ئهڤرۆ نیوز:
نووترين نووچه
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
- ب رێز و سەربلندی ڤە بیرئینانا شەهیدێن قەلادزێ دكەین
- حوكمەتا هەرێمێ: چو بارەگەهـ و ناڤەندێن مەشق و راهێنانا دەزگەهێن هەوالگیرییا وەلاتان ل كوردستانێ نینن
- دبیت هەلبژارتنێن پێشوەخت ببنە چارەسەری
- 809 هێرش ل سەر هەرێما كوردستانێ هاتینە كرن 20 شەهید و 123 بریندار هەنە
- ب مەرەما ڤەگەڕاندنا فراكسیۆنا پارتی: ئەڤرۆ شاندەكێ جڤاتا نوونەرێن ئیراقێ دێ سەرەدانا هەولێرێ كەت
- کار بۆ ئاساییکرنا رەوشا کۆبانێ و عەفرینێ دهێتە کرن
- ژ بەر درۆنێن میلیشیایان، رەنگە هندەك وەلات ل جڤاتا ئاسایشێ سكالایێ ل دژی ئیراقێ تۆمار بكەن
سهرهكى نووترين نووچه
داعش شهرێ ئاڤێ ل گهل پارێزگههێن باشوورێ عيراقێ دكهت
ئهڤرۆ نيوز:
ژ ئهگهرێ داخستنا دهرگههێن بهنداڤا رومادى ژ لايێ داعش ڤه و شكاندنا رێيا پشكهكا ئاڤا رووبارێ فورات بهر ب دهرياچهيا حهبانيێ ڤه، ئاستێ ئاڤێ د وى رووبارى دا ب تهمامى هاتيه خوار ب تايبهت ژى ل پارێزگههێن باشوورێ عيراقێ.
بهرپرسێ ناڤخۆيى ل پارێزگههێن باشوورێ عيراقێ هوشداريا وێ چهندێ ددهن كو ب رهنگهكێ گهلهك بهرچاڤ رێژا وێ ئاڤا دگههيت يا ل كێميێ ددهت و ئهڤێ چهندێ ژى ب مهترسى ل سهر ژيارا خوه ددهنه زانين.
ئهردوگان گهفا ل كوردان دكهت
ئهڤرۆ نيوز:
سهرۆك كۆمارێ وهلاتێ توركيا گهفێن وێ چهندێ دكهت كو ئهو ب چو رهنگان رازى نابن دهولهتهك ل باشوورێ وهلاتێ وان، باكوورێ سوريا بهێته دامهزراندن و مهرهما وى ژى پێ دهڤهرێن بن دهستێ كوردانن.
رهجهب تهيب ئهردوگان د چارچۆڤێ بهرنامێ خوارنا فتارێ يێ ههيڤا سۆرا توركى دا گۆت: “ل باكوورێ سوريا، ئانكو باشوورێ مه، رێ ب دامهزراندنا چو دهولهتان نادهين، من دڤێت ئهڤ چهنده بهێته زانين و باجا وێ ژى چهند بيت دێ د بهردهوام بين ل سهر بهرسينگگرتنا وێ”.
ئهڤه د دهمهكى دايه كو ههرسێ كانتۆنێن رۆژئاڤايێ كوردستانێ بهر ب ئێكگرتنێ نه و توركيا ترسا وێ چهندێ دكهت كو هێزێن پهكهكێ ل بن سيبهرا يهپهگێ دهولهتهكێ ب دامهزرينن، بهلێ ئهوان ژى ئهو چهنده پێشتر رهتكريه و ئاماژه ب وێ چهندێ كريه كو دامهزراندنا دهولهتا كوردى نه ژ پرهنسيپێن وانه.
يوسف محهمهد: ئێكهتيێ خواست قونسلێ ئيرانێ بهێته پهرلهمانى
ئەڤرۆ نیۆز، قائید میرۆ:
سەرۆکێ پەرلەمانێ کوردستانێ ئاشکرا کر كو بەرھەڤبوونا سەرکۆنسولێ ئیرانێ د کۆمبوونا پەرلەمانی دا ل سەر داخوازا ئێکەتی نیشتیمانی کوردستان بوویە.
دکتۆر یوسف مەحەمەد، سەرۆکێ پەرلەمانێ کوردستانێ د لاپەڕێ خوە یێ فەیسبووکی دا نڤیسینەک بەلافکریە و تێدا نڤیسیە: “پشکداریا سەرکۆنسولێ کۆمارا ئیسلامیا ئیرانێ د کۆمبوونا پەرلەمانی دا ئەز ژى دلگران کربووم، بەلێ ئەڤە ل سەر داخوازا ئێکەتیێ بوویە و ل سەر بزاڤا گۆڕان نەھژمێرێن.
سەعید مەسیفی، ئەندامێ فڕاکسیۆنا ئێکەتیێ ل پەرلەمانێ کوردستانێ بۆ ئەڤرۆ نیۆز گۆت: “ئەز ئاگەھدار نهبوويمه فڕاکسیۆنا مە داخوازا پشکداریا ئیرانێ کربیت، بەلێ مە پێخۆشە نوونەرێن ھەموو وەلاتان پشکداریا کۆمبوونێن پەرلەمانی بکەن”.
ئەڤرۆ نیۆز، چەندین جارا پەیوەندی ب بێگەرد تالەبانی سەرۆکا فڕاکسیۆنا ئێکەتی و دلێر ماوەتی جێگرێ وێ کر، بهرسڤا پهيوهنديێن مه نههاته دان.
کۆبانێ ژ چەکدارێن داعش هاتە پاقژكرن
ئەڤرۆ نیوز، زنار تۆڤی:
روانگەها سورى بۆ مافێن مرۆڤی دیارکر کو پشتی بۆ ماوێ دو رۆژان چەکدارێن داعشێ شیاین بچنە د ناڤ کوبانێ دا و چەندین خەلکێن سڤیل کوشتین و تاوان ئەنجام داين، شەرڤان شيان ب دژواری بەرامبەر هێرشا داعش راوەستن و ئەڤرۆ ب تەمامی كاودان كونترۆل كرن و شيان دربهكێ مهزن ل داعش ب دهن و داعش ژ كۆبانێ پاقژ بكهن.
ئاماژه ب وێ چهندێ ژى كريه كو شەرڤان شیاینە نەخۆشخانا مشتەنورێ ب سەر داعشان دا ب هەرڤینن و نەهێلن کەس ژ وان داعشان قورتالبن یێن کو د ناڤا وی ئاڤاهی دا و نوکە رەوشا کۆبانێ یا ئارامە.
بەغدا دێ پارەیێ کێمتر ژ ھەیڤا بۆری ھنێریت
ئەڤرۆ نیۆز، قائید میرۆ
بڕیاردەرێ لیژنا دارایی و ئابووریا جڤاتا نوونهرێن عێراقێ ئاشکراکر، بەھرا ھەرێما کوردستانێ ژ بودجەیا گشتیا عيراقێ بۆ ڤێ ھەیڤێ دێ زۆر کێمتربیت ژ ھەیڤا بۆری.
ئەحمەد حاجی رەشید، بڕیاردەرێ لیژنا دارایی و ئابووریا جڤاتا نوونهرێن عێراقێ بۆ ئەڤرۆ نیۆز گۆت: “مە وەکی نوونەرێن کوردان پشتەڤانیا حوکمەتا ھەرێما کوردستانێ کریە ئەگەر کڕیار ھەبن پترۆلێ بۆ خوە بفرۆشن و نوکە ل دەزگەھێن راگەھاندنێ ئەو زانیاری ھەنە پترۆلا ھەرێمێ ب رێیا سۆمۆ ھاتیە راگرتن”.
رەشید گوتژی: “ههكه ھەرێما کوردستانێ پترۆلا خوە راگربیت ب رێیا بەغدا، بلا ھەرێم چاڤەڕێی پارەیەکێ زۆر نەکەت ل بەغدا بۆ ڤێ ھەیڤێ و پێشبینی دکەم زۆر کێمتربیت ژ ھەیڤا بۆری”.
جهميل بايك: مه دهستێ ژ خهونا دهولهتبوونێ بهرداين
ئهڤرۆ نيوز:
جهميل بايك ههڤسهرۆكێ كۆما جڤاكێن كوردستانێ KCK د دديدارهكێ دا ل گهل رۆژناما “الشرق الاوسط” رادگههينيت كو ئهوان بۆ باكورێ كوردستانێ دهولهت نهڤێت چونكو دهولهت دژى ئازاديێن تاكهكهسى يه، بهلێ دژى وێ چهندێ نينن ههرێما كوردستانێ ببيته دهولهت و دێ بهرهڤانيێ ژێ كهن.
جهميل بايك دبێژيت: “ئهو دهمێ PKK هاتيه دامهزراندن سهردهمێ دروستبوونا دهولهتێ بوو، بهلێ نوكه بۆ دامهزراندنا دهولهتێ خهباتێ ناكهن، چونكو وهسا دبينين دهولهت دژى ئازادى و ديموكراسيا تاكه كهسى يه، ئهم نوكه د پێناڤى سيستهمهكێ كۆنفدرالى دا خهباتێ دكهين، ژ بهر كو دهولهت كێشێن مه چاره ناكهت.
ددهته زانين ژى كو ئهو دژى دروستبوونا دهولهتا كوردى ل باشوور نينن و دێ پشتهڤانيێ ژى لێ كهن و د ئامادهنه ههر دهما مهترسيهك ژى ل سهر ههبيت بهرهڤانيێ ژێ بكهن و دبێژيت: “بهلێ وهكو من گۆتى ل باكوورێ كوردستانێ مه دروستكرنا دهولهتێ نهڤێت”.
ڤیدیو:CNN بهلگهیێ پشكداریا توركیا د شهرێ كوبانێ دا بهلاڤ دكهت
ئهڤرۆ نیوز:
كهنالێ CNN یێ ئینگلیزى د بهلگهیهكا ڤیدیویى دا، ل دهمێ پشكنینا لاشهیێن تیرورستێن داعش یێن كوشتى ل كوبانێ، دوهى ل موبایلهكا ئێك ژ تیرورستێن داعش گرتهكا ڤیدیویى ئاشكرا دبیت كو خوه بۆ كریارا كوبانێ بهرههڤ دكهن و ب زمانێ توركى د ئاخڤن و پاشان دیاردكهن كو ئهو سهر ب هێزێن سوپایێ توركیا و جهندرمێن توركیانه.
سهركردایهتی داخوازا ڤهگهریانا دیندار نهجمان دكهن
ئهڤرۆ نیوز، رهوان نهێلى:
ئهنجوومهنێ سهركردایهتیا دهڤهرا بادینان یا یهكگرتووى ئیسلامى كوردستان ئهڤرۆ كومبوونهكا نهئاسایى ئهنجامدا و پشتى كومبوونێ، سهعید عهلى عهبو سهرۆكێ جڤاتا سهركردایهتیا یهكگرتووى ئیسلامى كوردستان ل دهڤهرا بادینان داخوازا ڤهگهریانا دیندار نهجمان دوسكى كریه بۆ مهیدانا سیاسى پشتى كو دهست ژ كارێ خوه كێشاى.
ههروهسا ئهنجوومهنێ سهركردایهتیا دهڤهرا بادینان یا یهكگرتووى ئیسلامى كوردستان پێگیریا سهركردایهتیا دهڤهرێ ب ئێكرێزیا یهكگرتووى ئیسلامى كوردستان د چارچوڤێ پهیرهوێ ناڤخو یێ پهسهندكرى یێ كونگرێ شهشێ كریه.
گهندهلێن سهرۆكێ پهرلهمانى دهێنه ئاشكهرا كرن
ئهڤرۆ نيوز:
يوسف محهمهد سهرۆكێ پهرلهمانێ كوردستانێ پشتى ژ لايێ لايهنێن سياسى ڤه ل رێكهفتى 24ى تيرمهها 2014ێ وهكو سهرۆكێ پهرلهمانێ كوردستانێ هاتيه ههلبژارتن، چهندين سهرپێچى يێن ئيدار و قانوونى ئهنجام داينه، پهرده ژى ل سهر وان گهندهليان دهێته لادان.
ژێدهرهكێ تايبهت ل پهرلهمانێ كوردستانێ بۆ “وشه” راگههاند، پشتى وهرگرتنا پۆستێ سهرۆكێ پهرلهمانێ كوردستانێ ژ لايێ يوسف محهمهد ڤه و ههتا نوكه، ناڤبرى 106 كارمهند و 15 شيرهتكار دامهزراندينه، د ناڤ شيرهتكاران دا دو پارتى بووينه و ئێك توركمان و ئێك ژى يهكگرتوو و ئهڤێن دى ههموو گۆڕان بووينه و ب رهنگهكێ ئێكسهر ژ لايێ وى ڤه هاتينه دامهزراندن.
ديسا دبێژيت: “د ناڤ وان ژمارا شيرهتكار و فهرمانبارێن ژ روويێ سياسى ڤه سهر ب بزاڤا گۆڕانن و سهرۆكێ پهرلهمانى دامهزراندينه، پتريا وان خهلكێ سلێمانيێ نه و ژ ئهگهرێ ڤێ چهندێ ژبلى مووچێ فهرمى يێ وان، مليۆن دينار بۆ ههر ئێك ژ وان وهكو كريا خانى و 460 هزار دينار وهكو كرێيا كارهبێ بۆ وان كهسان دهێته مهزاختن، ئهڤه ژى يا قانوونى نينه و خراب ب كارئينانا دهستهلاتێ و گهندهليێن روهن و ئاشكهرايه.
ئهوى ژێدهرى ئاماژه ب وێ چهندێ ژى كريه كو پشكهك ژ وان شيرهتكار و كارمهندێن سهرۆكێ پهرلهمانى دامهزراندين ب باوهرناما ماستهر و دكتورا دامهزراندينه و ههيڤانه ئهوێن خودانێن ڤان باوهرنامان، ههيڤانه مليۆن دينار دچنه سهر مووچێن وان، بهلێ ههتا نوكه باوهرنامێن ئهڤ كهسێن نوو هاتين ژ لايێ وهزارهتا خواندنا بلند و وهزارهتا داد يا حوكمهتا ههرێما كوردستانێ نههاتينه پهسهندكرن، ههڤدهم سهرۆكێ پهرلهمانى جوداهيێ ژى د ناڤبهرا شيرهتكاران دا دكهت و كارتێكرنا حزبى ب سهر وان ڤه يا دياره، چونكو شيرهتكار يێ ههيى سالهكێ يێ هاتيه دامهزراندن، سێ جار ئيفاده بۆ چوونا ژ دهرڤه وهرگرتيه وئهڤه ژى يا بهر ئاقل نينه، چهنكو كهسهك سالهكێ ببيته شيرهتكار ههتا نوكه ئهزموونهكا باش دهبارهيى كارێ پهرلهمانى نينه، بهلێ سهرۆكێ پهرلهمانى دئێخيته ناڤ شاندێن فهرمى يێن پهرلهمانى ژ ئهگهرێ نێزيكيا ژ خوه و گرێدانا حزبى.
نيشاندان
WP Facebook Auto Publish Powered By : XYZScripts.com