ئه‌ڤرۆنيوز:
به‌رى ده‌مه‌كێ كێم بيڤه‌له‌رزه‌ك ل هه‌موو هه‌رێما كوردستانێ روودا، ب تايبه‌تى ل سلێمانيێ وهه‌ولێرێ وهه‌له‌بجه وه‌لاتيان هه‌ست پێكر و گه‌له‌ك ژوان هاتنه ده‌رڤه‌ى مالێن خوه.
نووترين نووچه
- سەرۆك بارزانی پێشوازی ل قۆنسلێ نوو یێ ئیرانێ ل هەولێرێ كر
- سەرۆك بارزانی و قۆنسلێ فەلستینێ پێشهاتێن دەڤەرێ گەنگەشەكرن
- سەرۆك بارزانی پێشوازی ل شێخ خەمیس خەنجەر كر
- نێچیرڤان بارزانی دێ سەرەدانا بەغدا كەت
- نابیت ئەم هەموو كێشەیێن خوە تنێ د بابەتێ مووچەیی دا كورت بكەین
- سەرۆكێ حوكمەتا هەرێمێ و جێگرا بالیۆزێ ئیتالیایێ دوپاتیێ ل پێدڤییا رێزگرتنێ ل مافێن دستووری یێن خەلكێ كوردستانێ دكەن
- پێشەوا هەورامانی: وەزیرێن كورد د حوكمەتا ئیراقێ دا دێ پەیاما كوردستانێ گەهیننە بەغدا
- ئەحمەد تورک دێ ڤەگەڕیتە ڤە سەر کارێ خوە
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
سه‌ره‌كى نووترين نووچه
ترامپى جه‌ژنه‌كا جوهيان ساخكر
ئه‌ڤرۆنيوز:
دونالد ترامپ سه‌رۆكێ ئه‌مريكا ئاهه‌نگه‌ك ل كۆچكا سپى ب هه‌لكه‌فتا جه‌ژنا حه‌نوكه‌ى يا جوهيان سازكر وراگه‌هاند” شانازيێ دكه‌م كو ل گه‌ل گه‌لێ ئيسرائيلێ راوه‌ستيايم”.
ترامپى گۆتاره‌ك بۆ به‌رهه‌ڤبوويان پێشكێشكر وگۆت” حه‌نوكه هه‌لكه‌فته‌كه بۆ هه‌موو خێزانێن جوهى ل سه‌رانسه‌رى جيهانێ تاكو ئاهه‌نگان بگێرن بۆ وان موعجيزێن ژكه‌ڤن دا بووين وهه‌روه‌سا ئه‌و سۆزێن بۆ پاشه‌رۆژێ هه‌ين”.
گۆت ژى” شانازيێ دكه‌م كو ل گه‌ل گه‌لێ ئيسرائيلێ راوه‌ستيايم ودێ په‌يوه‌نديێن ب هێز يێن ئه‌مريكا وئيسرائيلێ نوو بن”.
ل 6/12/2017، وه‌كو دهاته چاڤه‌رێكرن، ترامپى دگۆتاره‌كێ دا، باژێرێ قودسێ وه‌كو پايته‌ختێ فه‌رميێ ئيسرائيلێ هژمارت وبريارا ڤه‌گۆهاستنا باليۆزخانا ئه‌مريكا ژ ته‌ل ئه‌بيب بۆ قودسێ ده‌ركر وپتريا وه‌لاتێن عه‌ره‌بى وجيهانێ دژى وێ بريارێ راوه‌ستان.
وه‌زيره‌كێ حوكمه‌تێ به‌حسێ مووچێ شه‌ش هه‌يڤێن داهاتى دكه‌ت
ئه‌ڤرۆنيوز:
وه‌زيره‌كێ حوكمه‌تا هه‌رێما كوردستانێ ل دۆر كۆمبوونا ئه‌ڤرۆ يا جڤاتا وه‌زيران، دبێژيت به‌حس ل پرسا مووچێن شه‌ش هه‌يڤێن داهاتى هاته كرن.
مه‌حموود حاجى سالح وه‌زيرێ كاروبارێن شه‌هيد وئه‌نفالكريان ل هه‌رێمێ راگه‌هاند” ته‌وه‌ره‌كێ گرنگ يێ كۆمبوونا جڤاتا وه‌زيران په‌يوه‌ندى ب مووچه‌ى وداهاتى ڤه هبوو”.
گۆت ژى” د وێ كۆمبوونێ دا، بۆ چاوانيا به‌لاڤكرنا مووچه‌ى، به‌حسێ داهاتێ شه‌ش هه‌يڤێن سالا 2018 هاته كرن، ئه‌وژى هاته به‌حسكرن ئايا ئه‌و داهاتێ دهێت دێ تيرا مووچه‌ى كه‌ت، يان نه”.
وه‌زيرێ كاروبارێن شه‌هيد وئه‌نفالكريان زێده‌تر بۆ باسنيوز گۆت”دوێ راپۆرتا هاتيه به‌رچاڤكرن دياربوو كو داهاتێ شه‌ش هه‌يڤێن بهێت تێرا مووچه‌ى ناكه‌ت، له‌وما بريار هاته دان، هنده‌ك چاكسازى بهێنه كرن وپارێ هنده‌ك خه‌رجيان بهێنه كێمكرن بۆ وێ چه‌ندێ پاره بۆ مووچه‌ى بهێته دابينكرن وبه‌لاڤكرنا مووچه‌ى يا به‌رده‌وام بيت”.
ل دۆر مووچێ هه‌يڤا ئه‌يلوولا 2017، گۆت” كى دبێژيت مووچێ هه‌يڤا ئه‌يلوولێ ناهێته دان؟ من قه‌ناعه‌ت يا هه‌ى مووچێ هه‌يڤا 9 دێ هێته دان، له‌وما دكۆمبوونێ به‌حس نه‌هاته كرن، چونكى كێشه نينن ودێ هێته دان”.
ب به‌لگه: بزاڤ يێ دهێنه كرن ئه‌ڤ بهێنڤه‌دانه ل هه‌رێمێ نه‌مينيت
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ فراكسيۆنا نه‌ته‌وه ل په‌رله‌مانێ كوردستانێ راگه‌هاند كو ئه‌وان ئيمزايێن پێدڤى بۆ راكرنا بهێنڤه‌دانا جه‌ژنا له‌شكرێ عيراقێ يێن كۆم كرين و راده‌ستى سه‌رۆكاتيا په‌رله‌مانى كرين.
ئارى هه‌رسين سه‌رۆكێ فراكسيۆنا نه‌ته‌وه ل په‌رله‌مانێ كوردستانێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤه ژ دامه‌زراندنا له‌شكرێ عيراقێ ل سالا 1920ێ و هه‌تا نوكه حوكمه‌تێن ئێك ل دووڤ ئێكێ يێن عيراقێ يێ ب ڤى له‌شكرى كوردان ژ ناڤ دبه‌ن، قڕ دكه‌ن، جينوسايد دكه‌ن، ئاواره دكه‌ن و دكوژن، ئه‌م ژى يێ ب هه‌لكه‌فتنا دامه‌زراندنا وى له‌شكرى دكه‌ينه بهێنڤه‌دان”.
هه‌ر سال ل سه‌رانسه‌رى عيراقێ و هه‌رێما كوردستانێ ژى ب هه‌لكه‌فتا رۆژا دامه‌زراندنا له‌شكرێ عيراقێ كو دكه‌ڤيته 6ى كانوونا دويێ بهێنڤه‌دانا فه‌رمى يه ل هه‌موو داموده‌زگه‌هێن حوكمه‌تێ.
ئارى هه‌رسين ئاشكه‌را ژى كر كو بۆ نه‌هێلانا ڤێ بهێنڤه‌دانا وان ئيمزاريێن 11 په‌رله‌مانتاران كو رێژه‌يه‌كا قانوونى يه بۆ پێشكێشكرنا پرۆژه‌يه‌كى، به‌رهه‌ڤ كرينه و داينه سه‌رۆكاتيا په‌رله‌مانى،
“بڕياره‌ب زووترين ده‌م بكه‌ڤيته ناڤا به‌رنامێ په‌رله‌مانێ كوردستانێ و ببيته پرۆژه”.
سه‌رۆكێ فراكسيۆنا نه‌ته‌وه ل په‌رله‌مانێ كوردستانێ گه‌شبينيا خوه دياركر كو ئه‌ڤ پرۆژێ وان دێ سه‌ركه‌فتنێ ئينيت و گۆت: “پێشبينى دكه‌م ئه‌ڤ ساله ئه‌و رۆژ نه‌بيته بهێنڤه‌دانا فه‌رمى”. خواست ژى كو رۆژه‌كا تايبه‌ت بۆ شه‌هيدان يان ژى پێشمه‌رگه‌ى بهێته ده‌ستنيشانكرن.
مەسرور بارزانی ل دۆر كێشێن هه‌ولێرێ وبه‌غدا: ئاماژێن مه‌ترسيدار يێن هه‌ين
ئه‌ڤرۆنيوز:
ئەڤرۆ دوشەمبى 11/12/2017، شيره‌تكارێ جڤاتا ئاسایشا ھەرێما کوردستانێ، ل گەل باڵیۆزێ ئەلمانیا ل عيراقێ كۆمبوو.
مەسرور بارزانی، شيره‌تكارێ جڤاتا ئاسایشا ھەرێما کوردستانێ ، ل گەل سیریل نۆن، بالیۆزێ ئەلمانیا ل عيراقێ و شاندێ دگه‌لدا كۆمبوو وبه‌حسێ په‌يوه‌نديێن هه‌رێمێ وئه‌لمانيا ودووماهى ره‌وشا ده‌ڤه‌رێ وكێشێن دناڤبه‌را هه‌ولێرێ وبه‌غدا هاتنه كرن.
ل دۆر ئالۆزيێن دناڤبه‌را هه‌رێما كوردستانێ وبه‌غدا، باليۆزێ ئه‌لمانى، هه‌لويستێ وه‌لاتێ خوه بۆ پشته‌ڤانيكرنا زوو ده‌ستپێكرنا دانوستاندنان ل سه‌ر بنه‌مايێ دستوورى دووپاتكر وراگه‌هاند كو دێ بزاڤێن خوه كه‌ن كو ره‌وش ژڤێ ئالۆزيێ ده‌ركه‌ڤيت وده‌ست ب دانوستاندنان بهێته كرن، دياركر ژى كو ئه‌لمانيا پشته‌ڤانيا هه‌رێما كوردستانه‌كا ب هيز وپێشكه‌قتى وخودا مافێن خوه يێن دستوورى دعيراقێ دا دكه‌ت.
مەسرور بارزانی، رۆلێ ئه‌لمانيا دپشته‌ڤانى وهاريكاريا هه‌رێما كوردستانێ دا بلند نرخاند، ئاماژه ب كاريگه‌ريا رۆلێ جڤاكێ نێڤده‌لوه‌تى دئێكلاكرنا كێشێن ناڤخوه‌يى يێن عيراقێ كر و گۆت” هه‌رێما كوردستانێ دخوازيت شاشيێن بۆرى ل عيراقێ نه‌هێنه دووباره‌كرن، چونكى نه‌سه‌قامگيريێ زێده‌تر لێ دكه‌ت وده‌ليڤێ بۆ گه‌شه‌كرنا تيرۆرێ په‌يدا دكه‌ت، ئه‌ڤه ژى كێشێن زێده‌تر بۆ ده‌ڤه‌رێ وجڤاكێ نێڤده‌وله‌تى دروست دكه‌ت”.
ل دۆر دووماهى ره‌وش دناڤبه‌را هه‌ولێرێ وبه‌غدا، شيره‌تكارێ جڤاتا ئاسايشا هه‌رێمێ رۆهنكر” به‌غدا خوه ژ دانوستاندنان دوور دكه‌ت وئاماژێن مه‌يدانى يێن ڤان رۆژان ژى دياردكه‌ن كو ده‌ستهه‌لاتدارين به‌غدا هێشتا بژاردهيا رێيێن له‌شكرى بۆ ئێكلاكرنا كێشان پشت گوه نه‌هاڤێتيه، ئه‌ڤه ژى ئاماژێن مه‌ترسيدارن وگه‌فان ل سه‌ر سه‌قامگيريا هه‌موو ده‌ڤه‌رێ دروست دكه‌ت”. دياركر ژى كو هه‌رێما كوردستانێ دخوازيت هه‌ر چ زووتره دانوستاندن دناڤبه‌را به‌غدا وهه‌ولێرێ دا ده‌ست پێ بكه‌ن وفشار ودۆرپێچێن ل سه‌ر هه‌رێمێ بهێنه لادان وئاشتى وسه‌قامگيرى ل ده‌ڤه‌رێ جهگير ببيت.
وه‌زاره‌تا دارايى برياره‌كێ ل دۆر مووچه‌ى ومه‌زاختيان ده‌ردكه‌ت
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ، ژبلى مووچه‌ى وچه‌ند مه‌زاختيان، هه‌موو مه‌زاختيێن ئه‌ڤ ساله راگرتن.
ل دووڤ نڤيسارا وه‌زاره‌تا دارايى وئابوورى هژمار 15173 ل 10/12/2017، هه‌موو مه‌زاختيێن ئه‌ڤ ساله هاتنه راگرتن.
دوێ نڤيسارا وه‌زاره‌تا دارايى وئابوورى دا هاتيه، ژبه‌ر نێزيكبوونا دووماهيا سالا داراي وژبه‌ر كاروبارێن ژمێريارى وگه‌هاندنا وان بۆ وه‌زاره‌تا دارايى، بريارا راگرتنا مه‌زاختيان بۆ سالا دارايى 2017هاته دان.
نڤيسارا ناڤبرى ئاماژێ ده‌ت كو مه‌زاختى ژ 14/12/2017 دێ هێنه راگرتن، ژبلى مووچان وخوارنێ وپێشينه‌يا مه‌زاختيێن هه‌يڤانه.
به‌رشه‌لۆنا و ريال مه‌دريد د شامپيۆن ليگ دا كه‌فتنه به‌ر دو تيمێن ب هێز
ئه‌ڤرۆ نيوز:
چه‌نده‌كێ به‌رى نوكه پشككێشانا قووناغا 16ێ يا شامپيۆن ليگ هات كێشان و خشتێ ياريان ژى ب ڤى ره‌نگێ ل خوارێ يه:
یۆڤانتۆس X تۆتمھام
بازل X مانچستەر سیتی
پۆرتۆ X لیڤەرپوڵ
سێڤییا X مانچستەر یونایتد
ریاڵ مەدرید X پاریس سانجێرمان
شاختار X رۆما
چێڵسی X بەرشلۆنە
بایرن میونشن X بیشکتاش
ياريێن هاتنێ دێ 13 و 14 و 20 و 21ى هه‌يڤا شوباتێ هێنه كرن و ياريێن چوونێ ژى ل 6 و 7 و 13 و 14ى ئادارا بهێت.
په‌رله‌مانێ كوردستانێ دێ كۆم بيت
ئه‌ڤرۆ نيوز:
ده‌سته‌يا سه‌رۆكاتيا په‌رله‌مانێ كوردستانێ گازى په‌رله‌مانتاران دكه‌ت بۆ كۆمبوونا په‌رله‌مانى ل رۆژا چارشه‌مبيا بهێت دا.
ده‌سته‌يا سه‌رۆكاتيا په‌رله‌مانى داخوازنامه‌يه‌ك بۆ په‌رله‌مانتاران هنارتيه و تێدا ئاشكه‌را كريه كو ب گۆره‌ى حوكمێ برگا 1 يا ماددێ 5 و برگا 2 يا ماددێ 17 و برگا 1 يا ماددێ 18 ژ په‌يره‌وێ ناڤخۆ يێ په‌رله‌مانێ كوردستانێ- عيراق ژماره 1 يا سالا 1992 يێ راستڤه‌كرى بڕيار هاتيه دان هه‌موو په‌رله‌مان بهێنه داخواز كرن بۆ كۆمبوونا په‌ره‌مانێ كوردستانێ.
ئاماژه ب وێ چه‌ندێ ژى هاتيه كر كو كۆمبوون دێ ل ده‌مژمێر 11:00 به‌رى نيڤرۆ ل ئاڤاهيێ په‌رله‌مانى ب رێڤه چيت بێى كو ئاماژه كربيت به‌رنامێ كارێ په‌رله‌مانى.
مامۆستا و قوتابیێن زانکۆیا سەلاحەدین بۆ ڤێ مه‌ره‌مێ خوه‌نيشاندان كر
ئەڤرۆ نیوز ، نەوزاد ھلوری:
دەمەک بەریا نھا ماموستا و قوتابیێن زانکویا سەلاحەدین ل گەل کومەکا چالاکڤانێن مەدەنی دژی لێدوانێن عەبادی و بەرچاڤ وەرنەگرتنا رولێ پێشمەرگەی د شەرێ دژی تیرورستێن داعش دەست ب خونیشاندانەکا بەفرەھکر و خوپیشاندان ژی بەردەوامە.
دڤی واریدا” ئەحمەد زێباری” چالاکڤانێ مەدەنی کو پشکدڵرێ خونیشاندانێ ژی یە ، بو ئەڤرو نیوز گۆت: (ئەڤرو ب مەرەما ئیدانەکرنا داخویانیێن عەبادی و بریارێن وی لسەر ھەرێما کوردستانێ ، و دیسان بەرچاڤ وەرنەگرتنا قوربانی و روو ب رووبوونێن پیشمەرگەی دژی تیرورستێن داعش ، ماموستا و قوتابیێن زانکویا سەلاحەدین ل گەل ھژمارەکا چالاکڤانێن مەدەنی دەست ب خونیشاندانەکا بەفرەە ل بەرامبەر زانکویا سەلاحەدین ل ھەولێر کریە)
زێدەتر گۆت: (د خونیشاندانێ دا دێ چەندین گوتار و دروشم ھێنە بلندکرن کو ئێدی عەبادی و حکومەتا عیراقێ زێدەتر زێدەگاڤیان لسەر کوردستان و پێشمەرگەی نەکەت ، ژبەرکو پێشمەرگەی قوربانی و شەھید و بریندارێن زور داینە و داعش ب دیدەڤانیا ھەموو جیھانێ شکاندیە).
عه‌بادى ئه‌ڤرۆ دێ گه‌هيته فره‌نسا
ئه‌ڤرۆ نيوز:
ژێده‌ره‌كى راگه‌هاند كو ئه‌ڤرۆ سه‌رۆك وه‌زيرێن عيراقێ، حه‌يده‌ر عه‌بادى، دێ گه‌هيته فه‌ره‌نسا.
وى ژێده‌رى دياركر” حه‌يده‌ر عه‌بادى ئه‌ڤرۆ رۆژا دوشه‌مبى 11ى كانوونا ئێكێ 2017 دێ گه‌هيته پاريس پايته‌ختێ فه‌ره‌نسا بۆ پشكداريێ د كۆنگرێ جيهانى ل دۆر سه‌قايى”.
زێده‌تر بۆ “المعلومه” ، گۆت: “د چارچۆڤێ وى كۆنگره‌ى دا، عه‌بادى دێ ديداران ل گه‌ل هژماره‌كا سه‌رۆك و سه‌رۆك وه‌زيرێن وه‌لاتان كه‌ت”.
نێچيرڤان بارزانى سه‌رۆك وه‌زيرێن هه‌رێما كوردستانێ ل 2ى كانوونا ئێكێ 2017 ل گه‌ل سه‌رۆكێ فه‌ره‌نسى ئێمانوێل ماكرۆن كۆمببوو و د كۆنگره‌كێ رۆژنامه‌ڤانيێ هه‌ڤپشك دا به‌حسێ په‌يوه‌نديێن هه‌رێمێ و به‌غدا هاتبوو كرن، پشتى سه‌ره‌دانا سه‌رۆك وه‌زيرێن هه‌رێما كوردستانێ بۆ فه‌ره‌نسا، سه‌رۆكێ فه‌ره‌نسى په‌يوه‌ندى ب عه‌بادى كربوو.
نيشاندان
WP Facebook Auto Publish Powered By : XYZScripts.com