قەیس وەیس:

د پرێسكۆنفرانسێ‌ ڕۆژنامەڤانی دا چیا ئەمین سەرۆكێ‌ بەروەخت یێ‌ یانەیا زاخۆ گەشبینییا خوە دیاركر ب ئاست و شیانێن تیما خوە یا فوتبۆلێ‌ د خولێ‌ ستێرێن ئیراقێ‌ دا و هەبوونا پێنگاڤێن ئەكتیف بۆ پێشئێخستنا لایەنێ‌ بازاركرنێ‌ و ڕاگەهاندنێ‌ دا.
زێدەتر ناڤهاتی گۆت: بۆ وەرزێ‌ نوو كارگێرییا یانەیێ بەری ب دەستڤە ئینانا هەر یاریزانەكێ‌ پلانا پێشئێخستنا لایەنێ‌ بازاركرنێ‌ و ڕاگەهاندنێ‌ كربوو، پێخەمەت ببیتە دەرگەهەك و داهاتەكێ‌ باش یێ یانەیێ بۆ وەرزێ‌ نوو یێ‌ خولا ستێرێن ئیراقێ‌، پشتی گرێبەستا ستێرێ‌ كوردستانی و موندیالی ئاكام هاشم ب فەرمی مە دەرگەهێ‌ گرێبەستێن یاریزانان گرت، هاتنا ئاكامی پێدڤییەكا مەزن بوو و دلخوەشكەر بوو بۆ پشتەڤانان و كادرێ‌ ڕاهێنانێ‌ بۆ هندێ‌ ڕێزێن تیمێ‌ تایبەت هێلا بەرەڤانیێ ب هێزتر بكەت.
ژلایەكێ‌ دووڤە چیا ئەمین گۆت: بۆ وەرزێ‌ نوو مە هیڤی و ئۆمێدێن مەزن هەنە، كارگێرییا یانەیێ ب هەموو شیوان كاركرییە تیمەكا ب هێز بەرهەڤ بكەت و بشێت هەڤڕكیێ بۆ ڕێزێن پێشیێ بكەت و ئەنجامێن باش ب دەستڤە بینیت لەوما ژی بەرهەڤیێن تیما زاخۆ بۆ هەڤڕكیێ نە، سەرباری ئەركێ‌ تیمێ‌ ژ ب سانەهی نابیت.
سەرۆكێ‌ یانەیا زاخۆ ئەوچەندە ڕەدكر كو ناكۆكی یان ئاریشەیەك دناڤبەرا هەر چار یانەیێن كوردستانی دا هەبیت و گۆت: هەتا ئەڤرۆ ژی پەیوەندیێن هەر چار یانەیێن كوردستانی ب هێزن و چو ناكۆكی و ئاریشە نینن، ئەوا دناڤا سۆشیالێ‌ دا دهێتە بەلاڤكرن دوورە ژ ڕاستیێ و ڕێنادەین چو كەس ئاریشەیان پەیدا بكەت و ئەم هەر چار یانە نوونەرێن كوردستانێ‌ نە د خولێ‌ دا و پەیوەندیێن مە دگەل ئێك گەلەك باشن.
چیا ئەمین ئەوچەندە ژی گۆت: كارگێرییا یانەیێ گرنگییەكا باش ددەتە لایەنێ‌ بازاركرنێ‌ و ڕاگەهاندنێ‌ و پێنگاڤێن باش هاتینە هاڤێژتن و دێ‌ بەردەوامبن و ئارمانجا مە ژی زێدەكرنا داهاتییە بۆ یانەیێ و پشت گەرمی ل سەر ئەوێ‌ داهاتی بكەین و كێمتر پشت گەرمیێ ب پشتەڤانییا حوكمەتێ‌ بكەت كو بارێ‌ وان ژی سڤك بكەین، ئەڤە ژی خالەكا گرنگە بەر ب قووناغەكا پێشكەڤتی بچین.

شاهۆ فەرید:

د داخویانەکێ دا عیماد یونس کوڕێ باژێرێ سێمێلێ و یارێزانێ یاریا تایکواندۆیێ بۆ رۆژنامەیا ئەڤرۆ دیار کر پشتی ئەم چووینە وەلاتێ کوریا باشۆر بۆ پشکداریێ د قارەمانیا نێڤدەولەتی یا هامدانگ بۆ شکاندنا سیرامیکی، ژ نشکەکێ ڤە هاتینە ئاگەهدارکرن کو چەند گوهۆڕین د قانوونا یاریێ دا هاتینە کرن، ئەڤچەندە بۆ ئاستەنگ کو ب گەهینە ئارمانجا خوە.
زێدەتر ناڤهاتی گۆت: هەرچەندە مە ڕێزێن پێشیێ و میدالی ب دەستڤە نە ئینا لێ ئەز شیام لسەر ئاستێ خوە رێزبەندیا پێنجی ب دەستڤە بینم، ل سەر شێست و ئێک وەلاتیێن جیهانی من ئەڤ رێزبەندیێ هاتم، شیام لسەر ٥٦ وەلاتان پێشکەڤم، ئەگەرێ ژ دەستدانا ڕێزێن ئێکی، دویێ و سێیێ ئە بوو مە خوە د تومارێ دا دیارکربوو مە شیانێن شکاندنا چەند کاشیان ب هژمارەهەنە، ژ نشکەکێ ڤە سیستەم هاتبوو گوهۆرین وەکۆ سالێن بۆری نە بوو، هەر قووناغەکێ مە بخوە رێژا شکاندنێ زێدە دکر بەلێ ئەڤ سالە رێک نەدان و لدووڤ یێ پێشتر د تۆمارا سالا بۆری دا دچوون.
هەروەسان عیماد یونس گۆت: مە دانابوون پێنچ کاشیان بشکێنین بۆ دووماهیێ ژی هەمان رێژە بۆ ژبەر ڤێ چەندێ ئەم نە شیاین رێزبەندییا ئێکی بهیێن، مە گەلەک بزاڤ کرن رێژەیێ زێدەبکەن بەلێ رێنەدان بکەینە حەفت کاشی ئەگەر من شیان هەبوون وان ژی بشکێنم، ئەڤێ چەندێ من ڕێزبەندیا پێنجێ دەستڤە ئینا، یا دلخوەش ئەو بۆ ناڤێ کوردستانێ مە پشکداری کربوو، یاریزانیێن ل گەل مە پشکدار یاریزانەکێ خوە هاڤیێتنا بلند رێزبەندیا دویێ دەستڤەئینان خەلکێ ڕانیایە.

رەمەزان زەكەریا

د داخۆیانیەكێ دا جێگرێ سەرۆكێ یانەیا دینارتە دیاركر بڕیار هاتیەدان بۆ وەرزێ ئەڤ سالە یێ خولا پلا دویا كوردستانێ ب تەمامی پشتگەرمی ب شیانێن گەنج و لاوێن دەڤەرێ و دەستەیا ڕاهێنەرێن ناڤخۆیی بكەین و مەرەم ئاڤاكرنا پاشەڕۆژەكا دیار و سەقامگیر بۆ وەرزشا دەڤەرێ.
زێدەتر خەلیل حسێن بۆ رۆژناما ئەڤرۆ گۆت: ئەڤ پێنگاڤە ل سەر داخازا زۆربەیا جەماوەر و پشتەڤانێن دلسۆزێن یانەیێ هاتیە وەرگرتن، هەروەسا بەرچاڤكرنا بارودۆخێ دارایی یێ نوكە ڕۆلەكێ سەرەكی د دەستنیشانكرنا بریارێ دا هەبووه كو ئەڤ بارودۆخە كریە دەرفەتەك هەتا كو بشێن پتر باوەریێ ب شیانێن یاریزانێن ناڤخۆ ببەخشن و مە باوەری ژی پێ هەیە.
ناڤبری گۆتژی: ئارمانجا سەرەكی ژ بڕیارێ شێن ب باوەریەكا تەمام ب بەرهەمێ خۆ یێ ناڤخۆیی ببەستیت، ئەڤە دێ بیتە دەرفەتەكا زێرین بۆ لاو و گەنجێن دەڤەرێ دا كو د ناڤ گۆڕەپانا وەرزشی دا شیانێن خۆ نیشان بدەن ئاستێ خۆ گەشە پێ بدن و د پاشەڕۆژێ دا ببنە پشكەكا سەرەكی ژ ئاڤاكرنا ناڤ ودەنگێ وەرزشیێ دەڤەرێ.
ناڤهاتی ئاشكراكر: كارگێریا یانەیێ ڕێزەكا مەزن ل بۆچوون جەماوەرێ خۆ دگریت و باوەریا تەمام ب شیانێن یاریزان و كادرێن دەڤەرێ هەیە، دخازین كو وەرزشڤان و وەرزشدۆستێن دەڤەرێ ببەنە پشتەڤان و هاریكارێن سەرەكی دگەل یانەیێ دا.

تاهر رێكانی

بۆ ئێكه‌م جار یاریزانه‌كێ كوردێ ئێزدی یێ 17 سالی دگه‌هیته‌ دناڤ رێزێن هه‌لبژارتیێ ئه‌لمانیا و یانەیا بروسیا دۆرتمۆندێ یا وی وه‌لاتی، مه‌روان عومەر شنگالی هه‌ر د ژیێ نەهـ سالێ دا دچیته‌ ئه‌كادیمیا برۆسیا ئێك ژ بناڤۆده‌نگترین ئه‌كادیمیانە ل سه‌رانسه‌ری ئۆرۆپایێ ب دروستکرنا یاریزانێن خۆدان شیان و به‌هره‌مه‌ندن، د ژیێ 10 سالیێ دا ‌دهێته‌ داخوازكرن بۆ ناڤ رێزێن یانه‌یا فیده‌نبۆرك وه‌كو یاریزانه‌كێ هێرشبه‌ر، دگه‌ل ڤێ یانه‌یێ دمینیت تاكو دهێته‌ داخوازكرن بۆ ناڤ رێزێن هه‌لبژارتیێ ئه‌لمانیا بۆ ژیێن 16سالیێ دا.
پشتی مه‌روان شنگالی ئاسته‌كێ مه‌زن نیشاندای هاته‌ داخوازكرن بۆ ناڤ رێزێن تیما لاوێن یانه‌یا برۆسیا دۆرتموند و پشكداری د سێ یاریێن تیمێ دا دكه‌ت و دبیته‌ ئێك ژ باشترین یاریزانێن تیمێ له‌ورا دبیته‌ جهێ رازیبوونا راهێنه‌ر نیكۆ كۆڤاچی ئێكسه‌ر د سه‌رئێخیته‌ تیما ئێكێ یا دۆرتموندێ نۆكه‌ ژی به‌رهه‌ڤییان دگه‌ل تیما ئێكێ دكه‌ت،‌ ب مه‌ره‌ما وێ یه‌كێ دگه‌ل یانه‌یا خۆ ل وه‌رزێ 2026-2027 پشكداریێ د بۆندسلیگایێ دا پشكدار بیت.
ئه‌ڤ چه‌نده‌ هات پشتی یاریزانێ كورد دئێكه‌م یاریا هه‌ڤالینی دا به‌رامبه‌ر یانه‌یا ئۆبرهاوسن پشكداری كری و شیای گۆلا سێیێ بۆ تیما خۆ توماربكه‌ت و ببیته‌ جهێ پووتەدانا راهێنه‌رێ خۆ نیكۆكۆڤاچی كو دڤی ژیێ بچویكدا ببیته‌ ئێك ژ یاریزانێن سه‌ره‌كی دناڤ پێكهاتی دۆرتمۆندێ دا ل وه‌رزێ نوو یێ خولا ئه‌لمانی و قاره‌مانیا ئۆرۆپێ، هه‌ر وه‌سان پشكداری چه‌ند یاریێن دی یێن هه‌ڤالینی بوویه‌ ژ وانا دگه‌ل یانه‌یێن دۆسیلدۆرف، سێریزۆ ئۆسکا و تۆکیۆ یاری كریه بوویه‌‌، ئەڤچەندە ئه‌ڤه‌ بوو ئەگەر چاڤدێرێن وه‌رزشی دویڤچوونا وی دكه‌ن د بینن ڤێ یاریزانێ پاشه‌رۆژه‌كا باش لدووف رایه‌ و دێ بیته‌ ئێك ژ باشترینێن یانه‌یی.

پشتی ب فەرمی ستێرێ‌ مسری محەمەد سەلاج گرێبەستا یانەیا ترابزۆن سپۆرت یا توركی ئیمزاكری، ئەوێ‌ ژ یانەیا لبڤەرپۆل یا ئنگلتەرایێ هاتی، ڕاپۆرتنێن رۆژنامەڤانی دناڤا گرێبەستا وی دا چەند خالێن سەرنجراكێش بەلاڤكرینە و بڤی شێوەیی.
ل دووڤ ڕێكەڤتنا دناڤبەرا یاریزانی و یانەیا توركی دا هاتی كو سالانە یانە دێ‌ 30 ملیۆن یۆرۆیان پێشكێشی محەمەد سەلاحی كەت، هەروەسان20 ملیۆن یۆرۆ پاداشتێ‌ ئیمزاكرنا گرێبەستێ‌، ژلایەكێ‌ دووڤە 14 ملیۆن یۆرۆ بۆ بریكارێ‌ وی نە، دیسان پشكەكا داهاتێن درێسان دێ‌ بوو یاریزانی بیت.
ژ خالێن سەرنج ڕاكێش یێن گرێبەستێ‌، یانەیا ترابزۆن دێ‌ ل دوبەی ڤێلایەكا شاهانە بۆ دابینكەت هەروەسان ل ئۆزۆنگۆل ڤێلایەكا دی ژی دابینكەت، هەروەسان بۆ دایكۆبابێن محەمەد سەلاحی خانیەكێ‌ دابینكەت، دیسان چار ترۆمبێلێن جورێ‌BMW یێن شاهانە بۆ هەر ئێك ژ باب، دایك، برا و خێزانا وی دابینكەت، دگەل دا بۆ زاروویێن وی دێ‌ ئێك ژ باشترین قوتابخانەیێن تایبەت بۆ دەستنیشانكەت، دیشان 25 هزار یۆرۆ هەیڤان بۆ پێدڤیێن خێزانا وی ل گەل 35 هزار یۆرۆ بۆ پێدڤیێن مالی بەرهەڤكەن، هەروەسان كەسەكێ‌ شارەزا یێ خوارنێ‌ و پاسەوانەكێ‌ تایبەت بۆ وان بەرهەڤكەت.

پشتی بۆ ماوەیێ مەهەكێ‌ ژ دانۆستاندنان و گەنگەشە و بزاڤێن بەردەوام یێن یانەیا پاریس سانجێرمان یا فرەنسی ل دووماهیێ شیا یاریزانێ‌ ئسپانی فران تۆرێس ستێرێ‌ یانەیا بەرشەلۆنا ڕازی بكەت و گرێبەستێ‌ بۆ ماوەیێ پێنچ سالان ئیمزابكەن.
ل دووڤ ڕاپۆرتا رۆژنامەیا ماركا یا ئسپانی دماوەیێ مەها بۆری دا یانەیا پاریس گەلەك بزاڤكرن ژبۆ ڕایكرنا ستێرێ‌ بەرشەلۆنا فران تۆرێس ئەوێ‌ گرێبەستا وی هەتا هاڤینا بهێت دگەل یانەیا ئسپانی هێشتا یا مایی، یانەیا پاریسی پێشتر ڕازیبوو 50 ملیۆن یۆرۆ یێن بەرانبەر دەستبەردانا یاریزانی بدەتە بەرشەلۆنا لێ‌ ل سەر هندەك خالێن دی دناڤبەرا تۆریسی و پاریس سانجێرمان مابوو، دوهی ب فەرمی ڕازیبوون ل سەر ئەوان خالا هاتیە كرن تایبەت یا مووچەیێ یاریزانی.