سه‌ره‌كى Authors Posts by Naci Badel

Naci Badel

7608 POSTS 0 COMMENTS

ڕۆژا ژینگەها كوردستانێ ل زانكۆیا زاخۆ هاتە ساخكرن

ناڤخۆ

17/04/2025 16:34

زاخۆ، دلۆڤان هالۆ:

دكتۆرا دیار ئەحمەد، ڕاگرا كۆلیژا زانست ل زانكۆیا زاخۆ بۆ ڕۆژناما ئەڤرۆ دیار كر كو ب هەلكەفتا ڕۆژا ژینگەها كوردستانێ، پشكا زانستێن ژینگەهێ ل زانكۆیا زاخۆ، ڕابوو ب ساخكرنا ئەڤێ ڕۆژێ و پێشانگەهەكا زانستی ڤەكر، كو ژ چەندین پڕۆژەیێن زانستی یێن پێشكەفتی پێك دهات.
ڕاگرا كۆلیژا زانست ئاماژە ب وێ چەندێ ژی كر، د ڤێ پێشانگەهێ دا 25 پۆستەرێن زانستی یێن گرێدایی بیاڤێ پاراستنا ژینگەهێ هاتنە نیشادان و شرۆڤەكرن و گۆت: «ئەڤ پڕۆژە ژ لایێ قوتابیێن بەكالۆریوس و ماستەر و دكتۆرایێ هاتبوونە بەرهەڤكرن، ڕۆلێ زانستی د پێشڤەبرن و پاراستانا ژینگەهێ دا بەرچاڤكرن».

د ناڤبەرا تورکیا و رۆژئاڤایێ کوردستانێ دا ئاگربەست هەیە

جیهان

17/04/2025 16:32

رۆژنامەڤان و ڤەکۆلەرا ناڤدار یا تورکیا دیار دکەت ب ناڤبژیڤانیا ئەمریکا و هندەک وەلاتان ئاگربەست د ناڤبەرا رۆژئاڤایێ کوردستانێ و تورکیا دا هەیە لێ هەتا نها ب فەرمی نەهاتیە راگەهاندن و دبیت د دەمەکێ نێزیک دا ئەو یەک ب فەرمی بهێتە راگەهاندن.

عەمبەرین زەمان رۆژنامەڤان و ڤەکۆلەرا ناڤدار یا تورکیا کو ب سالانە ل سەر پرسا کورد کار دکەت د داخۆیانیەکێ دا دیار کر، پشتی چەندین رێککەفتنێن د ناڤبەرا شامێ و رۆژئاڤایێ کوردستانێ دا، نها رەوشا رۆژئاڤایێ کوردستانێ رۆژ ب رۆژێ یا باشتر لێ دهێت و نها ب کریاری ئاگربەست د ناڤبەرا تورکیا و رۆژئاڤایێ کوردستانێ دا هەیە، ئانکۆ دەمەکە تورکیا ئێرشێن خوە یێن ل سەر بەنداڤا تشرینێ و دەڤەرێن دی ب تەمامی داینە راگرتن و گۆت: (من بەری چەند رۆژان سەرەدانا رۆژئاڤایێ کوردستانێ کر و ئەز ل گەل مەزلوم عەبدی فەرماندارێ گشتی یێ هێزێن سووریا دیموکرات ژی ئاخڤیم، د ئاخڤتنێن عەبدی دا ژی دیار بوو کو ب ناڤبژیڤانیا ئەمریکا ئاگربەست ناڤبەرا تورکیا و هێزێن سووریا دیموکرات دا هەیە، لێ هەتا نها ئەو یەک ب فەرمی نەهاتیە راگەهاندن و دبیت د دەمەکێ نێزیک دا ئەو یەک ژی بهێتە راگەهاندن).
ناڤهاتیێ ئەو یەک ژی دیار کر، رێککەفتنێن کو د ناڤبەرا شامێ و رێڤەبەریا خوەسەر دا هاتنە کرن ب کریاری رەواتی دایە رێڤەبەریا خوەسەر، ئانکۆ مرۆڤ دشێت بێژیت د رەوشا نها دا شامێ هەبوونا رێڤەبەریا خوەسەر ب کریاری قەبوول کریە، بێگومان ئەو یەک ژی ژ بەر فشارێن ئەمریکا، فرەنسا و هندەک وەلاتێن دی بوویە، ژ بەر ڤێ یەکێ ژی نها رەوشا رۆژئاڤایێ کوردستانێ گەلەک باشە و وەلاتیێن رۆژئاڤایێ کوردستانێ ژی داخواز دکەن پەیوەندیێن رۆژئاڤایێ کوردستانێ و تورکیا باشتر لێ بهێن.
عەمبەرین زەمان هه‌روه‌سا راگه‌هاند ژی قۆناغا ئاشتیێ یا ل تورکیا و بانگەوازیا ئۆجه‌لانی کاریگەریا خوه‌ ل رۆژئاڤایێ کوردستانێ کریه‌ و رۆژ ب رۆژێ پەیوەندیێن شامێ و رۆژئاڤایێ کوردستانێ باشتر دبن و گۆت: (تورکیا وەکو بەرێ ئێدی رۆژئاڤایێ کوردستانێ تەنگاڤ ناکەت، گەلەک داخوازیێن تورکیا ل دۆر هەسەدێ هەبوون نها ئەو یەک نەماینە و ئێرشێن تورکیا یێن ل سەر وەلاتیێن سڤیل ژی هاتینە راگرتن و ئەو یەک ژی بێگومان بۆ کوردێن سووریێ گەلەک باشە).
ناڤهاتیێ د دووماهیا ئاخڤتنێن خوە دا ئەو یەک ژی نەڤەشارت کو هەموو رێککەفتنێن د ناڤبەرا شامێ و رۆژئاڤایێ کوردستانێ دا ب ئاگەهداریا تورکیا هاتینە کرن، ئانکۆ تورکیا پەسەند کریە، ئەو یەک ژی نیشا ددەت د پاشەرۆژێ دا دێ پەیوەندیێن تورکیا و رۆژئاڤایێ کوردستانێ باشتر لێ هێن، چونکی رەوشا نها یا ل رۆژهەلاتا ناڤین وەسا دڤێت تورکیا خوە نێزیکی هەموو کوردان بکەت.

ئەمریکا دێ هێزێن خوە ل سووریێ کێم کەت

جیهان

17/04/2025 16:31

فەرماندارەکێ ئەمریکی بۆ ئاژانسا رویترز دیار کریە، د چارچۆڤەیێ شەڕێ ل دژی داعشێ دا هێزێن ئەمریکا هەتا نها شیاینە ل سووریێ دربێن کوژەک ل تیرۆرستان بدەن و نها رەوشا سووریێ رۆژ ب رۆژێ باشتر لێ دهێت و رێککەفتنا هەسەدێ و شامێ ژی بێگومان د خزمەتا ئارامیێ دایە و ژ بەر ڤێ یەکێ ژی ئەمریکا دڤێت هژمارا هێزێن خوە ل باکورێ سووریێ کێم بکەت.
هەمان فەرمانداری کو ناڤێ خوە ئاشکرا نەکریە ئەو یەک ژی دیار کریە، هێزێن ئەمریکا دێ ل سووریێ مینن ئانکۆ ئەمریکا ب تەمامی سووریێ چۆل ناکەت، بەلکو دێ هژمارەک ژ هێزێن خوە ڤەکێشیت و بەری نها ئەمریکا ل دۆر هەمان بابەتی ئسرائیل ژی ئاگەهدار کریە، چونکی نها پتر ژ دو هزار سەربازێن ئەمریکی ل سووریێ هەنە و دبیت نێزیکی نیڤا سەربازان تنێ ل سووریێ بمینن.

رێککەفتنا ئاشتیێ ل گەل ئیرانێ یا ئاسان نینە

جیهان

17/04/2025 16:30

ستیڤ ویتکۆف نوونەرێ ئەمریکا بۆ دانوستاندنان ل گەل ئیرانێ دیار کر، دڤیت بەرنامێ ئەتۆمی یێ ئیرانێ ب تەمامی بهێتە هلوەشاندن و ئیران ب چو رەنگەکێ ژی هاریکاریا گرۆپێن چەکدار نەکەت، ژ بۆ ڤێ یەکێ ژی وەکو ئەمریکا ئەو نها ل گەل ئیرانێ دانوستاندنان دکەن، بێگومان دانوستاندن د رەوشەکا وەسا دژوار دا یا ب ساناهی نابیت.
ناڤهاتی ئەو یەک ژی دیار کر، هەکە رێککەفتن ل گەل ئیرانێ هاتە کرن و ئیرانێ بەرنامێ خوە یێ ئەتۆمی هلوەشاند ئەو یەک دێ کاریگەریا خوە یا گەلەک باش ل سەر رۆژهەلاتا ناڤین ژی هەبیت، چونکی ئیران بوویە مەترسی ل سەر ئاشتیێ و ئەمریکا ب هەموو شیانێن خوە کار دکەت دا ئیران نەبیتە مەترسی ڤێجا ئەو یەک ب رێیا دانوستاندنان بیت یان ژی ب رێیا سەربازی بیت، چونکی ئەمریکا یا رژدە بەرنامێ ئەتۆمی یێ ئیرانێ ب تەمامی بهێتە هلوەشاندن دا ئیران نەبیتە مەترسی بۆ ئەمریکا و وەلاتێن دی یێن جیهانێ.

کلیپا «سوولاڤ جانێ» سەرکەفتنەکا مەزن ئینا

هونه‌ر

17/04/2025 16:29

بێوار حەمدی:

سترانبێژ ئاراز بەرواری بۆ ڕۆژناما ئەڤرۆ دیارکر کو هەتا نوکە وی پتری دەھ بەرهەمان هەنە، و دووماهی بەرهەمێ وی یێ نوی بناڤێ «سولاڤ جانێ» بوویە و سەرکەفتنەکا مەزن د وێ کلیپێ دا ئینایە.
هونەرمەندێ ناڤهاتی گۆت: سترانگۆتن هەر ژدەسپێکێ د ناڤ ناخێ من دا بوویە و من هەر زوو خوە د ناڤ ڤێ بەهرەیێ دا دیتیە ودیسان ژبلی کارێ هونەری ژی ئەز ل سەنتەرێ پێشمەرگە یێ رەوشەنبیری کاردکەم.
ئارازی ئاماژە دا وێ چەندێ کو هەتا نوکە وی پتری دەھ بەرهەمێن هونەری هەنە و دووماهی بەرهەمێ وی بناڤێ (سولاڤ جانێ ئەڤرۆ جەژنە) بوویە و گۆت: «ڤی بەرهەمی سەرکەفتنەکا مەزن بدەستڤەئینا، ب دیتنامن کەسایەتیا هونەرمەندی گەلەک یا گرنگە بۆ خەلکی ونەبتنێ سترانگۆتنە، بەلکو هەمی رەفتارێن هونەرمەندی بەرپرسیارینە لەوما دڤێت مرۆڤی گەلەک ئاگەھ ژ خوە هەبیت».
ل دووماهیێ ژی ئارازی گۆت، ئەگەرێ دوورکەفتنا هەر هونەرمەندەکی بۆ ئەگەرەکی دزڤڕیت، لێ ئەگەرێ دوورکەفتنا من بۆ وێ چەندێ یە کو ب گەلەک کارێن دی ڤە یێ مژوولم، ژ بەر کو ژیان بزەحمەت کەفتیە، ڕاستە ئەم گەلەک حەز ژ هونەری دکەین، بەلێ ب مخابنی ڤە ل وەلاتێ مە گەلەک گرنگی پێ ناهێتەدان کو ئەو بتنێ بۆ مە ببیتە ژێدەرەکێ داهاتی.

هونه‌رمه‌ندێن به‌ری من ئه‌كته‌ری كری یێن بۆ من بووینه‌ وانه‌

هونه‌ر

17/04/2025 16:28

هه‌رهین:

عومه‌ر عادل، ئه‌كته‌رێ دراما ده‌رگه‌هـ یێ كو ب رۆلێ سامانی دگێرا دیداره‌كێ دابۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: درامایێ دا ب رۆلێ كورێ مه‌زنێ مالێ رادبووم و دبنیات دا ئه‌ز ژ به‌هجه‌تی بچووكترم، به‌لێ رێژه‌ك ژبینه‌ران ئه‌ڤ چه‌نده‌ دزانی و نه‌دزانی و ئه‌وێن دزانی ژی دئه‌كادیمی بوون و ده‌مێ من رۆلێ سامانی دگێرا ئه‌ز گه‌له‌ك دبه‌رخۆرا دچووم و دكومێنتا خه‌لكی گوتی ئه‌ڤ كچه‌ ب سه‌ر ته‌ڤه‌ نینه‌ و دبینم هندی مرۆڤ دبه‌رخورا بچیت دێ پتر چاڤێ بینه‌ری كێشیته‌ خوە و ئه‌ڤ چه‌نده‌ ژی جودایه‌ مرۆڤ دشانۆیێ و درامایێ دا بكه‌ت و كارێ درامایێ ئه‌ڤه‌ كارێ من یێ سیێ یه‌، به‌لێ ئه‌ڤه‌ نه‌هـ ساله‌ شانۆڤانم و ئه‌ز بخوە شانۆیێ به‌ری درامایێ دانم، چونكۆ ل گه‌ل شانۆیێ یێ مه‌زن بوویم و نێزیكی هه‌ڤده‌ شانوگه‌ریان من گێراینه‌ و ب رولێ سه‌ره‌كی رادبوویم گۆت: خودان خێزانم و ئه‌و ژی گه‌له‌ك ل گه‌ل من یا هاریكاره‌ هه‌ر روله‌كێ ب گێرم، به‌لێ كومێنت هه‌بوون و خه‌لكی پێش من ڤه‌ بریار دان و دگۆتن سامانی ئێكا دی یا هه‌ی و بتنێ ژهندێ ترسیام تایبه‌ت هه‌كه‌ پارچه‌ ڤیدیویێن درامایێ ل سوشیالێ دا به‌لاڤ دبوون و كومێت تایبه‌ت ب كه‌سایه‌تیا مرۆڤی دهاتن یا نه‌خۆش بوو، چونكو مرۆڤ ژی خۆدان خێزانه‌ و مرۆڤه‌ و هه‌كه‌ هندی به‌حسێ سامانی بكه‌ن دروسته‌، به‌لێ هه‌كه‌ به‌حسێ عوكه‌ری دهێته‌ كرن یا جودایه‌ و ژبی كارێ ئه‌كته‌ریێ وێنه‌گرم ژی وكارێ ئه‌كته‌ریێ دكه‌م نه‌كو ژبه‌ر داهاته‌كی و هه‌كه‌ داهات بهێت ژی گه‌له‌ك باشه‌، به‌لێ ب مخابنی ڤه‌ هه‌تا نوكه‌ ل كوردستانێ چو كارێن هونه‌ری نه‌بووینه‌ پیشه‌ هه‌تا كو مرۆڤ پێ بژیت و گه‌له‌ك هونه‌رمه‌ندان به‌ری مه‌ ئه‌ڤ كاره‌كریه‌ و بووینه‌ قوتابخانه‌ و بووان نه‌بوویه‌ پیشه‌ و بۆ مه‌ بووینه‌ وانه‌ و گه‌له‌ك جاران ل بهێنڤه‌دانا هاڤینێ ئه‌وێ گه‌رمێ مه‌ دهۆلا جزیری ڤه‌ راهێنان دكرن و هه‌موو هاڤینا خوه‌ ب ئه‌وی ڤه‌ دبوراند و هه‌موو مه‌زاختی ژی ل سه‌ر كیستێ مه‌ بوو مه‌ مالا خوه‌ تێر نه‌دیت و بتنێ مه‌ شانۆگه‌ری دكرن سه‌رخاترا حه‌زو ڤیانا مه‌ بۆ شانۆیێ و ئه‌و بۆ مه‌ ب گه‌له‌كێ بوو ده‌مێ كه‌سه‌كی دگۆت تو ئه‌كته‌رێ فلان شانۆگه‌ریێ.

گـرنگترین هـۆكارێن دبنه‌ ئه‌گـه‌رێ سـه‌ركه‌فتنا بازارێ ترۆمبێلێن چینی

ساخله‌مى

17/04/2025 16:17

سندس سالح

ل ڤان سالێن دووماهیێ، گوهارتنەکا مەزن د بازارێ ترۆمبێلا دا پەیدا بوویە، ب تایبەت سەبارەت کومپانیێن چینی کو هاتنە پێش و شیان سەرکەفتنێ ب دەست خوه‌ ڤە بینن و هه‌ڤركیێ ل گەل کومپانیێن ئەمریکی و ئورۆپی بکەن.
چاوا کومپانیێن چینی سەرکەفتن؟
کومپانیێن چینی ب چەند رێیا شیان خوه‌ پێش بێخن و ببنه‌ هه‌ڤركێن گرنگ ل بازارێ جیهانێ:
١. بهایێ نزم: کومپانیێن چینی ترۆمبێلێن خوه‌ ب بهایەکێ زێدە نزم دفروشن. ئەڤە دبیتە ئەگەرێ هندێ کو گەلەک کەس ترۆمبێلێن چینی بکرن، ب تایبەت ل وەلاتێن پێشکەفتی و گەشەكری.
٢. ته‌كنۆلۆژیا پێشکەفتی: چین زۆر وەبەرهێنانێ د ته‌كنۆلۆژیا ترۆمبێلێن کارەبێ و هایبرید دکەت، کو ئەڤ چەندە بوویە سەرئێشەیەکا مەزن بۆ کومپانیێن ئەمریکی.
٣. پشتەڤانیا دەولەتێ: حوکمەتا چینی پشتەڤانیەکا مەزن ددەتە کومپانیێن ناڤخوه‌یی و رێکخستنێن گونجایی داناینە بۆ پێشکەفتنا ڤی کەرتی.
٤. ئینوڤاسیون و ڤەکولین: کومپانیێن چینی گەلەک پارە خەرج دکەن بۆ ڤەکولین و پێشڤەچوونێ، و شیان ته‌كنۆلۆژیا نوی دەربێخن و بکاربینن د ترۆمبێلێن خوه‌دا.
کومپانیێن چینی یێن سەرکەفتی
چەند کومپانیێن چینی یێن گرنگ کو سەرکەفتن بدەست خوه‌ڤە ئینای:
– BYD (Build Your Dreams): ئێک ژ مەزنترین کومپانیێن چینێ کو بوویە پێشەنگا ترۆمبێلێن کارەبێ ل جیهانێ. ل سالا ٢٠٢٣، BYD شیا ژ تێسلایێ دەرباز ببیت د فروتنا ترۆمبێلێن کارەبێ دا.
– NIO: کومپانیەکا چینی یه‌ کو ترۆمبێلێن لوکس یێن کارەبێ به‌رهه‌م دئینیت و سیستەمەکێ تایبەت بۆ گوهورینا پاتری یا پەیدا کری یه‌.
– Geely: ئەڤ کومپانیە نە ب تنێ ل چینێ یە، بەلکو ل دەرڤەی چینێ ژی گەلەک سەرکەفتی بوو، نها خودانێ کومپانیێن ناڤدار وەک ڤولڤۆ و لۆتەسە.
– Great Wall Motors: پێشەنگێ ترۆمبێلێن SUV یێن چینی کو نها ل گەلەک وەلاتا دهێنە فروتن.
چارچكرنا لەز و تەکنولۆجیا BYD
کومپانیا BYD شیایە رێکەکا دی بکاربینیت کو ژێرا دبێژن “Blade Battery” (پاتریا کادی). ئەڤێ تەکنۆلۆژیایێ چەند تایبەتمەندی هەنە:
١. چارچكرنا ب لەز: پاتریێن BYD شیاینە لەزاتیەکا زۆر ب هێز بدەن د چارچكرنێ دا کو دەمێ چارچكرنێ کێم دکەت. خودانێن ترۆمبێلێن BYD دشێن د ماوێ ٣٠ دەقیقا دا هەتا ٨٠٪ پاتریا خوه‌ چارچ بکەن.
٢. سەلامەتی: پاتریا کادی ب سەلامەتیەکا بلند دهێتە ناسین، تێستێن گەلەک زەحمەت دەرباز کرینە بێی کو ئاگر بگریت یان تەقینەک پەیدا ببیت.
٣. تێکبەرایی زۆر: ئەڤ پاتریە هندەک جارا هه‌تا ٨٠٠ کیلومەتر پێ دچیت بێی چارچکرن، کو ئەڤە ژ پاتریێن کومپانیێن دی زێدەترە.
٤. زێدەکرنا جهی د ناڤ ترۆمبێلێ دا: پاتریا کادی تەنک و ب هێزە، کو دبیتە ئەگەرێ هندێ کو BYD بشێت جهەکێ زێدەتر بۆ رێره‌ویا دبن ترۆمبێلێ دا پەیدا بکەت.
ئەگەرێن سەرکەفتنا کومپانیێن چینێ ل سەر یێن ئەمریکی
سەرکەفتنا چینێ ل سەر ئەمریکیا گەلەک ئەگەر هەنە:
١. ڤەبەرهێنان د ئایندێ دا: چین زووتر دەست ب ڤەبەرهێنانێ د ترۆمبێلێن کارەبێ دا کر، دەمێ کومپانیێن ئەمریکی هێشتا خوه‌ پابەندی ترۆمبێلێن بەنزین و دیزل دکرن.
٢. ئەزموونا پاتریا: چین پێشەنگێ پیشەسازیا پاتریا یە و شیایە پاتریێن نوو یێن باشتر دروست بکەت.
٣. هاریکاری د ناڤبەرا پیشەسازی و زانکۆیا: چین هاریکاریه‌كا باش د ناڤبەرا زانکۆ و کومپانیێن پیشەسازی دا هەیە کو دبیتە ئەگەرێ پێشکەفتنێ.
٤. نەرمی د گوهورتنا پیشەسازیێ دا: کومپانیێن چینی خوه‌ ب لەز د گوهورن و ب رەوشا بازارێ دگورن، بەلێ کومپانیێن ئەمریکی گەلەک جارا ڤێ چەندێ ب لەز ناکەن.
ل دووماهیێ، ئەڤ سەرکەفتنا چینێ ل سەکته‌رێن ترۆمبێلا دا بەلگەیە کو چاوا دشێن ئاستەنگێن تەکنۆلۆژیایێ دەرباز بکەن و ببنە هه‌ڤركێن سەرەکی ل بازارێن جیهانی، هەکە ئەڤ رەوشه‌ بەردەوام بیت، ئەم دێ دبینین کو هێدی هێدی بازارێ جیهانی یێ ترۆمبێلا دێ ب دەستێ چینیا ڤە بیت.

پێگـوهـۆڕێ HDMI کـەفتە بازاری

ساخله‌مى

17/04/2025 16:14

د پێنگاڤەکا جوری یا جیهانا پەیوەندیێن دیتنێ دا، چینێ ب فەرمی راگەهاند کو کێبلێ GPMI کو کورتکریا (General Purpose Medi Interface)، دا کو ببیتە پێگوهۆڕێ HDMI یێ جیهانی.
کێبلێ GPMI ب کۆالێتیەکێ کار دکەت گەلەک ژ HDMI باشتر ژ لایێ روونیێ، کووراتیا رەنگان، تێکرایا نووکرنێ ل گەل پشتەڤانیکرنا تەمام یا یا ٨K.
ئەڤ کێبلە یێ هاتیە چێکرن ب تایبەت بۆ ڤەگۆهاستنا داتایێن دیتنێ؟ بێ کو کارتێکرن ل کوالێتیا کاری و رەنگان بکەت.
جۆرێن کێبلێن GPMI:
* جۆرێ B: گەهێنەرەکێ تایبەت و کێم وێنە.
* جۆرێ C: ب گەهینەرێ USB-C کو ل گەل ژمارەکا مەزن یا ئامیرێت نوو د گۆنجیت.
ژ لایێ ژماران ڤە GPMI C ب لەزاتیا گەهاندنێ دگەهیتە ٩٦ Gbps بەلێ جورێ B دگەهیتە ١٩٢Gbps، هەڤبەرکی ل گەل ٤٨ Gbps یێ جۆرێ HDMI.
ئەڤە ژی هندێ دگەهینیت کو ئەڤ زنجیرە گەلەک روونتر و ب رەنگترە ب تایبەت بۆ سکرینێن گەلەک مەزن و ب کوالێتیەکا مەزن کار دکەن.
بەلێمفایێ ڤێ هەوویێ بۆچیە؟
هەکە تو هەلگرێکارتەکا ژ جۆرێ RTX 5090 بی ل گەل هندێ سکرینا تلەڤزیۆنا تە ٨K بیت ل گەل GPMI دێ شێی ڤیدیۆ و یاریان ب کۆالێتیەکا گەلەک بلند و باش ب کار ئینی.
دووماهی پێشکەفتنا تەکنۆلۆژیایێ:
کۆمپانیا BOE یا چینی راگەهاند کو ئەوێ هندەک تلەڤزیۆن یێن دروست کرین، بڕیارە ل نیڤا دویێ یا ئەڤ سالە بکەڤنە د بازاری دا.

پەنابەر

ئەدەب

17/04/2025 15:54

خورشید ئەحمەد

دەمێ تو چووی بووی پەنابەر
كــەتـیـە وەلاتـێـن بــیـــانی
دلـێ خوشـبوو تـەكر دو كـەر
چەند دویركەڤی هەر ڤیانـی
::: ::: :::
تـەگۆت بوو دێ لدەفـتە مـینـم
رێـڤـنـگی ل رێـكا ڤــیـانێ
دێ عەشقێ لگەلتە شارینـم
سـۆز و پـەیمانـێـن تە كـانێ؟
::: ::: :::
مـن و خـــەوێ هـەڤـركـییــە
بشـەڤ تـا بەركێ سـەحارێ
دلـێ مـن هەرێ ب هـیـڤـییـە
دێ ڤـەگـەڕی ئـەڤـێ جـارێ
::: ::: :::
كاروانێ عەشقێ یێ بڕێڤـە
دێ هــەر هــاژۆم تـــا مرنێ
ئەزدێ هێم تو وەرە ژ وێڤە
هاری من بكە نە شێم بتنێ
::: ::: :::
نـاڤ دلـیـدا ڤــەحـەویـــای
جـهـێ تـەیـە نـێ تـو دزانـی
بـۆ تـە وارە تــو هــێــژای
ئـاكـنـجی بـە تو خـودانی
::: ::: :::
كەنگی دێ هـێـتـن مـزگینی
جــارەكــادی تــو ب زڤـــری
ژكەیـفا بەلاڤ كەم شـریـنی
ســاخ بـیـتـە ڤـە دلـێ مـری.

درەوێن سۆتی

ئەدەب

17/04/2025 15:52

ئەدیب عەبدوللا

وێ ب درەوێن خۆ یێن سۆتی دلێ من داگیر كر، من ب راستییێن ڤەشارتی هناڤێن وێ كوزراندن، بەری ئەز و ئەو ئێك ببینین راستی نۆتێن دەنگێ وێ مەست كرم، هەر پەیڤەكا ژ دەڤی پەشی با ب گرانییا خۆڤە د قۆقلكێن مەژییێ مندا دچوونە خوار.
– نۆتێن دەنگێ تە زۆر كاریگەرن بۆ گوهێن من، لێ ئەزێ هەست ب خەمۆكییەكێ تێدا دكەم .
– هەكە ئێكا دی با باوەر ژ گوهێن خۆ نە دكر، دا هزركەت تو پارچەیەكی ژ وێ؟ تە راستی دڤێت ئەو ئازار و نەخۆشیێن ئەز ل سەر دەستێ خێزانا خۆ دبەم بەر ژی خۆ ل بەر ناگرن.
– ئای، ما تو یا هند ێی ئازارا بكێشی یان یا هند ێی دەه كەس ل دۆرێن تە بن باوەشینك ددەستاندا بیت تە ژ گەرما هاڤینێ بپارێزن.
– خۆزییێن دلێ تە.
– خۆزیێن وی یێ ل دیدارا تە .
من هند هزرا خۆ نە كر هندی هزرا وێ دكر، هەكە ب وێ با دا شەڤ و شەڤبێریێن خۆ دگەل من بن ئاخ كەت، وێ رۆژێ هندی من بیرییا وێ دكر حەویان ب من نە دكەڤت، بێ دەستویری من گۆتێ: ما دەمێ هندێ نە هاتییە ئەز و تو ماسییەكێ پێكڤە بخوین، كەیفا من هند نە هات هندی كەیفا وێ هاتی من گولێ بوو دگۆتی: «ژمن باوەر نەكەن، لێ رۆندكێن من ببەنە تاقیگەهەكێ و پشكنین كەن، كا چ نەساخی لێ نە و چەند حەز‌ژێ دكەن؟
بەری ئەو د ئەنجامان بگەهیت، ئەز چووم من وێنەیە‌كێ وان ئەنجامان ژ تاقیگەهێ وەرگرت و مێزە كرێ، پشتی وەستیان و بێدەرا رۆندكان و شیام ڤێ بنڤیسم، وێ د پەیوەندییەكێ دا گۆت: تو دزانی ئەزا پۆرترێتێ تە ب رۆندكێن خوینا خۆ دروست دكەم .
– هەی هەوار.. دیارە ئەڤێ بەری ئەنجامێن تاقیگەهێ پشكنینێن خۆ برینە. من ژی تێرا خۆ، نە كێمتر ژ حەژێكرنا وێ حەژێ دكر، وێ حەژێكرنا هەمی رەگەزا ژبلی حەژێكرنا من ل خۆ حەرام كر .
ئەو دەمێ دا ل دیدارا وێ شاد بم، ئەوران رۆژ داعویرا، هەیڤ و ستێران خۆ ل پشت تیێ رۆژێ ڤەشارت، چاڤێن من ژی كەتن سەر ئێك، شەرم ژ جوانییا وێ دكر، هەستێن من یێن نڤستی هشیاركرن، یێن هشیار ژی مەست و سەرخۆش كرن، من ددلێ خۆدا گۆت: ما ئەڤە دیدارە یان دەستپێكا ژیانەكا نوویە.
– هندە دێ ل پاییزا چلێ ژ ژییێ من دەربازبیت، ئەڤە ئێكەم رۆژا بهارا ئێكێیە ژ ژییێ من، دا هەست ب هەبوونا خۆ بكەم .
– گونەها قەدەرێیە بۆ من و تە ل سەر پێچۆلكێ ئێك و دو ناس نەدكر؟
– نیاسینا هینگی یا ب ئەستەم و پڕی ژیان بوو، یا نهە یا ب سانەهی و بێ ڤیانە.
– ئەز و تو نفشێن وی سەردەمی نە،‌ دێ ژیانێ كەینە ڤیان، ڤیانێ دەینە ژیانێ، دا ب ژین بكەڤین.
– ژین و ژیان ئەزمۆنەكە، كا دێ چەند بۆ ژین و پێ ژین.
– تە فەلسەفەیا ئەحمەدكێ ئەحمێ خواندییە، دەمێ دبێژیت: دڤییا مرۆڤی دو ژیان هەبان ئێك بۆ ئەزمۆنان یا دی بۆ خۆشییێ.
پشتی وێ نەهامەتییێ، تێرا خۆ ئاخینك هێلاینە سەر دلێ من، پستۆیێ من ب رۆندكان زوها بووی، دل نەدای خاترا دووماهیێ بخوازیت ب تنێ گۆت: «هەتا دیدارا بهێت، بلا ئەز ل بیرا تەبم؟».
نە گۆت: هەتا هەتایێ چاڤەرێ بە،‌ هەتا دیدارەكا دی هەلدكەڤیت ژ وێ رۆژێ وەرە ئەز هەر پۆسیدە و گەریدەمە ل دەوسێن وێ دگەڕم، پێنگاڤ پێنگاڤ ژ كۆلان و جەهدەیێن وێ هاتن و چوون لێ دكر، پیاسەیا دكەم، هەر من نە دیت، چ جه نەماینە لێ نە گەڕیام بەری ستوینا رەش ل سەر وێنەیێ من بكێشن، بانگا عاشق و نڤیسكاران دكەم، هەكە وێ ژی دیت خێرا خودێیە دێ روح ڤەگەڕیت. لێ ل باتی ناڤێ من ل سەر كێلییا من بنڤیسن ڤێ مالكا هەلبەستێ ژبیرنەكەن:
ژ زڤستانا دهێم، ل بهارا ڤێرا ناگەهم
ژ هاڤینا دمەشم، ل پاییزا ژێرا دبەهم
ئەی جان چ دەم مایە ئەز بگەهم
چەند ژییێ من مایە، ئەز ل تەڕا بگەهم
پشتی هەمی عاشق و نڤیسەران بەیتا هەلبەستێ شرۆڤەكری، ستوینا رەش ل سەر وێنەیێ وی كێشای هەر دیار نەبووی.
من ل پەیچێ خۆ ئینا خوار نهە كێلییا وی ل گۆرستانا شاخكێ چاڤەرێ دیدارا وێ دكەت، هیڤی دكەم، هەر ئێك ژ ئالییێ‌ خۆڤە كۆمێنت بكەت، بەلكی ئەو دهەوارا وی بچیت.

نيشاندان 1...639640641...761 زێده‌تر

لاپه‌ر 640 ژ 761