ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا سێشەمبی رێککەفتی 2/2/2016 دێ بڤی رەنگێ خوارێ بن لسەرانسەری پارێزگەھا دھۆکێ :
لناڤ سەنتەرێ باژێرێ دھۆک دێ بڤی شێوەی بن:
دانێ سپێدێ : 1- جاددا شەھیدێن ئێکی شواتێ نێزیک ھولا دیلان
2 دانێ سپێدێ : – جاددا بارزان گەڤەرکێ
دانێ شەڤ : 3- جاددا بارزان شندوخا
دانێ شەڤ : 4- جاددا بارزان قایمقامیێ
دانێ شەڤ : 5- جاددا بارزان شندوخا بو جارا دویێ
تێبینی: ژبەر زوربونا روودانان 24 دەمژمێران رادار دێ ل جاددا بارزان شندوخا یا دانای بیت
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان گوندێ دووشیڤان
2- جاددا سەرەکی یا شێخان نێزیک کومەلگەھا مەھەت

رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا رۆڤیا نێزیک گوندێ ئامیان
2- جاددا بەردەرەش بو ناحیا کەلەک نێزیک گوندێ گەویلان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا راپەرین دناڤبەرا ترافیکا قەلعێ بو ترافیکا بەلدێ
2- لسەر جاددا سەرەکی یا پیشەسازی دناڤبەرا ترافیکا ئازادی و دووریانا گەرەکا پیشەسازی
رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا تەناھی بو سێمێل نێزیک فاملی موول
راداراێن قەزا زاخو دێ لڤان جھان ھێنە دانان
1- جاددا سەرەکی تلکەبەرێ
2- جاددا سەرەکی یا بێرسڤێ نێزیک گوندێ مەلا عەرەب
رادارێن قەزا ئامێدیێ دێ لڤانا جھان ھێنە دانان
1- جاددا سەرەکی دێرەلوکێ
2- جاددا سەرەکی یا دناڤبەرا قەزا ئامێدیێ و ناحیا دێرەلووکێ نێزیک گوندێ گوھەرزێ
رادارێن ناحیا زاویتە دێ لڤان جھان ھێنە دانان
1- جاددا زاویتە بو دھۆک
2- جاددا ئێتیت بو دھوک

ئەڤرۆ نیوز:
رێڤەبەرێ پەروەردا گشتی یا حوکمەتا ھەرێما کوردستانێ ئاشکرا کر کو ھندەک خۆدانێن باخچە و قوتابخانە و پەیمانگەھێن نەحکومی دەستپێشخەری بۆ کێمکرنا کریا خواندنێ کریە و کاودانێن نوکە یێن ھەرێما کوردستانێ بەرچاڤ وەرگرتینە.
بەشدار عەبدولخالق خدر، رێڤەبەرێ پەروەردا گشتی یا حوکمەتا ھەرێما کوردستانێ دیار کر کو کێمکرنا کریا خواندنێ ل باخچە و قوتابخانە و پەیمانگەھێن نەحکومی ل سەر راسپاردا وەزیری بوو و بۆ ڤێ مەرەمێ لژنەک ل سەر ئاستێ وەزارەتێ بۆ کێمکرنا کریا خواندنێ ھاتیە پێکئینان و گۆت: “ئەم وەکو پەروەردا ھەولێرێ ل رۆژا 3/2/2016 دێ ئاگەھداریا ھەموو خودانێن باخچە و قوتابخانە و پەیمانگەھێن نەحکومی کەین کو ل دۆر ڤی بابەتی کۆمبوونەکێ ل گەل وان ئەنجام بدەین داکو ل سەر کێمکرنا کریا خواندنێ رێ بکەڤین”.
ل دووماھیێ ناڤھاتی ئاماژە دا وێ چەندێ کو ئەڤ بڕیارە دێ د ڤێ حەفتیێ دا ھێتە بجھئینان و بۆ مالپەرێ فەرمی یێ پارتی دیمۆکراتی کوردستان گۆت: “بەھرا پتریا خودانێن باخچە و قوتابخانە و پەیمانگەھێن نەحکومی ل سەر کێمکرنا کریا خواندنێ د رازی نە”.

ئەڤرۆ نيوز:
وەزارەتا ئەوقاف و کاروبارێن ئایینی یا حوکمەتا ھەرێما کوردستانێ بڕیار دایە، ھەر وەلاتیەکێ ھەرێمێ گەشتا حەجێ یان عومرێ بکەت، دڤێت ب رێیا ھەردو فرۆکخانێن نێڤدەولەتی یێن ھەولێر و سلێمانیێ 100 دۆلاران بۆ ھێزێن پێشمەرگەی بدانیت پاشی گەشتێ بکەت.
مەریوان نەقشبەندی، رێڤەبەرێ پەیوەندیان و گەشەپێدانا ئایینان ل وەزارەتا ئەوقافێ دیار کر، ئەو ب باشی دزانن وەزارەتا ئەوقافێ ڤێ پێنگاڤێ ب ھاڤێژیت و ھەر وەلاتیەکێ گەشتا عومرێ بکەت کۆژمەکێ پارەی بۆ ھێزێن پێشمەرگەی بدانیت و بۆ باسنیوز گۆت: “ھەکەر ئەڤ بڕیارا وەزارەتا ئەوقافێ بچیتە د وارێ ب جھئینانێ دا، جھێ دەست خوشیێ یە و دێ ڤالاتیەکێ ژ ژیانا پێشمەرگێن قارەمان کو نوکە ل سەنگەرێن شەرینە و بەرەڤانیێ ل ژیان و شەرەف و ناووسا مللەتێ مە دکەن پڕکەت”.
خویا ژی کر، وان داخواز کریە، ئەو وەلاتیێ دچنە عومرێ و ئەو پارێ بۆ عومرێ دمەزێخن، پشکەکێ ژێ بدەنە خێزانێن شەھید و پێشمەرگان.
نەقشبەندی دا زانین کو ئەڤ بڕیارە بوویە جھێ دلتەنگیا کۆمپانیێن حەج و عومرێ، لەو دوھی 1/2/2016 گەلەک ژ وان کۆمپانیان ھاتینە ھەولێر و د گەل لایەنێن پەیوەندیدار کۆمبوون.
ئاماژە ب وێ چەندێ ژی کر، ئەڤ بڕیارە کارەکێ باشە و گۆت: “ئەم وەکو کۆمپانیا پێگیرین ب ڤێ بڕیارێ، لێ ب مەرجەکی ئەو پارە بۆ پێشمەرگەی بھێتە مەزاختن”.