ئهڤرۆ نيوز:
ئهڤرۆ رۆژا ئهينى بهايێ نهفتێ بلندبوو و بهايێ بهرميلهكا برێنت ل دهمژمێر 17:00 ب 42 دولار و 24 سهنتان هاته فرۆتن، گرانبوونا بهايێ بهرميلا نهفتێ پشتى دياركرنا ژڤانێ كومبوونا بهرههمئينهرێن نهفتێ هات كو برياره ل 17/4/2016 ل دهوحه كوم ببن بۆ دانوستاندن ل دۆر چارهكرنا بهايێ ئهرزانبوونا نهفتێ.
ئهڤرۆ نيوز:
دوهى فیلیپ هامۆند وهزيرێ دهرڤه يێ بريتانيا ل گهل سهرۆك بارزانى كومبوو و د كۆنگرهيهكێ رۆژنامهڤانى دا بهحسێ رهوشا دارايى يا ههرێما كوردستانێ كر و پشتهڤانيا خوه بۆ دهربازكرنا ههرێمێ ژ ڤێ قهيرانێ كر و راگههاند: ژبلى داعش، ئهرزانبوونا بهايێ نهفتێ ژى دوژمنهكێ دى يێ كوردستانێ يه.
ئەڤرۆ نیوز،زنار تۆڤى:
ئهڤ ساله تا ڤى دهمى رێژهیهكا باش یا بارانێ ل ناحیا كانى ماسێ و گوندێن دهوروبهر باریه و هۆبا چاندنێ ل كانى ماسێ بۆ ئهڤرۆ نیوز دایه دیاركرن:كو ل 24 دهمژمێرێن بورى 65 میلێن بارانێ ل كانى ماسێ بارینه و دهێته پێشبینى كرن كو ههتا ئهینیێ باران بارین ل ڤێ دهڤهرێ یا بهردهوام بیت،ههروهسا ل چیایان و چهند گوندان ژى بهفر باریه.
مستهفا ئهحمهد ژ هۆبا چاندنێ ل كانى ماسێ زێدهتر بۆ ئهڤرۆ نیوز دبێژیت:د ماوێ 24 دهمژمێرێن بورى دا ل ناحیا كانى ماسێ 65 ملیمێن بارانێ بارینه و سهرجهمێ گشتى یێ باران بارینێ ل كانى ماسێ ئهڤ ساله گههشتیه 940 ملیمان و ههتا دوماهیا ڤێ حهفتیێ ژى باران بارین دێ یا بهردهوامبیت و دیاركر ژى:پار تا ڤى دهمى ل كانى ماسێ 795 ملیمێن بارانێ بارى بوون و ئهڤ ساله پتر ژ سالا بورى باران باریه و ئهڤ چهنده ژى بوویه جهێ دلخۆشیا جوتیاران و ههروهسا مفایهكێ مهزن دێ گههینیته بهرههمێ چاندنێ ژى ل ڤێ دهڤهرێ.
ئەڤرۆ نیوز:
رۆژناما ئیندێپێندێنت یا بریتانیا دوھی د راپۆرتەکێ دا دیار کر کو پۆتین رازی بوویە ژ بۆ چارەکرنا قەیرانا سیاسی ل سووریێ دەستان ژ بەشاری بەردەت و ڤەکێشانا ھێزێن سەربازی یێن روسیا ژی وێ یەکێ نیشا ددەن.
د بەردەوامیا راپۆرتێ دا ھاتیە دیار کرن کو بەرپرسێن ئەمریکی و ئورۆپا دەمەک درێژە کو بزاڤ دکرن پۆتین رازی بیت دەستان ژ بەشاری بەردەت، چونکو ھەتا بەشار ل سەر دەستھەلاتێ بیت دێ قەیرانا سووریێ یا بەردەوام بیت و ھەتا قەیرانا سووریێ بەردەوام بیت دێ رەوشا رۆژھەلاتا ناڤین ژی یا ئالۆز بیت و ژ بەر ھندێ پۆتین رازی بوویە دەستان ژ بەشاری بەردەت ب مەرجەکێ کو روسیا د پاشەرۆژا سووریێ دا خوەدان رۆلەک مەزن بیت و ژ بەر ھندێ ژی نھا بەرھەڤیێن تەمام دھێنە کرن دا کو ل کۆمبوونێن داھاتی ل جنێڤێ بەرنامێ نوو بۆ چارەکرنا قەیرانا سووریێ بھێتە راگەھاندن و ڤەکێشانا ھێزێن روسیا ل سووریێ ژی ل سەر وی بنەمایی بوویە.
د بەردەوامیا راپۆرتا رۆژناما بریتانی دا ھاتیە دیار کرن کو ڤەکێشانا ھێزێن سەربازی یێن روسیا ژ سووریێ دێ بیتە خالەکا گەلەک گرنگ بۆ رێککەڤتنەکێ ل کۆمبوونێن جنێڤێ، چونکو پشتی روسیا ھێزێن خوە ڤەکێشایی دێ پێگەھێ بەشاری لاواز بیت و ئەو دێ نەچار بیت ھەموو داخوازیێن ئۆپۆزسیۆنێ و پشکدارێن کۆمبوونێن جنێڤێ قەبوول کەت و ئەو یەک دێ دەرگەھێ چارەسەریا سیاسی ل سووریێ ڤەکەت.
ئەڤرۆ نیوز ، نەوزاد زادە ھلۆری:
ھەلۆیێن ئازادی یا کوردستانێ د بەیانامەیەکێ دابەرپرسیارەتیا خوە ژ تەقینا رۆژا 13ێ ئادارێ 2016 ب ستویێ خوڤە گرت کو بویە سەدەما کوشتنا 37 کەس و برینداربوونا زێدەتری 120 کەسان.
ل گورەی بەیانەیا ھەلویێن ئازادی یا کوردستانێ کو مالپەرا وشە بەلاڤکریە تەقین ب رێیا کریارەکا خوە کوژی ھاتیە ئەنجامدان کو ئەو ژی ئێک ژ ئەندامێن وان بناڤێ سەحەر چاغلا دەمیر کو ب دوغا ژیان دھێتە نیاسین ئەڤ کریارە ئەنجامدایە.
وێنەیێ خوەکوژێ ل گورەی مالپەرا تاکی یا سەر ب رێخکراوا ھەلویێن ئازادی یا کوردستانێ.
ئهڤرۆ نيوز:
پشتى دوهى سهرهدانا بهغدا كرى، فليپ هامۆند، وهزيرێ ژ دهرڤه يێ بريتانيا بهريا نيڤرۆيا ئهڤرۆ رۆژا پێنجشهمبى گههشته ههولێر.
ئهڤرۆ رۆژا پێنجشهمبى رێكهفتى 17ى ئادارا 2016ێ فليب هامۆند ل فرۆكخانا نێڤدهولهتى يا ههولێرێ ژ لايێ نێچيرڤان بارزانى سهرۆكێ حوكمهتا ههرێما كوردستانێ هاته پێشوازى لێكرن.
بڕياره د سهرهدانا خوه يا ئهڤرۆ دا، وهزيرێ ژ دهرڤه يێ بريتانيا ل گهل مهسعود بارزانى، سهرۆكێ ههرێما كوردستانێ كۆم ببيت و چهندين تهوهرێن گرنگ گهنگهشه بكهن.
دوهى رۆژا چارشهمبى رێكهفتى 16ى ئادارا 2016ێ هامۆند گههشته بهغدا و ل گهل ههر ئێك ژ سهرۆك وهزيرێن عيراقێ حهيدهر عهبادى و سهرۆك كۆمارێ عيراقێ فوئاد مهعسوم كۆمبوو.
ئەڤرۆ نیوز:
پشتی وێرانبونا جزیرا بۆتان، فارقین و سورێ دەولەتا تورکیا ڤێجارێ ل گەوەر، شەرنەخ، جۆلەمێرگ، نسێبین و باژێرکێ رێزان یێ ئامەدێ دەست ب ئۆپەراسیۆنێن سەربازی کریە و ل ناڤەندا ڤان باژێران شەرەکێ گەلەک گران ھەیە و د ناڤا ٢٤ دەمژمێران دا سێ شەرڤانێن کورد و ھەفت تیمێن تایبەت یێن دەولەتێ ھاتنە کوشتن و ھژمارەک زێدە وەلاتیێن سڤیل ژ ئالیێ ھێزێن دەولەتێ ڤە ھاتنە گرتن.
د ڤێ دەربارێ دا سەلاحەدین دەمیرتاش د کۆمبوونا پارتا خوە دا راگەھاند کو حوکمەتا تورکیا دخوازیت ب شەری و کوشتنا لاوێن کورد دەستھەلاتا خوە گەرەنتی بکەت و گۆت: (بەرپرسیارێ ھەموو پەقینان ئەردۆگان و داوود ئوگلۆنە و دڤێت ئەو بھێنە دادگەھکرن نە کو ئەم یان ئالیکی دی، ژ بەر کو ب فەرمانا ئەردۆگانی باژێرێن کوردا دھێتە وێرانکرن و ب سەدان وەلاتیێن سڤیل یێن کورد دھێنە کوشتن، ئەم قەبوول بکەین یان نە ھێرشا دژوار یا ل دژی کوردان رێ ل بەر ھەموو چالاکیێن توندوتیژیێ ڤەدکەت).
ھەر د ڤێ دەربارێ دا عۆمەر لاچینەر ڤەکۆلەر و نڤیسەرێ تورکیا بۆ کۆڤارا بیریکیم راگەھاند کو حوکمەتا ئاکپارتی بەرپرسیارێ رەوشا نھا یا تورکیایە و گۆت: (د ھەلبژارتنێن ھەفتێ خزیرانێ دا دەمێ HDP ١٣% دەنگان وەرگرت باوەریا مە ھەموویان ب گوھۆرینەکا مەزن ل تورکیا ھەبوو، لێ مخابن ژ ئالیەکی ڤە ئەردۆگان و ئاکپارتی و ل ئالیەکی دی ژی PKK وەسا کرن کو دەنگێن HDP کێم ببن و نھا HDP د ناڤبەرا ھەردو ئالیان دا مایە و لاوازبوونا HDP ل گەل خوە ھەموو رێکێن ئاشتیێ ژناڤ دبەت و مەیدان بۆ شەرخوازان دمینیت).
نيشاندان