NO IORG
نووترين نووچه
هه‌لبژارتى1

ئەڤرۆ نیوز، ئەمیر ئەترووشی:

بەرپرسێ راگەھاندن و پەیوەندیان ل سەرۆکاتیا باژێرڤانیا دھۆکێ ئاشکرا کر کو ب کۆژمێ ٦٥٠ ملیۆن دیناران پرۆژێ ڤەکرن و قێرکرنا جادێن قەسارا دەستپێکریە و نھا ب رێژا ٤٤% پرۆژە ھاتیە ئەنجامدان.

ئیسماعیل مستەفا، بەرپرسێ راگەھاندن و پەیوەندیان ل سەرۆکاتیا باژێرڤانیا دھۆکێ بۆ ئەڤرۆ نیوز دیار کر کو ئەڤ پرۆژە ب پشتەڤانیا پارێزگەھا دھۆکێ دھێتە ئەنجامدان و ئەڤە دەمێ ھەشت ھەیڤانە دەست ب پرۆژەی ھاتیە کرن، بەلێ چەند ئاستەنگێن کارەبێ و ھێلێن ئاڤێ و قەرەبووکرنا وەلاتیان پەیدابووینە و سەرەرای ھندێ ژی نھا پرۆژە ب رێژا ٤٤% ھاتیە ئەنجامدان و نوکە ژی کا د چێکرنا ڤی پرۆژەی دا یێ بەردەوامە.

ناڤھاتی ئاماژە دا وێ چەندێ کو نھا ڤەکرنا جادان ب دووماھی ھاتیە و ل گەل ڤەکرن و قێرکرنا جادێن قەسارا دێ رێیا سەرەکی ژ زالگەھا ئالوکا و ھەتا دچیتە دناڤ گۆندی ژی دا ھێتە چێکرن و گۆت: “نھا نێزیکی ھزار و ٥٠٠ مالان ل گۆندێ قەسارا دژین و ١٣ کۆلانێن وێ دێ سەر ژ نوو ھێنە ڤەکرن و ھندەک جادە ژی دێ ھێنە قێرکرن”.

نێچيرڤان بارزانىئه‌ڤرۆ نيوز:

به‌رى ده‌مه‌كێ كێم كۆمبوونا په‌رله‌مانێ كوردستانێ ب رێڤه‌ چوو و تێدا نێچيرڤان بارزانى ب ده‌نگێن پتريا ئه‌ندامێن په‌رله‌مانى وه‌كو سه‌رۆكێ هه‌رێما كوردستانێ هاته‌ هه‌لبژارتن.

د كۆمبوونا ئه‌ڤرۆ يا په‌رله‌مانى دا، سه‌ره‌راى پشكدارينه‌كرنا ئێكه‌تى نشتيمانى كوردستان يا ژ نيشكه‌كێ ڤه‌، نێچيرڤان بارزانى 68 ده‌نگێن 81 ئه‌ندامێن په‌رله‌مانێ كوردستانێ ب ده‌ست خوه‌ ڤه‌ ئينان وه‌كو سه‌رۆكێ هه‌رێما كوردستانێ هاته‌ هه‌لبژارتن.

هه‌ر چه‌نده‌ پشكداريكرن و نه‌كرنا ئێكه‌تى نشتيمانى كوردستان چو ژ هاوكێشا كۆمبوونا په‌رله‌مانێ كوردستانێ نه‌دكر، به‌لێ ماوه‌كێ زۆره‌ پارتى دخواست د پرۆسا سياسى دا پشكدار بكه‌ت، به‌لێ وه‌سان دياره‌ ئه‌وان بۆچوونه‌كا دى يا هه‌ى.

ئەڤرۆ نیوز، عەلی حاجی:

بازارێن فرۆتنا جلکان ل زاخۆ، ئێک ژ سەرەکیترین بازارایە د ناڤ سەنتەرێ قەزا زاخۆ دا، رۆژانە ھژمارەکا زۆرا وەلاتیان قەستا وی بازاری دکەن بو کڕینا جلکان، لێ ژ ئەگەرێ بچووکیا ئاڤڕێژێن وی بازاری، دکاندار و وەلاتی تووشی چەندین گرفتان دبن.

فاخر گوللی ئێک ژ دکاندارێن فرۆتنا جلکان ل وی بازاری بۆ ئەڤرۆ نیوز دیار کر، ل وەرزێ زڤستانێ، ب تایبەتی ژی د دەما بارینا بارانێ دا ئەو تووشی چەندین گرفتان دبن، ژ بەرکو ئاڤڕێژێن بازاری گەلەک دبچووکن و گۆت: “زێدەتری ١٠٠ دکان و ھۆتێل و شوقە ل سەر وان ئاڤڕێژانە، لەو دەما باران دباریت گەلەک ئاستەنگ ل ھەمبەر کارێ مە دەردکەڤن و وەلاتی نەشێن وەکو پێدڤی قەستا دوکانێن مە بکەن، ئەڤێ ژی کارتێکرنەکا نەرێنی یا ل کارێ مە کری”.

فاخری گۆتژی: “ل سالا ٢٠١٦ مە نڤیسارەک دابوو باژێرڤانیا زاخۆ و زێدەتری ١٢٠ ئیمزایان ژی کۆمکر بوون، بەلێ ھەتا نوکە دبێ دەنگن، د دەما دروستکرنا پارکا شەھیدان دا سەرۆکێ باژێرڤانیا زاخۆ سۆز دابوو مە، ھەردەما پارکا شەھیدان ب دووماھی ھات دێ ئێکسەر ئاڤڕێژێن بازاری دروستکەن، لێ ئەڤە زێدەتری سالەکێ یە ئەو پارکە ب دووماھی ھاتی و سەرۆکێ باژێرڤانیێ ژی سۆزا خوە ب جە نەئینا”.

ئەڤرۆ نیوز:

سەربەست تروانشی، ئەندامێ جڤاتا سەرکردایەتیا پارتی و بەرپرسێ لقێ ئێکێ پارتی دیموکراتی کوردستان ئەڤرۆ ٢٧/٥/٢٠١٩ ل بارەگایێ لقێ پێشوازی ل فەرھاد ئەمین ئەترووشی، پارێزگارێ دھۆکێ کر و د ھەڤدیتنەکێ ھەر دو لایان دوپاتی ل سەر ھاریکاریکرنا وەلاتی و مالباتێن شەھیدان کر.

دیسا د وێ ھەڤدیتنێ دا پارێزگەرێ دھۆکێ و بەرپرسێ لقێ ئێکێ پارتی سوپاسیا خەلکێ پاریزگەھا دھۆکێ کر ژ بۆ پێگیریکرنا وان ب رێنمایێن ھەیڤا رەمەزانا پیرۆز، دیسا دوپاتی ل سەر وێ ئێکێ کر کو د ڤان رۆژێن داھاتی دا یێن عەرەفات و جەژنێ رۆژێن خێر و بەرەکەتێ بن بۆ خەلکێ کوردستانێ و ب تایبەتی دلھینیەک و گرنژینەک بۆ مالباتێن شەھیدێن سەربلند بھێتە پەیداکرن و ھاریکاریا وان بھێتە کرن.

بەرپرسێ لقێ ئێکێ پارتی سوپاسیا پاریزگاری کر ژ بۆ وان ھاریکاریێن بۆ بەرنامێ مەھا رەمەزانێ پێشکێشکرین، ژ لایێ خوەڤە ژی پارێزگارێ دھۆکێ دەستخوشی ل بەرپرسێ لقێ کر ژ بۆ وی بەرنامێ د ھەیڤا رەمەزانێ دا دانای کو شیایە ژ نێزیک دگەل ھەموو تەخ و توێژێن سەنتەرێ پارێزگەھا دھۆکێ و سێمێلێ ب روونیت چەندین دیاری و ھاریکاری گەھاندینە وان.

ئه‌ڤرۆ نیوز:

(سەربەست تروانشی) ئەندامێ ئەنجومەنێ سەركردایەتیا پارتی بەرپرسێ لقا ئێك ل بارەگایێ لقێ پێشوازیا (زكری بشیر) خودانێ كومپانیێن كاڤین گروپ و دارین گروپ كر، بەرپرسێ لقێ سوپاسیا ھەستێ وی یێ نەتەوایەتی نیشتمانی لھەمبەر وان ھاریكارێن بەرنامێ ھەیڤا رەمەزانێ پێشكێشكرین و ھیڤی خواست نموونێن وەكی وی زوڕ ببن ھەر ژبەر ڤێ مەرەمێ ژی بەرپرسێ لقێ رێزلێنانەك پێشكێشی وی كر ژ بۆ كارێ وی یێ مروڤایەتی، ناڤبری سوپاسیا بەرپرسێ لقێ كر ژ بۆ خەمخوریا وی یا بەردەوام دگەل مالباتێن پێشمەرگە و مالباتێن شەھیدان و ھەژاران كو ئەڤە ژی نیشانا وەفاداریا وى یە ژ بۆ رێبازا پیروزا بارزانیێ نەمر و پارتی.

61193340_2462260147169483_4549510164885012480_n

ئەڤرۆ نیوز:

سەربەست تروانشی، ئەندامێ جڤاتا سەرکردایەتیا پارتی و بەرپرسێ لقێ ئێکێ پارتی دیموکراتی کوردستان ب ئامادەبوونا بەرپرسێ نڤیسینگەھا جڤاکی و کاروبارێن شەھیدان ل لقێ ئێک ئەڤرۆ ٢٧/٥/٢٠١٩ ل سنوورێ لیژنا ناوچا بەرخودان دگەل ھژمارەکا بەرچاڤ یا مالباتێن شەھیدان کومبوو و بەرپرسێ لقێ ھاریکاریێن دراڤی ل سەر وان پارڤەکرن.

ل دووڤ وی بەرنامێ لقێ ئێکێ پارتی داڕێژتی، بەرپڕسێ لقێ گوت: “ئەڤ خزمەتا ئەم پێشکێشی مالباتێن شەھیدان دکەین، ل دووڤ شیرەت و راستپاردێن جەنابێ سەرۆک مەسعود بارزانی نە ژ بۆ خوەشکرنا ژین و ژیارا مالباتێن شەھیدان”.

بەرپرسێ لقێ ئاماژە دا وێ چەندێ ژی کو د ناڤ ھەر میللەتەکی دا ھندەک مرۆڤێن ژێگرتی ھەنە و خودان سیفەتێن تایبەتن، ئەو ژی ئەو کەسن یێن بۆ ب دەستڤەئینانا سەرفەرازیێ دەست ژ ھەموو خوشیێن دونیایێ بەر ددەن و ئەو قەھرەمانن یێن ئینەتێن پاقژ و ب بیروباوەری دچنە د سەنگەرێن شەرەفێ دا و دبنە ئاشقێن خزمەت و خەبات و فیداکاریێ کو ئەو ژی شەھیدن.

ژ لایێ خوەڤە مالباتێن شەھیدان ژی سوپاسیا بەرپرسێ لقێ کر ژ بۆ خەمخوری و وێ پووتەدانا بەردەوام یا ب مالباتێن شەھیدان ددەت.

ئەڤرۆ نیوز:

ژێدەرەکی ژ پەرلەمانێ کوردستانێ ژڤانێ راسپاردنا مەسرور بارزانی بۆ پێکئینانا کابینەیا نوو یا حوکمەتا ھەرێما کوردستانێ ئاشکرا کر.

ل دووڤ وان زانیاریێن ھاتینە بەلاڤ کرن پشتی رۆژا سێشەمبی ٢٨-٥-٢٠١٩ پەرلەمانێ کوردستانێ نێچیرڤان بارزانی د ھەلبژێریت بۆ پوستێ سەرۆکێ ھەرێمێ، ل رۆژا ١٠ حوزەیرانا ٢٠١٩ د رێورەسمەکێ ژ ھەژی دا ل ھۆلا شەھید سەعەد عەبدولا دێ ب ئامادەبوونا بەرپرسێن حکومی و حزبی دگەل نوونەرێن چەندین وەلاتان دێ سویندا یاسایی خوت.

ھەر دووڤ وان زانیاریان رۆژا ١١-٦-٢٠١٩ فراکسیونا پارتی دێ مەسرور بارزانی ھەلبژێریت بۆ پێکئینانا کابینەیا نوو یا حوکمەتا ھەرێما کوردستانێ و ب فەرمی ژی دێ ژ لایێ پەرلەمانێ ھەرێمێ ڤە دێ ھێتە راسپاردن داکو د ماوێ ھەیڤەکێ دا حوکمەتا نوو پێکبینت.

ھەولێر، قائید میرۆ:

بەرپرسەکێ وەزارەتا ئاڤاکرنێ ئاشکرا کر، پڕۆژێ رێیا بلەز یا ھەولێر بۆ ئیبراھیم خەلیل ھێشتا مایە و حوکمەت یا رژدە ل سەر ب جھئینانا وێ و دبێژیت: رێیا کەڤن دێ ھەر مینیت و رێیا بلەز دێ ھێتە چێکرن مینا وەلاتێن پێشکەفتی.

زانا عوزێری، رێڤەبەرێ گشتیێ پلاندانانێ ل وەزارەتا ئاڤاکرنێ بۆ ئەڤرۆ نیوز دیار کر، چەندین پڕۆژەیێن گرنگ د پلانا وەزارەتا ئاڤاکرن و ئاکنجیکرنێ دا ھەنە، بەلێ د دەمێ نوکە دا وەزارەت مژوولی ڤێ چەندێ یە د دەمەکێ زوودا رێیا سەرەکیا ھەولێر دھۆک بھێتە ب جھئینان و پڕۆژە ب باشترین شێوە ب دووماھی بھێت کو بەری چەند رۆژان ل سەنتەرێ ھەولێرێ ژی دەست پێ ھاتیەکرن بۆ سەر پرا گوپالەی، بڕیارە لەزێ بھێتەکرن بۆ تەمامکرنا جووتسایدێ ھەولێر دھۆک.

زانا عوزێری ئاماژە ب وێ چەندێ ژی کر، رێیا سەرەکیا ھەولێر ئیبراھیم خەلیل ژی دیزاین بۆ ھاتیە کرن بەری قەیرانا دارایی کو ب درێژاھیا ١٨٢ کیلۆمەترانە و رێیا تایبەتە کو ل پتریا وەلاتێن ئورۆپا ئەڤ جۆرێن رێکێن بلەز ھەنە و گۆت: “مە پێدڤی ب وەبەرھێنەرەکی ھەیە بۆ ب جھئینانا پڕۆژەی، چونکو پڕۆژە دێ بیتە یێ تایبەت و رێیا زۆرا بلەز و سەلامەت ل سەنتەرێ ھەولێرێ ھەتا دگەھیتە ئیبراھیم خەلیل، جھێن بازرگانی یێن دکەڤنە سەر پڕۆژە ژی دێ دەینە وەبەرھێنەری و ھاتنوچوون ژی دێ ب پارەکێ کێم بیت، بەلێ رێکێن دی دێ ھەر وەکی خوە مینن”.

ئەڤرۆ نیوز:

لقێ ئێکێ پارتی دیموکراتی کوردستان ب ھەلکەفتا (٥٠) سالیا پارێزگەھبوونا دھۆکێ برۆسکەکا پیرۆزباھیێ بەلاڤ کر و تێدا ھاتیە: بناڤێ لقێ ئێکێ پارتی دیموکراتی کوردستان گەرمترین پیرۆزباھیان ئاراستەی تەڤایا خەلکێ پارێزگەھا دھۆکێ دکەین، پارێزگەھبوونا دھۆکێ وەکو سەنتەرەکێ گرنگێ دەڤەرا بەھدینان ب دەستکەفتەکێ نشتیمانی و نەتەوەیی یێ شۆڕەشا ئیلۆنێ ب سەرکێشیا بارزانیێ نەمر دھێتە ھژمارتن.

لقێ ئێکێ پارتی د وێ برۆسکا پیرۆزباھیێ دا خویا کریە کو پارێزگەھا دھۆکێ ناڤەندا ڤەژاندنا ھزرا کوردایەتیێ و نشتیمانپەروەری و پێکڤەژیانێ یە و رۆلەکێ گرنگ د ھەموو قووناغێن بزاڤا رزگاریخوازا کوردستانێ دا گێڕایە، دیسا پێشەنگ بوویە د قوربانیدانێ دا پێخەمەت ئازادی و سەرفەرازیا ئەڤرۆ و تێدا ھاتیە: “ئەڤرۆ ژی پارێزگەھا دھۆکێ بوویە پەناگەھەکا ئارام بۆ ئاوارە و لێ قەومایێن دەڤەرێن دەوروبەرێن دھۆکێ، خەلکێ وێ وەکو ئەرکەکێ مرۆڤایەتی و نشتیمانپەروەری د ھاریکار بووینە د گەل دەربەدەر و ئاواران”.

لقێ ئێک ئاماژە ب وێ چەندێ ژی کریە کو دھۆک دەڤەرەکا ھەژار و نەچاڤدایی و کاڤل کری بوویە، لێ پشتی سەرھلدانا ١٩٩١ ب پشتەڤانیا حوکمەتا ھەرێما کوردستانێ د وەرار و پشڤەچوونێن بەردەوام دایە ژ لایێ پەروەردەیی، زانستی، ئابووری، سیاسی و کەلتۆری ڤە، دوبارە رۆژا پارێزگەھبوونا دھۆکێ ل تەڤایا خەلکێ پارێزگەھا دھۆکێ پیرۆز دکەین.

ئەڤرۆ نیوز:

ب ھەلکەفتا سالڤەگەرا شۆرەشا گۆلانا نشتیمانی و پێشکەفتن خواز (سەربەست تروانشی) ئەندامێ ئەنجومەنی سەرکردایەتیا پارتی دیموکراتی کوردستان و بەرپرسێ لقێ ئێک سمینارەک ب ئامادەبوونا پێشمەرگە و کادرێن شۆرەشا گۆلانێ ل ھۆلا بارەگایێ لقێ ئێک پێشکێشکر.

سەربەست تروانشی، ئەندامێ ئەنجومەنی سەرکردایەتیا پارتی دیموکراتی کوردستان و بەرپرسێ لقێ ئێک ب ڤێ ھەلکەفتێ سلاڤ ل وان پێشمەرگێن شۆرەشا گۆلانێ و وان دایکێن کو قەھرمانێن مەزن ئاڤاکرین بۆ خوە گوریکرنێ بۆ ئازادی و کرامەتا مرۆڤێن کوردستانێ و ھەروەسا پیرۆزباھی ل پێشمەرگێن رۆژێن گرانێن گەلێ کوردستانێ و سەرۆک مەسعود بارزانی راگەھاندن کو ب سیاسەتا حەکیمانە جەنابێ وی و رێبازا پیرۆزا بارزانیێ نەمر ئەم شیاین ھەڤرکیا رژێما گوربەگورا بەعسیا بکەین و رۆژ بۆ رۆژێ داستانان توماربکەین تا گەھاندیە ئەڤرۆ یا کوردستانێ کو یا پرە ژ دەستکەفت و سەرکەفتنان بۆ پاراستنا ڤێ ئێکێ ژی ئەم پێدڤی ب ھێزا پاراستنا وێینە، چونکی بۆ ڤێ ئێکێ گەلەک عەزیزان جانێ خوە گوری کریە داکو ئەم ھەبین.

ھەر ب ڤێ ھەلکەفتێ ژی چەندین دیاری ل سەر زارۆیێن بێ سەمیان ل پارێزگەھا دھۆکێ ھاتنە بەلاڤکرن کو ڤێ ئێکێ ژی گرنژینەک سەر دێمێ وان پەیداکر، ھەروەسا ب ڤێ ھەلکەفتێ چەندین کەسایەتی ژی ھاتنە رێزلێنان.

website security
WP Facebook Auto Publish Powered By : XYZScripts.com