گەلەک کەس و دەزگەھێن ڤەکۆڵینان ل کوردستانێ بزاڤ کرنە، کارەساتا 16.10.2017 شرۆڤە بکەن، سەدەمان دیار بکەن، یان بزاڤ کرنە سەدەمان دیار بکەن. بەرھەمێن وان ڤەکۆڵینان ئەوێن ھەتا نوکە ھاتینەکرن، ژ دەرازینکا ھەڵچوونێن دەروونی دوور نەبوویە، ژبلی پەیادەکرنا ھەلچنینا سوچدارکرنێ کو ئەڤە بخوە ڕەڤینە، ژ روو بروو بوونا دەرەھیکرنا ڕاستی و سەدەمێن ڕاستەقینەیێن، وێ کارەساتێ.
16.10 کارەساتەک جەرگبڕە، ڤەخاندن، شرۆڤەکرن و دووڤچوونا سەدەمان ئەرکەک نیشتمانیە، ژ وێ ھێش گرنگتر وێرەکیا بەڵاڤەکرنا وان سەدەمانە بۆ ڕایا گشتیا کوردستانێ؛ ئەڤجا ئەگەر لایەنەک، پارتەک یان لایەنەک پتر ببەرکەڤیت، خاترجەمی بۆ نەھێتەکرن. خاترگرتن ژ بەر ھەر سەدەمەکی بیت، بڕەڤین دھێتە ھەژمارتن، ژ روو ب روو بوونا ڕاستیێ.
دبیت ھندەک وەسا ھزر بکەن، ئەڤا ئەز بانگەشێ بۆ دکەم، دێ جڤاکێ کوردستانێ پتر بەرەف لێکترازان و ژھەڤدو دوورکەفتنێ، ڕاکێشیت. ھەر کەس یێ ئازادە، چەوان بیر بکەت لێ وی مافی نادەتێ، دەرگەھێن دەرەھیکرنا ڕاستیان ل خوە بگرین و مینا نەعاما سەرێ خوە بکەین دئاخێدا!
پتر ژ 26 ساڵێن دەستھەڵاتداریا خۆماڵی د نابەینا چاڤ زلقۆتانەکێ دا ھەرفی و پێگەھێ کوردان ل رۆژھەڵاتا ناڤین ھلوەشیا و بەرەف نەمانێ دچیت، ژ خوە بەحسێ دەڤەرێن کێشە لسەر ھەر نەکە! ئەڤە ڕاستیەک ژەھرینە، دەم ھاتیە دەرگەھێن ھەموو نەپەنیان بھێنە ڤەکرن، کارەکتەرێن سەرەکی یێن ڤێ کارەساتێ بھێنە دیارکرن، چ پلە و پایە د ناڤ جڤاکێ کوردستانێ دا ھەبن، نەگرنگە یا گرنگ بھێنە دیارکرن و ژ رێزا بریاردانێ بھێنە دوورخستن. نەیا بەر عاقلە ئەڤ رەوشە ژ بەر خاترا چاڤێن وان نەھێتە ملھێب کرن! پرسا نەتەوەکی گرنگترە ژ چارەنڤیسێ ھندەک کەس و بەرپرسان.
ئەم یێل بەر دووریانەکا دیرۆکی، ھەلویستگرتن ژ ڤەرێژا دانپێنان، وەک ئەڤرۆ لەشکەرێ فەیسبووکێ و تۆرێن جڤاکی دکەن(شەماتا تێلەفزیۆنان ژبیر نەکەن)، رێگرتنە ژ ڤەدیتنا رێچارەیەکێ بۆ ڤێ کارەساتا جەرگبڕ. ھەلبەت بارێ دەروونیێ ھەر کەسی ھاریکارە بۆڤێ گێلەشۆکیێ چنکو بانگەشەک وەسا تەکۆز ھاتبوو کرن، “بەحەشت ئانیوو لێڤێ”. سەختە د رەوشەک ھۆسان دا بێی بریندارکرنا ھەستێن کەس، کۆم و لایەنێن سیاسی شرۆڤێن زانستی بۆ دەربازبوونا ڤێ ریپا ھەرێما کوردستانێ تێدا، بھێتەکرن.
کارەسات گەلەک ژ ھندێ مەزنترە کو رێز و خاترجەمیێ بخازیت، بەلکو شرۆڤە و ڤەخاندن رێچارەنە بۆ دەربازکرنا ئەڤێ رەوشێ بکێمترین زیان. پتریا کەس، کۆم و لایەنێن سیاسیێن کوردستانێ د وەھما نێرگسیا خەونێن خوە دا دژین، بھەموو رەنگان بزاڤێ دکەن، دا رێ ل شرۆڤە و ڤەخاندنێن زانستی بھێتەگرتن. بۆ ڤێ چەندێ ژی لەشکەرێ فەیسبووکێ و تۆرێن جڤاکی ھانددەن، ھێجەتیان رێزدکەن و دکەن شەماتە و ھەرا، تەڤ بۆ ھندێیە دا رەوش ھەر ئاوورتە بمینیت، لبن کونترۆڵا وان دەرنەکەڤیت. بەردەوامیا ڤێ سیاسەتێ زیان تنێ دگەھیتە دۆزا کوردی و پرسا سەربەخۆبوونێ( ل دلەکی تەڤ بانگەشیێ بۆ دکەن، لێ ڕەفتارێن وان وێ یەکێ ناگەھینن). دانپێنان بڤێ کارەساتێ ھەرچەندە یا بژانە ژی لێ وێرەکیە، ھەروەکو مامۆستا دبێژن:” تێگەھشتنا پرسیارێ، نیڤەکا بەرسڤێیە” .
نووترين نووچه
- جڤاتا وەزیران وەزارەتێن دارایی وئـابۆری و پلاندانان راسپاردن بۆ بەرهەڤکرنا بوودجەیا 2027ێ
- مەسرور بارزانی و وەزیرێ پەروەردەیێ یێ سووریێ دوپاتیێ ل بهێزكرنا پەیوەندیێن دو قۆلی دكەن
- رێبەر ئەحمەد: هەرێما كوردستانێ رێ نەدایە ئاخا وێ بۆ هێرشكرنێ ل دژی وەلاتێن جیران بهێتە بكارئینان
- ڤەگەڕیانا پارتی بۆ جڤاتا پارێزگەها كەركووكێ تنێ بۆ چارەسەركرنا ئارێشەیێن وەلاتییانە
- حوكمەتا هەرێمێ مولكێ هەموو وەلاتییانە و ب ئیرادەیا مللەتی دێ بەردەوام بیت
- ل سەر داخوازا مەسرور بارزانی كار بۆ دەزگەهكرنا پەیوەندیێن هەولێرێ و بەغدایێ دهێتە كرن
- پشكا هەرێما كوردستانێ 14% یە، و پێدڤییە بەغدا رۆژانە 155 هزار بەرمیلێن پەترۆلێ بهنێریت
- پارتی و ئێكەتی ل سەر كاراكرنا رێكخراوێن پیشەیی رێككەفتن
- فراكسیۆنا پارتی ل جڤاتا پارێزگەها كەركووكێ ڤەگەڕیانا خۆ بۆ كۆمبوونان راگەهاند
- سەرۆك بارزانی و قونسلێ بەریتانیا دوپاتیێ ل سەر پێشئێخستنا پەیوەندیێن دوئالی دكەن
سهرهكى غير مصنف
ب وێنه: ههڤالهكێ بارزانيێ نهمر وهغهركر
ئەڤرۆ نیوز، نەوزاد ھلۆری:
شەڤا بوری پێشمەرگێ ھەردوو شورشێن ئیلون و گولانێ کو پێشتر ژی پشکداری د کومارا مھاباد ل رۆژھەلاتێ کوردستانێ کر بو و ل گەل بارزانیێ نەمر چویە ئێکەتیا سوفیەت ، وەغەرا داویێ کر.
شەڤا بوری پێشمەرگە و کەسایەتی ” تەیمور جەعفەر موسا ” کو ب ئێک ژ کوردپەروەر و پێشمەرگێن دێرین و ھەڤالێ بارزانیێ نەمر دھێتە نیاسین دژیێ 87 سالیێ دا وەغەرا داویێ کر و ل بارزان ھاتە ڤەشارتن ، و ئێک بوویە ژ کوردێن سەر ب عەشیرەتا شکاک ل رۆژھەلاتێ کوردستانێ.
ناڤبری ئێک بوویە ژ پێشمەرگێن چەلەنک و قارەمان د ھەردوو شورەشێن ئیلون و گولانێ دا و رولەکێ بەرچاڤ ژی ھەبوویە د کومارا مھاباد دا ل رۆژھەلاتێ کوردستانێ و ل گەل بارزانیێ نەمر ژی چوبویە ئێکەتیا سوڤیەتی و پشتی 12 سالان مانەڤا ل وێ جارەک دن ڤەگەرا باشوورێ کوردستانێ و ل گەل بارزانیێ نەمر درێژی بە خەباتا خوەیا پێشمەرگایەتی و شورشگێری دا و ل کونگرەیێ 13ێ پارتی دا رولەکێ بەرچاڤ ھەبویە دناڤا رێزێن پارتی و ل بەر رولێ وی ژلایێ سەروک بارزانی ڤە ب مەدالیا زێری ھاتە خەلاتکرن.
ناڤبری ل گورستانەکا بارزان ھاتە ڤەشارتن و تازیا وی ژی ل ئێک ژ مزگەفتنێن پیرمام ھاتیە دانان.
ب وێنه: توركيا ل پارێزگهها دهۆك بۆردۆمانا بارهگايێن پهكهكێ كر و زيانێن گيانى و ماددى يێن ههين
ئەڤرۆ نیوز، نەوزاد ھلۆری:
شەڤا بوری ھەتا کو بەرێ سپێدەیا ئەڤرۆ رۆژا شهمبى رێكهفتى 18ى چريا دويێ فرۆکێن شەرکەرێن تورکیا بنگەهـ و بارەگایێن پارتا کرێکارێن کوردستانێ” پەکەکە” ل سنورێ ناحیا شێلادزێ بۆردۆمانكرن و ب گورەی پێزانينێن شاهدحالان کوشتی و بریندار و زیانێن ماددی ھەنە و ب چاڤ ھاتینە دیتن.
شوکری سیتەیی وەلاتیەکێ گوندێ سیتەی ل دەرگههێ گەلیێ بالندایە وەکو شاهدحالێ بوردومانێ بو ئەڤرۆ نیوز گۆت: (گوندێ سیتە دکەڤیتە نیڤەکا گەلیێ بالندا کو ئێکە ژ گوندێن سەر دەڤەرا رێکان، شەڤا بوری ھەتا سپێدەیا ئەڤرۆ بوویە ئارمانجا فرۆکێن تورکیا، ژبلی کو ھژمارەکا کوشتی و برینداران ژ پەکەکێ نەھە، د ھەمان دەم دا شهفهلهك و ترۆمبێلەک و تراکتورەکا پەکەکێ ل گەل بارەگایێ وان ل دەڤەرێ ژناڤبرينه).
زێدەتر گۆت: (ھەر شەڤا بوری ژ بەر ترسا بوردومانێ وەلاتیێن دەڤەرێ ژی ل مالێن خوە دەرکەفتبوون ژ بەر کو گەلەک نێزیکێ وان بووينە، دخوازین کو پەکەکە بارەگایێن خوە دوور بکەن و چارەسەریەکا ب لەز بۆ دەڤەرێ و رەوشا دەڤەرێ بھێتەکرن).
رهوشا سهقايێ سوبههى
ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو سوبههى رۆژا ئێكشهمبى رێكهفتى 19ى چريا دويێ 2017 دهێته پێشبينيكرن ئهسمان دێ ئهورێن تهمام بن و ل دانێ ئێڤارى باران دێ باريت.
پشكا پێشبينيان ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ د نڤيسارهكێ دا راگههانديه كو ژ ئه گهرێ هاتنا فشارێن بلندێن رۆژههلاتێ ئيرانێ و فشارێن نزمێن دهريا ناڤهراست ئهسمان دێ ئهورێن تهمام بن و ل دانێ ئێڤارى باران دێ باريت.
پشكا پێشبينيان ل رێڤهبهريا گشتى يا سهقاناسى و بيڤهلهرزێ خۆيا ژى كريه كو نزمترين پلا گهرما پێشبينيكرى دێ 9 پله بيت و بلندترين پله ژى دێ 20 پله بيت.
ههر ب گۆرهى ڤێ راپۆرتا رێڤهبهريا ناڤبرى لهزاتيا باى دێ گهلهك زێدهكهت و ل هندهك جاران دێ گههيته 30 بۆ 40 كم بيت د دهمژمێرهكێ دا و ماوێ ديتنێ ژى دێ 8 بۆ 10كم دا بيت.
ل دووڤ راپۆرتا پشكا پێشبينيان يا رێڤهبهريا گشتى يا سهقاناسى و بيڤهلهرزێ ل ههرێما كوردستانێ ئهڤ پێلا باران بارينێ دێ بۆ ماوێ حهفتيهكێ يا بهردهوام بيت. بۆ پتر پێزانينان ڤێره كليك بكه
سوبه بهغدا دێ نهفتێ بۆ ههرێمێ هنێريت
ئهڤرۆ نيوز:
ئارێز عهبدولا سهرۆكێ فراكسيونا ئێكهتيێ ل پهرلهمانێ عيراقێ راگههاند، بهغدا بريار دايه نهفتا سپى بۆ ههر چار پارێزگههێن ههرێمێ بهێنێريت و برياره سوبه ئێكهم وهجبا نهفتێ بگههته پارێزگههێن كوردستانێ.
كارگێريا پارێزگهها دهۆك بۆ ماوێ چهند رۆژانه ل دهڤهرێن چيايى يێن پارێزگهها دهۆكێ دهست ب بهلاڤكرنا نهفتێ كريه و راستهوخو كارتێكرن كريه سهر ئهرزانبوونا بهايێ نهفتا بازرگانى و پتر ژ 40 هزار دينار بۆ ههر بهرميلهكێ ئهرزانبوويه.
روودانێن ههلهبچه 46% ژ ئهگهرێ ماتۆڕسكلانه
ئهڤرۆ نيوز، عهزيز ههورامى:
د ماوێ 11 ههيڤێن بۆرى دا 55 روودانێن هاتنوچوونێ ل سنورێ پارێزگهها ههلهبچه رووداينه و د ئهنجامێ وان روودانان دا ههشت كهسان گيانێ خوه ژ دهست دايه و 72 كهس ژى بريندار بووينه. 46% روودانێن پارێزگهها ههلهبچه ژ ئهگهرێ ماتۆرسكلانه.
رائيدێ مافپهروهرێ هاتنوچوونێ سهلاح عهلى، بهرپرسێ پشكا راگههاندنێ ل رێڤهبهرا هاتنوچوونا پارێزگهها ههلهبچه، بۆ ئهڤرۆ نيوز ئاشكهرا كر كو ل سالا 2017ێ ههتا نها 55 روودانێن هاتنوچوونێ ل سنورێ هاتنوچوونا پارێزگهها ههلهبچه رووداينه و ژ وان روودانان 24 ژ ئهگهرێ ماتۆرسكلان بووينه و 31 ژى ژ ئهگهرێ ترۆمبێلێ بووينه.
گۆتژى: “ژ وان روودانان ههشت كهسان گيانێ خوه ژ دهست دايه شهش نێر و دو مێ و 72 كهس ژى بريندار بووينه كو ژ وان 53 نێر و 19 مێ بوون”، خۆيا ژى كر “54% ژ ڤان روودانان ژ ئهگهرێ ترۆمبێلان بووينه و 46%ژى ژ ئهگهرێ ماتۆرسكلان بووينه”.
بهرپرسێ پشكا راگههاندنێ ل رێڤهبهرا هاتنوچوونا پارێزگهها ههلهبچه ئاشكهرا ژى كر كو نوكه پێرابوونێن گهلهك دژوار هاتينه وهرگرتن بۆ دهست ب سهرداگرتنا ماتۆرسكلان.
رائيدێ مافپهروهر تهكست ل سهر وێ چهندێ ژى كر كو وهلاتى ماتۆڕان ژ وهلاتێ ئيرانێ دئيننه د ناڤ ههلهبچه دا، “ههرچهنده چاڤدێريا سنوران دهێته كرن، بهلێ نهشياينه هاتنا ماتۆڕان بنبڕ بكهين، ئهڤه ژى بوويه ئهگهرێ بلندبوونا روودانێن هاتنوچوونێ ل ناڤ باژێرى”.
نێچیرڤان بارزانی: ئهم د بهرههڤين نەفت و ههموو داهاتێ خوه بدهينه بەغدا
ئهڤرۆ نيوز:
نێچيرڤان بارزانى سهرۆك وهزيرێن ههرێمێ دياركر، نوكه ههرێما كوردستانێ يێ د قوناغهكا دژوار دا دهرباز دبيت و ب ئێكرێزيێ دێ ڤێ قوناغێ دهرباز كهين و گۆت: ئهگهر بهغدا نيهتا هنارتنا مووچێ فهرمانبهرێن ههرێما كوردستانێ ههبيت، ئهم د بهرههڤين نەفت و ههموو داهاتێ خوه رادەستی بەغدا بکەین.
بارزانى پهیامهك بهلاڤكر
ئهڤرۆ نیوز:
سهرۆكێ ههرێما كوردستانێ مهسعود بارزانى پهیامهك بهلاڤكر و ئهڤا ل خوارێ دهقا وێ یه
بە ناوی خودای بەخشندە و میهرەبان
جەماوەری سەربەرزی کوردستان
کوردستانیانی دەرەوەی وڵات
ڕای گشتی جیهان
پاش ئەوەی گەلی کوردستان بە شێوەیەکی ئاشتییانە تەعبیری لە ڕای خۆی کرد لە دیاری کردنی چارەنووس، کە مافێکی ئاسایی و سروشتی هەر گەل و نەتەوەیەکە، ئێستا گەلەکەمان کەوتووەتەوە بەر هەڕەشە و ئابلوقە و سزادانی بە کۆمەڵ. حکومەتی عێراقیش بە ناوی فەرزکردنی یاسا وا خەریکی سزادانی میللەتێکە کە تەنیا ڕای خۆی دەربڕیوە و هیچ تاوانێکی نەکردووە. ئەو سزادانەی کە لە دژی گەلەکەمان هەیە پێشێلکردنی هەموو سنوورەکان و یاسا و دەستوری عێراقە و هاوکات بە گەلەکۆمەکی دەیانەوێت ئیرادەی خۆیان بەزۆری چەک و شەڕ بەسەر گەلەکەماندا بسەپێنن و شکۆی گەلەکەمان بشکێنن. ئەوەش بووەتە هۆی تێکدانی ژیانی خەڵک و ئاوارەبوونی زیاتر لە سەد و پەنجا هەزار کەس.
لێرەدا موخاتەبەی ویژدانی گەلانی جیهان و ڕای گشتی و ئازادیخواز و ڕۆشنبیرانی سەرتاسەری جیهان دەکەم کە پشتیوانی گەلی کوردستان بن و ڕێگە لە جینۆساید و کارەساتێکی تازە بگرن کە بەسەر گەلەکەماندا دێت و گوشار بخەنە سەر حکوومەتەکانتان و ناوەندەکانی بڕیار بۆ ئەوەی بێنە دەنگ لەسەر ئەو ستەمەی کە لە گەلی کوردستان دەکرێت. چونکە حکوومەتەکان لەبەر بەرژەوەندییەکانیان، قوربانیی خەڵکی کوردستان و پێشمەرگەیان لە بیر چووە کە لە شەڕی تیرۆرستانی داعش بەخشیویانە و لە جیاتی هەموو جیهان بەرسینگی ڕێکخراوی تیرۆریستی داعشیان گرتبوو و هەزاران شەهید و بریندارمان لەو پێناوەدا. بۆیە داوا دەکەم ڕێگە لەم شەڕ فرۆشتن و کوشتار و پێشێلکاری و ئاوارە کردنی خەڵک بگرن کە حکوومەتی عێراقی لە ڕێگەی میلیشیا و هێزەکانییەوە بە هاوکاری و ڕێنمایی دەرەکی لە دژی کوردستان ئەنجامی دەدات.
هەر لێرەدا داوا لە هەموو کوردستانیانی دانیشتووی ئەوروپا و ئەمەریکا دەکەم کە بە شێوەیەکی یاسایی و ئاشتییانە بۆ پاڵپشتی کردنی گەلەکەمان، خۆپێشاندان و چاڵاکی مەدەنی ئەنجام بدەن و داوای هاوکاری گەلانی ئەو وڵاتانە بکەن کە تیایدا نیشتەجێن کە ئەم شەڕ و ئابلوقەیە لە دژی گەلەکەمان بە زووترین کات ڕابگرن. داواکارم دەنگی مەزلومییەتی کوردستان و پەیامی ئاشتیخوازانەی گەلەکەمان بە جیهانییان بگەیێنن.
پێنچ ملیۆنت و 200 ھزار لترێن پانزینێ دێ گەهنە دھۆک
دهست ب دابهشكرنا موچێ ههیڤا ههشت هاتهكرن
ئهڤرۆ نیوز ، هلورى:
وهزارهتا دارایى و ئابوورى یا حكومهتا ههرێما كوردستانێ دێ دهست موچهیێن مهها ههشت یا سالا 2017 كهت و ژ وهزارهتا پێشمهرگهى دهستپێكر.
رۆژا سێشهمبى رێكهفتى 2017/10/17 دێ موچهیێن ههیڤا ههشت یا سالا 2017 یا دیوانا وهزارهتا پێشمهرگهى و لیوایێن سهر ب وێ ڤه هێنه دابهشكرن.
ڕۆژانێن چوار شهمبى و پێنج شهمبى رێكهفتى 18 و 10/19/ 2017 دێ موچهیێن ههیڤا ههشت یا سالا 2017 یێن ئێكهیێن 80 و 70 یێن وهزارهتا پێشمهرگهى هێنه دابهشكرن.
نيشاندان
WP Facebook Auto Publish Powered By : XYZScripts.com