: ئەز گەلەك حەزژ دەنگێ‌ هەردو هونەرمەندێن مەزن (محەمەد عارفێ‌ جزیری و تەحسین تاهای) دكەم، هەروەسا هونەرمەندێن بیانی ژی (ئیبراهیم تاتلیس و كازم ئەلساهر و سەعەد ئەلبەیاتی) دكەم ، هەروەسا حەزژ مۆزیكا كلاسیك ژی دكەم و هەر سترانەكا ئەز چێدكەم لەزێ‌ لێ‌ ناكەم هەتا ل دووف دلێ‌ من بهێت پاشی دێ‌ تۆماركەم و بەلاڤكەم، چنكو لەزكرن دێ‌ سترانبێژی تووشی شاشیان كەت، پاشی ئەو ب خوە دێ‌ پەشیمان بیت.
ل دووماهیێ‌ سترانبێژ(مێڤان سالح) گۆت: ئەز بەردەوام بزاڤێ‌ دكەم كو خەلكەكی هانبدەم كو حەزژ هونەری بگشتی و ستران و مۆزیكێ‌ ب تایبەتی بكەن، چنكو ستران و مۆزیك ئێك ژ فاكتەرێن گرنگێن هەر مللەتەكی یە و ئەز ل وێ‌ باوەریێ‌ مە كو ل پاشەڕۆژێ‌ دێ‌ مۆزیكا كوردی گەلەك پێشكەڤیت، چنكو مە مۆزیكژەنێن گەنج یێن باش هەنە و دشێن بەردەوام داهێنانێ‌ بكەن، لێ‌ ل گەل هندێ‌ گازندە و رەخنە ژی ژ هندەك هونەرمەندان دهێنە كرن، لێ‌ كاروانێ‌ هونەری دێ‌ یێ‌ بەردەوام بیت و هەر هونەرمەندەك ل دووف زانین و شیانێن خوە دێ‌ شێت خزمەتێ‌ كەت و دپلانا من دایە پتر گرنگیێ‌ ب دەمە وان سترانان یێن سەلیقەیا وان بلەز، چنكو خەلكەك ل ڤی سەردەمی پتر حەزژ وان جۆرێن سترانان دكەن و ئەز بەردەوام گوهداریا هەموو سترانێن خۆش دكەم یێن كوردی و یێن بیانی ژی و هیڤیا من ئەوە ژ وەزارەتا رەوشەنبیری و هەموو دامودەزگەهێن هونەری ل هەرێما كوردستانێ‌ ژ نوكە وێڤە باشتر پشتەڤانیێ‌ ل هونەرێ‌ كوردی بكەن و هەموو پێكڤە كاربكەن كو رۆژ بۆ رۆژێ‌ ئاستێ‌ هونەرێ‌ كوردی بەرەف ئاسویێن بلندتر بچیت و ئەڤە چەندە ئەركێ‌ مە هەموویانە.