ئەڤرۆ نیوز ، نەوزاد ھلۆری:
دھەیڤا بوری دا 58 کەس ب تومەتا بکارئینانا ماددێن بێھوشکەر ل ھەرێما کوردستانێ ھاتینە گرتن ، ، رێڤەبەرا گشتی یا دەستا مافێن مرۆڤی ژی دیارکر کو مادێن بێھوشکەر ژسێ رویان ڤە ھەرەشێ ل مروڤان دکەن.
رێڤەبەریا نەھێلانا ماددێن بێھوشکەر ل ھەولێرێ ئامارا ھەیڤا بوری یا گرتنا وان کەسان راگەھاند ئەوێن کو ژلایێ وان ڤە ب تومەتا بکارئینانا ماددێن بێھوشکەر ھاتینە گرتن و ل گورەی نوچەیەکێ مالپەرا ئەلئەخبار  دھەیڤا بوری 58 کەس سەرا بازرگانیکرن و بکارئینانا مادێن بێھوشکەر ل گورەی ماددەیا 14 یا قانونا ماددێن بێھوشکەر ھاتینە و سزادان)

ژلایێ خوڤە تاڤگە عومەر رێڤەبەرا گشتی یا دەستەیا مافێن مرۆڤی بۆ ئەڤرۆ نیوز گۆت: ( ب مەرەما نەھێلان و ھوشیارکرنا وەلاتیان ل بارا مەترسیێن ماددێن بێھوشکەر دوھی ل ھەولێر ب بەرھەڤبوونا وەزیرێ ساخلەمیا ھەرێما کوردستانێ و چەندین کەسایەتی و بسپوور و رێکخراوێن مافێ مرۆڤی و جڤاکی پەنەلەکا تایبەت ھاتە رێکخستن و تێدا دانوستاندن لسەر چەندین پرس و بابەتێن گرنگ ل بارا چەوانیا ھاتن و بکارئینان و مەترسیێن بکارئینانا وان ھاتنەکرن و ل دوماھیێ چەندین راسپاردە دانە جھێن شولەژێ داکو زێدەتر رێک ل بکارئینانان و بازرگانیکرنا وان بھێتە گرتن )
زێدەتر گۆت: (مادێن بێھوشکەر ژ سێ رویان ڤە ھەرەشەیێ ل مرۆڤان دکەن ئەو ژی ژ روویێ جڤاکی و ساخلەمی و ئابووری یە و ھەر بەرڤێ ژی پەنەل بناڤێ ماددێن بێھوشکەر و شەرەک ل دژی جیلێَ نھا و ئانیدە لسەر مافێن ژروویێ ئابووری و ساخلەمی و جڤاکی یێن مافێ مرۆڤی ب دیتنەکا نیڤدەولی ھاتبویە رێکخستن و بەحسکرن)
رێڤەبەریا نەھێلانا ماددێن بێھوشکەر د ئامارا خودا دیارکر ژی کو 30 تاوانبار ل سەروکاتیا دادگەھا دوو یا تاوانان ل ھەولێر ھاتینە دادگەھکرن و سزادان کو ئەوان ھەمووان ” ھزار 500 حەبکێن ترامادول ، و 200 حەبکێن تربڤین ، ھزار لیترێن ئاڤا ئەسید ، و 210 گرامێن تلیاکێ ، و 50 گرامێن گبایی بکارئینابوون)

ئەڤرۆ نیوز ، نەوزاد ھلۆری:
ئەڤرۆ بەری نیڤرو د روودانەکا ترافیکێ دا دناڤبەرا کومەلگەھا چرە و قەزا شێخان حەفت کەس برینداربوون و نێزیکێ ٢١ سەرێن پەزی ژی ھاتنە کوشتن.
ئازاد تەھا بەرپرسێ راگەیاندنا ھاتن و چوونا دھۆکێ بۆ ئەڤرۆ نیوز گۆت: ( ئەڤرۆ بەری نیڤرو د روودانەکا ھاتن و چوونێ دا لسەر رێیا گشتی دناڤبەرا کومەلگەھا چرە و قەزا شێخان حەفت کەس برینداربوون و ٢١ سەرێن پەزی ژی ھاتنە کوشتن )
زێدەتر گۆت: ( روودان ژ ئەگەرا بلەز لێخورینا ترومبێلەکا ژ جورێ تویوتا لاندوگروز درۆستبویە ، د دەمەکێ دا کوخ ودانێ پەزی دڤیا پەزێن خوە دەربازی لایدیێ جاددێ بکەت )
دھێتە زانین کو سپێدەھیا ئەڤرۆ ژی ل سنوورێ قەزا زاخو ژ ئەگەر روودانەکا ترافیکێ چوار کەسان گیانێ خوە ژ دەست دا و دوو کەس ژی برینداربوون.

ئەڤرۆ نیوز ، ھلۆری:
سپێدەھیا ئەڤرۆ ل سنوورێ ناحیا داقوق ژ ئەگەرا تەقینا بومبەکا چاندی چوار پێشمەرگە برینداربوون کو سەر ب ئێک ژ ھێزێن کاکەیان بوون.
دڤی واریدا
فەرھاد نەزەر جێگرێ فەرماندەیا فەوجا کاکەیان د لێدوانەکێ دا بو دەزگەھێن راگەھاندنێ گوت: (سپێدەھیا ئەڤرۆ دناڤبەرا گوندێن زەنگلیانێ و ئەبو محەمەد ل سنورێ ناحیا داقوق ژ ئەگەرا بوببەکا چاندی چوار پێشمەرگە برینداربوون کو سەر ب ھێزا پێشمەرگێن کاکەیی بوون)
زێدەتر گۆت: (بریندار گەھاندینە نەخوشخانەیان و چارەسەریا پێدڤی بو ھاتیەکرن ، و مە دەست ب ڤەکولینێ کریە ل بارا ئەوێ بومبا چاندی)

ئەڤرۆ نیوز : ھلوری:
ئەڤرۆ سپێدێ کومەکا گەنجان ل سنوورێ پارێزگەھا دھۆک بەر ب سلێمانیێ چوون و وەکو کەنالێ NRT دیارکری رێگری ل وان ھاتیەکرن کو بچنە سلێمانیێ ، رێڤەبەریا ئاسایشا ھەولێری رەتکر کو ھیچ رێگریە ل کەسەکێ ھاتبیتەکرن.
ئاسایشا ھەولێر د رونکرنەکێ دا کو دانەیەک دەست ئەڤرۆ نیوز کەفتیە دیارکر کو بازگەھا کەلەک دکەڤتیە دناڤبەرا ھەولێر بو دھۆک نەک دھۆک بو سلێمانی کو رێگری ل وان بھێتەکرن و گۆت: ( نوچەیێ NTR دورە ژ راستیێ و ھیچ رێگریەک ل بازگەھا کەلەک ل کەسەکێ نەھاتیەکرن)