دهۆك، لەزگین جوقی:
ئەندامەكێ فراكسیۆنا پارتی ل پەرلەمانێ ئیراقێ دیاركر، هژمارەكا بەنداڤێن ئاڤی ل دەڤەرداریا شنگالێ بۆ كارێن چاندنێ و پشتەڤانیا جۆتیاران دێ هێنە چێكرن.
مەحما خەلیل، ئەندامێ پەرلەمانێ ئیراقێ بۆ رۆژناما ئەڤرۆ خویا كر، بۆ پتر پشتەڤانیا جۆتیاران و مفا وەرگرتن ژ ئاڤا بارانێ، چەندین پڕۆژەیێن ئاڤێ و بەنداڤ ل شنگالێ دێ هێنە چێكرن و گۆت: «مە ب نڤیسارەكا فەرمی داخواز كریە بەنداڤێن ئاڤی ل دەڤەرا سولاغ و قزل كندی و دهۆلا و دەڤەرا بارا و چەند دەڤەرێن دی بهێنە چێكرن، ئەڤ بەنداڤە دێ بنە ئەگەر دەرفەتێن كاركرنێ پەیدا ببن و مفا ژ ئاڤا بارانێ بۆ پڕۆژەیێن چاندنێ بهێتە دیتن».
گۆتژی: «مە داخواز ژ حكومەتا ئیراقێ كریە، چار هەتا حەفت بەنداڤێن ئاڤی ل دەڤەرداریا شنگالێ بهێنە دروستكرن و جهێ هەموو بەنداڤان ژی بۆ حكومەتا ئیراقێ هاتیە دەستنیشانكرن، كو ئەڤ سالە بكەڤنە د ناڤ بەرنامێ حكومەتێ دا و ئەو بەنداڤە بهێنە چێكرن».
نيشاندان