ئەڤرۆ، شاهۆ فەرید:
چاڤەڕێیە ل دووماهییا ڤێ مەهێ دەست ب هەڤڕكیێن ڤاڤارتنان بۆ خولا فوتسالا ئیراقێ ل سەر ئاستێ كوڕان بهێنە كرن ئەوا 10 یانەیێن كوردستانێ و باكۆرێ ئیراقێ پشكدارن و هاتینە بەلاڤكرن ل سەر دو كۆمان، خودانێن ڕێزێن ئێكێ و دویێ یێن هەر كۆمەكێ دێ دەربازبتە قووناغا چارگۆشەیا زێرین، یاریێن كۆما دێ بشێوەیێ هاتنۆچوون دو قووناغ بن، یانەیا پیرس نوونەرا پارێزگەهێ یە دڤێ ڤاڤارتنێ دا، ل دۆر بەرهەڤیێن وان رۆژنامەیا ئەڤرۆ دیدارەكا تایبەت دگەل ڕاهێنەر ئاراز سالح كرییە ئەوێ بڤی شێوەیی بۆ مە دیاركری.
گۆت: ئەڤ ڤاڤارتنە دگرنگن و یاریزان هەموو ژ پارێزگەها دهۆكی و دەوروبەرانە، كۆمەكا باشن وەكو مامۆستایەكێ پەیمانگەهێ ژی هندەك یاریزان قوتابیێن منن، كارگێریا یانەیا پیرس هاریكارا تیمێ یە سەرەرایی ئابوریا لاواز لێ كێماسی نە هێلاینە.
زێدەتر ناڤهاتی گۆت: ئەڤە بۆ جارا ئێكێ یە تیمەكا پارێزگەها دهۆكێ یا فۆتسالێ پشكداریێ د قارەمانیەكا ئیراقێ دا بكەت، من باوەریەكا باش ب یاریزانێن خوە هەیە دێ ئاست و ئەنجامێن دلخۆشكەر دەستڤەئینن، نێزیكی هەیڤەكێ یە راهێنانان ئەنجامدەین، لێ مە راوەستاندینە هەتا نێزیكێ ڤاڤارتنا دێ دەستپێكەینەڤە، ئارمانجا مە یا سەركی دەربازبوونە و چێكرنا یاریزانایە كۆ بەرهەمبینین.
ئارازی گۆت ژی: سۆپاس بۆ یانەیا پیرس سەرۆكێ یانەیێ د. بەهزاد سالح و وەبەرهێنەرێ یانەیێ هەرژەنگ بابەكر زێباری خۆ ل ئەڤان یاریزانان كرینە خودان، گەشبینن ناڤێ یانەیا پیرس و پارێزگەها دهۆكێ ئاست و ئەنجام سەرانسەری ئیراقێ دیاركەین.
نيشاندان