نيوار محه‌مه‌دسه‌ليم:

د چارچۆڤێ بزاڤێن جیهانی بۆ کێمکرنا گازێن زیانبەخش و پاراستنا ژینگه‌هێ، کۆمپانییا لۆکس یا کۆری «جێنێسز» (Genesis) ب دەرخستنا مۆدێلا خۆ یا نوو و پێشەنگ «GV90» شۆڕشەک د ثجیهانا ترۆمبێلێن کاره‌بایی دا بەرپاکر. ئەڤ ترۆمبێلا SUV یا مەزن و شاهانە، تەنێ ئامرازەکێ ئاسایی یێ گەشتکرنێ نینە، بەلکو پەنجەرەیەکە بەرەڤ پاشەڕۆژا پێشکەفتنا بزوێنەرێن کاره‌بایی یێن بێدەنگ و دۆستێن ژینگه‌هێ.
جێنێسز GV90 ل سەر پلاتفۆرمەکا پێشکەفتیا ڕەها تایبەت ب ترۆمبێلێن کاره‌بایی هاتییە دروستکرن. د ناڤ جەرگێ ڤێ ترۆمبێلێ دا، پاترییەکا ئەندازیارییا زۆر مەزن هەیە کو قەبارێ وێ دگەهیتە 123.5 کیلووات- ده‌مژمێر (kWh)؛ ئەڤە مەزنترین و ب هێزترین پاترییە تا نوکە کۆمپانییا هیۆندای و لقا وێ یا لۆکس بکارئینابن.
ئەڤ پاترییە شیانێ ددەتە ماتۆڕێن دويی (Dual-Motor AWD) کو هێزا 657 هه‌سپايه‌ هێزا (HP) پێشکەش بکەن، کو له‌زاتيه‌كا سەرنجڕاکێش و هێزەکا مەزن ددەتە ترۆمبێلێ. خالا هەرە گرنگ، سیستەمێ شەحنکرنا وێ یە کو پشته‌ڤانییا تەکنۆلۆژیایا شەحنا گه‌له‌ك بله‌ز (350 کیلووات DC) دکەت؛ ب ڤی ڕەنگی تەنێ د ماوێ 22 ده‌قيقان دا، شەحنا پاتریێ ژ %10 دگەهیتە %80، و مەودایێ ڕێگەیا وێ ژ 500 کیلومەتران زێدەتر دبیت.

تایبەتمەندیێن تەکنیکی یێن GV90:
تایبەتمەندی زانیاری و وردەکاری
جۆرێ ترۆمبێلێ SUVی لۆکس و مەزن (Full-size Luxury EV)
قەبارێ پاترییێ 123.5 kWh (کاره‌بایی ڕەها)
هێزا ماتۆڕی 657 ئەسپە هێز (Dual Motor AWD)
مەودایێ ڕێ زێدەتر ژ 500 کیلومەتران ب ئێک شەحن
خێرایییا شەحنێ %10 بۆ %80 د 22 خولەکان دا
ناڤخوەیا ترۆمبێلێ ده‌رهه‌گێن (Coach Doors) و شاشەیا 23.6 ئینجی OLED
ژ ڕوویێ دیزاینێ ڤە، جێنێسز GV90 بناغەیەکێ نوو د داهێنانا ناڤخوەیی دا دڕێژیت. ب بکارئینانا شێوازێ “Neolun”، دەرگایێن پشتێ ب شێوەیەکێ هه‌ڤپێچ (Coach Doors) ڤەدبن، بێی بوونا ستوونا ناڤەڕاست (B-pillar)، کو ئاسانییەکا مەزن ددەتە چوونا ناڤ ترۆمبێلێ.
ژ ژوورڤە، ترۆمبێل پڕە ژ کەرەستەیێن ژینگەیی و لۆکس، و شاشەیەکا مەزنا 23.6 ئینجی OLED ل سەر دەشبۆردێ هەیە. هەروەسا، سیستەمێ دەنگی یێ Bang & Olufsen ب 25 سپیکەران و سیستەمێ زوڕاندنی تایێن پشتێ (Rear-wheel steering) ڕێگە ددەت ئەڤ ترۆمبێلا مەزن د ناڤ کۆڵان و پارکینگەکان دا ب ساناهی بهێتە لێخوڕین.

سندس سالح سلێڤانەی:

نها د گەل وێ چەندێ کو سكرينێن موبایلێن نوو گەلەک ب هێز کەفتینە، لێ دانا جامێ ل سەر سكرينێ بوویە تشتەک کو مەرج نینە هەموو کەس پێدڤی ببن؛ زانینا مفایێن وێ و ئالیێن خراب هاریکاریا تە دکەت کو بڕیارەکا دروست بدەی ئایا تو ب ڕاستی پێدڤی بێ یان نا.
د ڤی بابەتی دا، ئەم دێ کێمەکێ بەحس ل ڕێکێن پاراستنا سكرينێ بێ جام کەین، و مفایێن وێ و مەترسیێن وێ بۆ تە دیار کەین.

ڕێيا پاراستنا سكرينا موبایلێ ب بێ جام
هەکە تە نەڤێت چ جام یان پلاستیکەک ل سەر سكرينا موبایلا خۆ هەبت، دڤێت هندەک رێکێن خۆپاراستنێ ب جهـ بئینەی دا کو سكرينا تە خیچک نەبن و تێک نەچیت:
-1 دانانا موبایلێ ل جهێن پاقژ: هەر دەمەکێ تە موبایلا خۆ دانایە سەر مێزەکێ یا پاقژ نینە، پشتڕاست بە کو چ گەردێن لمێ ل وێرێ نینن؛ چنکو لم گەلەک زبرە و دەمێ تو دەستێ خۆ ددەیە سەر یان موبایلێ ل سەر ڤەدگوهاسنی، لم سكرينێ دڤڕێنیت و خیچکان دئێخیتە سەر.
-2 برنا موبایلێ ب تنێ د گيرفانكى دا: گەلەک جاران ئەم موبایلێ ل گەل کلیلیلێن مالێ، سویچێ ئۆتۆمبێلێ یان پارچەیێن پولای د ئێک گیرفان دا ددانین. ئەڤە مەزنترین سەدەمە بۆ چێبوونا هێلان و خیچکان ل سەر سكرينێ.
-3 دوورخستنا ژ دەستێن زارۆيان: هەکە زارۆکێن بچووک ل مال هەبن و یاریێن موبایلێ بکەن، زارۆک ب شێوەیەکێ بێ هۆشی موبایلێ ل سەر ئەردی دهاڤێژن یان ب ناخونان ل سكرينێ ددەن، کو ئەڤە ژی سكرينێ زوو خراب دکەت.
-4 پاقژکرنا دروست: چ جاران سكرينا موبایلێ ب تشتێن زبر (وەکی جلکێن نەگونجای یان دەستمالێن کاغەزێن خڕ) نەپاقژە. هەردەم پارچەیا قوماشێ نەرم (مایکروفایبەر) بکار بئینە.

مفایێن لادانا جاما سكرينێ (بێ جام)
دیتنەکا زلال و ڕوون: سكرينێن موبایلێن نووکە گەلەک بهێزن (وەکی جۆرێن کورنینگ گۆرێلا گلاس). دەمێ تشتەک ل سەر نینە، ڕەنگ گەلەک ب زەلالتر و خاوێنتر بۆ تە دیار دبن.
هەستا دەستپێکرنا سكرينێ (Touch): هەستیا تەمام یا پەنجەیێ ل سەر سكرينێ بێ چ کێبوون کار دکەت، ب تایبەت هەکە تو یاریێن خێرا (Gaming) بکەی.
شکلێ جوان و تەنک: موبایل ب شێوەیەکێ سروشتی و تەنک، گەلەک جوانتر و ب سەنگتر دیار دبیت.

ئالیێن خراب و مەترسی
خیچکێن بێدەنگ: سەرەڕای کو شاشە ڕۆژ بۆ ڕۆژێ بهێزتر دبن، لێ دگەل دەمی و ب برنا ل گەل کلیلان یان دانانا ل سەر ڕوویێن ڕەق، دێ هێستا هندەک هێلێن حەفت و خیچک ل سەر سكرينێ پەیدا بن.
شکەستن د دەمێ کەفتنەکا سەخت دا: جاما پاراستنێ هاریکارە کو لەزاتیا زەبرێ کێم بکەت؛ بێی وێ، هەکە موبایل ژ دەستێ تە بکەتە خوارێ بۆ سەر ئەردی، ڕەنگە بڕێکا ئاسانتر کاریگەریێ ل سەر سكرينا سەرەکی بکەت و زووتر بشکێت.
هەکە تو کەسەکی هۆشیار بی و هه‌رده‌م موبایلا خۆ ل جهێن سەلامەت ددانێ و گەلەک خوە لێ دکەیه‌ خودان، بێ جام ژینگەهەکا زلالتر و جوانتر بۆ تە دابین دکەت. لێ هەکە گەلەک ژ دەستێ تە دکەفتە خوارێ یان ل گەل تشتێن ڕەق د ئێک جهی دا ددانی، باشترە هێشتا پاراستنەکێ بۆ بکەی دا تو نەچار نەبی پارەیێن مەزن د چاککرنا سكرينێ دا بێخی.