سالار محەمەد دۆسكی:

3-13

یان هەردەڤەرەكێ‌ و هەر زالگەهەكێ‌ فەرمانا وان ددەستێ‌ وان دابوو یا حەزدكر لگەل خەلكێ‌ مەیێ‌ ب شەرەف یێ‌ خەلكێ‌ كوردستانێ‌ دكر ژ هەمی رەنگێن نەخوەشی و زوریێ‌ و زالگەهەك ل گەلیێ‌ زاخۆ بوو و ئێك ل تلكەبەرێ‌ بوو و ئێك ل سەرجسرێ‌ بێگوڤا بوو و ئێك لدووماهیا بەرۆشكێ‌ و دروریانا ئالوكا بوو و ژبلی یێن لەشكری و یێن سنوری و زالگەهێن لەشكری و ئەڤان زالگەها گەلەك ئیهانا خەلكی مەدكرو ب هەموو رەنگان بێ‌ جیوازی نە دگۆت ئەڤ پیرەمێرو پیرەژنە ئەگەر دنەخوش بان، یان زارۆك بان هەتا بن كەفشێن ژن و زارۆكان پشكنین دكرن، داكو نەشێن دەرمانان بۆ گوندێن ئازاد كری ببەن و ئاخفتن و قەسێن كرێت دگوتنە خەلكێ‌ مە و یی تەكەك یان پاكیتەكا جگارا ڤێ‌ گرتبا بۆ وی گەلەك نەخوەش دكرو ئەڤجا ئەڤ دیمەنە هەر روژ ل پێش چاڤێن مەبوو، ب خودێ‌ دەمێ‌ مرۆڤ دچوو ڤان زالگەها مرۆڤ دلەرزی ژبەر ترسا وان و بێ‌ غیرەتێن بەعسیان و دارودەستەكێن وان ئەوێ‌ چەندێ‌ گەلەك كارتێكرن ل سەر دەرونێ‌ كورد پەروەران كرو ڤێجا ب هەرشێوەكێ‌ مرۆڤ شیابا دا دا دوژمناتیا ڤان زالمان كەت، ژبەر كو ل سەر ئاڤ مولكێ‌ مەبوون و زوری و ئیهانا مە و نامیس و زارۆكێن مە دكر و یا حەزدكر داكەن و كەسی نەدشیا بێژیتێ‌ ئەڤا هوین دكەن یا خەلەتە و هەرچیێ‌ گوتبایێ‌ دەملدەست داگرن و بەرزەكەن و یان ژی دالبن ئەشكەنجەدانێ‌ وەلێ‌ كەن كو كربا نیڤەمرۆڤ، یان ژی دین كربا، یان شەهید كربا ئەڤجا خەلكێ‌ مە ئەڤ زولم و زورداریە دیتی خەلكی دوژمناتیا وان كر، و قەستا ناڤر ێزێن پێشمەرگەی كرو چەك كری و هەلگرت و بوونە پێشمەرگە و بەرەڤانی ژ كەرامەت و نامیس و ئاخا خۆ و كوردستانا رەنگین، كر یان بوونە رێكخستیێن پارتی و بەرەڤانی كر و لدویڤ شیانێن خۆ ل باژێرێن كوردستانێ‌ و عیراقێ‌ دا و هەرئێكی لدوویڤ شیان و وێرەكیا خۆ ژبەركو ئەو دوژمنێت هارو سالێن حەفتێ‌ و هەشتێیان رژێما سەدامێ‌ گوربەگور زور هارو تێر چەك و جەبلەخانەبوو و هەرعەردەكێ‌ حەزكربا ب فرۆكە و توپ و تەیارە و لەشكرەكێ‌ زور داهێنە ل سەر وێ‌ دەڤەری و تەمشیتەكا بەرفرەهـ دركرە چیا و دول و نهالێن كوردستانێ‌ و گوندێن كوردستانێ‌ پشكنین دكرن و مال ب مال و كونچ ب كونچ گەلەك خەلك دگرتن و دئێشاندن و مال و مەزەلێن خەلكی تێكدان و ئەڤ چەندا من گۆتی هەمو ما دسەرێ‌ لاو گەنجێن كوردستانی دا و هەرئێكی ب شێوەكی هەولدا و بتنێ‌ رێكەك هەبیت پێ‌ بەرگێریێ‌ ل گەل و نشتیمانێ‌ خوە بكەن و زەربەكێ‌ ل ڤی دوژمنێ‌ درندە بدەن و گەلەك كوردێن ب شەرەف خوە هاڤێتە گورەپانێ‌ ژبۆ بەرگێریا پێشمەرگێ‌ كوردستانێ‌ و ئەو بوو ل سالا 1981 شەرێ‌ دناڤبەرا عیراق و ئیرانێ‌ دا چێبوو خەلكەكی مەزن ژ لەشكرێ‌ عیراقێ‌ دا هارب كرن و چوونە دناڤرێزێن پێشمەرگێ‌ كوردستانێ‌ بوونە هێزو پالپشتی بۆ پێشمەرگەی و ئەڤ چەندە من بەحس ژێكری بوو پالپشتی و هاندەر بۆ گەلەك گەنجێن كوردستانێ‌ بنە پێشمەرگە و یان ژی بچنە دناڤ رێزێن پارتی دیموكراتی كوردستان دا و بهێن دناڤ گوند و باژێرێن كوردستانێ‌ هەموو بوونە هێز بۆ پێشمەرگێ‌ كوردستانێ‌ .
هەمان زیندانیێ‌ سیاسی گوتژی: ئەز بخو كورێ‌ پێشمەرگەهێ‌ ئەیلۆلێ‌ بووم ب چالاكی و خەباتا پێشمەرگەی و شۆرشا ئەیلۆلێ‌ ل بیرا منە و هەمان دەم ژی مامێ‌ من ژی پێشمەرگەبوو ل هێزا هەلگورد و ل مالەكا دلسوز و كورد پەروەری بوون و ئەڤە هەموو هوكارو پالپشت و پشتەڤان بوون و ئەز ژی بهێمەناڤ شۆرشێ‌ دا و ل ناڤر ێزێن پارتی دیموكراتی كوردستان و ب شێوەكێ‌ نهێنی بوومە حزبی ل گەل رێكخرا وا قەدەم خێر ل لژنەیا ناوچا ئامێدیێ‌ ل 1/10/1978 بەرپرسێ‌ مەلا رەمەزان قومری بوو و دویڤدا بوو عەبدولستار حامد چەم سەیدی ئەڤ رێكخراوە ژلایێ‌ تێكوشرێ‌ دێرین مستەفا مزوری ڤە هاتبو چێكرن و كادرێ‌ ئێكی بوو دشۆرشا گولانێ‌ دا رێكخستن چێكرین و ل دەڤەرا بەرواریا چەندین رێكخراو چێكربوون وەكو رێكخراوێ‌ قەدەم خێرو رۆژهەلات و دیاربەركر، و یازدەی ئاداری، كاك مستەفای ئەز بخو رێكخست بووم ل مالا مام شوكری و ل گوندێ‌ چەم سەیدا و مامی شوكری ژی وەكو پێشتر مە گۆتی ئێك ژ ئەندامێن ئەوێ‌ رێكخراوێ‌ و گوتە من تو مامێ‌ خوە دنیاسی و دێ‌ دگەل وی كاركەی و بتنێ‌ توڤی دنیاسی و بەس و تە چ هەیە دێ‌ گەهینیە دەستێ‌ وی و ئەز مامە ل گەل رێكخراوا قەدەم خێر هێدی هێدی من زانی بەرپرسێ‌ رێكخراوێ‌ هەڤال عەبدولستارە و ئەندامێن رێكخراوێ‌ مام شوكری، سوبحی، جەمیل قادر ل گوندێ‌ گركا محەمەد، ئەحمەد فەخری، حەكیم شوكری ل گوندنێ‌ قومریێ‌، زوهێر چەلكی، نەجمەدین چەلكی، ئەڤە ئەندامێن ئەڤێ‌ رێكخراوێ‌ بوون و ئەم ئەڤێن دی حزبی بووین ل گەل ئەڤێ‌ رێكخراوێ‌ و مەكارێ‌ خوە یێ‌ نهێنی دناڤ جەرگێ‌ دوژمی ئەنجام دان وەكو ئینان و برنا دەنگ و باسان و پێدڤیێن پزیشكی و ئازوقە و بەلاڤەكرنا بەلاڤوكا دناڤ گوندو شارێن لبن دەستهەلاتا حكومەتێ‌ دا وی دەمی كار گەلەكێ‌ بترس و ب زەحمەت بوو و هەردەم مە كنفێ‌ خوە دسەرێ‌ خوە دپێچا هەتا مە پێدڤیەك گەهاندبا پێشمەرگەی و هاتن و چوون یا ب زەحمەت بوو ژبەر زالگەهێن دوژمنی و ئەمن و هەوالگێریا وان گەلەك یا ب هێز بوو باوەری نەمابوو لنك خەلكی و ژن و مێر بوونە رەشە و برایی باوەری برای نەبوو و رژێمێ‌ رهێن خو گەلەك دناڤ خەلكی دا بەلاڤەكربوون و من ئەركێ‌ خوە دناڤ ڤێ‌ رێكخراوێ‌ ئەنجام دا ژبەركو من بیرو باوەرێن موكوم ب رێبازا پارتی و بارزانی هەبوون.
هەمان زیندانیێ‌ سیاسی گۆت: من پەیوەندی ب مام شوكری كر ل مالا وی ل گوندێ‌ چەم سەیدا و دیتنا من و كاك مستەفا مزووری ژی هەر ل مالا بەرێزی بوو درەنگی شەڤ دەمژمێر دووی شەڤ داهێتە مالا بەرێزی مە دانوستاندنێت خوە دكرن و پێزانین و دەنگۆباس یان ژی قورتاسیە، یان بەلاڤوك، یان هەرتشتەكێ‌ پێدڤی بوو مە بوو دابیندكرن و لدووڤ شیانێن خوە وان ژی پوستەرو پەیرەوراو یێن پارتی و چو هاتیە پێش دانە من و دابۆ مە بێژن و جهەك من و مام شوكری و كاك مستەفایی دەستنیشانكر بوو ل ناڤ ئاقاری مام شوكری تیەكا مەزن و كەڤنار بوو قورمێ‌ وێ‌ خلولەبوو چ بوو من ئینابا داكەتە دقورمێ‌ تیێ‌ را، یان ژی من چ هەبا دا ئەو ئینتە وێرێ‌ مە هەرسێكان دزانی و زێدەتر نە و ژبەركو جێش و هەوالگێری و ئەمن یێن رژێمێ‌ گەلەك بهێز بوون.