ئه‌ڤرۆ نیوز، ره‌مه‌زان هه‌رنی:

دار بەروو دارەكا خورستیە ل دەڤەرێن چیایی شین دبیت،پتریا گوندییان بۆ بەرهەمێ‌ ئاژەلداریێ‌ بەرهەمێ‌ بەروویا كۆم دكەنو ل وەرزێ‌ زڤستانێ‌ وەك خوارنا دویێ‌ بۆ پەزی ب كاردئینن، به‌لێ ئه‌ڤساله‌ به‌رهه‌مێ به‌روویاگه‌له‌ك كێمبوویه‌.

سه‌عید محه‌مه‌د ، ئاژەلدارەكێ‌ دەڤەرا ئاكرێ‌ بۆ ئه‌ڤرۆ نیوز راگەهاند، دار بەروو بەرهەمه‌كێ‌مه‌زن ل كوردستانێ‌و ل پتریا دەڤەرێن چیایێ‌ هەیە، ژیێ‌ وێ‌ ناڤبەرا 500 بۆ 1000 هزار سالا دمینیت و چەندین جۆرێن بەروویان هەنە، بلنداهیا وێ‌ ل سەر جهی و دەڤەرێ‌ دمینیت و هندەك دار بەروو هەتاچار مەترا بلند دبن و ل وەرزێ‌ پائیزێ‌ ل گەل دارێن دی بەلگێن خوە دوەرینن،سالانە ئەو بەرهەمێ‌ بەروویان كۆمدكەن بۆ خوارنێ‌ و بۆ كەرتێ‌ ئاژەلداریێ‌، چەندین جور ل كوردستانێ‌ هەنەو ب تنێ‌ جۆرێ‌ قەهوایێ‌ بۆ خوارنێ‌ و ئاژەلداریێ‌ كۆم دكەن، ئەو بەروویا كۆمدكەن وەكو خوارنا دویێ‌ بۆ كەرتێ‌ ئاژەلداریێ‌بكاردئینن، ئانكۆ ئەو دەمێ‌ بەفرو بارانێن ب هێز دهێن و نەشێن دەربێخین ب رۆژ، بەروویانددەنە پەزی و ب شەڤ ئالیكێ‌ وان یێ‌ دروست ددەنی، بۆ خوارنێ‌ ژی گەلەك دخۆن تایبەت ل وەرزێ‌ زڤستانێ،‌ سالانەئه‌و چەندین تەننان كۆمدكەن، به‌لێ ئه‌ڤساله‌ به‌رهه‌مێ به‌روویان گه‌له‌ك كێمبوویه‌و چه‌ندین داران هه‌ر ۆ پێڤه‌ نه‌بوون و ئه‌گه‌ران ژى نزانن.

تاهر سالح ، چالاكڤانێ‌ ژینگەهێ‌ بۆ دهۆك نیوز راگەهاند: ئه‌وان دووڤچوونەكا گشتی ل كوردستانێ‌ كریەو وه‌سا دیاربوویە ل سنۆرێ‌ پارێزگەها دهۆكێ‌ ل ئامێدێی و ئاكرێ‌ و ل چەندین دەڤەرێن سۆران ژی بەروویەكا باش هەیە، بەلێ‌ وەرگرتنا ئامارا دروست دەمەكێ‌ زور دڤێت، لەورا ئەڤە چەندین سالە ئەو كار لسەر ئامارا دروستا بەرهەمێ‌ بەروویان دكەن، ب گشتی ل كوردستانێ‌ ل وان دەڤەرێن دیاركری پتر بەروو بۆ بەرهەمێ‌ ئاژەلداریێ‌ دهێنە كۆمكرن، به‌لێ ئه‌ڤساله‌ بێی كو ئه‌گه‌رێن وێ بهێته‌ زانین به‌رهه‌مێ به‌روویان كێمكریه‌ و ب ڤێ چه‌ندێ ژی ئاژهلدار نه‌چارن ل شوونا به‌روویان ئالیكێ پتر به‌رهه‌ڤبكه‌ن.

ئه‌ڤرۆ نیۆز، ھەرھین محەمەد:

دبازارێ دھۆکێ دا پتریا کۆمپانیا و جھێن فرۆتنا مەحفیر و موکێتان، مەحفیرێن ئیرانێ بھایێ خوە ھەیە و دیسان رەواجەکا مەزن ل سەر ھەیە،ل گۆره‌ى گۆتنا خودانێ کومپانیەکێژى، مەحفیرا ئیرانی گرانترە ژمەحفیرێن دییێن نۆرمال وھەر مەحفیرەکا ژماددێ ئاکرۆلیک ھاتبیتە چێکرن ل ھەموو وەلاتێن جیھانێدھێتە فرۆتن، بتنێ ئەمریکا قەدەغەکریە.

دلخاز ئەحمەد بادی، بریکارێ کۆمپانیا ئەحمەد بادییا فرۆتنا مەحفیران گۆت: پتریا مەحفیران نوکە ل بازاری دھێنە فرۆتن ژ وەلاتێ تورکیا و ئیرانێ دھێن وھەر مەحفیرەکا ژمادێ ئاکرۆلیک ھاتبیتە چێکرن ل ھەموو وەلاتێن جیھانێ رازی دبن کو ل بازارێن وان بھێتە فرۆتن، بەلێ بتنێ وەلاتێ ئەمریکا قەدەغەکریە،ژبه‌ركو ژ ئەلیافان چێدکەن و ئەو تۆزا دکەڤیتە سەر مەحفیرا دبێژنیا خرابە بۆ زارۆیان و ھەتا نوکە وەلاتێ ئەمریکا ناھێلیت ریشالۆک ب سەروبنێن مەحفیراڤە بن، ژبه‌ركویێ خرابە و ژماددێ ئاکرۆلیکە، بەلێ ھەر مەحفیرا ئیرانی گرانترەژ مەحفیرێن دی و کارێ ھەرکارگەھەکێ ژی جودایەو گۆت: کارنوکەوەکو سالێن بووری نینه‌،به‌لاڤبووناڤایرۆسێ کۆرۆنایێ و نەدانا مووچەیان کارتێکرنەکا مەزن ل سەر بازارێ مەحفیران ھەبوویە و چو جوداھی دناڤبەرا بھایێ مەحفیران دا نینە، چ ژبازارێوان بھێتە کرین.

شیمال عەبدوللا، خودانێجهه‌كێ فرۆتنا مۆکێت و مەحفیران ل بازاری دھۆکێ دبێژیت: نوکە مەحفیرێن تورکی و ئیرانی دبازاری دا ھەنه‌ و مەحفیرا تورکی گەلەکیاجوانە، بەلێ دەمێ دھێتە شویشتن نەخشێن وێ ژێ دچن و وەکو خوە نامینیت، بەلێ مەحفیرا ئیرانی چەند بھێتە شویشتن جوانتر لێ دھێت، مەحفیرێن ئەسلی و نە ئەسلی دبازاری دا هه‌نه‌ و بکرێن مەحفیران ژی دشارەزانە و دزانن کیشک مەحفیریا ئەسلییە و کیشک نە، مەحفیرا ئیرانیژى گره‌نتییا دەهـ سالان دگەلدایه‌ و گرانترین مەحفیرھەتاپێنجى هزار دۆلاران ژی ھەیە،ژبه‌ركو ژ ئارمیشى چێدکەن و بکرێ وان یێ تایبەتە و ل بازاری ناھێتە فرۆتن ئێکسەر بخوە ژ کارگەھێ داخوازدکەن، بەلێ دبازاری دا مەحفیر ھەتاسێ هزار دۆلاران دھێتە فرۆتن.

ل گۆره‌ى گۆتنا خودانێن جهێن فرۆتنا مه‌خفیران، ئەڤ سالە مەحفیر ژ سالا بوری ئەرزانترن،ژبه‌ركو چەندبهایێ پارێ ئیرانێ داكه‌ڤیت مەحفیر ژی ئەرزان دبن، لێ ئەڤسالە بازارێ فرۆتنا مەحفیران گەلەکیێ لاوازە،ژبه‌ركو مەحفیر نە ژ پێدڤیێن تایبەتە دڤان کاودانان دا.

ژئالییه‌كێ دى ڤه‌ سەباح عەبدوللا، ئابوورناس دبێژیت: ھەرجارەکاكه‌رسته‌كێ بیانی بھێتە دھەرێمێ دا خرابێن خوە ھەنە و چ باشێن خوە نین، سەرمایەکێ مەزن نینەبه‌لێ پاره‌كێمه‌زنیێ ھەیو ئەو پارە ھەموو دئاڤاکرنا شوقان دا دھێتە ب کارئینان و نه‌ بۆ به‌رهه‌مئینانێ دهێته‌ بكارئینان، ھەروەسان تەکنەلۆژیایەکا ب ھێز ژی نینەوان جورە کارگەھان پێ  دانن و کرێکارێن راھێنان پێکری ژی نین، ئەڤ چەندە ژی دزڤریت بۆ حکومەتێ و ھەکە تەکنەلوژیا ھەبا و کارگەھان کارکربا و گەنج دا ل وان کارگەھان کارکەن و داھەڤرکیا بەرھەمێبیانی کەن.

سەباح عەبدوللا گۆت ژى: ھەموو دەمان ل ئیراقێ ب گشتیو ل ھەرێمی بتایبه‌تى ئاریشێن ئابۆری ھەنە و ھەکە ب دوماھی ژی بهێن پشتی دوسالێن دی دوبارە دبنەڤە، ئەڤە ژی ژ ئەگەرێ ھندێیە پاره‌ ھەموو دچیتە ژدەرڤە بێ کو تشتەک بھێتە شوینا وێ و ب مخابنیڤە پاشەرۆژا وەلات و مللەتێ بەرب ئاراستەکا نە دیاردچیت، بۆ نموونە تورکیا گرنگی دا بەرھەمێ ناڤخوه‌ و نوکەیا ھەڤرکیا بەرھەمێ بیانی دکەت.

ناڤبریئاشكرا كر،پێدڤییه‌ حکومەت کۆمپانێن مەزن بینتە ھەرێما کوردستانێ، بەلێ ب مەرجەکی کرێکارێنناڤخوه‌ لێ کاربکەن، دا کو ھزر بۆ وان ژی دچێکرنا مەحفیران دا چێبیت و راھێنان پێ بھێنەکرن،وێ یه‌كێ ژى دو باشیێن خوە ھەنە، ئێک رێژا بێکاریێ دێ کێم بیت و دیسان دێ ھەڤرکیا کەلوپەلێن بیانی ھێتەکرن.