هونه‌رمه‌ندا شێوه‌كار دلڤین عه‌لی، د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: بۆ ده‌مه‌كێ درێژ بوو من چو كارێن هونه‌ری ئه‌نجام نه‌داین و نوكه‌ ئه‌ز ل سه‌ر دوو كه‌ڤالان كاردكه‌م بۆ پێشانگه‌هه‌كێ كو دێ ل باژێرێ ئامه‌دێ هێته‌ ڤه‌كرن و هه‌رده‌م ژنێن شێوه‌كار حه‌زدكه‌ن دكه‌ڤالێن خوه‌ دا په‌سنا ژنێ بكه‌ن و ئێش و ئازارێن وێ دیاربكه‌ن، به‌لێ گه‌له‌ك جاران هزرا زه‌لام و زارۆكان ژی دكه‌م كو كارو چالاكیی و رۆژانێن وان به‌رچاڤ بكه‌م ب كه‌ڤالان و دپاشه‌ رۆژێ دا من لبه‌ره‌ دكه‌ڤالێن خوه‌ دا په‌سنا كارو ره‌نجا زه‌لامی و رۆژانێت زارۆكان ژی بكه‌م، به‌لێ دێ هه‌ر ل سه‌ر ژنێ راوه‌ستم، چونكۆ ژن ژیانه‌ و گرنگه‌ شێوه‌كار نه‌كو دبیاڤه‌كی بتنێ دا كاربكه‌ت پێدڤیه‌ هه‌ر رویدانه‌كا چێبیت بكه‌ته‌ كه‌ڤال ل ئه‌وی ده‌می دێ بیته‌ شێوه‌كاره‌كا راسته‌قینه‌.
دلڤینێ گۆت ژی: ئه‌گه‌رێ نه‌ پێشكه‌فتنا شێوه‌كارێن مه‌ ئه‌و بۆ هه‌ژاری و برسی و ده‌ربه‌ده‌ری ب چاڤێن خوه‌ دیتیه‌ و كارێ شێوه‌كاریێ ژی بۆ وان نه‌بوویه‌ كاره‌ك هه‌تا كو داهاته‌كی بۆ وان بینت و هه‌ر كاره‌كێ كه‌ڤاله‌كێ ئه‌ز چێدكه‌م نێزیكی 10 رۆژان ل سه‌ر كاردكه‌م، به‌لێ دبینم هه‌ركه‌ڤاله‌كی ده‌مێ خوه‌ و زه‌حمه‌تیا خوه‌ هه‌یه‌ و ده‌مێ كه‌سه‌ك دبێژیته‌ من فلان كه‌ڤالێ خوه‌ بفرۆشه‌ من ئه‌ز گه‌له‌ك پێ دئێشم، ژ به‌ر كو من گه‌له‌ك زه‌حمه‌ت ب ئه‌وی كه‌ڤالی ڤه‌ بریه‌ و دانم وه‌كو زارۆكێن خوه‌، به‌لێ گه‌له‌ك جاران نه‌چاردبم كه‌ڤالی بفرۆشم به‌رانبه‌ری داهاته‌كی و گه‌له‌ك یا گرنگه‌ ژی شێوه‌كار كه‌ڤالێن خوه‌ بفرۆشیت، چونكۆ شێوه‌كرژی پێدڤی داهاته‌كی یه‌ و وی داهاتی ژیانا خوه‌ پێ ده‌رباز بكه‌ت و دیسان وی داهاتی ژی بكه‌ته‌ دناڤ كارێن خوه‌ یێن هونه‌ری دا و دا كو كارێن جوانتر بكه‌ت و یێ به‌رده‌وام بیت.
ل دووماهیێ ژی دلڤینێ گۆت: دبینم زارڤه‌كرن دكارێ شێوه‌كاریێ و چێكرنا كه‌ڤالان دا نه‌ تشته‌كێ جوانه‌ و هه‌كه‌ ل ده‌ستپێكا خوه‌ شێوه‌كار زارڤه‌كرنا هونه‌رمه‌نده‌كێ جیهانی بكه‌ت هه‌تا كو ب خوه‌ ستایله‌كی بگریت ئه‌و دروسته‌، به‌لێ نابیت هه‌تا دووماهیا ژیێ خوه‌ زارڤه‌كرنێ بكه‌ت، چونكۆ گرنگه‌ شێوه‌كار هه‌رده‌م دنویاتیان دا بیت و تشتێ نوی بینته‌ هه‌بوونێ.

زاخۆ، دلۆڤان هالۆ:

هونەرمەندێ ستێر یێ ئیدارا سەربخوە یا زاخۆ عەبدولقهار زاخۆیی ل ئاهەنگا شەهیانا ب کۆم یا ٩٠ بیك و زاڤایان دا ل کۆڕنیشێ پرا دەلال بۆ دەزگەهێن ڕاگەهاندنێ دیارکر کو من پێنج ستران بەرهەڤکرینە کو ژ قوناغا مۆزیکێ ب دووماهی هاتینە بتنێ یا مای ئەز دەنگێ خوە دانمە سەر و دێ هەر چەندەکێ ئێك ژ وان سترانان هێتە بەلاڤکرن.
هونەرمەندێ ناڤهاتی
ئاماژە ب وێ چەندێ ژی کر کو بابەتێن ڤان سترانان ئەڤینی
نە لێ بابەتێن جیاوازن، و ئەڤ
سترانە ژ پەیڤ و ئاوازێن من بخوە نە، و ل داهاتی دێ سێ سترانێن دووقۆلی ژی لگەل هونەرمەندێن خۆشتڤی تۆمارکەم.
گۆت ژی:»ئەز گەلەك کەیف خوەش بووم و هەستەکێ جیاواز بوو ل دەمێ کو من ئەڤ بیك و زاڤایە دیتین و بۆ وان ستران گۆتین، داخوازیا وان بوو کو ئەز ل شەهیانا وان بەرهەڤ بم و سترانا عەشقا هەر و هەر بۆ وان بێژم و هیڤیدارم عەشقا وان ببیتە عەشقا هەر و هەر، هەروەسا من سترانەکا نەتەوەیی بۆ جەنابێ سەرۆك بارزانی و پشتەڤانێن پارتی دیمۆکراتی کوردستان گۆت، ژ خودێ دخوازم ئەڤ شەهیانا ب کۆم یا بەردەوام بیت».

بێوار حەمدی:

مۆزیکژەنێ گەنج ( دلبرین نەزیر) کو ئامیرێ کەمانێ دژەنیت ددیدارەکێ دا بۆ ڕۆژنامائەڤرۆ گۆت : ژسالا 2015 هەتا نوکە ئەز کەمانێ دژەنم و دەرچوویێ پەیمانگەها هونەرێن جوانم ل دهوکێ بەشێ مۆزیکێ.
دبەردەوامیا ئاخفتنا خوە دا دلبرینی گۆت: من کەمان هەلبژارت ژ بەر کو دەنگێ وێ گەلەک یێ تایبەت بوو بۆ من و ژبلی کەمانێ ئەز جاران پیانۆیێ و سازێ ژی دژەنم، ئەو کەسێ حەز ژ ژەنینا کەمانێ دکەت پێدڤیە وەکو هەڤال سەرەدەریێ دگەل دا بکەت و بزاڤێ بکەت بڕێکێن ئەکادیمی خوە فێربکەت.
مۆزیکژەنی دیارکر ژی، ژ بەر کو ئەز ماموستایێ مۆزیکێ مە گەلەک جاران بۆ قوتابیێن خوە کەمانێ دژەنم و قوتابیان ژی فێری ژەنینێ دکەم، هەروەسا ل ناڤەندا وەرزش ولاوێن دهۆکێ ژی مۆزیکێ دژەنم وگۆت: پشتی کو من پشکداری دچەندین چالاکی و فیستەڤاڵێن مۆزیکێ داکری نوکە ئەز مژوولی خۆلێن فێرکرنا مۆزیکێ مە دڤێ بێهنڤەدانا هاڤینێ دا.