ئەڤرۆ نیوز:

سەرۆکێ حکومەتا هەرێما کوردستانێ پەیامەک ل توویتەری بەلاڤکریە و راگەهاند، پێکڤە ئەم دێ ڤی شەری بەین و دێ گیانێ هەڤنیشتیمانیان پارێزین و گۆتیە، مە بریارا 48 دەمژمێران پشتی زێدەبوونا پێشێلکاریان سەپاند.

مەسرور بارزانی، سەرۆکێ حکومەتا هەرێما کوردستانێ راگەهاند، مە بۆ ماوێ 48 دەمژمێران قەدەغەیا هاتنوچوونێ ل کوردستانێ سەپاند، پشتی کو پابەند نەبوون ب رێنمایان زێدە ببوون.

سەرۆکێ حکومەتا هەرێم کوردستانێ گۆتیە، پابەندبوونا هەوە زۆر گرنگە و دڤێت د مالدا بمینین و نەهێنە ژ دەرڤە.
هەروەسا گۆتیە، مە خەلکێ کوردستان دۆخێن سەخت دیتینە، هیڤیدارین ب کێمترین زیان سەر بکەڤین و پێکڤە دێ ڤی شەری بەین و دێ گیانێ هەڤنیشتیمانیان پارێزین.

دهۆك، له‌زگین جوقى

به‌رپرسێ راگه‌هاندنێ رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو ژ 12 تووشبووین كورونا ل دهۆكێ شه‌ش ژى ب ته‌مامێ چاره‌سه‌ربووینه‌ بتنى ئه‌ڤرۆكه‌ ده‌هان پشكنینن هاتینه‌ كرن هه‌تا نوكه‌ 851 كه‌س ژ ناڤ كه‌ره‌نتینەکرنێ چووینه‌ مالێن خوه‌.
حه‌مزه‌ ره‌زیكى، به‌رپرسێ راگه‌هاندنێ رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو بتنێ ئه‌ڤرۆ ل دهۆكێ 61 كه‌س هاتینه‌ كه‌ره‌نتینەكرن و 851 كه‌س ژ كه‌ره‌نتینێ چووینه‌ مالێن خوه‌ هه‌ر ژ ده‌ستپێكى هه‌تا ئه‌ڤرۆ هزار و 515 كه‌س ل دهۆك هاتینه‌ كه‌رەنتینەكرن بتنى ئه‌ڤرۆكه‌ 70 پشكنین هاتینه‌ كرن هه‌تا نوكه‌ ل دهۆكێ 1138 پشكنین یێن هاتینه‌ كرن بۆ كه‌سێن گومانلیكرى دئه‌نجامدا ژى 12 تووشبوویێن كۆرۆنا هه‌تا ئه‌ڤرۆ ل دهۆكێ هاتینه‌ ده‌ستنێشانكرن ژوانا ژى شه‌ش ب ته‌مامێ چاره‌سه‌ربووینه‌”.
خۆیا ژى كركو:” هه‌تا نوكه‌ ل دهۆكێ 664 كه‌س دناڤ كه‌ره‌نتینان دا ماینه‌ بتنى ئه‌ڤرۆكه‌ 36 كه‌س ژ كه‌رنتینان چووینه‌ مالێن خوه‌ و دماوێ 24 ده‌مژمێرین بۆرێدا ل پارێزگه‌ها دهۆكێ چوو حاله‌تێن كۆرۆنا نه‌هاتینه‌ ده‌ستنێشانكرن به‌رده‌وام تیمێن ساخله‌میا دهۆكێ دئه‌ركێ دانه‌ بۆ خزمه‌تكرنا وه‌لاتیان”.

ئەڤرۆ نیوز:

وەزارەتا نافخۆ یا هەرێما کوردستانێ د راگەهاندنەکێ دا دبێژیت بۆ دەمێ 48 دەمژمێران هاتنوچوونا ترۆمبێلان و پێیان ب تەمامی دێ هێتە قەدەغە کرن و هەر کەسێ سەرپێچیێ بکەت دێ هێتە سزادان.
بریارا وەزارەتا نافخۆ دەمژمێر 12:00 نیڤرۆیا رۆژا 4-4-2020 دێ هێتە جێبەجێکرن.

وەزارەتا نافخۆ دیارکریە، قه‌ده‌غه‌یا هاتنوچوونێ وه‌ك پێدڤی نەهاتیە جێبه‌جێ ‌كرن، لەوما مە ئەڤ بریارە دەرکرینە‌:

ئێک: راگرتنا هاتنوچوونا ب ترۆمبێل و پیان ب ‌شێوه‌کێ ته‌مام ل گشت پارێزگەهێن (هه‌ولێر، سلێمانی، دهۆك، هه‌له‌بجه‌ و ئیدارێن سه‌ربه‌خۆ یێن راپه‌رێن و گه‌رمیان و گشت یه‌كێن‌ كارگێڕی) بۆ ماوێ 48 دەمژمێران، هه‌ر كه‌سەکێ سه‌رپێچیێ بكەت پێدڤیە ژ لایێ وان هێزێن‌ ئه‌منی یێن هاتینە راسپاردن ب جێبه‌جێكرنا بڕیارا راگرتنا هاتنچوونێ بهێنە ده‌ستگیر کرن و ترۆمبێلێن وان ده‌ست ب سه‌ردا بهێتە گرتن و لدووڤ قانوونێ دێ رێكاران به‌رامبه‌ری وان گرینە به‌ر.

دو: هه‌ر ئه‌فسه‌ر و كارمه‌ندەکێ سه‌ر ب ‌هێزێن ئاسایشا نافخۆ و ئاسایشێ و وه‌زاره‌تا پێشمه‌رگەی‌ و ئه‌و هێزێن سه‌ر ب‌ هێزێن ئیتحادی یێن عیراقی و ل ناڤا هه‌رێمێ خزمه‌تێ د‌كه‌ن، ئه‌گه‌ر د ‌ئه‌ركێ فه‌رمیدا نه‌بن و ترۆمبێلێن سه‌ربازی یان ناسناما سه‌ربازی ب كاربینن بۆ شكاندنا قه‌ده‌غه‌یا هاتنوچوونێ پێدڤیە‌ ژ لایێ هێزێن ئه‌منی ڤە بهێنە‌ ده‌ستگیر كرن و ترۆمبێلێن وان ده‌ست ب ‌سه‌رداب بهێتە گرتن و لدوڤ قانوونێ دێ رێكار به‌رامبه‌ر هێنە وەرگرتن و ل هه‌ر پۆستێ و پلەکێ دا بن و پێدڤیە بسه‌لمینن كو‌ د ئه‌ركێ فه‌رمیدانە.

هەروەسا ئەڤ بریارە هەموو وان فەرمانبەر و ستافێ ساخلەمیێ ژی ڤەدگریت یێن کو د ئەرکی دا نەبن.

ب، زنار تۆڤی:

دهۆك، له‌زگین جوقی

جێگری پارێزگارێ مووسل دیاركركو بریار هاتبوو دان هه‌یڤا بۆریدا روفاتیێن ئێزدیان یێن ژناڤ گۆرێ ب كۆم هاتینه‌ ده‌رخستن رێ‌ وره‌سمه‌كا‌ مه‌زن دا ل شنگال بهێنه‌ ڤه‌شارتن لێ‌ ژبه‌ر ڤایرۆسێ كورۆنا روفات نه‌هاتنه‌ ڤه‌شارتن.

عه‌لی عومه‌ر ، جێگری پارێزگارێ مووسل دیاركركو17 گۆرێن بكۆم یێن خه‌لكێ‌ گۆندێ كۆچۆ هاتبوونه‌ ڤه‌كرن دئه‌نجامدا 250 روفات ژناڤ وان گۆرێن بكۆم هاتبوونه‌ ده‌رخستن و ناسنامه‌یێن 62 كه‌سان هاتینه‌ ئاشكران یێن یێن دیتر ئاشكرا نه‌بووینه‌ ئه‌ڤ كه‌سێن ناسنامه‌یێن وان هاتینه‌ ئاشكراكرن بریار بوو هه‌یڤا بۆرێدا هه‌یڤا سیێ‌ سالا 2020ێ‌ هه‌موو د رێ‌ وره‌سمه‌ا‌ مه‌زن دا به‌رهه‌ڤبوونا كه‌س و كارێن قوربانیان ل شنگال بهێنه‌ ڤه‌شارتن لێ‌ ڤایرۆسێ كورۆنا رێ‌ نه‌دا ئه‌ڤ رێ‌ و ره‌سم بهێنه‌ گێران بۆ ڤه‌شارتنا روفاتیێن ئێزدیان له‌ورا ژی ڤه‌شارتن هه‌موو روفاتیێن ناسنامه‌یێن وان هاتینه‌ ئاشكراكرن بۆ ده‌مه‌كێ‌ نه‌ دیار هاتینه‌ پاشئیخستن.

 
ئەڤرۆ نیوز:

سەرۆکێ حکومەتا هەرێما کوردستانێ د کۆمبوونا جڤاتا وەزیران دا داخواز کر، کو بارگرانیا ل سەر ملێن خەلکێ کاسبکار و کرێچیان بهێتە کێمکرن و لژنەک بۆ پێکئینایە.

رۆژا چارشەمبی جڤاتا وەزیران بۆ ئێکەمجار د مێژوویێ دا ب شێوێ ئۆنلاین کۆمبووینە و د وێ کۆمبوونێ دا، سکرتێرێ جڤاتا وەزیران رەشنڤیسێ بڕیارەکێ خستیە بەرچاڤ بۆ پشتگیریکرن و ئاسانکاریان و وێ بارگرانیا کاسبکار و کرێچیێن ب ئەگەرێ رێکارێن خوە پارێزیێ ژ ڤایرۆسێ کۆرۆنا یێ تووشی زیانێ بووین.

د وێ کۆمبوونێ دا مەسرور بارزانی، سەرۆکێ حکومەتا هەرێما کوردستانێ لژنەکا قانوونی ل جڤاتا وەزیران راسپاردیە بۆ هندێ میکانیزما قانوونی ببینن بۆ کێمکرنا وێ بارگرانیا ل سەر ملێن خەلکێ کاسبکار و کرێچی، کو ب ئەکەرێ رێکارێن خوە پارێزیێ ژ ڤایرۆسێ کۆرۆنا زیان پێکەفتیە.