سێمێل، موسا خالد:
ب بەرهەڤبوونا شەعبان خەلیل، رێڤەبەرێ ناوچەداریا تەناهیێ و سەرۆكێ باژێرڤانیێ و هژمارەكا ژینگەهـپارێزان هەوا چاندنا 10 هزار شتلێن داران ل ژێر ناڤێ «شكاندنا كۆنكرێتی» هاتە كرن، كو ژ لایێ «رێكخراوا یەك دار»ڤە ئەڤ دەستپێشخەریە هاتیە كرن.
رێكخراوا یەك دار ب هەماهەنگیا نوونەراتیا حكومەتا هەرێمێ ل فرەنسا ئەڤ پڕۆژەیە دەستپێكریە و دوهی قوتابیێن پەیمانگەها ئارارات وەكو خۆبەخش تێدا پشكداربوون.
بەرپرسەکێ ئیرانێ بۆ جارا ئێکێ دیار کر دو سالن وەزارەتا دەرڤە یا ئیرانێ ل گەل تیما ترامپی دانوستاندنان دکەن و وەکو ئیران وان دڤێت پرسێن هەی ل گەل ئەمریکا چارەسەر بکەن و نها دانوستاندنێن ل گەل ئەمریکا ژی ب رەنگەکێ باش بەردەوام دکەن.
محەمەد مەهدی شەهریاری ئەندامێ لیژنا ئاسایشا نەتەوەیی ل پەرلەمانێ ئیرانێ د داخویانیەکێ دا بۆ دەزگەهێن راگەهاندنا ئیرانێ سەبارەت ب دانوستاندنێن ل گەل ئەمریکا دیار کر، دەمێ ئیرانێ هەست ب ڤێ یەکێ کر دێ جارەکا دی ترامپ هێتە سەر دەستهەلاتێ بەرهەڤی بۆ دانوستاندنان هاتنە کرن، بەری دو سالان وەزارەتا دەرڤە یا ئیرانێ تیمەک پێکئینا و ل گەل تیما ترامپی دەست ب دانوستاندنان هاتە کرن و گۆت: (ئەڤا نها د ناڤبەرا ئیرانێ و ئەمریکا دا روو ددەت تشتەک نوو نینە و بەری نها دانوستاندن هەبووینە، ئەڤە دو سالن دانوستاندن هەنە و بەرپرسێن وەزارەتا دەرڤە یا ئیرانێ گەلەک جاران ل گەل تیما ترامپی دانوستاندن کرینە و ئەنجامێ دانوستاندنان ژی گەهاندینە عەلی خامنەیی رێبەرێ شۆرەشا ئیسلامی یا ئیرانێ).
ناڤهاتی ئەو یەک ژی دیار کر، ئیران گەلەک هشیارە و رێ نادەت ئەمریکا و ئسرائیل ئالۆزیان دروست بکەن، هەکە ئەمریکا بڤێت ب رێیا دانوستاندنان پرسا بەرنامێ ئەتۆمی یا ئیرانێ بهێتە چارەسەرکرن، ئیران ژی چو ئاستەنگان دروست ناکەت، لێ دڤێت ئەمریکا رێزێ ل ئیرادە و داخوازیێن گەلێ ئیرانێ بگریت، دانوستاندنێن هەتا نها ل گەل ئەمریکا ژی باشن و ب تایبەتی ژی گەرا دویێ یا دانوستاندنان ل باژێرێ رۆم نیشا دا ئەمریکا هەست ب ڤێ یەکێ کریە، کو ب ئێرشکرنا ل سەر ئیرانێ ئەو دێ تووشی کارەساتەکا مەزن بن و ژ بەر ڤێ یەکێ ژی نها هەلوەستێ ئەمریکا ژی هاتیە گوهۆڕین و گۆت: (تیما ترامپی پشتی هەڤدیتنێن ل گەل بەرپرسێن وەزارەتا دەرڤە یا ئیرانێ هەست ب پیلانا خراب یا ئسرائیلێ کرن و ژ بەر ڤێ یەکێ ژی نها ئەمریکا ل دژی سیاسەتا ئسرائیلێ یە و ئەو یەک ژی نیشا ددەت ئیران د دانوستاندنێن هەتا نها یێن ل گەل ئەمریکا دا سەرکەفتی بوویە و رێگری ل ئێرشەکا سەربازی یا ئەمریکا بۆ سەر ئیرانێ هاتیە کرن).
هەمان بەرپرسی ئەو یەک ژی دیار کر، رێبەرێ شۆرەشا ئیسلامی یا ئیرانێ ژ هەموو کارێن کو تیما ئیرانێ ل گەل تیما ترامپی کریە ئاگەهدارە و پشتەڤانیێ ل شێوەیێ دانوستاندنان کریە و ژ بەر ڤێ یەکی ژی چ تشتەک ب نهینی نەهاتیە کرن.
ئەو یەک د دەمەکێ دایە، کو بەری نها رێبەرێ شۆرەشا ئیسلامی یا ئیرانێ ل دژی دانوستاندنێن ل گەل ئەمریکا بوو و نها ژی ئیران دبێژیت دانوستاندنێن ل گەل ئەمریکا ب رەنگەکێ نەراستەوخوە دهێنە کرن.
بەرپرسەکێ وەزارەتا دەرڤە یا سووریێ دیار کر د هەڤدیتنا حەفتیا بۆری یا د ناڤبەرا سەرۆکێ سووریێ و سەرۆک کۆمارێ ئازەربایجانێ ل تورکیا دا، ئەحمەد شەرع داخواز ژ سەرۆکێ ئازەربایجانێ کریە کو د بیاڤێ پیشەسازیا پەترۆلێ و وەبەرهێنانێن دی ل سووریێ هاریکاریا وان بکەن، چونکی نها رەوشا سووریێ گەلەک خرابە و وەکو سووریێ ئەو پێدڤی ب هاریکاریا ئازەربایجانێ نە.
هەمان بەرپرسی ئەو یەک ژی دیار کریە، سەرۆکێ ئازەربایجانێ دیار کریە ئەو بەرهەڤن د گەلەک بیاڤان دا هاریکاریا سووریێ بکەن، لێ هەتا سزایێن وەلاتێن ئێکەتیا ئۆرۆپا و ئەمریکا ل سەر سووریێ بەردەوام بن وەکو ئازەربایجان ئەو نەشێن دەست ب پرۆژەیێن مەزن یێن ئابووری ل سووریێ بکەن، چونکی ئەو یەک دێ ئەنجامێن خوە یێن خراب بۆ ئازەربایجانێ هەبن.
چاڤدێرێن سیاسی ژی دیار دکەن ژ بەر پەیوەندیێن ئازەربایجانێ یێن ل گەل ئسرائیلێ سەرۆکێ وی وەلاتی جارێ نەڤێت د بیاڤێ گەشەپێدانا ئابووری دا هاریکاریا سووریێ بکەت.
ئاژانسا رویترز یا نووچەیان د راپۆرتەکێ دیار کریە، بنیامین نەتانیاهۆ سەرۆک وەزیرێن ئسرائیلێ دڤێت بێی هاریکاریا ئەمریکا ئێرشی بەرنامێ ئەتۆمی یێ ئیرانێ بکەت، چونکی بەرپرسێن ئسرائیلێ وەسا دبینن ئەمریکا ژ بۆ بەرژوەندیێن خوە یێن ئابووری نەڤێت ئێرشی ئیرانێ بکەت و ئەو یەک دشێت د پاشەرۆژێ دا مەترسیێن گەلەک مەزن بۆ ئسرائیلێ دروست بکەت.
هەمان ئاژانسێ ئەو یەک ژی دیار کریە، ناکۆکی د ناڤبەرا ئسرائیلێ و ئەمریکا دا سەبارەت ب ئیرانێ هەنە، چونکی ترامپی دڤێت ب رێیا دانوستاندنان رێککەفتنەکێ ل گەل ئیرانێ بکەت دا ئەو یەک ببیتە ژێدەرەکێ نوو بۆ بهێزبوونا ئابوورێ ئەمریکا، لێ ئسرائیل ل دژی سیاسەتا ترامپی یە و نەتانیاهۆی دڤێت بێی هاریکاریا ئەمریکا ژی ئێرشی بەرنامێن ئەتۆمی یێن ئیرانێ بکەت.
چاڤدێرێن سیاسی ژی دیار دکەن، سەبارەت ب ئیرانێ چو ناکۆکی د ناڤبەرا ئەمریکا و ئسرائیلێ دا نینن و هەر دو وەلات ژ بۆ لاوازکرنا ئیرانێ پێکڤە کار دکەن.
ههرهین محهمهد:
ئهكتهرێ كومێدی بههجهت ئهسعهد كو د درامایا دهرگههـ دا رۆلێ ئاشتی دگێرا د دیدارهكێ دا بۆ بهرپهرێ هونهری یێ رۆژنامهیا ئهڤرۆ گۆت: دهرهێنهر گهلهك یێ ب من ڤه وهستیایی دهمێ ههمی ئهو لڤین و روودانێن ئهوی كارێكتهری بۆ من گۆتین ل ویدەمی راوهستیام ههتا من ههمی گرتین و پێشبینیا وێ چەندێ دكر ل رۆژێن دهستپێكێ یێن چێكرنا درامایێ ئهز ل دووڤ دلێ وی نهبووم، بهلێ وهكو كهسایهتی و كارێكتهر ئهوی ئهزێ ههلبژارتیم بهری دهمی و ئهڤه چهندین ساله ناسناڤێ من (حهجی) بوو پشتی پشكداری درامایا دهرگههـ بوویم ناسناڤێ من بوویه ئاشتی و درامایێ دا برایێ بچیك بووم و من كارێ خودانكرن و كرین و فرۆتنا كوتران دكر و پشتی دراما ب دووماهیك ژی هاتی یا ژ خهلكی ڤه ب دروستی ئهز كارێ كوتران دكهم و گهلهك كهیفا من دهێت دهمێ بناڤێ ئاشتی گازی من دكهن و دینم ئهڤه حهزژێكرنا وانه بۆ من و ههردیسان درامایێ دا گهنجهكێ ئهڤینداربووم ژی یێ ئامادهمه بهردهوام رۆلێن ئهڤینیێ ژی بگێرم و دبینم دهرحهقێ ئهڤینیێ ژی ددهركهڤم و یێ بهرههڤم ههر رولهكێ دهرهێنهر بدهته من بگێرم چ كومێدی و تراژیدی و ئهكشن بیت دێ گێرم، بهلێ ب مخابنی ڤه دبێژم كارێ ئهكتهریێ ههتا نوكه نهبوویه پیشه ههموو پێدڤی و خواست و داخازیێن ئهكتهری پركهت و دبینم پتریا كهسان دو كاران دكهت و بۆ نموونه ئهكتهر ژی ب ئهوی رهنگی نه و دبیت ههر ئهكتهرهك ههبیت كارێ وی یێ سهرهكی كارهكێ دی یه و كارێ وی یێ دوێ ئهكتهریه و دخوازم رۆژهك بهێت كارێ ئهكتهریێ ژی ببیته پیشه و داهاتهك پێڤه بهێت و ئهو پارێ بۆ من ژ ئهكتهریێ دهێت بتنێ تێرا وان رۆژان دكهت یێن كو كارێ ئهكتهریێ تێدا دكهم و كارێ ئهكتهریێ دكهم چونكو حهزا من یا زارۆكینیێ یه و ئهڤه بۆ دهمێ پازده بیست سالایه ئهز دڤی كاری دا و ههوهسا من خاندن و پێشهیێ من ژی ههموو بوویه ئهكتهری و دڤێت كهسانێن وهكو من قوربانیان بدهت و داكو بەرەبابێ ل دوووڤ من دا دهێت بۆ ئهوان ببیته پیشه.
ئاشتی هێشتا ژی گۆت: من گهلهك حهز دكر خهلهكهیێن دراما دهرگههـ درێژتربان و بۆ خهلكی ببوو مهرهق كاردێ گههمه ئهڤینا خوە یان نهنە، بهلێ ئهوا روودای د درامایێ دا ژ سیاسهتا دهرهێنهری و نڤیسهری بوویه و ئهو كهسێن ل گهل مه كاردكهن وهكو خویشك و دایك و برایێن مهنه و پشتی درامایێ ب چاڤێ ئهڤینیێ ناسهحكهینێ.
ز اخۆ، دلۆڤان هالۆ:
ئەکتەرێ گەنج یێ کۆمێدی یێ زاخۆ سەباح جەمیل د دیدارەکێ دا بۆ ڕۆژناما ئەڤرۆ دیار کر کو ل سالا 1991ێ من دەست ب کارێ ئەکتەریێ کرییە و ئێکەم فلمێ من بەشداری تێدا کری بناڤێ خاپاندن ژ دەرهێنانا عادل حەمیدی بوو، و من بەشداری د گەلەك فلم و زنجیرە دڕاما و شانووگەرییان دا کرییە، و ئێك ژ بناڤ و دەنگترین فلمێن کو من پشکداری تێدا کری بناڤێ کۆڕێ شیم و دەیکا خشیم بوو، کو د ڤی فلمی دا ئەز ب ڕۆلێ کەسەکێ ئاینی ڕاببووم.
ناڤهاتی ئاماژە ب وێ چەندێ ژی کر کو کارێ ئەکتەریێ هەستەکێ خوەشە بۆ من، چونکی بەهرە و حەزا منە، و ئەز ب گەلەك ڕۆلێن هەمەجۆر ڕابوویمە د فلم و زنجیرە دڕامایان دا، لێ پتریا ڕۆلێن من وەرگرتین کۆمێدی بوون و ئەز بخوە ژی پتر خوە د ڕۆلێ کومێدی دا سەرکەڤتی دبینم، هەروەسا ئەز پتر حەز دکەم د فلمان دا ئەکتەریێ بکەم.
سەباحی گۆت ژی:» ئەم هیڤیدارین کو هۆلەکا تایبەت ب ئەنجامدانا پڕۆڤەیێن ئەکتەران ل زاخۆ بهێتە ڤەکرن دا کو ئەم بشێن پڕۆڤەیێن هەموو کارێن خوە یێن هونەری لێ ئەنجام بدەین، و ئەگەر پشتەڤانی ل فلم و زنجیرە دڕامایێن کوردی بهێتە کرن دێ بەرهەمێ مە یێ هونەری یێ خۆمالی پتر بیت ژ یێ بیانی، و دێ چاڤێن بینەران ژ فلم و زنجیرە دڕامایێن بیانی هێتە وەرگێڕان بۆ یێن کوردی».
بێوار حەمدی:
دەرهێنەر (عادل ئاکرەی) د دیدارەکێ دا بۆ ڕۆژناما ئەڤرۆ دیارکر کو لدەسپێکێ وی ژ کارێ وێنەگریێ دەسپێکریە و و نوکە کارێ مۆنتاژ و کامیرەمان D.o.p و دەرهێنەریێ پێکڤە دکەت.
عادل محەمەد یێ بەرنیاس ب ( عادل ئاکرەی) هێشتا گۆت: پشتی کو من کارێ وێنەگریێ کری و من گەلەک حەز ژ کامیرێ کری، پشتی هینگێ ژ ساڵا 1997 من کلیپ بۆ هونەرمەندێ نەمر عەبدولواحد زاخۆیی چێدکرن و یێ بەردەوام بووم و من ئەو کارە هەمی پێکڤە دکرن
ناڤهاتی دبەردەوامیا ئاخفتنا خوە دا دیار کر کو ل پەیمانگەها هونەرێن جوان ل مویسل من خواندنا خوە تەمام نەکر ژ بەر هندەک ئەگەران، لێ من ل گەلەک کەناڵان وەکو ڕێڤەبەرێ وێنەگری و دەرهێنەری کارکریە ل ( ITV، ،ڤین تیڤی، کەناڵ 4،وارتیڤی) و گۆت : من دگەل درامایان ژی کارکریە وەکو D.O.P ئانکو بەرپرسێ گەلەک کامیرەیان،
لێ ب گشتی من پتر حەز ژ کارێ دەرهێنانێ کریە.
ل دوماهیێ ژی عادلی گۆت: شاشیەکا گەلەک مەزنە کو مرۆڤ سێ کاران پێکڤە بکەت، بەلێ د نوکە دا ئەز یێ نەچارم وب مخابنیڤە ل کوردستانێ وەسایە و تایبەتمەندێن کاری ژی گەلەک دکێمن و ئەو کەسێن دگەل من کارکری ژی پتریا وان نوکە خوە کریە دەرهێنەر، ئانکو دشێم بێژم پتری 20 دەرهێنەران ل کوردستانێ ل دەف من کارکریە تاکو گەهشتینە ئاستێن باش.
هەولێر، قائید میرۆ:
ئهندامهكا كۆمیتهیا ناڤهندیا پارتی دیموكراتی كوردستان د دیدارەکێ دا بۆ رۆژناما ئهڤرۆ بهحسێ گرنگیا ئەنجامدانا ئێکەم کونفرانسێ ئافرەتێن پارتی کر و گۆت: سهرۆك بارزانی بهردهوام پشتهڤانێ ئافرهتێن كوردستانێ بوویه و زهمینهیێن باش هاتینه رهخساندن بۆ ئافرهتێ.
دكتۆرە ڤیان سلێمان، ئهنداما كۆمیتهیا ناڤهندیا پارتی دیموكراتی كوردستان دیار كر، كۆنفرانسێ ئافریتێن پارتی د كاودانهكێ زۆرێ گرنگدا هاته ئهنجامدان، گرێدانا كۆنفرانسی د ئهڤی دهمیدا چهندین گرنگیێن خۆ ههنه و گۆت: ئێك ژوان گرنگیان ئهوه ئهم یێ بهر ب قۆناغهكا نوو یا حوكمڕانیا كوردی دچین، ئهوژی پێكئینانا كابینا دههێ یا حوكمهتا ههرێما كوردستانێ یه.
د. ڤیانێ دیار کر ژی، كۆنفرانسێ ئافرهتێن پارتی رێكهكه و پێنگاڤهكه کو بزانین بۆ ڤێ قۆناغا داهاتی یا ههرێما كوردستانێ پلانا حوكمهتێ چیه و چاوا بهرێ خوه ددهتە پرسا ئافرهتێ، ههروهسا ئهو لایهنێ زۆرتر جهی دناڤا كابینا حوكمهتا ههرێما كوردستانێ دبینیت كیژ لایهنه و گۆت: لیژنا ئامادهكار د دهمێ سێ ههیڤا دا لسهر كۆنفرانسی كار كریه و كۆمهكا ڤهكۆلینان ب رێیا پێنج گروپێن ئافرهتان هاتینه ئهنجامدان، ههتا پرسا ئافرهتێ ب ههموو لایهكی ڤه بخۆڤە بگریت و بشێت ببیته پێنگاڤهك بۆ ستراتیژیهتا بهێزكرنا رۆلێ ئافرهتا كوردستانێ د ژیانا سیاسی و جڤاكی و ئابوری و رهوشنبیریا ههرێما كوردستانێ دا.
ئهنداما كۆمیتهیا ناڤهندیا پارتی گۆتژی: سهرۆك بارزانی بهردهوام پشتهڤانێ ئافرهتێن كوردستانێ بوویه و زهمینهیێن باش هاتینه رهخساندن بۆ ئافرهتێ، سهرۆك بارزانی جارهكا دی د كۆنفرانسێ ئافرهتێن پارتی دا تهكهز كر و گۆت “هوون شیانێن خۆ بكاربینن ئهمژی دێ پشتهڤانیێ ل شیانێن ههوه كهین”.
د. ڤیانێ ئەو چەندە ژی دیار کر، بێگومان قۆناغێن گهلهك باشتر و پشكداریهكا زێدهتر و كاراتر چاڤهڕێی ئافرهتێن كوردستانێ یه، ئافرهتا كوردستانێ ژی نابیت ئهڤێ دهلیڤێ ژ دهست بدهت و پێدڤیه خۆ پێ بگههینیت ههتا زێدهتر كاریگهری ههبیت، پارتی باوهری ب شیان و مافێن ئافرهتێ ههیه و بهردهوام ژی پشتهڤانی هاتیه كرن.
د. ڤیان سلێمان دیار کر کو ل ههموو ئورگانێن پارتی رێژا ئافرهتێ زێدهتر بوویه و دگهل ڤێ چهندێ ژی ل كۆنفرانسێن ناڤخۆیی پێشنیار هاته كرن و رێژا ئافرهتێ زیده بوویه و گۆت: ههروهسا ل كابینا نههێ یا حوكمهتا ههرێما كوردستانێ زۆر دهلیڤهیێن گرنگ بۆ ئافرهتێ هاتینه رهخساندن و ل زۆر سازی و فهرمانگههێن حوكمهتێ رێژا ئافرهتێ یا بهر ب بلندبوونهكا بهرچاف دچیت.
د. ڤیانێ گۆتژی: د ڤی دهمی دا زێدهتر ژ 70 پلهیێن بلند دناڤا كابینا حوكمهتێ دا د دهستێ ئافرهتێ دانه، ئهڤهژی پێشكهفتنهكا زۆرا مهزنه و ئهز باوهرم دێ ئهو پێشكهفتن بهردهوام بن و بهر ب پێشڤه چین، بتایبهتی ئهو ڤهكۆلینێن مه ئهنجام دای ئاماژه بڤێ چهندێ دددهن رۆژ بۆ رۆژ رهوشا ئافرهتێ باشتره و زهمینهسازیێن باشتر ههنه ل ههمبهر ئافرهتێ.
د. ڤیان سلێمان دیار ژی کر، ئهنجامدانا كۆنفرانسێن تایبهت ب ئافرهتێ ڤه ڤهژاندنهكا گرنگه بۆ ئافرهتێ و خرڤهكرنا ئافرهتێ یه لدۆر ئێك، بهلێ پێدڤیه كۆنفرانسێن وهسا بهردهوامی ههبیت، ئەڤجا چ سالانه بیت یانژی ههر شهش ههیڤا جارهكێ یان وهرزی بیت و گۆت: بدیتنا من ههر جارێ كۆنفرانس لدور مژارهكا دیار كری بیت و بابهتهكێ دیار ههبیت بۆ كۆنفرانسی.
بێوار حەمدی:
ڤەکۆلەرەکێ دەروونی بۆ رۆژنامەیا ئەڤرۆ دیار کر کو ئوتیزم تێکچونەکا سەردەمە، ژبەرکو د ڤی چەرخی دا بەر ب زێدەبونێ یە و گۆت: ب گشتی ل دەڤ ڕەگەزێ نێر پتر پەیدا دبیت و لدووڤ ئامارێن جیهانی ژ هەر چار حالەتان سێ کوڕن و کچەک.
ڤەکولەرێ دەروونی ئیبراهیم عەبدولستار رێڤەبەرێ سەنتەرێ شیان و گەشە یێ ئوتیزمێ، دیار کر کو ئۆتیزم پێکهاتیە ژ ئالوزیەکا گەشەیی، ئەڤ گەشەیە یا تایبەتە ب فەرمانێن مێشکی ڤە و گۆت: تێکچۆنەکا سەردەمە د بەرێ دا ژی هەبو، بەلێ د ڤی چەرخیدا بەر ب زێدەبۆنێ یە.
ڤەکۆلەرێ دەروونی د بەردەوامیا ئاخفتنا خۆدا دیار کر کو ب گشتی ئوتیزم زێدەتر ل دەڤ رەگەزێ نێر پەیدا دبیت و لدووڤ ئامارێن جیهان ژ هەر چار حالەتێن ئۆتیزمێ سێ کوڕن و ئێک کچە و پتر ل وان وەڵاتان گەشە دکەت یێن ژینگەهەکا پیس هەبیت و ئەو ماددەیێن پیس یێن دناڤ هەوای دا پەیدا دبن.
ئیبراهیم ئەو چەندە ژی دا زانین کو هەموو نەخۆشێن ئۆتیزمێ تووشی تێکچۆنێن دژوار نابن، چونکی ئۆتیزم لسەر پێنج جوران دابەش دبیت ژ وان (یا کلاسیک کو سێ جورن ئەو ژی: یا سڤک، ناڤنجی، دژوار) حالەتێ دی دبێژنێ (متەلازم سپێرچەر) کو حالەتێ وان یێ باشە و دیسان (متلازم هیلەر و متلازم ویدز) کو پتر کچان ڤەدگریت، هەروەسا حالەتەکێ دی ژی هەیە دبێژنێ (لاوازی د گەشەکرنێ دا) کو هندەک حالەتێن کلاسیکن بەلێ دژوارن چونکی بیرکۆڵی د گەلدا هەیە.
ڤەکولەرێ دەروونی د بەردەوامیا ئاخفتنێن خۆدا دیار کر، ئۆتیزمێ هندەک پڕۆگرامێن سەرەکی هەنە بۆ ڕاهێنانێ وەکو (a b a) پڕۆگرامێ راستڤەکرنا ڕەفتارا، ئەڤ پڕۆگرامە گرنگیێ ب لایەنێ ڕێکخستنا تەرکیزێ و پەیوەندیا چاڤان و زمانی و ئەکادیمی ددەت و دڤێت بیردانکا وی د سەر چلێ دا بیت داکو ئەڤ پڕۆگرامە دگەل بگۆنجیت و گۆت: ئەو زارۆکێن دهێنە سەنتەرێ مە پتریا وان هەتا ڕاددەیەکێ باش چارە دبن و دشێن بچنە قوتابخانێ، لەوما داخوازێ ژ خێزانا دکەم کۆ زارۆیێن خو یێن ئۆتیزمێ فرێکەنە ڤان سەنتەرا داکۆ پاشەڕۆژەکا باش هەبیت.
پشتی ب دووماهی هاتنا یاریێن گەڕا 28ێ ژ هەڤڕكیێن خولا ستێرێن ئیراقێ یا فوتبۆلێ، هیچ یانەیەكا كوردستانی نەشیا سەركەفتنێ د یاریێن خوە دا بینت، ئەوێن ب دو خوسارەتی و دو وەكهەڤی ب دووماهی هاتین، د بەرانبەر دا یانەیێن بەغدایی رێزێن پێشیێ كونترۆل كریە، هەروەسان بڕیارە ئەڤرۆ دەست ب هەڤڕكیێن گەڕا 29ێ بهێنە كرن.
دهۆك و زاخۆ مفا ژ ئەرد و جەماوەرێ خوە وەرنەگرت
تیما یانەیا دهۆكێ قارەمانا كۆپا كەنداڤی مفا ژ ئەرد و جەماوەرێ خوە وەرنەگرت پشتی د خولەكێن دووماهیێ دا ئەنجامێ خوسارەتییا خوە بكەتە وەكهەڤی بەرانبەر یانەیا حدود، گۆلا دهۆكێ ژلایێ یاریزانێ وێ یێ پێكگۆر ئیبراهیم غازی تۆماركربوو، د یارییا واندا ئەوا ل شەمبییا بۆریی یاریگەها دهۆك یا نێڤدەولەتی هاتییە كرن، د ڤێ یاریێ دا وەستیانا پرانییا یاریزانان یا دیاربوو پشتی یارییا فینالا كەنداڤی و شیابوون بۆ جارا ئێكێ ل سەر ئاستێ كوردستانێ و ئیراقێ ناسناڤی ب دەستڤە بینن.
ژلایێ خوەڤە یانەیا زاخۆ بەردەوامی دایە ئەنجامێن خوە یێن لاواز بۆ یارییا سێیێ نەشیایە چو سەركەفتنان بینت پشتی دگەل مێڤانا خوە یانەیا نەفت میسان ب گۆلەكێ تووشی خوسارەتیێ بیت، د یارییا واندا ئەوا ل چارشەمبییا بۆری یاریگەها زاخۆ یا نێڤدەولەتی هاتبوو كرن.
هەولێر و نەورۆز سەركەڤتی نەبوون
ژلایەكێ دووڤە تیما یانەیا هەولێر دناڤ ئەرد و جەماوەرێ خوە دا خوسارەتیەكا نە چاڤەڕێ كری بەرانبەر یانەیا نەفت یا بەغدایی دا ئەوا ب2-3 تووشی خوسارەتیێ بووی، د یارییا واندا ئەوا ل چارشەمبییا بۆری یاریگەها شەهید فرانسۆ حەریری هاتییە كرن، دبەرانبەر دا یانەیا نەورۆز ب خالەكێ ژ پایتەختێ ئیراقێ ڤەگەڕیا پشتی دگەل یانەیا كەرخ ب دو گۆلان وەكهەڤبووی، ئەڤ یارییە ل ئەینییا بۆری هاتبوو كرن.
ب دووماهی هاتنا یاریێن گەڕا 28ێ رێزبەندی بڤی شێوەیە.
1- شورتە 59 خال، كێمتر ئێك یاری.
2- زەورا 58 خال.
3- زاخۆ 52 خال.
4- تەلەبە 47 خال.
5- جەوییە 44 خال.
6- ئەلقاسم 43 خال.
7- نەفت میسان 42 خال، كێمترییا یارییەكێ.
8- دهۆك 41 خال، كێمترییا شەش یارییان.
9- نەفت 38 خال.
10- كەرخ 38 خال.
11- ئەلگەرمە 37 خال.
12- نەجەف 36 خال.
13- نەورۆز 35 خال.
14- هەولێر 35 خال كێمتر یارییەكێ.
15- كارەبا 34 خال.
16- مینا 28 خال كێمتر یارییەكێ.
17- نەفت ئەلبەسرا 24 كێمتر یارییەكێ.
18- دیالا 22 خال كێمتر یارییەكێ.
19- كەربەلا 21 خال.
20- حدود 14 خال.
گۆلكەرێن ئەلهۆیێن چیا د خولێ دا
تیما دهۆكێ خوانا دەهـ یاریزانێن پشكداری د تۆماركرنا 30 گۆلان دا هەیە بڤی ڕەنگی، پیتەر گۆرگیس حەفت گۆل، پاشەنگ عەبدوللا شەش گۆل، كەریم دەرویش چار گۆل، هەر ئێك ژ و شەرقی ئەلبەحری و مارلۆن دۆسانتۆس، یانیك زاكێری و ئیبراهیم غازی هەر ئێك دو گۆل هەنە، هەروەسان هەر ئێك ژ بەیار ئەبۆ بەكر، كێلبرت كۆمسۆن، سیابەند عەگید و لۆكاس هێنریك گۆلەك تۆماركرینە، گۆلەك بۆ یاریزانەكێ یانەیەكا دی هاتییە هژمارتن، پشتی ب شاشی ڤە گۆل ل سەر تیما خوە كر.
كوڕێن خابووری 43 گۆل هەنە
پیشەكارێ یانەیا زاخۆ یێ بەرازیلی گۆستاڤۆ هێنریك ل سەرێ لیستا گۆلكەرێن تیما خوە دهێت ب تۆماركرنا 16 گۆلان، هەڤالێ وی و یاریزانێ هەلبژارتیێ ئیراقێ ئەمجەد عتوان ب تۆماركرنا 13 گۆلان رێزا دویێ دهێت، ناسر محەمەدو پێنج گۆل، ئەحمەد یاسین دو گۆل، دیبیۆتی ئۆگۆنا سێ گۆل، هەر ئێك ژ ئەیۆب نناحی گۆلەك، محەمەد عەلی عەبۆد گۆلەك و موسێس گۆلەك، مەحمود فائیز، پاتریك مارسێلۆ هەر ئێك گۆلەك تۆماركرینە كو سەرجەمێ گۆلێن زاخۆ بووینە 43 گۆل د خولێ دا.
یاریێن گەڕا 29ێ دێ هێنە ئەنجامدان
بڕیارە ئەڤرۆ دەست ب هەڤڕكیێن گەڕا 29ێ یا خولا ستێرێن ئیراقێ بهێتە كرن، دەمژمێر پێنجێ ئێڤاری یانەیا نەفت مێڤاندارییا تەلەبە كەت، د هەمان دەمدا دیالا دێ بیتە مێڤانا نەفت میسان، ل دەمژمێر 7:30 شەڤ یانەیا جەوییە دێ ل یاریگەها شەعب ل پایتەختێ ئیراقێ بەغدا مێڤاندارییا نەجەف كەت.
یاریێن دهۆكێ یێن پاشئێخستی
ژبەركو تیما فوتبۆلا یانەیا دهۆكێ موژیلی یاریێن كۆپا كەنداڤی بوو و شیابوو ب سەرفەرازی ناسناڤێ كۆپایێ ب دەستڤە بینت، د دەمێ قارەمانیێ دا فدراسیۆنا فوتبۆلا ئیراقێ دەلیڤە دابوو دهۆكێ یاریێن وێ بهێنە پاشئێخستن بوخاترا ئەڤێ قارەمانیێ كو سەرجەمێ و بوونە شەش یاری و ب ڤی رەنگی، بەرانبەر تەلەبە ل بەغدا، دگەل شورتە ل دهۆكێ، بەرانبەر هەولێرێ ل هەولێرا پایتەخت، دگەل نەفت میسان ل دهۆكێ و دێ بیتە مێڤانا یانەیا دیالا و یارییا شەشێ مێڤاندارییا یانەیا مینا یە بەسرایی بكەت.
نيشاندان